- كأنها تعودت على أن تخفي ما بها حتى نسيت كيف تُعبر عن نفسها كأن الكلام بداخلها عجز عن الكلام..
وان تحققت..
نبدء..
فلك: وهنا المح رجالين قريبين من قبر ام ادم بالاول خفت بس بعدين قربت منهم شوي واذا بأ ادم يجي بسياره
الولد الشاب ساعد الرجال الجبير يكوم عن الكاع وسحبه بجهه الثانيه
كل يلي صار بثواني ومحد انتبهه عليه لان جنت خارج شوي عن المقبره وهمه بداخلها والضلام بده يسود المقبره اكثر واكثر
طبك سيارته ونزل وهنا انتبهه عليه واكفه اجه بتجاهي بسرعه وبلهفه هيج حسيته من كلامه ونضراته الي
ادم: فلك رجعتي الحمدلله حيل فرحت بجيتج بس ليش واكفه هنا مو كتللج بعد لاطلعين بهييج وقت ليش ماسمعين الكلام
فلك:عرفت اهله من الصوره كتله
ادم اهلك هنا هسه شفتهم
ادم: شدتحجين اهلي وينهم
وبلهفه
صرت ادور عليهم بعيوني وهنا صدك اشوف ياسين اجه بتجاهي وهو وابوي بقيت بصدمه واني اشوفهم كدامي شكد مشتاكلهم وجنت محتاج اشوفهم
ابو ياسين: انت ماجيتني بس اني اجيتك وليدي
ادم: مشتاكلك يابه
فلك: شفت ادم ذب روحه بحضنه وحضنه وابو صار يبجي وياه
بعدت عنهم لان هاي لحضات عائليه معليه بيهم الله يريح كلوبهم ويجمع شملهم بقيت بعيده عنهم بس اكدر اشوفهم من بعيد
ابو ياسين: ولك شلون طاوعك كلبك وتفاركني كل هل ايام وماتسال وتكول ابوي مريض وشلون راح يكدر عل فراكي شلون كدرت تفارك اخوتك
ادم: مقهوور ومعصبب منكم يلي صار مو سهل بويه مو سهل فراكها وفراكم مثل شرب السم بالنسبه الي
لاني يلي مييت ومرتاح ولا اني العايش براحه
تايه ومقهور لدرجه احس روحي ميته
ياسين: حبيبي ادم كل يلي صار مو بدينا صدكني انت لو بس سامعنا ماصار يلي صار
ابو ياسين: تعال ويانا وليدي واسمعنا ومن بعدها شنو يلي تريده اسوي ماراح نمنعك ولا نزعل منك يلا بعد ابوك لخاطري تعال
ياسين: ادم احنه جيناك هنا لان نعرف ماراح تقبل اشوفنا لا بيت فارس ولا بمكان شغلك لهذا اجينا بدون ماتعرف او اشوفنا حتى نكدر انشوفك ونحجي وياك
ادم: ماعرف شنو احجي واكول اعرف اني اكبر غلطان ومسرع واحد عاق ولي تكولوا صح بس تفهموني ماكدر افاركها احس تعلكت روحي هنا اريد اعوض ايام فراكها
