الطيبون لا يلتقون صدفة، بل تجمعهم نواياهم."
وان تحققت
نبدء...
ايلاف: وبس طلعنا باب الغرفه
صرخت بوجع وطحت بالكاع
ياسين: ايلافتي شبيج يحيلي كومي استندي عليه
ايلاف: رجلليه انتعست من الكعب كلله من وراك جنت اريد اصير بطولك جننك عامود اخخخ يابوويه
ياسين: هم اني السبب المهم رجليج دتأذيج هواي
ايلاف: لا مو حيل اكدر امشي اسمع عمو وفواز الخبل ديصيحولنا
ابو ياسين: ياساترر يارب ولكم بويه شبيكم ياسين شبيها بنيتي
فواز: منووو طاح وتكسر خل يأجل الطيحه ومن اخطب يلي يريد يطيح خل يطيح ويتكسر ماعدنه مانع
ادم: خايب ماتنجب يجوز البنت ماتوافق ياسين شبيها ايلاف
ايلاف: مابيه شي تعسه خفيفه وانت الخفيف اثكل شوي واشكرك عل خوفك عليه اخوي الغالي ماتقصر
فواز: العفوا اختي الغاليه وهسه مادام انج سالمه غانمه خل نروح ابوي الغالي انطيني ايدك حتى نطلع اني وياك وهذولي البلابل يغردون سوه معلينا بيهم
وانت ادومي اطلع ويه سفير اتحملوا بعض لحد ماتلكوني ياهي التلفيكم
وله اكلك اطلعوا ويه الشيخ اخاف يشرد شي اريد اخطب اليوم قافل انه
ادم: شلون بي دفره اوصله يم باب العروس خايب هو خطوتين بيتهم
ياسين: اني لحد هسه متعجب شعجب فواز ماراح وشافها او راح يراقب بيتها
ايلاف: قربت منه وكتله قابل اخوه ياسين يصعد بتالي الليل لغرفه بنيه ويتغزل بيها ويعاركها
ياسين: وهاي البنيه مرتي وحبيبتي وحيدتي وبكيفي
فواز: كافففي ترره تعبتوني امشي بويه خل نروح نخطب وعوفهم يلغون ماريد اتاخر اكثر
ادم: امداك وامده مرتك
ايلاف: رغم البيت جان قريب بس صعدنا السيارات عبالي بس احنه بس جانت اكثر من سياره وحتى ابوي وامي ويانا و اجوي وكم شخص كرايبنا
تقريبا نص ساعه اقل وصلنا ونزلنا واباوع عل عمو وادم يحجون ويه فواز وهو بس يهز براسه ومسوي نفسه جدي وثكيل
ياسين: اني متاكد راح يستخف بس ندعي ونكول يمشي مثل مايكول ومايستخف ويثكل
ايلاف: ان شاء الله دخلنا للبيت وبعد ماستقبلونا سلام وكلام كعدت بصف امي وخالتي وحده من كرايبنا من بعيد
وامها جانت حاضره وسمر هل بنوته الحلوه اول ماشافتني بوستني وحضنتني كأنوا تعرفني من سنين وسلمت عل كل وتشاقه وتضحك
