حلقه 12 من رواية صاحب خوي 🥺
بالاتصال
ملاك : أيوا
صاحبتها وهيا تبكي : اليوم شفته أقسم بالله
ملاك: به ويعني
صاحبتها: وووه عليا يهبل نبيه خلاص
ملاك: هوا مضيك أنسي خلاص
صاحبتها: كيف ؟
ملاك: فوتيه و عيشي حياتك حبيبتي
صاحبتها: ياريت بس .. لاكن منقدرش هوا كل أحلامي لحلمت بيها
ملاك: تي خير أمه دماغك ل باعك بالفول بعيه بقشوره يا عمري
صاحبتها بضحكه إستهزاء ع ل تقول فيه ملاك: هه لا غر تعالو شوفو من إلي يتكلم
ملاك: نعمم شن تقصدي
صاحبتها: تي بالله شوفي روحك قبل م تتكلمي ع الناس أنتي ل بعتي راجل كل كلمه يقولهالك ينفدها ع خاطر شني آآه قولي لاكن أنتي والله م تستاهلي
ملاك بعصبية: أوزني كلامك راك تتكلمي مع ملاك بنت ال.....
صاحبتها: الله بالجوده بيك وحتى أنتي تتكلمي مع بنت ال......
ملاك: خيرك شن صايرلك ؟
صاحبتها: أنتي تغلطي و قاعده ف نفس الغلط بعتيه وتوا بتوليله
ملاك: بعته ع خاطر غلطت ولازم نصلح الغلط ل درته ماهو بسيف
صاحبتها: كان صنتيه راهو مصارش هدا كله
ملاك: هه لاكن أني قاعده خير منك أنتي ع الأقل مافي حد يعلم بيا سترت روحي بروحي أما أنتي و صلت ل عيلتك و عيلته حبيبتي
صاحبتها بعصبية: معششش تتشمتي يا ملاك يوم ليك ويوم عليك راااااهو وتو تشوفي الدنيا دواره وصكرت عليها 😭
ملاك: حقيره تفوووو تي شن صارلك ملاك معقوله رفيقا عمري تقوليلها هكي آخ يا رب صبرك تنهدت تنهيده من وسط قلبها طالعه و خدت الملفات إلي ف سيارتها ونزلت الشركه وعيونها ناويين الشر ربي يستر وخلاص
............................................................
دكتور طالع و وجه ميتفسرش بكل رقف لقي قدامه أشخاص إراجو فيه و واضح ع وجوهم متوترين قدم جيهتهم: البقيه ف حياتكم
عزيز بصدمه : كيييفففف😱
بو الولد متعصب: مني ل توفى😳😳
دكتور: منعرفش مني لاكن شويه وتجيكم الممرضه ب الملف متعه
نادر قعمز من الصدمه وحط إديه ع عيونه ويدعي بأنه ميكونش ولده 😳
أما بو الولد بعد م شبح رغيد نصدم قدم منه : رغييد؟! شن إدير هني😧
رغيد مصدووم : عميي متقولهاش😳
خالد: شن إدير هني ؟😔
عمهم: وديني و ما نعبد لو ل توفى طلع ولدي ميلومو إلا نفسهم😡😡
شويه وخش أمير و معاه بوه ع الكروصه يدف بيه
عبدالله: أي وأني معاك
رغيد وعيونه بدمعو خلاص هوا و مالك بيموتو معأنه مالك مفروض ميتغشجش مش باهي ليه ع خاطر إيده وهوا كيف بادي يتحسن
منحكيلكمش ع صدمت ولاد عبدالله كلهم خايفين من حاجه وحده بأنهم يخسرو صحابهم ع خاطر وفات ولد عمهم و خايفين يطلع المتوفي نذير و خايفين ف نفس الوقت يطلع ولد عمهم بعدها ح يخسرو صحابهم إلي من الصغر معاهم لانه عمهم عنده ولد واحد وحيده معنداش بنات ولا عنده ولاد بعد ولده هدا فإحتمال يقتل ع خاطره أو يدير شيء مش معوقعينه بكلللل😞😞
مرت 15 د وكلهم ع أعصابهم مرت عليهم تقولي 15 السنه يراجو ف الممرضات أمته يكملو الإجراءات باش يعرفو مني ل توفى .
هدا كله صاير م في حد يعلم بيه من عيلة نذير ميبوش يفسدو فرحت أكرم اليوم دخوله
..................................
فلاش باك نرجعو لصبح مع جو المغاريب ونشوفو كيف عرف نادر و عزيز بعد م حطو النساوين ف الصاله واقفين ف ساحة الصاله يهدرزو ناده نادر ولده وقعد يهدرز معاه
نادر: عزيز مشبحتليش الفرخ نذير من آمس مريتاش
عزيز: والله م ريته تو نتصل بيه
وتصل عزيز وردت عليه الممرضه و قالتله وقال لبوه شن قالت وطلعو الزوز يجرو يسألو فيهم لاكن م حد رد عليهم وطلعو فيراري المستشفى طووول 💁🏻♀️
........................................
ف الصاله 🫀🫀
ألاء مقعمزه وسرحانه تفكرر ف كلامه ل قاله آمس كيف الراي بديت نفكر فيه هلباا 🥺 ياربي شن إندير نفسيتي تعبت والله تنهدت... " قررت أنه تغير جوها توا وتهيج بعدها تفكر في حل تخليه يرجعلها" مشت ل الديجي وقالتلها ع أغنية بعدها ركبت فوق ونفتحت الأغنيه نحت الكعب و بدت فيها رقيص بالريقي وكلهم يشبحولها ف إلي مستغرب و ف إلي معجب بيها و ب رقصتها أما بنات العيله دارو دوره عليها وصفقولها وعاجبتهم كيف ترقص
بعدين بدو كلهم يتراقصو ع أغاني ليبيه ويهيجو
نادرة مضايقه هلبااااا قلبها مغصوص لين خلاص مش قادره تستريح
أما رغد معش تكلمت مع نذييير بكل و لا دوراته لو إتصلت بيه راهو قالولها لاكن هيا معش مدوراته و كأنه ل تخططله بدي يتنفد و كيف م تبي ( يا ويلك من ربك يا رغد الراجل متزوج وعرسه اليوم) أكيد عرفتو مني وله متستغربوش أي الراجل ل تبيه أكرم ولد عمها.......😣
شويه وقالو العروس وصلت خششها أكرم وكانو يهبلو طالعين ع بعض هلبااااا
المهم تم العرس ع خير والكل روح لحوشه وقالو ل نادرة بأنه راجلها و ولاده عندهم طلعه ل الصحراء لأنه أغلبية هكي يصيرلهم بسبب الخدمه مصدقتش نادرة لاكن تحاول تمشي قعدت ساهره طول الليل تدعي و تصلي
ألاء: تصلت أكثر من مره ع مؤيد مردش عليها فقدت الأمل أنه يرد شويه تحس ب حد حضنها من خلف..................
..............................................................................
أما أكرم و العروس مر عليهم اليوم زي أي عرسااان يا حلاتهم وخلااااااص ☺️☺️
..............................................................................
بعد مراجات طويييييله طلعت الممرضه لافه شخص بشاش ابيض و وجه مدرق قرب منه الكل قدم عم الولاد ونحه من عليه الغطاء من جيهت وجها ونصدم ودنيا بدت إدور بيه عيط بأعلى صووووت عنده وهوا يتحلف ويعاود بأنه ح يرد بثأر ولده
عمهم: حناخد بتار ولدي أني مش قاتل حد لاكن حنرده بطريقه تانيه حتى لو كان عن طريق رهاان حنتراهن معااك وقعد يبكي 😭😭 ولدي يا وحيدي أنت رد عليا ردد كله مني أني طلع متعفلق مني يا عبدالله ولدي طلع زعلان من بوه يا عبدالله ولدي ماااااات وطاح لوطه جو الممرضات يجرو رفعوه
عبدالله يبكي 😭😭
رغيد مالك عبد المهيمن خالد أمير يشبحو ل بعض ومصدومين مش قادرين يبكو جتهم صدمه خوهم توفى أي ولد عمهم زي خوهم يعاملو فيه قعمزو ف الوطى وحيلهم مهدود مش مصدقينين فارقهم كيف بيسهرو منغيره كيف بتمشي حياتهم م غيره صعببب الفراق
ومن هداكه اليوم ولو ل حوشهم وحوش الإجار سيبوه ل بحده حوش إمالي عزيز
.........................................................
....: واقفه تشبح ل عماره عاليه وبعد فتره قررت أنها تركب ركبت بخطوات بطيئة على أمل أنها تلقا أمها بعد ل عشاته وشافاته بعيونها والسبب هدا لخلاها تطلع من الحوش وتسيب بوها و خوتها ل من بوها ركبت لين وصلت ل الشقه ل عاشت فيها أقسى أيام حياتها و شافت فيها نااار جهنم هادي الشقه خلتها تغير تصرفاتها وكلامها ل تصرف ولااد طقت ع الباب طقات خفيفه وهيا مش خايفه يفتحلها بوها أو مرته عادي كل همها أنها تدفل ع وجه بوها و مرته طقت مره وتنين و تلاته لاكن م فيش فايده فقدت الامل وكيف عطت الباب بالظهر نفتح وسمعت صوت شااب تلفتت بصدمه
...............................................
ألاء: تصلت أكثر من مره ع مؤيد مردش عليها فقدت الأمل أنه يرد شويه تحس ب حد حضنها من خلف 🫂
تلفت منخلعه لقاته هواا أي لبدت تحبه هلبااا ❤️
مؤيد: ألااااء❣️
ألاء تلفتتله: عيون ألاء😻
مؤيد: علاش درتي فيا هكي😿😾
ألاء بترجي: مؤيد بالله عليك أني تعبت ونترجى فيك خلاص بالله عليك خلينا مع بعض بالله عليك نبي نقعد معاااك أول مره نحس بالإحساس معااك 🥺
مؤيد: أنتي غدرتيني أنتي دمرتيني بسببك خشيت ع السكير و الحشيش بسببك بديت منصلحش تعرفي علااش أه تعرفي
ألاء 🥺هدا كله تراقب بعيون مدمعاات ودمعه ل تنزل تحرق فيها حرقق من كلامه و الكلام ل يقول فيه زي الطعنات تحس فيهم😭
مؤيد: متعرفيش أني وليت ولد مافيا ب سببك بسبب حبك لي كان غلط ف غلط💔 وخبط ع قلبه بقوه 💔 قلبي لغلط وحبك ألاء أني نكرهكككك هلباااا متتوقعيش كمية الكره لكرهتهالك أني بديت نفضل الموت ولا نشبحك أنتي أنانيه تحبي نفسك بسسس أنتي
............وهني ألاء بساته ف 💋............
ألاء كان كلامه بنسبه ليا زي الصاعقه كلااااام واااعر معش قدرت تستحمل كيف يهين فيها وبدون سابق انذار بساته لأنه كان شادها كويس من إديها و خصرها
مؤيد" إرتخيييت عليهااا بعد م بستني وبديت نفشل وخرت وجيت طايح ع السرير و هيا فوقي سويت روحي و سويتها معااي وشديتهاا زيييين بااش متهربش مني لأنه جاي ف نيتي نرقد معاها اليووم منحكيلكمش كيف طالعه طررففف 🤤🤤
ألاء تباعد فيه: مؤيد حوللل
مؤيد: منيش
ألاء: حول مش تكرهني وبدت تشهق من البكي
مؤيد يمسحلها ف دموعها بأطراف أصابعه: أششش أني نحبكك ❤️🫀 وهلبااا حاولت ننساك و نطلعك من قلبي 🔥 لاكن مقدرتش نكرهك لأنك تشوفي فيا مجرد ولد عم كرهتك لأنك تكرهيني " نزل عيونه وتنهد" فكرت أنك تكوني ل غيري تقتل فيا بالعرق 🔥 "قام راسه وجت عينه ف عينها" أوعديني أنك متفارقينش أوعديني أنك قد كلمتك أحلفي بربي أنك تحبيني
ألاء: أني أكتشفت أني "وسكتت متحشمه تقولها بعدين نطقت بصوت هادي" نحبكك أي طلعت نحبك وهلبا أكتشفت هدا الشيء بعد م فات الأوان على كل حال "بصوت هادي هلباا حرك كيان مؤيد كله" نوعدك نوعدك أني نقعد معاااك طول العمر والله والله إلا نحبككك ❤️🫀 حتى أنت أوعدني تقعد معاي و متسيبنيش مهما صار خلافات بينا
مؤيد مشاعري تحركت بصوتها الأنوثي بستها ع 💋 بوسه خفيف بعد م كملت دوتها: نوعدك وأدعي الضروف متباعدناش ع بعض بس🥺
ألاء : إنشاءالله يا رب🤲🏻
مؤيد قعد يشبحلها كأنه مش مصدق😍
ألاء نفس الشيء😍
مؤيد قرب باسها ف 💋 وعطلللل هلباااا كأنه يبي يشفي غليله فيها لأنه هيا سبب ف كسرته وتوا ناوي أنها تكون ملكه و ربي يجمع بينهم بالحلال أستمر ع البوسه 🤭 لين حس ب أنها تتنفس بصعوبه بعد عليها
ألاء قعدت تشوفله بحب 😍
مؤيد شحها ورقدها ع صدره: نحبكك ❤️🫀
ألاء: حتى أني ❤️🫀
مؤيد: أنتي شن ؟
ألاء: متستغباش
مؤيد: ندوي جد أنتي شني؟
ألاء بدلع : مؤييييد
مؤيد: عيونه وروحه ل مؤيد أنتي
ألاء: معش تستغبه
مؤيد: به دامك تعرفي أنطقيها الجوهره
ألاء حشت رأسها أكثر ف صدره: نتحشممم 😞
مؤيد: الله راقده ع صدري و قبل شويه كنه نتصيعو ونبوسو وتوه تتحشمي هيا كلمه مقتلكش تعالي وسكت هوا يضحك بصوت مستفز 🙂
ألاء: هيي يا سخيف
مؤيد: شن قلت أني وضربها ع راسه أنتي دماغك مسوس باهي قوليها هيا
ألاء: زي دماغك بزبط
مؤيد: أصلاً ل تفكري فيه حالياً صح هكي نقصد ب بسكوتي إمبكري.. يالله يا عسللل قوليها
ألاء: نحبكك ❤️❤️🫀 هكي باهي
مؤيد: وأني نعشقك
ألاء ضحكت
مؤيد: هي غلاتي🫀 نرقدو توا وزاد ضمها كأنه طفل خايف تريح منه لعبته
ألاء: صكرت الباب بالمفتاح خير م مرت عمك إدير مداهمه و يقتلوني غدوه
مؤيد: أي صكرته بعيد السوء إنشاءالله يومي قبل يومك
ألاء حشت رأسها ف صدره : لا إنشاءالله مع بعض هي تصبح ع خير معشوقي ❤️
مؤيد باسها ع رأسها: إنشاءالله وانتي من أهل الخير غلاتي 🫀
ورقدو براحه تامه
...........................................
مرو حوالي شهر والوضع زي ماهوا
نذير خش بغيبوبه بسبب الظربه ل حصلها ع الجمجمة وبعد ميفيق ح يعاني إعاقه ف رجليه بسبب الحوض و يقدر يتعالج بالعلاج الطبيعي بعون الله
ونحكيلكمش ع حال نادرة إلي بتموت ع ولدها كيف معش بتسمع صوته
و رغد لا دورت ولا عبرت نذير إلي فلحت فيه بعدت ولد عمها أكرم ع مرته وتوا حرجانه وخشت ع السحر باش أكرم يشوفلها وفعلاً صار كيف م تبي حيي عليك يا رغد حي عليك من ربك😯😳😳
وألاء مسكينه طول الوقت وهيا تبكي ع خوها مش مصدقه إلي يصيرلهم تمشي المدرسة تتلاقه مع ميس يهدرزو الحق مسيبوش بعض ☺️ زي الولاد كيف تعاركو مع عزيز وضعفتت هلبااا لين موليه شينه من الضعف والبكي و السهر
و مؤيد ويا حليلي من مؤيد وقف جنب حبيبته ف وقت بأمس الحاجة ليه و مخلاهاش بروحها بكللل وزي ما قيل عن الحب الحقيقي بأنه يحبك في جميع حلاتك حتى شيانت مش زي قبل قااعد يعشق الأرض إلي تمشي عليها والهواء إلي تتنفسه و متحملها ف عنادها وتسكير راسها
وعم مالك و رغيد (فيضي) وصل ل قرار هوا وخوه بأنه الولد أول م يفتح عيونه وينوض من الغيبوبه يفوتو يومين ويمشو وياخدو أخته وزوجوها لي واحد من ولاد عبدالله كزواج رهاان لأنه ولاد العيله مش راح يهنو روحهم إلا برقبه معتقدين أنه نذير قتله ميعرفوش هدا قضاء و قدر ولا إعتراض ع حكمت الله نااس مريضه هدا أسمه جهللل ف قرروا ميبوش تصير رقبه بناتهم ف أقترحو بأنهم يناسبوهم ( زواج رهاان) بين العيلتين
................................
نرجعو بالأحداث شويه
في يوم كان عزيز طالع هوا وأخته بيشرو حاجات للحوش و بالمره بيخطمو ع نذير درس عزيز ع محل دخان بيشري إلقي رفاااق عمره قدام المحل
واللقطه هادي صارت قدام عيون ألاء
جي سلم عليهم لاكن مبوش يسلمو عليه تعالو نشوفو الحديث إلي دار بينهم و سبب خلاااف كبيير
مالك بملامحه الحاده المعتاده ديمه: بأي وجه جااي تسلم
عزيز: هدا قضاء و قدر وأني منبيش نخسركم من الصغر وحنين صحاب
رغيد: أهوو قلتها لاكن توا لااااا معش زي قبل عزيز خلاص
عزيز: على فكره حتى أني خوي إنضر
مالك: أنت خوك ف أمل يفتح عيونه أما و لد عمي مشي تحت التراب صدقني مش راح نتريح إلا وأني دافن واحد منكم تحت التراب
عزيز عيوني توسعو من الصدمه : معقوله حقد بالدرجه😳
رغيد: وأكثر وربي هي
مالك هوا مسكر ع سنونه: عزيز برا خير م تصير حاجه مش حلوه😡😡
عزيز: لا ياسر إهنات مش حلوه منكم حتى أني عندي لسان ونقدر نتكلم
مالك فقد السيطره لأنه ل فقده خو مش ولد عم ضرب عزيز كف 😡
وطبعا الشباب ميتحملوش ناض عزيز يمد ف إيده حتى هوا تخيلو رغيد و مالك ع عزيز
ألاء وجعها خوها نزلت تحز فيهم
ألاء تشح ف مالك من تيشرته: حيي بعد يا قليل أدب بعد
مالك فكلها إيدها وشدها بالقوه قانط عليها وتكلم من بين سنونه: خير فيتك
ألاء: حول يا حقير وشحت إيدها منه و مشت إدف ف رغيد من علي عزيز وتبكي
رغيد: خير فيت دين أمك يا $$$$😡🤬🤬
ألاء نصدمت من السبه إلي قالها تلفتت ل خوها إلي طايح لوطه قعد تقيم فيه
عزيز: أقسم برب العزه إلي متشوفو يا ولاد الن$$$🤬🤬
قدمو الزوز مغولين قعد عزيز يضرب ألاء معش عرفت شن إدير والمشكلة مافي حد قدر يحز يعرفو مالك و رغيد بوهم أكبر تاجر مخدرات يعني إحتمال يموتو
ألاء قعدت تفرفش ع خوها وتبكي لين ف آخر حاجه متعرفش كيف جتها الجرأه غمضت عيونها وقدمت وضربت كفف جي ف رغيد 😳😭😭😭😭
رغيد: شافلها بعيون شراره من النار قعد يقدم و هيا توخر وتبكي لين مشت تجري خلاته واقف ومشت ل خوها ودارت نفس الكف ل ملاك لاكن هدا أقوى من كف رغيد قلبها دم عليه مسكينه
مالك متحملش فكرت بنت تضربه كف قدم مغول عليها
و عزيز ويناري عليه تلاقو زوز عليه مسكين مضروب من كل جيه م فيشي جهد يوقف خلاص
مالك شدها من مرفقها بالقوه وهيا ترعش شد حنكها بقوت قوته تكلم وهوا ع وشك يقتلها:, شن إلي درتيه
ألاء كنت ع وشك بنبكي ع وشك نضعف لاكن قويت روحي: برا يا عيل معقوله تستقوى أنت وخوك ع نفر واحد أقسم بالله م فيكم ذرة رجوله معقوله ع خاطر حادث ومش بالقصد تنسو العشره برو يا نكارين الجميل أني كل شيء عندي عادي إلا حاجه وحده نادمه عليها بأنه خليناكم تعيشو معانا وعملناكم كويس لاكن أنتو شني
مالك كنت ع وشك أني نقتلها لاكن تدخل خوي رغيد هوا ل خلاني نوخر طلقتها
ألاء أول م طلقني مشيت نجري ل خوي وركبته ف السياره ب مساعده ناس ومشيت بيه ل المستشفى داووه وروحت بيه للحوش
........................🤍 نرجعو للحاضر 🤍................
بعد مرور شهرين ونص كان يوم حلوو ع الكل وخاصتا عيلت نادر 🤍
❣️❣️يتبع ❣️❣️
علاش كان يوم حلو ع الكل وشن صار فيه زعما؟
وهل بيقعد سعيد ع ألاء؟
ومن هيا البنت ل وقفت قدام العمارة؟ وشن قصتها؟
هدا كله نعرفوه ف الحلقه الجايه
نبي دعمممم حبايبي 🥺🥺🥺
الكاتبه 🤍 لولا نادر 🤍
هدا إلي قدرت نكتبه آسفه ع التأخير
