Systemကအချစ်ဆီခေါ်လာပေးတယ် (Systemကအခ်စ္ဆီေခၚလာေပးတယ္ )

Arc 2.5 ~Zhao Yuan~

Unicode

*အဲ့တော့သူတို့သားအမိက ငါ့ကိုခြောက်ချပြီးငါ့လူကိုလည်းဂွင်ဆင်ပြီးအမိဖမ်းမယ်ပေါ့*

[အွန်းးးးးး]

*အရေးထဲသူကမြိုလို့ကောင်းနေတယ် ထားတော့ ငါမေ့နေတဲ့ငယ်ငယ်ကအချိန်တွေရှိနေတာကိုတော့သိပြီ ဘာတွေမေ့ခဲ့လဲသိအောင်လုပ်ရအုံးမယ်*

မနက်စာစားနေရင်းပူးနဲ့စကားပြောတဲ့ယွမ်ယွမ်သူ့ဘေးမှာထိုင်နေတဲ့Leoကိုကြည့်ပြီးပြုံးလိုက်သည်။ Leoကတော့မေ့မနေဘူးလေ သူ့ကိုပြန်မေးလို့ရနေတာပဲ ပူးကိုမေးရင်pointနဲ့လဲနေရအုံးမယ်။ မနက်စာစားပြီးတော့Leoပိုင်တဲ့လက်ဝတ်ရတနာဆိုင်ကိုသွားကာလက်စွပ်ဒီဇိုင်းကိုအပ်လိုက်ကြသည်။ ဒီဇိုင်းကိုLeoကိုယ်တိုင်ဆွဲထားပြီးသူတို့အတွက်Limitedတစ်စုံတည်းသာထုတ်မှာဖြစ်သည်။

အပြန်မှာနေ့လည်စာကိုအပြင်ကစားသောက်ဆိုင်တစ်ခုမှာပဲဝင်စားလိုက်ပြီး ပန်းခြံကိုလိုက်ပို့ခိုင်းလိုက်သည်။ အိမ်မှာဆိုမေးလို့အဆင်မပြေနိုင်တာကြောင့်ပန်းခြံကိုတမင်ခေါ်လာလိုက်တာဖြစ်သည်။

"ကိုယ့်ကိုပန်းခြံခေါ်လာခိုင်းတာဘာလို့လဲbaby"

"ကျွန်တော်မေးစရာရှိလို့"

"အင်းမေးစေဗျာ"

"ကျွန်တော်တို့ငယ်ငယ်ကတွေ့ဖူးကြလား"

"အင်း ငယ်ငယ်ကအလယ်တန်းကျောင်းသားလောက်ကကိုယ်နဲ့ဆုံဖူးခဲ့တယ် အဲ့ဒီနေ့ကကိုယ်စကိတ်စီးလာရင်းကျောင်းဝင်းထဲကထွက်လာတဲ့babyကိုဝင်တိုက်မိခဲ့တာ"

"ပြီးတော့ရော"

"အင်း..."

အဲ့ဒီ့နေ့ကယွမ်ယွမ်ကိုစကိတ်နဲ့ဝင်တိုက်မိတော့ ယွမ်ယွမ်ရဲ့ခြေချင်းဝတ်ခေါက်ကာလဲကျသွားတာကြောင့် Leoကဆေးခန်းလိုက်ပို့ပေးကာအိမ်ကိုပြန်လိုက်ပို့ပေးခဲ့တာဖြစ်သည်။ နောက်ရက်ကစပြီးLeoကယွမ်ယွမ်ကိုကျောင်းဆင်းချိန်တိုင်းသွားတွေ့ကာသူတို့ရင်းနှီးလာခဲ့ကြသည်။ အဲ့ဒီ့နေ့မတိုင်ခင်အထိပေါ့ အဲ့ဒီနေ့ကLeoကိုကားတိုက်မိမလိုဖြစ်ခဲ့သည်။ ကျောက်ယွင်ကလဲအနားမှာရှိနေခဲ့သည်။ ကျောက်ယွင်နဲ့လဲတွေ့နေကြမို့ခင်မင်မှုတစ်ခုတော့ရှိနေကြသည်။ အဲ့ဒီ့နေ့ကယွမ်ယွမ်ကLeoကိုတွန်းထုတ်ကာသူကအစားခံခဲ့သည်။ Leoကလဲယွမ်ယွမ်တွန်းလိုက်တာကြောင့်ဘေးကအပင်နဲ့တိုက်မိကာမူးမေ့သွားခဲ့တာဖြစ်သည်။ ယွမ်ယွမ်ကခေါင်းကိုထိကာအဲ့ဒီ့နေ့မတိုင်ခင်ကအဖြစ်အပျက်များကိုမေ့သွားခဲ့သည်။ Leoကအဲ့ဒီနေ့အပြီးမှာပညာသင်ထွက်သွားရတာကြောင့်သူပြန်ရောက်ချိန်မှာကျောက်ယွင်ကLeoကိုကယ်ခဲ့တာသူပါလို့ပြောပြီးLeoအချစ်ကိုလိမ်ယူတာဖြစ်သည်။