حلقه 20 والآخيره من رواية صاحب خوي 🥺
.
.
.
.
.
.
.
خش عزيز
ركب لداره طوووول وراح ف سبات عميق وقرر أنه يأجل الموضوع ل غدوه
______________________________________________
بعد مرور شهرين
مؤيد درس سيارته ونزل و إتجه للباب و طق عليه
مؤيد وأني نطق ع الباب فتحتلي بنيه صغيره تبان ف العمر قالتلي تفضل قلتلها أني جاي نبي ألاء قالتلي تفضل ل المربوعه و تو نادي عليها قعدت سرحان فيها 😍 وربي هادي ملاك مش بنت عاديه ياربي طرف طرف بمعنى الكلمه معش فقت ع روحي إلا لما سمعت صوت قمت عيوني ولقيته هوا
مؤيد:, وين ألاء
مالك:, قولي شن تبي فيها مرتي
مؤيد: سمعت أنه جوكم حلو وله
مالك: أي أكيد وبنولي أب عن قريب
مؤيد ؛ هههههههه وووه كان مش أمها مرت عمي وتحكي ل أمي ف كل شيء راني صدقتك
مالك قام حاجبه: عادي متبيش تصدق أمورك
مؤيد:, به به توا أني جاي نبي بنت عمي وين
مالك ؛ قول شن تبي منها
مؤيد: أنت شن واجعك أني أول مره نعتبر حوشكم ف ناديلي بنت عمي بأنقص مشاكل
مالك: به وأني راجلها قول شن تبي منها
مؤيد ؛ أففف نبيها ف موضوع خاص و عائلي هلباا منقدرش نأمن فيك ونقولك وأنتم خليتوها تتزوج رهان رغم صغر سنها و متكلمش في خوتها
مالك شافله مده طويله وطلع
بعده بشويه خشت ألاء لابسه عبايه و شاربه
ألاء: السلام عليكم
مؤيد: وعليكم السلام
ألاء : تفضل قعمز
قعمز مؤيد و منزلش عيونه من عليها بكل
ألاء: هئحم تفضل قالولي تبيني
مؤيد: من أمتى تتحشمي مني و تكلمي فيا تقولي غريب من أمتى تغيرتي
ألاء: أرجوك أنت قلت موضوع مهم و عائلي انشاء الله خير شن صاير
مؤيد وعيونه حمر: مصاير شيء غير أنه أني نموت كل يوم ألف موته
ألاء تنهدت: الله غالب نصيبات الدنيا ☹️
مؤيد: لا مش نصيبات أنتي تكدبي علياا أنتي مكنتيش تحبيني ونزلو دموعه
ألاء تنهدت بحزن: وربي إلا كنت نحبك لكن توا كل شيء تغير و..
مؤيد قص عليها: معش تكدبي أنتي من الأول تحبيه أنتي من قبل تموتي فيه معش تكدبي
ألاء: والله منكدب والله
مؤيد: كان كلامك صح علاش مطلقتيش إتفاقكم كان ثلاث شهور زواج فاتو الثلاثه وباديين ف الرابع
ألاء: مؤيد
مؤيد: شن
ألاء: لازم تنساني وأني أخترت الطريق هادي
مؤيد: تي كيف أنتي حب طفولتي ألاء مديريش فيا هكي
ألاء: مؤيد أني ومالك حنولو أب وأم عن قريب بنكونو أسره مع بعض حاول مؤيد تنسا
مؤيد بكره: كيف كيف حنتكونو أسره يعني أنتي حامل حق ومقلتيش ل أممك قاعده
ألاء: أي اليوم عرفت بس
مؤيد بكره أشد وعيون مليانه حقد: حننساك مش نحاول ننساك وننسا كل أيامي معاك تو تشوفي وحنحب و ننحب وحنلاقي الي تستاهلني أني مش رح ننتقم لأنه منحبش الإنتقام أني حننسحب بهدوء وخلي ف بالك أنه نكرهههك حبي الكبير تحول ل كره عامالي قلبي
وقف وقفت ألاء طول حتى هيا
مؤيد مد إيده ليها وهيا مدت إيدها: يتربى ف عزكم ودلالكم وإنشاء الله يكون من خاتمين القرآن
وطلع مؤيد وقابلاته نفس البنت قعد يشبحلها
مؤيد: عفواً لو سمحتي
ميس: نعم تفضل
مؤيد: ااا أنتي تكوني شكون
ميس: مفهمتش
مؤيد: أوكي أنتي أختك مالك
ميس: أي
مؤيد: تمام نتلاقو وغمزلها ومشي
ميس سبحان من صوره الولد هدا جميييل بمعنى الكلمه وخشت
_____________________________________________
ف العشيه
وفي مربوعة عيلت عبدالله كان الصوت الرجاله طالع و واضح أنه نقاش قوي
مالك: لأمتى لأمتى أني قررت نصلح الوضع خلاااص
رغيد: أي وأني معاك
عبدالله: تي شن تقول أنت وياه لااااا أحني عندنا ثار معاهم ثااار
فيضي: توا بعد م صار إلي نبوه خلاص قريب أتم مهمتك يا مالك
مالك على صوته: وربي لو نطلع من دين أمه الحوش ولدي و مرتي ميمسهم حد ويقعدو جنبي أنسو أنه تباعدو عليا مرتي أنسوها هادي
فيضي: هكي كان إتفاقنا من الأول شن إلي غيرك أكيد سحراتك بنت ستين كلب
مالك تعصبب: لااااااا لحد هني وبسس سكتلك هلبااا اولا لما بتدوي عليها مصمص فمك بزهر قبل م تدوي عليها بنت الأصول إلي تحملتني و رضت بقسمها إلي زي المر وعاشت رغم صغر سنها وتوا نجي نحرمها من ولدها أكيد تحلم أنت
فيضي: تجيب مرتك ناخدو الولد وتتطلق ونقطه وأنتها السطر صكرو ع الموضوع
مالك: وربي إلي عله السماء على الوطاء إلي يمس شعره منهم حيشوف شيء عمره م شافه مني
عبدالله: شن إلي غيرك يا مالك مش متبيهاش
مالك شاف لبوه : إلي غيرلي رايي فيها أنه أني لقيتها بنت أصل و أني مستاهلهاش وقفت معاي وقت ضعفي مستحيل نرفس النعمه إلي فيها أني ونضيعها من بين إديا
عبدالله: باهي أحني بناخدو ولدك يعني بتشوفه كل يوم بيتربي قدام عيونك علاش معارض
مالك: أني نبيه هوا ونبي أمه نبيها نبيها مستحيل نخليها بعيده عليا
فيضي: تي خيرك أنت
مالك: أني بنمشي نصلح الوضع ف النهايه نساباتي وحيكوني خوال صغاري و جد صغاري لازم نصلح الوضع
رغيد: أني معاك وين م تمشي
خالد: وأني معاك مالك
أمير: حتى أني معاك
مالك : إبتسم وشاف لبوه بترجي: برا معاي لأمتى العدوان بيقعد وأحني الغالطين فيهم وبعدين شن شفت منها أنت يابوي غير كل خير مش ديمه تشكر فيها عمرها ضراتك ب حاجه
عبدالله سكت
الولاد قعدو يشوفو ل بوهم
عبدالله سكت فتره بعدين قال: وأني معاكم غدوه نمشولهم
مالك إرتسمت الإبتسامة على وجها
والولاده بدو يصفقو من الصدمه وحظنو مالك
ومالك الفرحه مش سايعاته بكل
إمشي لبوه وحظنه
فيضي ساكت 🤐 بعدين قال: أني بنمشي معاكم
شافوله مستغربين
فيضي: علاش تشوفولي
عبدالله: من إلي كان سبب ف العدوان هدا
فيضي: لا خلاص شن دنب البنت وشن دنب مالك لو حبو بعض علاش نبعدوهم عن بعض و دنيا واليها الله ونهايتنا شبرين نفوتو ساعه ب ساعه وخلاص
وزاد صوت الضحك و الفرحه ف المربوعه بعد م كان صوت عياط وتصييح تغير الحال
خشت مرام و بناتها و مرت فيضي ع صوت ضحكهم
مرام: شن في ضحكونا معاكم
مالك والفرحه ماليه وجها: بنمشو نتصالحو مع أهل ألاء
ويركوها زغاريت كلهم و فرحو هلبا مشكله دامت تسعه شهور والحمدلله بيتصالحو
مقعمزين يهدرزو و جوهم مليح
ميس: مالك
مالك: شن
ميس: النتيجه طلعت
مالك: به وشن نجحتي
ميس: أي نجحت ممتاز و نسبتي 96.5
مالك: ماشاءالله باهي وألاء نجحت
ميس شافت ل خوتها لأنه كلهم يعرفو وسكتت
مالك: خيرك سكتي منجحتش
ميس: للأسف جابت
مالك: كم ماده
ميس :9
مالك: أفففف هلبا معليشي متقولولهاش لأنه هيا توا يعني
مرام: يعني شني
مالك سكت وإبتسم: مش بتولي حنه مش باهي ليها قالتلي الدكتوره الغشاش تو نقولهالها أني بطريقه ممكن تقدر تتقبلها
وهني نفلقو بالضحك
رغيد: يا حماار نجحت
خالد: مبروك جابت 98
مالك: تفووو عليكم
وإستمر الحديث بينهم لين نزلت ألاء ومعاها تورطه مدايرتها هيا
ألاء خشت: السلام عليكم
كلهم: وعليكم السلام
طبعاً كلهم يحبو الحلو وأول م خشت ناضلها عبد المهيمن يجري وخدي منها التورطه
عبد المهيمن: صحيتي مرت أخي العزيزه
خالد: تي هات عليك رزينه نقيمها بدلك
امير: لا أعطوهالي أني لأنه مدرب ف صاله
رغيد ؛ عينك أنت وياه أعطيهالي أني لأنه توأم مالك
مالك: هاتها جاي مرتي ل مدايرتها وأني أوله منكم
مرام ناضت خدتها من ولدها: تي حول أنته وياه مخلصين البنت واقفه حولو
خشت ألاء سلمت عليهم وبدو يهدرزو
.
.
كأنه عطل اليوم هدا تعالو نشوفو شن صار ف تاني يوم🥰🥰
مع ساعه 2:30
إلتمو كلهم ف صاله تريس و نساوين
وكلهم لابسين
مرام: ألاء بنيتي ترا شوفي ماليك نمشو توا
طبعاً مالك ملبس ألاء عبايه و خماار كلها كحله زي شكارت الكناسه حشاكم طبعاً 😁😁
ألاء: مصح وجهك هما حشاهم وأني عادي وله تفف ع وجهك ☹️
لولا نادر: هههه آسفه وحشاك طبعاً🤭🥲
ألاء: كملي ل ناس الحلقه قداش ليهم يراجو فيك أحكيلهم و بإختصار لو سمحتي مش كل أخصوصياتي تحكيهم تمام
لولا نادر: تمام
ألاء: هي كمليلهم
لولا نادر: نرجعو للروايه 🥰🥰
إتصلت ألاء ب أمها وأمها قالتلها تعالو
مشو كلهم ب بكرت أبيهم الله يبارك وصلو وإستقبلهم نادر و خوته و ولادهم وخشو ف صاله قعمزو وتغدو وبعد الغدي
عبدالله: أني يا نادر جاي طالب منكم السماح أنت و ولادك ياريت متردناش
نادر مردش
عزيز: خلاص تموت ثلاثه الشهور أختي وصلت ل حوش بوها معش عندكم شيء عندنا
مالك: شن تقول عزيز خيرك أني نبيها أختك مستحيل تسلمها ب سهوله هادي
عزيز: إلي عندنا قلناه
نذير: أختي تقعد ف حوش بوها معززه مكرمه
عبدالله: حتى ف حوشنا معززه مكرمه و زيها زي بناتي
عزيز: إتفاقكم كان تلاته شهور وتتطلق وله خلاص أختي مستحيل نخليها تولي معاكم شكراً انكم أختصرتو الطريق علينا وجبتوها ل عندنا
مالك: لا عزيز بالله عليك لا مديرش فيا هكي
عزيز: ولي درته أنت وعيلتك شني أختي معش ليها رجعه عندكم وأنت رح إطلقها غصب عنك
وهني نفتح الباب وكلهم شافو ونصدمو من الواقف
-----------شويه ونرجعو نبيكم تتشوقو😅
عند نساوين
مقعمزين يهدرزو بعد الغدي فتحو الموضوع
مرام: أحني يا نادرة جايين نصلحو الوضع ونبو نكونو نسايب وأحباب
نادرة: توا بعد م بنتي نفطست
مرام: والله مابي إيدي حاجه يا وخيتي تعرفي أنتي كله بإيد الرجاله
نادرة: هوا هدا أحني مجينا ف شيء
مرام: انشاء الله تقبلي إعتذارنا
نادرة: الرأي الأول و الآخير ل رجالة الحوش
مرام: هوا هدا وإنشاء الله الرد يكون خير يارب خلاص نبو نرجعو كيف قبل ولادك كانو خوت ل ولادي يارب هدي النفوس
نادرة: انشاء الله خير
_________هي نرجعو معش قدرت نصبر😁😁😁😁😁. وهني نفتح الباب وكلهم شافو ونصدمو من الواقف
مالك: أني مش حنسيبها
عزيز: بتسيبها
ألاء: ها تتكلمو هكي مغير متشوفوني شن نبي
عزيز: أنتي من الأول م تبيش علاش بتقعدي وتلفت ل مالك ورقتها توصلها اليوم قبل غدوه مدابيك
ألاء: خلاص خلاص كفايه ل يصير فيا أني تعبت علاش أنتم هكي
نادر: شن يا بنتي أحكي
ألاء سكتت
عزيز: طلقها
ألاء بدت تبكي: معش تقول طلقها أني منبيش نطلق منبيش
عزيز: كيف ومصدوم
ألاء: شن كيف نبي أني نربي ولدي مع راجلي منبيش نعيش بعيده عليه منبيش
عزيز و نذير و أيهم أو بالأغلب كلهم مصدومين من إلي سمعوه
نذير: اااا ألاء يعني أني توا ب بنولي خال
ألاء هزت راسها بالموافقه ودموعها ينزلو
مالك قدم سلم ع عزيز: أني غلطت ونتمنا تسامحني يا عشيري تي إستحشت أيمات لما كنا نباتو مع بعض إستحشت وخيي
عزيز حضنه طول : حتى إني إستحشتك
ألاء تشوفلهم وتبكي
عبدالله: شن يا نادر نرجعو كيف قبل أحباب و صحاب و توا نسايب
نادر: شاف ل ولاده
عزيز: أني مسامح
فيضي وأخيراً تكلم وجي ل نذير وحضنها وبدي يبكي: سامحني يا ولدي سامحني إنت مليكش دنب عدبتكم ب وخيتكم وفالآخير طلعت بنت أصل و إلي درتها فيها متستاهلاش الله يخلف ع ربايتك يا نادر نشهد بالله إلا ربيت مرا صاحب دراع و تستر. وربيت رجاله يرفعو الراس
نذير ساكت
نادر: هادي شهاده نعتز بيها صحيت
فيضي: سامحني نذير ظلمتك وإتهمتك ظلم
نذير: أني مسامح
عبدالله: هيا نادر خلينا نكملو الفرحه ب مسامحتك لينا حتى أنت ولادك سامحونا ههيا دورك توا
نادر ساكت
عبدالله: هيا نادر سامحنا إدنيا فانيه
نادر : ساكت 🤐
كلهم يشوفو ل نادر
فيضي: شني يا نادر مش راضي
نادر: ألاء بنتي
ألاء : نعم
نادر: مرتاحه معاه ألاء بنتي تبي تعيشي معاه مرتاحه ف حياتك راضيه تكملي بافيت عمرك معاهم
ألاء: أي راضيه يا بابا مريتش منهم إلا كل خير (تكدب مسكينه الحب وعمايله يخلي الواحد يكدب 😁🤣)
نادر: متأكده
ألاء: أي
نادر: ومع هدا لو صارتلك مشكله أحني معاك
ألاء: تمام
نادر شافلهم: ألاء متأكدة من قرارك
ألاء: أي متأكده شن في خفت
نادر: وأني سامحت
المهم فات اليوم حلووو عليهم وبدل الفرحه ولو تنين
الصلح و حمل ألاء و توا بيبدو تلاته فرحات
جمال: مدامه كلكم مجتمعين نحب نقوللكم
نادر: شن انشاء الله خير
جمال شاف ل عبدالله: أني نطلب إيد بنتك ل ولدي مؤيد لو تعطيني يا عبدالله لينا الشرف أنه ناسبوك
عبدالله ضحك: أما وحده بزبط
مؤيد: منعرفش والله يا عمي أني جيتكم مره للحوش و فتحتلي وحده من بناتك وعجبتني الحق
مالك: أهاااا عرفتها
مؤيد: خلاص نبيها هيا
عبدالله: من هيا مالك
مالك: ميس يا بوي
عبدالله سكت : والله بنسبه ليا أعطيتك لكن الرأي راي البنت نشوفها ونرد عليكم
جمال: ربي يقدم إلي فيه الخير
عبدالله: إنشاء الله
وتم اليوم حلو عليهم
تـــــســـــريـــــع الأحـــــداـث😅😅
طبعاً ميس وافقت
ومؤيد وميس نخطبو رسمي
طبعاً أكيد كلكم تقولو كيف ميس تتجوز وخواتها أكبر منها متجوزوش نوضحلكم
أنه عبدالله سأل بناته وقالوله م توقفش ف نصيبها لكن رفض أنه تتزوج توا وقال تتزوج بعد م تكمل الثانوي
ومالك كمل حوشه و حول فيه
وخالد و أمير خطبو وعرسهم بعد سبوعين و رغيد عادي كلمه ف أخت صاحبه ومدايرين فضانيه بس
______________________________________________
بعد مرور سبوعين
وتين: ماما أبي أوز هني ( ماما نبي روج أهني تحكي ع فمها)
المزينه: هههههههه يعطيها السلامه تعالي جاي نديرلك هي
وتين قدمت للمزيه ومدت شواربها وبعد م كملت اامزينه مشت تشوف ل روحها ف المرايه
وتين: ملته توني زميله أباا امواه لي توني الإلواه
( ملكه وتوني جميله هلبا أمواه لي وتوني الحلوه )
المزينة: هي انشاء الله بصحه عليك حبيبتي قمر طالعه
ألاء: صحيتي بارك الله فيك ...تفضلي خلصتها
خشت لدار تلبس ف فستانها إلي كان لونه تركوازي قصير للركبه و منفوخ و كمامه سيور حلووو هلبا و نازك طلعت فيه تجننن هلبا
طلعت ل صاله لقت مالك يلعب ف بنته
مالك: بنتي حلوتي امواه ل أحلى عروسه أمممواه لحبيبت بوها
وتين: بابا ني عروثه حلوه (بابا أني عروسه حلوه)
مالك: قمر حبيبت بوها
ألاء: وتيني بنيتي تعالي نلبسو حوايج العرس
وتين: هي ثاي بابا (هي باي بابا)
ألاء لبست وتين نفس قفطانها هيا
ألاء: هي نديرو شعري توا هي ماما
وتين: به
ألاء بدت إديرلها ف استرا ل شعرها وساوتهولها
وتين كانت آيه ف الجمال عيونها كبار و رصاصيات و بيضه بيضه زي الشمعه وخشمها صغير و واقف و فمها صغير ومنفوخ واخده من بوها لعيون و باقي كله أمها و وحواجبها زي بوها
ألاء : هي كملنا
وتين: لا مثمناش ( لا مكمناش)
ألاء: شن مزال
وتين: أبي زيك أني
ألاء: كيف زيني
وتين: ماما نبي إكياز (, ماما نبي مكياج)
ألاء ضحكت: قاعده صغيره لا
وتين:, أبي ماما أبي راهو حرس بابي( نبي ماما راهو نحرش بابي)
ألاء:, حرشي
وتين: بابا تعاله سوف ماما
مالك يشبح ل ألاء وقريب ينقز عليها: خيرها ماما
وتين بدت تبكي: معش أبحلها أبحلي أني سوقها تالعه أثن من وثيني (معش تشبحلها أشبحلي أني شوفها طالعه أحسن من وتيني)
مالك: لا حلوه وتونه حتى هيا
وتين تبكي: إيا مثبيس إديلي تبي تتعد أثن مني تبي ثلهم يثوفولها ويتوتو وتيني ( هيا متبيش إديرلي تبي تقعد أحسن مني تبي كلهم يشوفولها و يفوتو وتيني)
ألاء بدت تضحك : تعالي نديرلك عمري تعالي
وتين مشت ل أمها وتغمرتها : هيا ماما
ألاء : هي
ألاء دير لبنتها ف مكياج و مالك مقعمز جنبها
وتين: أني عروث بابا
مالك يضحك: عيب ورغيد
وتين: أادي عروث بابا و غيد ( عادي عروس بابا و رغيد)
مالك: ضحك
ألاء: لا أني عروسه بابا وأنتي عروسة رغيد
وتين:لا أثلا بابا يبوس فيا أني بث( لا أصلا بابا يبوس فيا أني بس)
ألاء قامت حاجبها: يا حي عليا ي مالك جايتنا لسانها ملوي ع رقبتها ولا فوقها صايعه يا غباره
مالك ضحك وقرب من دونها وقاللها: أرقي روحك وأنتي طالعه حبيبتي نخاف عليك وباسها ف خدها
ألاء ضحكت
جت وتين تجري: بابا وتغمراته معش آهدي بابي أنتي أعيي
ألاء: أففف ياسر وتين ياسر هي تعالي معاي
وتين: به وناضت مع إمها شويه طق الباب وكان رغيد
رغيد: عروستي وينها
وتين طلعت تجري: رازي جيي (راجلي جيي)
مالك ضرب راسه بإيده : يا حي علينا هيا بنت وصايعه غباره
رغيد: أوبااا قامها ف غمره مالك أني بنرفعها معاي باهي
مالك: تمام شويه ولاحقك
رغيد: خود راحتك معاها وغمزله 😉
مالك ضحك: أي أرفعها معاك تربح فيا أجر
رغيد: من عيوني هي سلام وطلع
مالك خش ل ألاء لقاها تلبس ف العبايه
مالك: قمرر يا ناس وجي باسها
ألاء: هي نطلعو
مالك:, هي .......وطلعو متجهين ل صاله.....
وتمت الحفله و كل واحد إمشي ل حوشه ومشت الحفله زي أي عرس ليبي حلوه وجميله و العرايس طلعو حلوات هلبا وعرسان فرحانين
ســـــتـــــــوووووــــب
أوقفولي هني شويه كان تدكرو لما عزيز
ركب لداره طوووول وراح ف سبات عميق وقرر أنه يأجل الموضوع ل غدوه دكرتوها وله تعالو نشوفو شن هوا الموضوع
عزيز بعد مرقد وجي اليوم الثاني نزل لأمه
عزيز: صباح الخير يما
نادرة: صباح نور هي قعمز أفطر سلم ولدي
عزيز قعمز يفطر لما كمل فطوره
عزيز ؛ يما أني قررت نتزوج
نادرة: فرحت هلبا هدا نهار المبارك هدا نهار لندور فيه الحمد لله يارب
عزيز إبتسم: كان نندري أنه الخبر هدا يفرحك راهو من زمان قلتلك أخطبيلي
نادرة: توا اليوم نطلع ندورلك ع بنيه ل تستاهلها
عزيز عقد حواجبه: لا أني عندي بنيه نبيها وتو نعطيك رقم أمها عندي
نادرة: نبي نختارلك أني
عزيز: يما أني نحبها ونبيها وهيا وصية المرحوم نبيك تخطبيهالي مش تقعد قدام عيوني
نادرة تنهدت ب حزن: ربي يرحمه ويغفر له حاضر ولدي مش حنقوف ف طريقك
عزيز: صحيتي يما وباس رأسها وأعطي ل أمه الرقم وتفاهمت مع أم البنت وكل شيء تمام
ومشت معاها ألاء وخطبو ل عزيز
______________________________
المختصر المفيد بعد مرور حوالي سنتين منبيش نحكي لأنه مافيش أحداث صارت
أنه عزيز تزوج وجاب أم مرته تعيش معاهم وعنده بنيه ومرته حامل من جديد وحتى هيا بنيه
نذير خش ف قصه حب جديده ونسى الماضي ونسى رغد إلي كان يقدر يفديها بروحه والبنت هادي كانت بنت حلال وقرر يخطبها و يكمل معاها نص دينه وتزوجو وتوا حامل ب توأم بنيه و وليد
أيهم قاعد مهبول
مؤيد نسي ألاء ونسي معاناته معاها مجرد م كلم ميس وأعرف أنه كان يبي يتملكها لا أكثر ولا أقل وعرف أنه مكانش حب صح كانت حب طفولته لكن كان هوا غبي يوهم ف روحه وخلاص وتوا إنساها وعايش مع ميس أحلى قصه حب و مقالب هلبا وبو ميس مصكر راسه إنه لما بنته تكمل الثانوي يتزوجو يعني قاعدين مخطوبين
ميسم و ملاك تزوجو خوت يعني سلفات هما
ألاء و مالك وآخ منهم
وتين بنتهم كبرت وتوا ألاء حامل ب زوز ولاد توأم و مالك قريب يموت فيها وعايشين حياتهم مرتاحين وفرحانين
.
ومتنسوش الواحد لما يحب يدير المستحيل ع خاطر الشخص ل حبه
زي مؤيد لما حب ألاء شوفو كيف مإستسلمش طول
ولما تحبي لازم تكوني متأكده من مشاعرك
وزي م نقول أني
الحب مش صاعب لكن يبي راجل قد كلمته و بنت عيله تصون سمعتها ومتخليش راس بوها ف الأرض
.
النهايه
راجوني حبايبي ف روايه جديده أسمها ( م أقصى قدري)
هي سلاام وإنشاء حنزللكم يوم الخميس الإعلان لو عجبتكم نكمل ولو لا نوقف
😘😘😘😘😘😘😘😘😘😘😘
