حلقه 3
مالك:وأني ناكل مع الشباب و جوي مليح شرين تاليفوني طلعت نتكلم برا ف الجنان سمعت صوت ف دار الخارجية مدورتش قلت أكيد عويلة عزيز المهم بعد ما كملت المكالمه جاي بنولي نسمع طيحة قوية تبو الحق خفت قلت بالك أم عزيز طاحت ولا صارتلها حاجة على الأقل نمشي نساعدها المهم قعدت نقدم بخطوات مترددة لين وصلت خشيت و نشوووف😱😱
لا ياربي مستحيل إلي نشوف فيه شفت بنت لابسة سروال أسود واسع و فوق تشرت أسود و مدايرة شعرها ربطة ديل حصان و شعرها نازل لآخر خصرها وهيا كل ما تقيم إديها ينقام التيشرت و تبان بطنها آخ ياربي محلاها بيضه وأني نموت في البنت إلي بشرتها بيضه و صافيه آآآخ🤤🤤مالا ملامحها ملامح طفله محلاها قعدت واقف نشبحلها وبس معرفتش شني إندير إنسيت روحي علاش واقف أصلاً
ألاء:بعد ما طلع نذير وجابلي الحاجات تفكرت إني ضامة علبتين قشطة و حكتين نستلة ف دار الخزين( طبعاً مكيفة) و نذير جابلي نوتيلا نضت نبي إنجيبهم جي خاطري في بسبوسة جالكسي كان في هلبا حجات قدامهم قعدت نحاول و نحاول لين الدنيا كلها طاحت و مستسلمتش قعد نحاول مرة تانية درت جميع الطرق حتى من الأفكار الغبية درتها😂المهم في الأخير وصلتلهم بعد ما خديتهم قعدت نغني و نرقص (لي قال علينا طحنا لي قال في العالي رانة مزال لا ما توصل فينا و سنين طوال تبي هلبا سنين طوال باش توصل لنفس الحال لي تجبد فينا...)وقعدت نرقص بعتالي قلت خلي نصور ونبعت ستريكات طلعت تليفوني وأني كيف بديت في الوهم متعي جو عندي متابعين زعميتك المهم و أني نصور نشوف ولد تي مش ولد طرف نار جلطه🤤😍😍 قعدت واقفة زي المسبوها قدامي راجل مرسوم بريشة فنان طول و العرض و اللحية المرسومه وخفيفة و عيونه رصاصيات و شعرة إلي موج ولونة أسود و العضلات واااك و السمورية زايداتة حلاوه😍تعرفو لو نقعد لاغدوة وأني نوصف ميكفيش المهم.......
مالك: لما بدت ترقص أني خلاص دبت حي على حركات إديها و خصرها خلاص طحت برسمي منقدرش أنقولك مشبحتهاش كيف ترقص و كيف تغني وحركات إديها و تمييلت رأسها إدير فيهم بدلع و منقولكش مفصلتهاش تفصيل بعيوني و ركزت على هلبا حاجات إلقيتهم فيها هيا وبس و تشبه ملاك ف شوية حاجات المهم مريتش بنت زيها معأن أول مره إنشوفها و منقولكش مركزتش على شعرها لأنه أني ولد فطبيعي جدا أني نشوف و مدقق معأنه والله نكره البنات شبح بعد ما بدت تصور شدت تليفونها و جت الكاميرا عليا لأنه أني فم الباب واقف قعدت نشوفلها جت عيني في عينها و مقدرتش إنزلها تقولي أول بنت نشوفها بجديات معأنها بنت عديه بسيطة أبسط من البساطه نفسها الصراحه أني متوقعتش روحي ننعجب ببنت هكي أو بالأحرى إنطيح على وجهي كنت نقول نبيها عيونها زرق و كبار و شعرها أصفر و طويلة و جسمها متوسط و خشمها واقف و شعرها لين تقعمز عليه ولونه دهبي نعجبت بيها عكس هدا كلة (بيضه ووجها مدور عيونها قهويات داكنات و متوسطات مش صغار و مش كبار خشمها واقف شوية مش هلبا وصغير و فمها صغير و متوسطة في الطول و مش سمينه جسمها متوسط و مش ضعيفه و شعرها زي ما قلت لنهاية خصرها و لونه بني داكن😍😍😍🤤🤤😚😚) المهم جت عيني في عينها غمزتلها لا إراديا
ألاء بعد ما غمزلي فقت من سرحاني في جماله تلفتت:أااااا
مالك:اااا أهلين
ألاء مشيت نجري لقيت طرف لونة ابيض أمي حاطاته فوق الطاولة خداته وغطت شعرها و نزلت عيونها لوطه :اااا ات ات اتفضل
مالك: أسف مش قصدي سمعت خبطة قوية جيت بنشوف
ألاء:اها تمام مش مشكلة
مالك:آه كويس ما تبيش مساعدة
ألاء:لا شكراً لو نبي مساعده تو نادي على نذير
مالك:مهناش نذير
ألاء:عادي لما إيروح ولا تو إنادي على مؤيد
مالك: حتى مؤيد مهناش غر بالك تبيني نعاونك
ألاء:لا شكراً متعبش روحك تو إجي واحد من الشباب إعاوني
مالك:ما فيهاش تعب لو تبي عادي نساعدك مافيش أي مشكله(أفهمي ياهم نبي نساعدك)
ألاء شفت للبضاعة إلي طايحه و ضحكت😄:لا عادي لما إروح خلاص إنقولة ضم الحوسة ولا نقولك نادي على أيهم إمبكري فزته في التحدي وقعدت إنفكر بشني نعاقبه أهو جت لعندي
مالك معش حبيت نضغط عليها أكتر واضح عليها مرتبكه و خاشه ف بعضها حاولت إنحي التوتر إلي صايرلها وقتلها:أنتي يا شيطانة
ألاء:الله غالب بعتالي مش شطانة وقامت حاجبها
مالك الصراحه حتى قيمت حاجبها حلوه قلت وأني نضحك:تمام متعرفناش أني مالك صاحب عزيز وانتي
ألاء:سكتت
مالك:ألو نكلم فيك؟
ألاء: بعد ما أدركت الموقف البايخ كيف واقفه معاه قلت بخوف:أطلع قبل ما يشوفك حد من خوتي ولا صغار عمي والله لو شافوك و شافوني إلا مايقتلوني بيفهمو غلط طول
مالك:أه آسف تمام هي باي وطلعت و كان خاطري نعرفها مني بجديات عجبتني هلبا و ممكن الإعجاب يتحول لحب تي شن تخرف يا ولد تعودت من الشطان ووليت للولاد قعمزت معاهم وأني عقلي فيها منعرفش علاش نتمنى نلقى روحي معاها تأخر الوقت نضت أني ورغيد بنرقدو في السيارة مانبوش إنضيقو حد لاكن عزيز يعرف بوي لازنا و أحني مش حنولوله لين يشعف و يعرف قيمتنا فقال بتقعدو معاي لين يتصلح الوضع وأني فرحت منعرفش علاش و نسيت إنقوللكم البنت إلي خاش بيها بوي في المستشفى مش أختي بنت عمي بوها وأمها متوفيين عايشا معانا وأني ورغيد نكرهوهاا
