صلوا على سيدنا محمد
..........................
البارت الثامن
وكملت جدتها تشكي من كنتها الايطاليه زمان وهزار تحاول تتخطى الصدمه.....
عدا بدون ما يقوللها
مرو اسبوعين والامتحانات الحزئيه بدو وهزار مش قادره توصل في غيث بكل كل ما تحاول ترن تحكي معاه تلقاه مسكر نت ودزله ميردش ومقدرش كويس لامتحاناتها بس اختها غششتها وساعدتها اكيد
ايتاء:هزار صبي هيا لعند امتى تبي تغيبي
هزار راقده بصوت مبحوح:اطلعي يا ايتاء قوليلهم مريضه ما صدقت الامتحانات كملوا
ايتاء:عليش هذا كله وهو ما يندري عليك بكل
هزار حولت المخده:ايتاء اطلعي
ايتاء؛استغفر الله وطلعت
ردت هزار رقدت موعتش الا الحداش مسكت تلفونها رنت عليه كالعاده عارفته مش ح يرد بس تبي تجرب
بس الصدمه رد المره هذي
هزار بلهفه:غيث
:yeah Chi è questo? (اجل من هذا؟)
هزار انطفت فرحتها بعد سمعت صوت بنت
هزار:hello is gaith there?
: Non parlo inglese, scusa (لا اتحدث الانقليزيه عذرا)
هزار مفهمتش عليها سكرت ودموعها نزلوا كل الافكار الي مكانتش تبي تجيبلهن لراسها جو بالغصب عليها
من هذي وعليش ردت هي بداله وينه ومن تكون وشن جيبها له وعرم اساله كلهن يودن لنفس المعنى وكلهن جوابهن مش ح يرضيها وح يبكيها وبس ردت هزار رقدت بعد داخت من كثر البكى
...............
اسبوع ثاني مر وهزار وكانها جسد بلا روح تعدي للمدرسه اها بس راقده مش قاعده الكل فطن لحالتها بس يسحابوها مريضه بس هما متعودين عليها حتى لو مريضه تجيهم لابسه وديره ميكب وعطر بس الايام هذين وياريتهن ايام بتسكر شهر ع حالتها هذي هي ايتاء وليان وزيد بس الي كانو عارفين المتسبب في حالتها هذي
كانت هزار راقده الساعه سته بعد بكت لعند داخت لما روحت من المدرسه خشت ايتاء بسرعه عليها توعي فيها
ايتاء:هزار هزار نوضي ي بنت بسرعه
فتحت هزار عيونها ومعندهش نيه في شي وتبي تسمعها وترد ترقد
ايتاء:ماما قالت البسو ماشيين لجديده غيث روح
صبت هزار بسرعه مش مصدقه دموعها نزلوا صبت بسرعه لبست احلى لبسه عندها ودارت ميكب خفيف بس حلو ويخت عطرها وسقمت شعرها وطلعت ولا كانها كانت تبكي قبل ساعتين
اول ما خشو عيونها قعدو يديورو عليه ملقاتش سيبتهن وركبت لدار منصف وفعلا لقاته فوق كان فاتح شنطه سفر ع السرير يدور فيها على حاجه خشت ومفطنلهش غيث الا لما سكرت الباب وراها
غيث رفع راسه شافها متكيه ع الباب بظهرها وتبحت فيه عيونها يلمعوا ورد نزل راسه لشنطته
هزار نزلوا دموعها الي كانت تقاوم فيهم بعد شافت ردة فعله قربت خطوتين بس مقدرتش تقرب منه اكثر
هزار:غيث..قالت صوته بغصه واضح انها تبكي
صبا غيث من الشنطه الي كان مطبس عليها وتنهد وبحت فيها بدون اي تعابير
هزار كانت تسحاب انه زعل من اخر موقف بينهم بعد صداته وكانت تحبه اول مره تحب وتحكي مع حد وتعيش معاه الي عاشاته ف كانت تبي ديرله اي شي علشان يرد معاها كيف قبل
غيث مقدرش يقاوم شكلها كانت حلوه رموشها مبلولين من الدموع وخدودها حمر وكذلك مبلولين من دموعها وشايفها منفوخين حتى لو مبكتش واضح عليها باكيه لعند خلاص مد يده كرها لحضنه وهي اطلقت العنان لدموعها عاد بكت بصوت في حضنه وهو يمشي في يده ع شعرها والثانيه لافها حولين خصرها مقربها منه
غيث:خلاص عليش هذا كله
هزار:نسحابك معش بتروح انا اسفه مكانش قصدي انا والله ..غيث انا نحبك معش دير فيها هكي
غيث بعدها من عليه شويه ومسح دموعها
غيث:اشش اهدي توا عليش هذا كله اش بطلي بكا
هزار سكتت وقعدت تمسح في دموعها
غيث ابتسم :رايفتيلي
هزار:ميتبصرش فيه الموضوع هذا غيث معش ديرها مشفتش انت انا شن عشت وانت مش قاعد اختفيت فجاءه بدون ما تقولي معقوله دير فيا هكي وردت تبكي
غيث :اشش اش خلاص ومسح دموعها وقرب باسها وهي خلاته
غيث:انا اسف كنت معصب لما عديت كنت بنقولك بس انتي
هزار:انا اسفه كنت مضايقه مش عارفه ليش انا اسفه والله غيث اا...
غيث حط يده ع فمها:تي اشش خلاص وضحك وهي ضحكت وسط دموعها وبعدت يده من فمها وضبطاته مره ثانيه هي
ولف غيث ايديه الاثنين ع خصرها ورفعها لطوله
هزار بعدت ونزلها هو على الارض وكانت مبتسمه باس غمازتها :عدي انزلي شويه ونازل انا
هزار:بنهدرز معاك لك شهر مختفي
غيث:حاضر توا نهدرزو لعند نشبعو وانا شاك اني حنشبع منك الصراحه بس انزلي يسرعه قبل نرتكب فيك جريمه بشكلك هذ
هزار ضحكت وفرحت بعد رد يبصر بقلة ادب هكي عرفت انه رد نزلت تجري وقعمزت جنب ايتاء وشافت ايتاء كيف جوها انقلب 360 درجه بعد شافاته
أنت تقرأ
شعـور | Feeling
Romansa- نحن نحب بصدق مرة واحدة فقط ، ثم نمضي باحثين عن شعور مشابه. ____________________ زيد:انتي الي اخترتي هزار:زيد.. حكت والدموع في عيونها ..انا مكانش قصدي زيد:كان ولا ما كان كل شي كان واضح من البدايه انا فكرت غلط او يعني انا حسيت غلط... ____________...
