Unicode
နိုးထလာတဲ့မနက်ခင်းက စိတ်ချမ်းမြေ့ဖွယ်အပြည့်ဖြစ်နေသော်လည်း အပြည့်အဝတော့မပျော်နိုင်ခဲ့။ အကြောင်းကတော့ လက်ထက်ခွင့်တောင်းပြီးမင်္ဂလာအရင်ဦးလိုက်တဲ့သူရဲ့ချစ်ရသူကြောင့်ပါပဲ။ ချစ်ဖို့ကောင်းအောင်၊အသည်းယားအောင်လုပ်တဲ့ပြစ်ချက်နဲ့ ချည်နှောင်ခံလိုက်ရတာဖြစ်သည်။ ရှောင်ကျန့်သူ့ဘေးမှာမှောက်လျက်အိပ်မောကျနေသောရိပေါ်အား အမြင်ကပ်ကပ်နှင့်ဆောင့်ကန်ချလိုက်သည်။
'ဝုန်း'
"အ့! အချစ် ဘာဖြစ်လို့လဲ"
"အမြင်ကပ်လို့လေ ဖြေးဖြေးလုပ်ပါဆိုပြောမရဘူးအခုတော့ခါးနာနေပြီ"
"ဟာ ဒါဆိုဘာလို့ကိုယ့်ကိုကန်တာလဲခါးပိုနာသွားလား လာလာကိုယ်ချီမယ်နော်"
ပြောလည်းပြောရှောင်ကျန့်ကိုလဲပွေ့ချီပြီး ရေချိုးခန်းထဲခေါ်သွားကာသူကိုယ်တိုင်ရေချိုးသန့်စင်ပေးသည်။ မနက်အစောမှာရေချိုးလိုက်ရတာကြောင့်လူကလန်းလန်းဆန်းဆန်းနှင့်ကိုက်ခဲနေသည့်နေရာများလဲအနည်းငယ်သက်သာလာသည်။ ရေချိုးပေးပြီးတာနဲ့ဆေးသေချာလိမ်းပေးပြန်သည်။ ပြီးမှအဝတ်စားဝတ်ပေးကာအိမ်အောက်ထပ်အထိချီလာပြန်သည်။
"ဗလတောင့်ကြောင်းကြွားနေတာလား"
"ဘာလို့လဲ"
"လူကိုတစ်ချိန်လုံးချီနေလို့လေ"
"အချစ်နာနေတယ်မဟုတ်ဘူးလား"
ခါးအောက်ပိုင်းကိုမျက်စပစ်ပြကာပြောလာသည့်သူကြောင့်ရှောင်ကျန့်ပါးပြင်နှစ်ဖက်နီစွေးလို့သွားသည်။ ဒါသူရှက်မှန်းသိလို့တမင်ကိုစနေတာ အမြင်ကပ်ဖို့ကောင်းလိုက်လေခြင်း။ ရင်ဘတ်ကိုလက်သီးဆုပ်ဖြင့်နှစ်ချက်လောက်ထုလိုက်တော့ သဘောတကျရယ်သံထွက်ပေါ်လာသည်။
"ဟုတ်ပါပြီ ကိုယ်မစတော့ဘူး နေ့လည်လောက်ကြကိုယ့်လူတွေလုပိုင်ရွယ်ရဲ့ကျန်တဲ့အချက်အလက်တွေလာပို့ပေးလိမ့်မယ် လိုတာရှိရင်ကိုယ့်ကိုအကြောင်းကြားလိုက်"
"အင်း"
မနက်စာစားပြီးတာနဲ့ ရိပေါ်ကအလုပ်ကိစ္စချိန်းဆိုထားသည့်နေရာသို့ထွက်သွားသည်။ ရှောင်ကျန့်တစ်မနက်ခင်းလုံးအစီအစဥ်ဆွဲကာ ပိုင်ရွယ်အားဖော်ထုတ်ဖို့ကြံစည်နေသည်။ နေ့လည်ရောက်တော့ရိပေါ်ပြောထားသည့်အတိုင်းအချက်အလက်များကိုရှောင်ကျန့်လက်ခံရရှိခဲ့သည်။
YOU ARE READING
Systemကအချစ်ဆီခေါ်လာပေးတယ် (Systemကအခ်စ္ဆီေခၚလာေပးတယ္ )
FanfictionUnicode + Zawgyi Start Date= 28.9.2023 End Date= 4.3.2024
