جمعنا الحب وفرقنا نصيب

【البارت الاولى¹】

في ديرة سكانها يعشون في راحة واطمئنان قد بدأ فصل شتاء هطول الامطار وهبوب البرد مع نسنست البرد كان جلس ابومشعل في حوش بيته وينظر سماء وجنبه زوجته منى ومعها بنتها
قام ابومشعل وقال:انا بروح ل العزبه تأخرت على الإبل ادخلوا دخل من برد
ام مشعل:ابشر خذا معك ثلجة القهوه ماتقهويت
ابومشعل:ابد خلوا واحد من عوال مشعل يجيبه لي
ام مشعل:بس عيال مشغولين مابه احد
ابومشعل بغضب:كيف مابه احد؟؟؟يوم بغيت نفعتهم اختفوا الله يقلعهم كانهم رخوم مايسون تاليه.....
قاطعته ام مشعل وقالت بحده:ياسلمان العيال كانوا موجودين معنا قبل نص ساعه نشدوك وقالوا تبي من شي ياجد وقلت لا ليش ما تحكيت يوم كلموك
ابومشعل:حسك اقصريه وشغله توا ما تذكرته وش انتي وش عليك مني ومنهم هااا؟؟؟علوم رياجيل مالك كلام فيه
ام مشعل والغضب مسيطر عليها:علوم رياجيل خلها في مجالسك ياابو مشعل اشوفك تغلط عليهم واسكت لابلتي مااسكت هذولا اعوال عوالي من لحمي ودمي تربوا قدامي وكبروا وكلنا يمدح فيهم وفي تربيتهم وأخلاقهم وتجي انت وتشك في رجولتهم عشان كم ناقه!!!
ابومشعل وهو يضرب العصا ب الارض:اسكتييي ولاعاد اسمع حسك اذلفي لابارك الله فيك قالت ايش اعوال عوالي ترهم عوالي بعد
سماء بربكه وخوف:نفداكم خلاص قفلوا على سالفه لايكثر الكلام ويدخل شيطان
والتفتت ل ابوها وقالت:والعيال ابشر يبه بدق على جواد يجيك
ام مشعل بحده:لادقين عليهم خليهم خلي العمال الي ندفع لهم مبلغ وقدره يشتغلون
طلع ابومشعل بعد ما ارتفع عليه ظغط
سماء وهي طالع ابوها:يمه الله يطول بعمرك ليش سويتي كذا
ام مشعل:وش تبغين اسوي؟؟؟هااا رجال كل ماله يطول لسانه على عيال ماتسمعينه انتي؟؟؟
سماء:الله يهديك يمه
ام مشعل وهي تقوم نويه تروح ل بيت مشعل تقهوى مع ساره
طلعت ام مشعل وسماء اخذت جوالها واتصلت ورد من اول رنه
سماء:الوووه جواد؟؟تسمعني ياروع
جواد:ايه اسمعك
سماء وهي تسمع صوت هواء
سماء:صوتك ما ينسمع برا بيت انت
جواد وهو يسكر باب سياره:ايه يابنت الحلال سياره وحده من الكفر هوهاء ناقص وهذاني أدق على ذياب يجي ياخذني بس شكله مب موجود
سماء:ايه لا دق ذياب مب موجود
جواد:وش دراك انتي متصله عليه؟؟؟
سماء:لا يا غبي امي تعلمني المهم انت قريب؟؟
جواد:ليه؟؟؟
سماء:انت قريب ولا لا عشان احسب حسابك معي في الكرك
جواد ب ابتسامه:ثواني وانا عند باب
سماء وهي تضحك:ياربي يا مشفوح
جواد:ذبحني البرد جهزيه اشوي واجيك
سماء:طيب
قفلت من جواد ودخلت مطبخ وجهزت الكرك ودخلت به في المشب

'عند جواد'
الي ارتفع ضغطه من الكفر مامعه عده ولا معطيه اخوه عوض
جواد:انا وش الي خلني اطلع؟؟؟لو اني منثبر في بيت كان احسن
طلع من سياره وهو متقروش فجأه سمع حس سياره رفع راسه وشاف مشاري ب سيارته
وقف مشاري عنده وقال:توصيله ياولد العم؟؟؟
جواد ب ابتسامه:الله جابك معك عده؟؟؟
مشاري وهو يفتح الباب الي جنبه:مامعي شي غير أركب اوديك بيت ابوك بس غيره لا
جواد بضحك:معليه بيت جدي اعتبره مثل بيت ابوي
ركب ومشى مشاري:ايوالله وش عندك في بيت جدي؟مبطي من العصا الي دايم على ظهرك
جواد بمزح:نعنبوك فيه احد يبيها؟؟؟ظهر كله علامات زرق بسبتها وسبت جدك الي يشوفني يقول معنف
مشاري انفجر من ضحك وضحك معه جواد
يلاحظ ان مشاري تغير صار يسولف ويتحدث معهم من قبل مايتقبلون الا وهم متهاوشين
وصلوا بيت جدهم
جواد قبل ما ينزل:طفى سياره عازمك على الكرك من ايدين العمه سماء
مشاري وهو يطفي سياره وينزل:دام موضوع فيه كرك ماني قايل لا
ونزلوا واستقبلتهم سماء وهي تقول:يامرحبا بلي جاوا ولا سلموا على عمتهم
ضحكوا وسلموا عليها وجلسوا يسالفون ويضحكون
جواد:عمي حمد بيجينا؟؟
سماء ب استغراب:لاليش؟؟؟؟
مشاري ب ابتسامه وغمز ل جواد:اقول؟؟؟ياطويلة العمر ابوك دق اخوك حمد وقال له ب الحرف واحد اذا أشرقت شمس اليوم ثاني وانت مب موجود لا انا ابوك ولا انت اولدي
سماء شرقت وكحت وجواد يضرب ظهرها بخفيف:بسم الله عليك
سماء بصدمه:لا مو منجدك؟؟؟ابوي يسويها شوف ابوي يسويها بس يعني....
قاطعه مشاري وهو يقول:ماالومه بنته قد عمرها ١٨ سنه ولا جابها تسلم على أهلها إلى متى وجدي يسكت؟؟؟
سماء:لاحول ولاقوة الابالله وهو وش قال؟؟؟
مشاري وهو يحك راسه:قال المغرب وهو موجود
وبعده قام:يله مع السلامه يا ربع بروح ل اخوياي بنطلع ل البرا تجي معي يا جواد
جواد وهو يفز:في امان الله يا رجال فيه احد صاحي يطلع مع ذا برد؟؟؟
مشاري ضحك وهو يقول:والله انها خيره يوم انفقعت الكفره خلتك تهجد
وطلع مشاري بعد ما حذفه جواد ب الكاسه
سماء وهي تضرب كتفه:لا تكسر الكاسه يا دبش
جواد وعيونه شوي وتطلع من صدمه:انا دبش؟؟؟يا ناقه الهبود
سماء وهي تشهق:الله لايبارك في عدوك وش ذا الكلام انا عمتك يا ثورررر
ضحك جواد وقال:شفتي مثل ما انتي تحسسين من ناقه الهبود انا بعد من دبش
ضحكت سماء وضمته وهو بادله كانت علاقتهم اكثر من كذا فرق طول بينهم يضحك مع ان سماء الاكبر بس مو بين
'عند مشاري'
بعد ما طلع من المشب اتصل على واحد من اخوياه وحدد المكان الي بيطلعون فيه قفل جواله وكان بيروح بس شافه  وحده عند سلة زباله وترميها ابتسم من عرفها هذي ليالي بنت مشعل بنت عمه هايم فيها يبغها باي طريقه عشان كذا حسن علاقته مع اخوانها بصريح عباره مصلحجيييي
حرك من بيت وهو حالف ما ياخذها غيره بس وين وعوض وراها
'عند ليالي'
رمت زباله ورجعت بيتها بس قبل ماتدخل لمحت مشاري واقف ويطالع فيها زفرت وسكرت الباب بقوه
ليالي:وجع انشهد انه قليل ادب
رفعت راسها ل سماء كانت الأجواء جمييله رحت ل ابوها بعد ما طلعت ل فكره كانت حالفه تسويها
ليالي ابتسمت وقت شافت ابوها الي بادره ب ابتسامه وحضنها وقال:ياهلا ب ليالي ياهلا ببنت مشعل شلونك ياعين ابوي انتي
ليالي رفعت راسها وباسة راسه وقالت:يبه في بطلبك طلب واتمنى ماتردني
ابوعوض وهو يفز:ابك انتي تطلبين وانا انفذ وش بغيتي
ليالي بدلع:يرضيك العيال يطلعون وينبسطون وحنا لا؟؟؟؟نبغى نطلع ل مخيم جدي
ابو عوض وهو يأشر على خشمه: ابشري على ذا خشم
فرحت ليالي ونطت تحضن ابوها بسعاده ضحك ابوها وقال:هااا انا بروح اعلم عمانك وعيالهم عشان نتجهز ونروح سوا وانتي علمي امك
ليالي وهي تركض دخل بيت:ابشرررر
ضحك معشل وطلع يتصل على اخوه عايض رد وقال:ارحب يابو عساف اخبارك فاضي ولامشغول؟؟؟
ابوعساف:لاوالله غير فاضي ليه بغيت حاجه؟؟؟
ابوعوض:ابد بنروح انا وأهلي ل مخيم ابوي تجيك انت وأهلك حياكم الله
ابوعساف:الله يحييك بنسبقكم هناك
قفل مشعل من اخوه وشغل سياره وأرسل في قروب رساله محتواها(سمرتنا ذليل في مخيم ابوي لااحد يتاخر)ردوا عليه عيال(ان شاءالله+على خير)
'عند ابوعساف'
دخل بيته وهو مستعجل ابوعساف:ياولد يا ميثاء
طلعت ميثاء ركض وقالت:خيرا يابو عساف وش فيه
ابو عساف:تجهزوا بنروح ل مخيم ابوي
ميثاء:بنطول هناك؟؟؟
ابو عساف:ثلاث ايام ولا مثلها المهم بروح اتفقد سياره وارجع عليكم والقكم خلصين
ميثاء:ابشر
طلع ابوعساف وميثاء دقت باب غرفة بناتها ولقت كل وحده على جوالها ميثاء:غزل لجين جهزوا اغراضكم بنروح ل مخيم جدكم وبنقعد فيه ثلاث ايام استعجلوا
غزل وهي تنط من سرير:يسسس واخيرا بنطلع مليت من البيت
ميثاء ب ابتسامه:بشويش لا تكسرين علينا
لجين بهدوء:اقدر أرفض؟؟؟
ميثاء:لا يويلك تقولين انك تبين تقعدين
لجين:يمه طفش هناك على نفس روتين دايم مايتغير شي بقعد على جوالي اتابع مسلسلاتي
ميثاء انصدمت من كلام بنتها وغزل تشر لها تسكت
ميثاء بحده:ياانك تروحين ياانك تنثبرين هنا وجوالك معي عيب ذا كلام جدتك لو تسمعك زعلت
وطلعت وسرعان ماخذت غزل المخده وضربتها ب لجين وقالت:وجع انتي ياالكتومه لاتخربين علينا
لجين:منجد طفش
غزل بتوسع عيونها:بنتتت خلي عنك خراط وجهزي عفشك
ورحت ل غزل تجهز ملابسها بحمس اما لجين تجهز وماله نفس ما كانت تحب طلعات عائليه كثيرا مثل غزل الي تموت فيها
'في رياض بيت حمد'
في غرفتها مع ميكب ارتست  ومشغله اغنية'lovesick'وحده من صديقاتها رجعت ل سعوديه بعد ماكانت مع أهلها في دبي خلصت ميكب ارتست ورفعت راسها ل مرآيه شافت انعكاسه كانت جميلههههه بشرتها بيض مع عيونها حاده الي بلون بني غمق شفايفها الي على شكل قلب ارموشها كثيفه والي تجذب ناس شعر القصير إلى واصل رقبتها والي زادها جمال الون الأسود لبسها فستان برتقالي غامق واصل ل ركبتها عليه اكسسورات فاتنههه بمعنى الكلمه اخذت عطر من على تسريحه ورشت رشتين
بيادر بنعومه:شكرا حبيبتي ماقصرتي ميكب مره حلو وناسب ملامح وجهي تقدرين تروحين
ميكب ارتست:لاتشكرين هذا واجبي بعدين انتي آيه من جمال بدون ميكب
ارسلت بيادر ل ميكب ارتست بوسه في هواء وضحكت وطلعت
أما عن بيادر لبست عبايتها وطرحه فوق شعرها بدون نقاب
اتصلت على صديقتها وسن
بيادر:هاييي وسوني كيفك
وسن:هاي بيادر الحمدلله تمام وانتي
بيادر:والله اموري كلها تمام استئذنت من ابوي وبطلع الحين انتي قد رحتي؟؟؟
وسن بضحك:حبي انا في حفله لي نص ساعه
بيادر بصدمه:خيرررر يابنت توا ناس عجوز انتي تجيهم من بدري؟؟؟
وسن:مو توا ناس انتي متأخره شوفي ساعه كم؟؟؟٤ونص متى تشرفين يا الاميره
بيادر وهي تسكر باب غرفتها ونزلها تحت:مسافة الطريق بس مدري ليه حطوا عزيمتهم بذا الوقت
وسن:وربي سألت أجوان قلت سلامات حطين عزيمتكم في ذا الوقت قالت انهم بيمشون ل ديره
انفجرت بيادر من ضحك:ياربي سبحان مغير الأحوال امس في دبي وبكره في ديره ايش ذااا
وسن:والله مدري عنهم
قفلت بيادر من وسن بعد ما سمعت صوت صراخ امها وابوها
نزلت بيادر وكانت صدمه ابوها وامها كانوا يتهاوشون واول مره من١٨سنه
بيادر برجفه:سلامات ايش فيكم
ام بيادر بصرخ:هااا شوف هذي بنتك أقنعه يا سيد حمد بدمر حياتها بفعلتك ذي تبي تطلعن من هنا الى ذيك ديره الغبر عشان خاطر ابوك المريض؟؟؟
ابو بيادر بعصبيه اهل الارض:ندى!!!!!!احترمي نفسك احشميني على الاقل وعن تدمير حياة الي على قولتك؟؟؟؟
ام بيادر:دراستها يا حبيبي دراسههههه تبيني ادمر دراسة بنتي عشان ابوك لاوالله مااسويها بعدين وش فيها ديره ذيك هااا؟؟؟أسألك فيها شي؟؟؟؟فيها مستشفيات فيها مدارس فيها جامعات هل فيها أي من خدمات اجتماعيه؟؟؟بنتي بتخرج من ثانويه سنه هذي تبيلها جامعه تلقي في مستوها دراسييي بيكون تعب عليها تمشي ذا مسافه كلها عشان الجامعه خلنا هنا أفضل لنا من ذيك ديره!!!!!
ابو بيادر:بنات مشعل وعايض خلصوا ثانويه وجامعه وهم في ديره وبعضهم آلى الان وهم يدرسون واذا عن خدمات اجتماعيه اذا بغينا اي خدمه مافيه مشكله رحنا رياض ونخلص ونرجع وين مشكله؟؟؟
ام بيادر:بكيفك انا حذرتك وعلمتك
أما عن بيادر الي كانت تلتزم صمت من اول بدايه الحديث كيف كذا؟؟؟؟؟بتروح وبخلي حياتي اجتماعيه وراي صديقاتي وطلعاتي ووناستي كلها بتروح وحلمي محاماه بيروح برضوا؟؟؟؟لالالالالا ما يصلح الوضع كذا مستحيل اروح
ابو بيادر وهو يضم بنته بعد لاحظ دمعه في عينها
ابو بيادر بحنيه:يابنيتي اعرف تغير حياتك وتقبله في ديره بيكون صعب عليك ماالومك انا يوم جيت رياض ما كنت اطيقه بس عشان ظروف حادتني ابيك تقبلين وضعي ولاتثقلي علي
نفضت بيادر نفسها من حضن ابوها بسرعه وقالت:يبههه لاولا والف لا مستحيل اروح ل معكم اي مكانننن
ونزلت دموعها وهي تتكلم وتشهق:انا ولدت هنا طفولتي مراهقتي دراستي ثانويه هنا كل شي لي هنا ليييش لزم نروح الحين خلونييي اقعد يبه الله يخليك تكفى ما ابغى اروح
ابو بيادر بحزن على بنته:ادري ادري يابنتي ماتقدرين بس حاولي تأقلمي
بكت بيادر إلى أن تغرق وجهها من دموع انحنت عند امها وهي تقول:اميييي تكفين حاولييي في ابوي
ام بيادر وهي تطالع في حمد ثم بيادر مسكتها وضمتها وقالت:يابنتي انا ما اقدر ابوك حزم قراره
بكت بيادر ثم رفعت راسها ل ابوها وقالت بصرخ:والله ثم والله اني ما اروح مستحييييل اروح اتخلى عن حياتي هنا عشان شايب ما قد شفته او عرفته فاهمينننن
ابو بيادر بصرخ:بيادر عيببب عليك كلام ذا هذا جدك شكلي دلعتك كثيرا خلي عنك ادلع ل اطلع لك وجهي ثاني ولايكون افضل لك صدقني لاني بطر أمد ايدي عليك ل تطولتي اكثر من كذا
بيادر بصرخ:يبههههه
ابو بيادر:والعنه انثبري هنا وجهزي عفشك كلها لاتخلين شي فهمه
بيادر:وين بنسكن يعنييي وينننن
ابو بيادر وهو طالع:في جناح صغير لي في بيت ابوي ساعه وانتوا خلصين فاهمين
وطلع وخلى بيادر الحالها تبكي وامها معها تبكي على حالة بنتها ضمتها وقالت:قومي يابيادر روحي جهزي اغراضك ابوك معدا ينفع معه كلام
فعلا قامت ام بيادر وتركت بنتها تبكي بعدها لحقت بيادر وهي تحاول ماتبكي دخلت حمام على سريع تروشت ولبست لها بجامه بدأت تطلع ملابسها واكسسواراتها وميكب حقها وكتابها دراسيه وعطورات بختصار ما خلت شي كانت تجهز اغراضها بسرعه وتبكي خوف من ابوها لايجي يلعن خامسها خلصت بعد ساعه من ترتيب
'عند ابو بيادر برا في حوش قصره'
طلع وهو معصب من بنته وزوجته على الاقل يحترمون قراره استغفر ربه ودق على اخوه مشعل ورد عليه وهو يرحب مشعل:ارحبببب يبو بيادر يجعله مرحبا
ابتسم حمد وقال:البقى يبو عوض اخبارك وين ابوي؟؟؟
مشعل:في عزبه ليه انت قريب منا؟؟؟
ضحك حمد وقال:بمشي الحين انتوا في بيت؟؟؟
مشعل بصوت عالي:منووووور ما بغيت ياطويل العمر حنا عنا في مخيم ابوي الي انت خابره
حمد:ان شاءالله نصلي معكم العشاء
مشعل:ان شاءالله
قفل حمد ودخل بيته ولقى شناط قدامه كانت بيادر جالسه على جوال وامها تكلم شغاله تشيل عفشهم
حمد:جاهزين؟؟؟
ندى:يله مشينا
اخذت بيادر شنطة مكياج معها وباقي شناط أخذها ابوها هو وشغاله ركبوا ومشوا ل ديره
'عند مشعل في مخيم'
قفل من اخوه وبلغ الاهل بأن حمد بأذن الله بيصلي العشاء معهم هو اهله
لاتوصف فرحة ام مشعل بقدوم ولدها وأهله كانت مره فرحانه ومتحمسها حتى انها طلبت من بنات يشيكو على مكان نظيف يحتاج شي وطبعا ما كان يحتاج شي لانهم قدا أنهوا اشغالهم
غربت شمس وكلنا تجمع الحريم في قسم ورياجيل في قسم وينتظرونا قدوم حمد.....