لم يكن مجرد فَخ
كانَ وهماً غَرقنا به داخل عُقولنا..🖤
وان تحققت
نبدء..
فلك: وماحس غير ايد خشنه وبارده تلمس ايدي وتلزمها بقوه وجانت سوده وكلها تقرحات يابسه صرخت بكل قوه ييييمه لحكيلي بببباببببا
ابو علي: بسم الله الرحمن الرحيم بنيتي شبيج
فلك: جددو بيبي والله ايد لزمت ايدي جانت ايدد سوده وجبيره والله مادجذب شفتها وحتى حسيت بيها
ام علي: لا يمه تتوهمين يابعد روحي تعاي وياي غسلي وجهج ورتاحي ونامي اليوم يمنا
فلك: والله شفتها مااتوهم وحتى حسيت بيها
ابو علي: يمكن جنتي صافنه بالمقبره وخفتي وتوهمتي يابنتي
فلك: سكتت عنهم لان ماراح يصدكوني بس اني متاكده شفتها وحسيت بيها بيبي نيمتني يمها وجدو طلع ماعرف وين شوي واجه وكال طلعت ماكو شي
قرب مني وصار يقرا عل راسي لحد ماغفيت
فارس: ادم لاتزعل مني بس جان لازم تسمع منهم مو هيج اسوي وابوك مريض وانت تعرف زين شكد يحبكم ويخاف عليكم وانت بهاي تصرفاتك تاذي اكثر واكثر وتخوفه عليك
ادم: فارس اكثر انسانه احبها ماتت ومادري عنها وكل ماكللهم وينها يكلولي شي وبالاخير يكولون زارت بيت الله الحرام وطلع جذب امي ماتت من شهر ومادري عنها شي
فارس: زين ياخويه اسمع منهم وافهم ليش ماكلولك مايصير تحكم بدون ماتفهم وتسمع
ادم: اذا ثكيل عليك كول اروح اجر غرفه وانخمد
فارس: انجب بويه نام ورتاح وكتلك عيوني الك انت اخوي الماجابته امي
ادم: تسلملي حبيبي انت رحت بغرفه وبقيت افكر بلي صار شنو يلي منعهم يكلولي وامي شنو يلي صار وياها
وبين افكاري اجت هل بنت ابالي شنو جابها هناك وشلون الها كلب تعيش بهيج مكانات اضيق النفس
معقوله اتوهمت وتطلع جن لا اعوذ بالله
هزيت راسي لخاطر ابطل افكر ترحمتلها وقريتلها الفاتحه ومسحت دموعي غمضت عيني وحاولت انام لحد مانمت
ايلاف: رجعنا للبيت من بعد ما عمو حجالنا كلشي علمود ادم وشلون معصب ومقهور منهم اني اعرف ادم حيل عصبي بس حيل كلبه طيب والصراحه هو اكثر واحد اخاف منه اكثر حتى من خطيبي المعزوم
اما ياسين كل دقيقه يسوي شي يزعجني بي لو نضراته الي يلي مافهمها منا يجرحني بكلامه وتصرفاته ومنا نضراته التايهه بيه
