Systemကအချစ်ဆီခေါ်လာပေးတယ် (Systemကအခ်စ္ဆီေခၚလာေပးတယ္ )

Arc 2.7 ~Zhao Yuan~

Unicode

မင်္ဂလာဦးပြီး ယွမ်ယွမ်လမ်းမလျှောက်နိုင်တော့တာကြောင့် Dinnerကိုသုံးရက်ရွေ့လိုက်ရတာဖြစ်လို့ဒီနေ့မှ ကျင်းပနိုင်တော့သည်။ Wedding မဟုတ်ပေမဲ့မိတ်များတာကြောင့်Dinnerကလည်းWeddingလိုစည်းကားနေတော့သည်။ Leoနဲ့ယွမ်ယွမ်အသိမိတ်ဆွေတွေကို လိုက်လံဧည့်ခံနေစဥ် Leoအသိမိတ်ဆွေတစ်ချို့ရောက်လာတာကြောင့်Leoကသွားနှုတ်ဆက်နေချိန် ယွမ်ယွမ်အနားသို့အမျိုးသမီးတစ်ဦးရောက်လာကာ ဝိုင်ခွက်ကိုကမ်းပေးလာသည်။ မျက်နှာကိုပုဝါပါးဖြင့်အုပ်ထားတာကြောင့်ခန့်မှန်းရခက်နိုင်ပေမဲ့ ယွမ်ယွမ်ကတော့ထိုအမျိုးသမီးကကျောက်ယွင်ဆိုတာကောင်းကောင်းကြီးမှတ်မိနေသည်။

"ငါမှတ်မိနေတာနှမြောစရာပဲရုပ်ဖျက်ရတာမတန်တော့ဘူးထင်တယ်"

"ဘယ်ဟုတ်ပါ့မလဲ နင်မှတ်မိတာမမှတ်မိတာကငါ့အစီစဥ်ထဲမှာကိုမပါတာ"

ပြောပြီးသည်နှင့် ကျောက်ယွင်ကသူ့အင်္ကျီထဲမှာဝှက်ယူလာသည့်ဓားမြှောင်ကိုထုတ်ကာ ယွမ်ယွမ်ကိုထိုးဖို့လုပ်တာကြောင့်အမြန်ရှောင်လိုက်ချိန် Leoကအနားကိုရောက်လာကာ ယွမ်ယွမ်ကိုသူ့အနောက်ပို့ပြီး ကျောက်ယွင်လက်ထဲကိုခြေထောက်ဖြင့်ကန်လိုက်တာကြောင့်ဓားကလွှင့်စင်သွားချိန် ကျောက်ယွင်ရဲ့လည်ပင်းကိုအားသုံးကာညစ်တော့သည်။

"အစ်...လွှတ်"

"ငါဒီအချိန်ကိုစောင့်နေတာကြာပြီကျောက်ယွင် မင်းရဲ့နေ့စေ့ပြီ"

'ကျွတ်' ဆိုတဲ့အသံနဲ့အတူ ကျောက်ယွင်ရဲ့ဇာတ်ကကျိုးသွားကာအသက်မဲ့သွားတော့သည်။ ထိုအချိန်မှာပဲဘယ်ကမှန်းမသိတဲ့သူတွေပေါ်လာကာ Leoဘက်ကလူတွေနဲ့ရုန်းရင်းဆန်ခတ်ဖြစ်ကာ ထိုးကြိတ်ကြတော့သည်။

[Host အဲ့ဒါကကျောက်ယွင်ခေါ်လာတဲ့သူတွေလေ သူကမြေအောက်ဂိုဏ်းကဘိုးတော်ကိုမြူစွယ်ပြီးအကူညီတွေခေါ်လာတာ]

*ဒါဆိုကိုကိုကအမှောင်ဘက်ခြမ်းမှာရောစီးပွားရေးရှိနေတာလား*

[မရှိဘူးHost Leoတို့ကဆွေစဥ်မျိုးဆင်အလင်းဘက်မှာပဲနေပြီးဘိုးဘေးတွေလက်ထက်ကတည်းကချမ်းသာလာကြတော့ သူတို့ကိုကာကွယ်ဖို့သက်တော်စောင့်တွေပဲထားဖြစ်တာ]