حلقه 4
بعد ما كملو رغد وألاء هدرزتهم طلعو يضمو في وسط الحوش لأنه نادره إمدايرة عزومه للنساوين و الرجاله لأنه كل شهر تلمهم في يوم و العزومه إمدايرتها يوم الخميس و اليوم أحد مزال عليها تلاته أيام و الحوش كبير إبدو في الضمان المهم مع الساعه1ونص خشت ألاء الكوجينه بدت إطيب في الغدي و خلت رغد تكمل ضمان و مع الساعه 4 ونص ناضو الولاد
عزيز:صباح الخير
نادرة:صباح العصر😒
محمد:شن الجو صباح الخير نبع الحنان
نادية:صباح الخير يا ولد العازه
محمد:واااك😒
نادية:ريتي يا سليفتي
نادرة:شني يا وخيتي
نادية:إندادهم بصغارهم و خوتهم إلي أصغر منهم يخدمو
نادرة:هدا بانيه عليه الزريبه على أساس نذير خوك من ساعه 7 الصبح طالع يخدم و أنته شني راقدلي لتوا
عزيز:إيييي علينا عاد شن هاده نفس الاسطوانه😑
محمد:شن عندك يا خالتي😁
نادية:إيه مش عاجبك أنته وياه
رغد و ألاء يضحكو و بس متشمتين في خوتهم
ناضت نادره شدت عزيز و محمد من ودانهم:من غدوه أنته وياه إدورو خدمه مايمشيش الحال هكي فاهمين
محمد:أي أي به خلاص نحي إيدك مرت عمي
عزيز:نفس الدسكه هيا هيا مافي شيء إختلاف
محمد:نفس الخونه هيا نافس لو صار
عزيز:تعالا نطلعو و نشوفو مالك و رغيد وين طلع عزيز و محمد
.......................................................
عند مالك و رغيد
مرام:روحو ربي يهديكم
مالك:مش مايبناش تو إشوف
مرام:تربحو ولو إستاحشتكم هلبا عيب عليكم
رغيد:حاضر لاكن بشرط تتعاهدي معانا
مرام:كيف
رغيد:يعني تساعدينا
مرام:في شني
مالك:في موضوع خطبة ميسم
مرام:أنته عارف بوك ومستحيل حد يوقف في طريقه
رغيد:يا يما أنتي إتهمك مصلحت صغارك ولا لا
مرام:أكيد تهمني
رغيد:ترضي بنتك تاخد واحد إنديد بوك
مرام:لا لاكن بوك مصكر راسه و لما إسكر راسه على حاجه إديرها و محد يقدره في تسكير الراس
مالك بصوت عالي شويه:أني راسي أكسح منه قولي بتساعدينا ولا لا
مرام: ماك و لده أكيد راسك أكسح منه أنته وياه آآآخ تمام نساعدكم وعلاش لا
مالك:أه الخطوه الاولى فيها شوية مخاطره تقدري تخاطري ولا لا
مرام:على حسب
رغيد:تمام توا أول ما نصكرو منك نبوك تعرفي أمتى إجي يخطب و تقولينا تمام
مرام:به
مالك: ولما بوي يرقد أفتحي تاليفونه وجيبيلنا رقم المدير ولا رقم إسماعيل (هدا الشباني إلى متقدم لميسم)
مرام:تليفون بوك فيه رمز
رغيد:دبري يا يما دبريها من عندك
مرام:صعب
مالك:حاولي لو مقدرتيش تو ندبروه من عندنا
مرام:حاضر هوا هاده إلي تبوه مني
رغيد:لا هادي خطة اليوم بس لو نجحتي في الحاجتين هادم اليوم حيكون غدوه فيه مهمه تانيه
مرام:ربي إقدرني و ندير إلي قلتو عليه.
مالك:إنشاءالله
مرام:والله إستاحشتكم تعالو كبهو عليا وين ترقدو و شن تاكلو والله نخمم فيكم
مالك: حالياً مع صاحبي عايشين بارك الله فيه متكفل بينا هوا و بوه
مرام:مني
رغيد:عزيز
مرام:آه ماشالله عليه تو نشوف واحد من خوتك إجيبني ليكم
مالك:تمام شوفيهم
رغيد:هي سلام وصكرو الخط
رغيد:زعما تنجح الخطه
مالك:منعرفش
رغيد:إنشاءالله خير
ترن ترن ترن ترن
ترن ترن ترن ترن
رغيد:رد خيرك
ترن ترن ترن
ترن ترن ترن
مالك:ايوا
عزيز:سنه باش ترد
مالك:خيرك في حاجه وانته سكنت
عزيز:لا مافي شيء غر نضت ملقيتكش لا أنته ولا خوك
مالك:هههه تمام طلعنا فطرنا ولا تغدينا قول إلي تبيه و توا مروحين
عزيز:إراجو فيكم هي تشاو
مالك:سلام وصكر
رغيد:مالك لا أمتى بتقعد حياتنا هكي
مالك:خيرها حياتنا
رغيد:به أنته قولي عاجبك هكي
مالك:وضحلي كلامك
رغيد:نقصد لأمتى بنقعدو هكي حياتنا كلها ماشية جري في جري حد يبينا نوقفو معاه و لما نبوه منلقوشي مافيش حتى حاجه حلوة في حياتي حتى علاقات طحت في ثلاثة تجارب فاشله و فشلت معاها معش حبيت علاقات الحب كلها هكي و خلاص من بنت لبنت و مشي و خلاص ومش ماشي معاي الجو هدا و أنته بعد التجربه الاولى حلفت معاد مكلم بنت و فوق هدا كله حلفت حتى على الزواج لأنه ست الحسن تزوجت وأني مدامه أنته متبيش تتزوج أني مش حنتزوج
مالك:خلاص معش تدوي أصلاً النتايات كلهم زي بعض خوانين نفس الطينه وانته متربطش روحك بيا برا تزوج
رغيد:أعطي روحك فرصه و صدقني مش حتندم أني مادامه التوم متاعي مش حيتجوز حتى أني لا نبي نفس اليوم عرسي و عرسك نبي نساوينا يبدو زي الخوات
مالك:ونبي صكر الموضوع
رغيد:لا مش حنصكره مش عجباتك البنت هديكا خلاص توكل على ربي و شوفها وكلمها صدقني ميصلح قلب مكسور من الحب إلى حب تاني
مالك:هكي رايك
رغيد:إيه متضلمش روحك يا وخيي صدقني مش حتندم و أني نقولك أعطي روحك فرصه وحده بس ولو فشلت ماعندي من نقولك
مالك............
مالك:هي وصلنا
نزلوا للحوش
و عزيز و محمد إمشو إعبو في الغاز و أيهم و محمود مدرسه ألاء و رغد ليهم أسبوع غايببن
إلقو نادرة و نادية إسيقو في الجنان نادرة شاده الطوبو و نادية تسيق
رغيد مالك: السلام عليكم
نادرة نادية: و عليكم السلام
رغيد:أعطونه نسيقو معاكم
وخدي قومه و بدي يجبد و مالك خدي الطوبو وبدي يبخ ومع تسهويك مع أمهات صحابهم ولو زي الفلاليس إنبلو
نادرة:هيي يا وليدي إنبليتو
مالك:مدوريش عادي المهم طلع جوكم أحسن من ولادكم 😂😅
نادية:ههههه أي ديمه نقول فيها
تطلع عليهم رغد
رغد من قبل ما تطلع من الباب تلعلع :يا ماما تعالو تغدو وطلعت تنصدم قعدت واقفه تشبح و خلاص
نادية:به و خيرك تلعلعي
خشت رغد تجري
نادرة:غر نمشي إنجيبلكم أغداكم
مالك:لا عادي تو نتغدو مع الولاد
رغيد:سامحينا يا خالتي بالله عليك
نادرة:لعفو أنتم زي وليداتي
مالك:سامحينا الفتره هادي بنضايقوك شويه
نادرة:اللعفو الكلام هدا نبيش نسمعه أنتم كيف عزيز و نذير كيف ولادي
مالك:الله إعزك يا خالتي
رغيد:والله مافي منك وجميلك هدا مننسوه طول عمرنا
نادرة:اس اس معش تقولو هكي جبتولي الاكتئاب من كلامكم إنوض إنشوف المناجيه خيرهم عطلو وطلعت تاليفونها
مالك و رغيد:😂😂😂
رغيد:تعالا نشرو حوايج إنبلينه
نادرة:تو نجيبلكم من عزيز
رغيد:لا والله مصايرة عيب
نادية:تي عادي تو نجيبلكم حتى إني من محمد
مالك:مستصعبها
نادرة :تعاله معاي إنته وياه إركبكم لدار عزيز و أختارو لتحبوه
مالك و رغيد:بارك الله فيك
ركبتهم نادرة لدار عزيز و نزلت بتشوف شن الغدي
ألاء:ماما أهو كملت الغدي
نادرة:وشن درتيلنا يا بايرة
ألاء:عيب عليك يا ماما درت كسكسي و بوريك الجبده و طاجين الطباقات
نادرة:إشي منين جاتك النشاطه
رغد:لا يا مرت عمي عيب عليك من بكري وهيا تجري هني و هني
ألاء:حتى أني من ساعه واحد في الكوجينه شوفي توا ساعه خمسه
نادية:وانتي يا فالحه شن درتي
ألاء:ياناري من بكري تغسل و تمسح وترد في الماعين و ضمت المكان إلي رقدو فيه الولاد
نادية:به يا حنا كويس سلم بنياتي شوفو خوتكم خيرهم عطلو
طلعو البنات للجنان
ألاء تتصل بعزيز طلعت في الجنان تتكلم:به يماتك السود أنته وياه
عزيز:علاش خيرك
ألاء:من إمبكري نقوللكم تعالو و أنتم تتبيردو
ورغد تتكلم مع ألاء
وزوز عاطيين بضهر و مالك و رغيد إدورو في الجنان إلقوهم وقفو وراهم
ألاء:عزيز متحرقليش دمي
عزيز:بالله إرقدي
ألاء:محمددددد تكلم
محمد:ألاء نفختيهم
ألاء:إنقوللكم صحابكم إبروحهم
محمد:,به شن فيها
ألاء:تعالو و نسوهم
رغد: والله ماتتحشم أنته وياه
محمد:,طيري إنتي وياها
ألاء:,تو تشوفو نمشي إنونسهم أني صحابكم
عزيز:بري
رغد:عندك عادي
محمد:بري كانه قدرتو
ألاء:نقدرو علاش لا
عزيز:نتحداكم
رغد:قبلنا التحدي
عزيز:تم تو نشوفو
ألاء:باي و سكرت الخط
تلفتت رغد تلقى رغيد واقف
رغد:اااهلين
رغيد:اهلين بيك 😍
ألاء تلفتت تشبح في مالك و رغيد
رغيد:أنتي وياها بنسألكم سؤال ونبي الجواب تمام
ألاء قالت بشوية:مش في إمتحان أحني 😒
رغيد:نعم كأنك تكلمتي
ألاء:لا لا
مالك:شن هوا السؤال بشرنا يا نيوتن
رغيد:أنتم بنات و لا كريبات😍😍🥰أني بنبدا ناكل خلاص معش نقدر🤤🤤😘
رغد:نعممممم
ألاء:هيييي😱😱
مالك:إيييي مش بتونسونا
رغد:من قال
رغيد:أنتم قلتو
ألاء:لا مقلناش
مالك:لا قلتو
ألاء:ماقناش
رغيد:بالله عليك وحده منكم تجيبلي ميه على رحمت ولدين
رغد:أني تو نجيبلك
ألاء:أني بنجي معاك بالك متعرفيش مكانها
رغد:مافيش داعي حافضاته أكتر من حوشنا😂
ألاء فنصت:😑😑
رغيد:أني بنمشي نكلم أحمد و نجي إمشي وخله مالك
مالك:اييييه شن الجو
ألاء:أنته نفسه إمتع المخزن و قريني وجن أزرق ومش عارفه شني
مالك:أي نفسه عليك جو أنتي😅😅وبتسمت
ألاء هوا ضحك وأني دبت في تبسيمته آخ سعدود إلي تكون حبيبته ولا تكون مرته بعدين قلتله:أني بنمشي
مالك:مش بتونسي صحاب خوك هيا ونسيني
ألاء:مافيش منها الدوه هوا تحداني و أني قلت باهي لأنه متعصبه منه بس هيا باي
مالك:قبل ما تمشي بالله عليك اعطيني حتى اسمك بس ولا من هوا خوك
ألاء:منقدرش أسمي
مالك:علاش به قوليلي من هوا خوك محمد ولا عزيز
ألاء:عزيز
مالك بصوت هادي:الله طرف زي خووك🥺😍
ألاء سمعاته لاكن دارت الحوله:نعم تبي حاجه
مالك:لا سلامتك🥺
ألاء:باااي ومشت
مالك:آخ محلاها 🤤😍 تي شن قاعد تقول أنته مالك إلي ميهزك شيء و مطيحش لبنت لأنهم كلاب لاكن والله تهبل أففف شن إنقول نمشي خيرلي
روح عزيز و محمد و مؤيد و نذير حطولهم الغدي بدو يتغدو أو بالأحرى يتعشو بعد ما كملو
ألاء:عزيز
عزيز:هااا
ألاء:شن رايك في الغدي
مؤيد:تي إهبل
عزيز:حلو من إمطيبه
ألاء:خجلتوني أني طيبته
عزيز:أعيي بنته حشى النعمه آه الطاجين و البوريك مش عاديين
ألاء:أي سلم الإديات إلي داراته😚😑
مؤيد:يسلم إيدك بنت عمي زي العسل
عزيز:أخييي حشى النعمه
ألاء: من ضربك على إديك و قالك كول
عزيز:من الجوع جوع حار يا كبدي 🙄
مؤيد: عيب عليك والله زي العسل
عزيز:به وأنته إدافع عليها تقولي أختك أنته مش أختي
مؤيد:😯😯
ألاء:هكي الناس إلي تفهم
مؤيد:مش حلوه منك يا ولد العم
عزيز:ماهو صرعتني زي العسل و حلو
مؤيد:قوللها الولاد كيف ياكلو بشراها ياناري
عزيز:انبصر عليك كوبيدتي زي العسل يسلم إديك وخيتي السمحه
ألاء:أيوا هكي الكلام
عزيز:تعرفي والله الولاد يحسابو الغدي أمي إمطيباته
ألاء:خش قوللهم أختي
مؤيد:علاش ؟
ألاء:بالك يخطبوني😂
عزيز:مصح وجهك سخيفه
مؤيد:على خاطر إمسقي و طاجين و بوريك يخطبوك
ألاء: تؤ تؤ ماهو أنتم داكم ودواكم في بطنكم المهم قول لصحابك إلي بيخطب يتفضل
عزيز :شكله خاطرك يا قرده و شديتها من ودنها الكلام هدا معش نبي نسمعه فاهمه وإلا
ألاء قصت عليه :أي آسفه إنبصر والله إنبصر طلقني مشيت نجري
........ ..............
في الجنان كان نذير واقف يشبح لشجره جت جنبه رغد
رغد:نذير ممكن نحكي معاك🥺
نذير مغير ما يشبحلها:معنديش دوه معاك لبينا مات خلاص أنتي مجرد بنت عمي بس
رغد:به أعطيني سبب شن درتلك😭
نذير:أنتي تعرفي روحك
رغد:سكتت به أني شن درت نبي سبب مقنع😭
نذير:خش على المحادثات شوفي وراها التاليفون
نذير:هدا مني
رغد:قصه قديمه نذير والله نحبك حرام عليك😭😭
نذير:يا بنت عمي شوفي حياتك و خليني نشوف حياتي تمام و مصوره حتى معاه معقوله توصل لدرجه هادي
رغد:والله ليها سنة او اكتر الدوه هادي😭😭و بعدين أني مصورتش مع حد كله فوتوشوب صدقني حار الضلم حرام عليك
نذير:أنسيني أنسي كل شيء صار بينا أني مستحيل نرضى فاهما بعد إلي ريته بعيوني
رغد:كل حد عنده ماضي حتى أنته أكيد عندك ماضي وأني نقولك والله معمري صورت معاه حسبي الله ونعم الوكيل في إلي حرقلي قلبي 🔥 هكي والله ماني مسامحتهم ألي دارو فيا هكي صدقني نذير يا عمري أنته أني مستحيل نحب غيرك إنحبك والله إنحبك قعدت تتكلم و تقرب منه لين وصلت فيه قالت نذير يا عسل أنته و لصقت فيه حبيبي أني معمري درت حاجه تغضب ربي صدقني عندي المحادثات و إميله قاعد عندي مستعده نوريك
نذير:لما قربت مني و شدت إيدي كان بينا شعره بس و هيا تتكلم و عيونها حمر تبكي هلبا عارف روحي لو خليتها قريبه مني حنضعف و نسامحها حاولت إنباعدها لاكن.هيا......
رغد:حاول نذير إباعدني لاكن خليت روحي أقوى منه و قلت لازم نتجرأ قربت منه هلبا و حضنته بالقوه وبسته ف رقبته
نذير:متوقعتهاش جريئه بدرجة هادي
رغد:قمت عيوني صدقني عمري مخنتك والله
نذير:إندف فيها حولي من عليا
رغد:تجرأت و قربت بسته ف 💋
نذير: قربت من فمي و باستني فالاول قعدت اندف فيها لاكن بعدين إنسجمت معاها قعدنا في بوستنا قريب دقيقتين بعدين فقد ودفيتها بالقوه وقلت
نذير:أني أول بنت نكلمها أنتي أني نضيف نبي وحده نضيفه ربي يعلم كم مكلمه منغير هدا الولد يالله سلام ومشي وخلاها غارقه ف دموعها وتحت تأثير صدمه
..........يتبع........
ملاحظه: الروايا كل خميس حنزلكم حلقه لأن ضغط عليا عندي إمتحانات ☺️😭
