وتين الأدهم

الماضي 3

" ذلك الابتلاء الذي كشف لك الكثير والكثير من حولك لم يكن صدفه بل كان هديه من الله لك"

بسم الله الرحمن الرحيم

حكت اماني كل ما حدث معها وكل شيء عنها
جميله بصدمه :

" كل دا طب وبعدين "

اماني بتنهيده :

" ولا قبلين خلصت فلوسي اترميت في الشارع....."

جميله بزعل :

" الحيوانات ، طب وهتعملي ايه؟؟ "

اماني بتوهان :

" مش عارفه "

" اماني انتي باين عليكي لسى صغيره انتي خلصتي الثانويه والا لا "

اماني :

" ايوه خلصت وكان نفسي اخش محاماه بس مفيش نصيب "

جميله :

" ايه رأيك اساعدك وتخشي محاماه زي ما انتي حابه وهتشتغلي عند كوثر صحبتي وانتي في سنه تانيه ان شاء الله وهأجرلك شقه "

اماني برفض :

'' لا مستحيل اقبل بحاجه زي كدا انا شكلي هرجع البلد والي يحصل يحصل ''

" وانا مش موافقه انك ترجعي وهتعملي الي انا قلت عليه ومش عايزه اعتراض ها ايه رأيك......"

اماني بأحراج :

" بس كدا هيبقى كتير عليكم انا بقول كفايه لحد هنا مش حابه اتقل عليكي والله "

جميله بنفي :

'' لا انا قولت مش عايزه اعتراض وكمان انا حبيتك اوي بتفكريني بأختي "

اماني :

'' هي فين؟ "

جميله بحزن :

" مقطعاني صدقت واحده واطيه عليا خلتها تكرهني وانا معملتش حاجه ، بس يالله ربنا يهديها فرقت بين ولادنا ، ادهم كان متعلق بولادها جدا بس خلتهم يكرهوه "

اماني بتعجب :

" ازاي يعني مش فاهمه "

جميله :

" يعني الموضوع ان في واحده صاحبناها ودخلناها بيتنا تقريبا من سنه والست دي لعبت في دماغاها واتبلت عليا انا وعز جوزي لحد ما كرهت اختي فيا ومن ساعتها وهي مش بترد على مكالماتي وكده "

اماني بحزن :

" اسفه اني فكرتك "

جميله بابتسامه صافيه :

" عادي ولا يهمك ياروحي المهم انك دلوقتي ترتاحي وتبقي كويسه عشان تسجلي في الجامعه تبقي محاميه قد الدنيا "

اماني بخجل :

'' صدقيني انا مش عارفه اشكرك ازاي ''

" هتشكريني بطريقتين لما تخلي بالك من نفسك وتخشي الجامعه وتجيبي تقدير ممتاز ''