وتين الأدهم

اكرهك

   خرج الثلاثه بحثا عن اخوتهم ووجدوهم يقفون مع ادهم وهمس تبكي بينما سيف يكاد الدخان يصعد من اذنيه من الغضب وادهم ينظر لهمس بأسف تقدموا منهم والتعجب على محياهم بادر فهد بالسؤال عن ماذا يحدث لم يجيبه احد .

    ادهم بحزن / وتيني اسمعيني طيب
دفعه سيف بغضب وصراخ / تسمعك دا ايه امشي يا ادهم امشي احسن لك وانسى انها كانت في حياتك في يوم من الايام
جن جنون ادهم من عبارته فهو كاد يموت من غيابها وهو يريد منه ان ينسى وجودها في حياته تقدم ادهم من سيف وهو يمسك بتلابيبه قائلا بفحيح / همس مراتي وملكش حق تفكر تمنعني عنها فاهم

    لكم سيف ادهم بعنف وردها له ادهم بأخرى اعنف بينما فهد وقف كحاجز بين الاثنين  من القتال بينما هرع مراد يمسك بسيف ومازن بادهم دفع سيف مراد وهو ينظر لفهد بسخريه مرددا / هو دا الي كنت بتقف في وشنا عشانه اهو غفلك وغفل الكل معاك
فهد بضيق / عملهم ايه ياسيف
قهقه سيف بسخريه وقال / عايز تعرف هو عمل ايه.....انا هقولك....مخبي اختك عنده واتجوزها واحنا زي الهبل محدش قدر يعرف حاجه....وربنا رجعها لنا بالصدفه جيلان تبقى هي اختك بجد

    التفت فهد بصدمه وهو يحدق بادهم بينما الاخر عيناه لا تحيد عنها دفعه فهد وهو يحدق به بترقب مرددا / الكلام دا بجد يا ادهم......انطق الكلام دا بجد

   ختم عبارته بصراخ بينما ادهم نظر له بجمود وقال / ايوه

    كاد الاربعه ان يفتكوا به ومعهم حق في ذلك بينما هو لا يهتم بصراخهم ولا بجدالهم فقط ينظر لها بينما هي تبكي بصمت هي الان بين نارين اخوتها في طرف وادهم في طرف
كان مراد يدفع ادهم وهو يردد / امشي يا ادهم امشي و متوريناش وشك دا تاني

    هتف ادهم وهو ينظر لعينيها برجاء قائلا / تعالي يا وتيني خلينا نرجع البيت

  فهد بحده / ترجع فين هي بيتها هنا معانا مع اخواتها

   ادهم بحده اكبر / لا بيتها هو بيت جوزها وبعدين هي الي هتختار تبقى مع مين

    كانت تنظر للخمسه بتوهان فهي لاتستطيع ترك عائلتها بعد ان وجدتهم ولا تستطيع العيش بدونه نظرت للاسفل بحزن وكلام اخيها يتردد في اذنيها

Flash baak

    كانت متوجهه نحو الخارج وجدت مازن يجلس في الحديقه يحدق في الفراغ بشرود جلست جواره وربتت على كتفه بحنان وهمست / زوما سرحان في ايه

    رفع عينيه لها وهو يقول / بفتكر قبل ما تدخلي حياتنا كانت عامله ازاي..... كان كل واحد في عالم تاني خالص بعد ما بابا مات.... كان كل واحد فينا عايش ميت والبيت دا كان زي المهجور لا روح ولا اي حاجه تمد للحياه بصله انما لما انتي جيتي رجعت صوت الضحكه والروح دبت في البيت ده

   ضيقت حاجبيها باستغراب وقالت / لما دخلت حياتكم؟!.......ليه هو انا كنت فين

مازن بتوتر / مش قولنا لك كنتي مسافره برا