صلوا على سيدنا محمد عليه افضل الصلاه والسلام
.................
البارت الثالث
الساحه كلها بحتت وين ما هزار مصبيه وهي رفعت حاجبها مش اول مره يكلموها بس مزلنا في بداية السنه وهي مدارتش ولا مشكله لتوا عليش يكلموا فيها
خشت لمبنى المدرسه وليان وايتاء وزيد ومنيب وتيم كلهم خشو وراها
المدير (عادل) لف عليها الكمبيوتر يوري فيها الكاميرا مصورتها تخش لغرفه المدرسين
هزار شافت الفيد كامل ومفهمتش شن المغزى من انهم يوروها انها خشت لملتقى الملل ع قولتها
هزت راسها باستفهام
عادل:ليش خشيتي للغرفه وشن خذيتي
هزار:اولا احترم نفسك شن قالولك عليا سراقه تسألني شن خذيت ثانياً مكنتش نساحب خشت الغرفه الي فيها استاذيتي الي نبي نسألهم لو عندي استفسار ع المنهج ممنوع
عادل:تمام هذي شنطتك صح
وحط شنطتها ع طاولة مكتبه
عقدت بين حواجبها:اها عليش شنطتي عندك ي استاذ
عادل :تمام مد يده وطلع ملف اوراق
عقدت بين حواجبها زياده :مفهمتش عليش خاط الملف هذا في شنطتي
عادل؛انا حاطه متتحشميش ع وجهك سارقه نموذج الامتحانات
هزار:نعم نعم! من الي سارق احترم نفسك
عادل:الملف شن يدير في شنطتك باهي
هزار:مش عارفه مليش علاقه بيه ومنعرفش كيف وصل لشنطتي
عادل:تبيني نصدق وانا شايفك والكل شايفك خاشه لدار المعلمين
هزار:مدام الكاميرا عندك شوفني وانا طالعه بلاه الملف انا ح نكلم بابا ع وقاحتك واتهامك ليا هذا
عادل:انا كلمته باتك شي طبيعي واكيد قريب يوصل لان نبو توضيح لتصرف بنته الغير لائق
قعدت تبحت في عيونه بتحدي وهزوه
ربع ساعه وجا باتها وبعد حقوه الي برا جا هنا تأكدو ان هزار طايحه في مصيبه مش مشكله بسيطه رن الجرس وجو الاشراف يدخلوا فيهم لكلاسهم بس ما حد عدا غير منيب وتيم والبنات وزيد قعدو
عمر:بنتي مديرش شي كيف هكي
عادل:فسر الي شفته باهي
عمر:الي شفته مش دليل كافي ع انه بنتي سرقت خشت للغرفه واكيد في قبلها وبعدها واجدين خشو ليش جيت عليها بذات
عادل:بنتك عندها سوابق في الغش
عمر فنص في بنته :حتى لو كان ملكش الحق في انك تتبلى عليها بالسرقه
هزار:بابا انا والله ما درتها مكنتش نسحاب في نماذج للامتحانات اصلا
عادل:على فكره دكتور عمر بس مفش حد خش او طلع اليومين الي فاتو للغرفه غير بنتك غير انها طلعة بشنطه وحده من الاستاذات
هزار:طلعت معاها كانت معايا وكنت ماسكه شنطتها هذا حدها
عادل:انا ح نفصل بنتك اسبوع وح تجي السبت لحجز من الساعه سبعه للعشره
ومد شنطة بنته له وعطاه ورقه الفصل والحجز
اما هزار تسحابوها تبي تسكت لا ابدا
هزار:على بوك وبو مدرستك الجربه واللهي ماني مكمله فيها باقي السنه ي مدير العازه تي احمد ربك الي قبلنا نقرو في مدرستك الي كيف وجك لا نشاطات ولا شهادات ولا اي شي مدرسه ع الفاضي وعـ....
سكتت لان باتها كر يدها وطلع بيها يجري بعد الكارثه الي دارتها
أنت تقرأ
شعـور | Feeling
Roman d'amour- نحن نحب بصدق مرة واحدة فقط ، ثم نمضي باحثين عن شعور مشابه. ____________________ زيد:انتي الي اخترتي هزار:زيد.. حكت والدموع في عيونها ..انا مكانش قصدي زيد:كان ولا ما كان كل شي كان واضح من البدايه انا فكرت غلط او يعني انا حسيت غلط... ____________...
