جمعنا الحب وفرقنا نصيب

[البارت ثالث³]

'في مخيم'
جلست ام مشعل حول ضوء وتزين قهوتها عليها الوقت كان مره بدري كانت ساعه ٥ونص مااحد صاحي الاهي وابو مشعل وباقين صلوا ورقدوا
ابو مشعل:ماش مافيهم الواحد الي قال بزين قهوة جدي ذابحهم نوم
ام مشعل:خلهم اكيد انهم سهروا على بلوت ذا الي اشوفه في جيوبهم كلهم حتى كبار
ابو مشعل وهو يهزأ راسه بنفي:لا يا بنت الحلال ظنتي انهم متخانقين
ام مشعل بفزع:هاااا
ابو مشعل:ايوالله يوم جيت اصحيهم ل صلاه كلهم منهم الحاله وهذي غريبه ماهي من عوايدهم دايم مرقدهم سوا
ام مشعل:لا ان شاءالله فال الله ولا فالك
ابو مشعل بتاكيد:مشاري ذا وراه بلا ماني مرتاح له
ام مشعل ب ابتسامه:لا نفداك والله ان مشاري مسكين
ابو مشعل:والله ما احد مسكين إلا انتي ركزي في رجال لاجاك
وقام وسالته:وين بتروح الإبل؟؟؟
ابو مشعل:ايه بروحلها اشوف وش ناقص على عمال
هزت راسها وطلع ابو مشعل وقعدت ام مشعل تقهوى الحالها لحد ما جاها ولدها حمد الغالي على قولتها احب عيالها واقربهم لها مع انه لاهو كبير ولا صغير جاء وسلم وحب فوق راسها وايديها وقال:غير مادلجتي شوي برد عليك يا الغاليه
ام مشعل ب ابتسامه:لا نفداك ماتعودها
حمد تنهد وجلس وهواجس وامها تتأمله
امه ابتسمت وقالت:طلعت بيادر تشبهك؟؟؟
حمد ب ابتسامه خفيفه:عيونها بس
ام مشعل وهي تهزأ راسها ب معنى'لا' قالت:اشوفك فيها ياحمد البنت مو بس عيونها شعرها خدودها حتى ابتسامتها زيك
حمد:مايفوتك شي حللتيها في كم ساعه لالالالالا انتي ينخاف منك جعلني أفداس
ام مشعل وهي تضحك:مايفوتني
حمد تكلم وقال:يمه بيادر بنتي واعرفها اكثر من نفسي عاداتنا وتقاليدنا مستحيل تتقبلها اعترف اني اخطيت يوم دلعتها ودللتها معدا اقدر أقسى عليها ولااتحمل زعلها علي تكفين يمه اجلسي معها وفهميها
ام مشعل بتفهم:معليك وانا امك بتكلم معها وافهمها بس لا تقول تكفى
حمد فز وباس راس امه وقال:يجعلني ماابكيك
عند بيادر'
تحاول تقوم ليالي تروح معها ل مطبخ
دق ليالي بخفيف برجلها في بطنها
بيادر:ليالييييي قومي معيييي
ليالي ونوم في عيونها:ياكلبه اذلفي مني خليني ارقد ماخلتيني امسي البارحه
بيادر بجزع:الله يخليك قومييي
ام بيادر بحده:بيادر بس خلي البنت تنام روحي الحالك وش الي بيطلع لك؟؟؟سمي بالله
بيادر وهي تضرب رجلها الأرض:ماما انتي معي ولا معها؟؟؟
ام بيادر ماردت وعودت ل بطانيتها وتركت بيادر
بيادر خذت جوالها وراحت ل مطبخ كانت تبي تشرب ماء وتبي ليالي تجي معها بس رفضت لان شمس باقي ما شرقت وباقي فيه ظلام
فتحت باب مطبخ الي كان مقفل ب مزلاج شافت قربه وأخذت كوب صبت مويه وشربت وبدأت تهواجس إلى أن شافت شخص طويل داخل عليها من باب مطبخ
توسعت عيونها بصدمه وصرخت صرخه هزت مخيم كامل ارتعب شخص وحاول انه يسكتها عشان مايقوم احد بس انها حذفت عليها الكوب مويه الي كان قزاز اساس جات ضربه في حواجبها وانسكر الكوب في وجهه ونزف دم حيث صرخ وقال:مجنونننننه انتييييي وش سويتييييي
دخل على صراخه الجده وحمد والي شغلوا نور وانصدموا من الي شافوه كان سلطان جالس على الأرض ب ركبته ومسك راسه الي يصب دم والقزاز حاوله
انصدم حمد وتكلم:وش الي صار؟؟؟؟
ركضت بيادر ل ابوها وضمتها
ام مشعل وهي تمسك سلطان:بسم الله عليك يا عين ابوي انت جاك شي غيره؟؟؟
سلطان وهو ماوده يناظر بيادر الي كانت وراء ظهر ابوها
تكلم سلطان وقال:غيره؟؟؟الحمدلله مادخلني مس من صراخ الجنيه الي رواكم
بيادر وهي وراء ابوها:وش تبين اسوي؟؟؟واحد داخل علي وفي ظلام بعد اخذك ب الحضان يعني
سلطان بحده:لاتاخذيني ب الحضان ولا شي عيني احتاجه كنتي بتفقعينها
حمد وهو يحاول يمسك ضحكته ويمثل الجديه إلى أن تكلمت امه وقالت:ماجاك شي معليك تكبر وتأخر غيره
سلطان:هذا كلامك يا نبع الحنان؟؟؟
ام مشعل وهي تضرب العصا ب الارض:ايه هذا كلامي الف مره اعلمكم لاعد تدخلون قسم نسوان غير ماتسمعون هااا شف وش صار ل عينك ب سبت عنادك
حمد بضحكه خفيفه:والله وراحت هيبتك ياظابطنا
سلطان:والله لو ما انك عمي كن قولت لك تعقب غير خله على الله
وطلع سلطان مع جدته
وقعد حمد مع بيادر وقال:أعجبك يابوك بغيتي تفقعين عين رجال
بيادر:شسوي خرشني
حمد ضمها وقال:بسم الله....عادك زعلانه مني؟؟؟
بيادر وهي ترفع راسها:انا ازعل منك؟؟؟
حمد حاوط بيادر وشلها وبدأ يدور فيها وهي متعلقه فيه مهما صرخ عليها وهوشها تبقى الغاليه على قلبه مايقدر يتحمل دموعها ابد
بيادر بدوخه:يبههه خلاااااااص دختتت
نزلها وهو يضحك وبيادر معه
باست راسه وقالت:خفت تزعل انت ولاتكلمني
حمد:ماكسرني قسوة ابوي ولا قسوة دنيا ماكسرني إلا دموعك خفت تصدين مني وانا ماتعودت على صدك لاعد تعصبيني ياعين ابوي انتي
كانت بيادر مع كل حرف تدمع عيونها كانت تحاول تمسك نفسها إلى أن ضمها ابوها وانفجرت بكاء وهي تقول:اسفهههه على جرحتك في اهلك يبه والله ماكنت اقصد سامحنييييي خفت نرجع وتخرب حياتي وتغير معاملتك معي ماابيك تغير علي يبه
حمد ودموع في عينه:اسامحك على ايش يابنتي انا لو تطلبين روحي اعطيك اياها بدون تردد انتي وحيدتي ربي مارزقني من ذريه إلا انتي
بعده رفعت بيادر راسها وباست ابوها وقال:يله وانا ابوك البسي عبايتك وخلينا نروح ل سوق
بيادر بحماس:الله بتوديني ل سوق؟؟؟؟
حمد وهو يضحك:ايه بس تراه ماهوب مثل الأسواق الي انتي خبرتها
بيادر:اهم شي كلمة سوق
حمد:ها استعجلي
فعلاً رحت تسعى تدور عبايتها وطرحتها وكانت بتطلع بس وقفها لجين وقالت:اذا بتروحين مكان البسي نقاب وغطي وجهك عشان ما ينقطع راسك
بيادر وهي تبادل لجين نظرات ثم قالت:الله يذكرك بالخير بس فيه مشكله ماعندي نقاب ولا اعرف البسه
لجين بضحكه خفيفه:بعطيك حقي والبسك اياه
ولبست لجين بيادر نقاب وهي مبهوره
وقالت:ماشاءالله حتى نقاب ماغطى جمالك
بيادر:مو لهذي الدرجه
قالت:اتكلم منجد عليك عيون تجننن انتبهي خليك وراء عمي رخصين هنيا واجد
بيادر وهي تضم لجين:معليك مشكوره على نقاب
وطلعت ركض ل ابوها
'عند سلطان'
طبعا والاكيد انه لقم سب ولعن من جدته لأنها دايم تقول لهم لايدخلون القسم نسوان ابدا ولو شافت واحد ياويله
ام مشعل وهي تلف شاش على رأس سلطان الي كان مبتلش يحس بصداع براسه وجدته عند راسه باظبط وتعطيه محاضرات
ام مشعل:والله بردت كبدي فيكم احسن عقبالكم كلكم
سلطان وهو يفز:لا ياجده تكفين انا ضربه وحده كنت بفقد عيني توبه والله معد اجي مكان فيه الادميه ذيك والله مب آدميه غير جنيه
ام مشعل:قص السانك لاشفتك تكلم عنها بذي طريقه
سلطان:تقصين الساني انا؟؟؟
ام مشعل:وراسك بعد اذا ماعدلت اسلوبك هذي بنت الغالي حمد
سلطان:الله مستعان
دخل عليهم مشاري وعساف على شروق الشمس وجيهم واضح عليه نوم والكدمات ضرب
ام مشعل بصدمه:بسم الله عليكم وش بلاه وجيهكم كذا؟؟؟ماتضربين مع احد انتوا وينهم عوال مشعل لايكون حالهم مثل حالكم
عساف وهو يغير موضوع:وش بلا راسك مفلوق؟؟؟اعترف جدي صح؟؟؟
سلطان وهو يناظر إخوانه مايدري شلون يصرحهم انه بيادر الي فلقت راسه مشاري:ليه ساكت وش سويتي؟؟؟
سلطان بتنهد:ماهوب جدي لونه جدي كان دخلت العصا في راسي غير بنت عمك الجني........
ما امده يكمل كلام إلا طلعت ضحك إخوانه عليه من شدت ضحك صارت وجيهم حمررر واجعتهم بطونهم
عساف بضحك:بطنيييي
مشاري:الهيبه الهيبه وين رحت؟؟؟؟؟
عساف:عاد ذي ماتصدق عسكريه وحركات رتبه عاليه فالاخير ينزل راسك من بنتتت!!!
سلطان وجهه صار احمر من فشله
سلطان:لااحد يدري عاد طحت هيبتي قدام ابوها
عساف وهو يحاول يسمك ضحكته ومشاري ب مثل وتبادلوا نظرات مع سلطان الي خذا المرك وحذفه عليهم وهو يصرخ:ياكلااااااااب تراكم زودتوههههه
ام مشعل:أنا إليه واليه راجعون بس اجعني راسييي
بعد عنهم بعد ماانهل عليهم بضرب
مشاري:استحى على وجهك ياورع حنا اخوانك كبار
سلطان:وين كبار مشاري اكبر مني بسنه وحده
مشاري قام وحطه تحت ذراعه وقال:بس اظل انا الأكبر وطلعوا
عساف وهو يناظر جدته الي ناقده عليهم
بأس راسه وقال:وش قومس يا ام عايض
ام مشعل:ليه وش قومني؟؟؟
عساف:كانس مب على عادتس؟؟؟
ام مشعل بستعجل:وش صار بينكم وبين عيال مشعل؟؟
عساف الي توسعت عيونه بصدمه وقال:ماصار شي ليه؟؟؟
ام مشعل بحده:ولد عايض انا اعرفك زينن ماتجلس مكان الا وعوض معك وانا شايفه مذبحه الي عند الونيت وشي منه؟؟؟
عساف طلع:اذا جاوك انشديهم
وراح وخلى ام مشعل الحالها:لا إله إلا الله يالله تصلح بينهم
'عند بيادر وابوها'
الي انصدمت من الاسواق وبقالات كانت بقاله وحده وصغيره برضوا اما عن الاسواق كانت زي الغرف وجنب بعض انصدمت بس مااهتمت اهم شي بقاله لأنها مثل بزران تحب بقالات
بيادر وهي تقفل باب سياره:يبه خلنا نروح ل بقاله بعدين الأسواق هذي
ابو بيادر بضحك:ما طاحت عينك إلا على بقاله
بيادر:اكيددد مشتهيه حاجات كثيره
ابو بيادر:عسنا بس نلقها
مشت بيادر جنب ابوها وهو حاطها تحت ذراعه ويسالفون ويضحكون كانت واضح عليهم علاقتهم قويه مشوا إلى بقاله وطبعا ماخلت بيادر شي الا واشترته جاهلين عن العيون الي تراقبهم من لحظة وصولهم بنظرات حقد وحسد مب ل حمد لالالا بل ل بيادر مشت بصوبهم ذيك الحرمه الي لبسه عباية راسه وماينشف منها شي مشت بيادر وهي تسولف مع ابوها ماهي إلا ثواني وحست بيد تدفه من وراء كانت بطيح بس لو الله ثم ابوها الي مسكه وقال:انتبهي وانتي تمشين!!!
بيادر بهلع:والله اني منتبه بس حسيت ب يد تدفني
ابو بيادر وهو يتلفت ما شاف احد حولهم وهو ما انتبه ل الي دخلت محل
الحرمه:هذي بدايه يا ماما
أما عن بيادر وابوها ف مشوا وكانوا بيحركون بس وقفهم صوت العجوز الي نادت حمد وقالت:حميد هوذا انت؟؟؟
حمد التفت وابتسم وقال:عمتي شفياء أرحبي
شفياء:البقى أرحب انت ضيف توك جاي البارحه؟؟؟
حمد وهو يبوس راسها عمتها واشر على بيادر وقال:بنتي ونظر عيني بيادر
بيادر ب ابتسامه باست راس جدتها ومسكته جدتها وحضنتها وقالت:مابغيتي نشوفك يامزيونه الله يجعل حمد صلاح وش يخشس منا
حمد:هاا ابشرك بتقعد معكم هنيا وتفرحونه بها وتملون منها بعد
شفياء بصدمه:نقلت؟؟؟
حمد:ايه نفداس
شفياء:وشغالك لايكون ضيعته!!!
حمد ب ابتسامه:اداوم وارجع لهم
شفياء:الله يسعدك ياوليدي
حمد:اخبار علي يا عمه؟؟تاب؟؟؟
شفياء با نكسار:عسى الي بلاه يكفينا
حمد:آمين هو وينه الحين
شفياء:الله اعلم حسبي الله ونعم الوكيل في اللي بلاه الله يبلاه في عواله انك سميع عليم
حمد:استغفري ياعمه يمكن عواله مالهم ذنب
شفياء:إلا آمين وان تأخذه اخذت عزيز مقتدر
حمد:في امان الله عميمه بغيتي شي
شفياء:سلامتك
وراحت وهم راحوا بعده اول ما ركبوا سياره سألت بيادر ابوها وقالت:مين علي يبه؟؟؟
حمد وهو يتنهد:هذا ولد عمتي كان خوي لي زمان انا وياه مانفترق هو ما كان كذا الا ان خربوه عيال الحرام وعنيه كل شهرين ممسوك
بيادر:لاحول ولاقوة الابالله
'في الفندق'
صحى من نوم ولقها في حضنه قام أخذا له ملابس ودخل حمام يتروش اما هي قامت بعد ماقام وفورا رحت غسلت وجهها وفرشة اسنونها ولبست فستان بلون ابيض مزين ب اكسسوارات ضيق شوي وقصير لحد ركبه حطت مكياج ناعم طلعه ملكة جمال وطلعت بعد ما تعطرت وجلست تنتظره يطلع وخذا اشوي وطلع شافها وابتسم وقرب منها وهي برضوا قربت حاوطها ب ايده الي حطه على خصرها وايدها على رقبته واستقبلت شفايفها شفايفه قبله عميقه وناعمه بأس صفائح وجهها وتركه تننفس كانت أنفاسها سريعه قرب من اذنها وقال:ضي
ردت عليها وقالت:عيون ضي
قربها اكثر له وقال:انتي طالق طالق طالق
وفكه تحت صدمتها قعدت تضحك من صدمه
ضي:مو منجدك صح؟؟؟
طاحت عند رجوله وتبكي وتشهق وتقول:تتركني بعد ما علقتني فيك ليششش؟؟؟تكفى لاتخليني
رد عليه وقال:انا كنت صريح معس من بدايه وقلت لتس لاتتعلقيني فيني لاني مااضمن اخليس على ذمتي كل ذا وقت
ضي ب انهيار:طلبتك لاتروح وتخلينيييي وش بينقل عني تطلقت من اول شهرين!!!
رد عليه وطالع قال:انا دفعت حساب شهرين وخلصت اذا كان ودس تقعدين اقعدي وادفعي
وطلع وخلها تحت انهيار عصبي شديددد
'في مخيم'
رجعت بيادر وابوها من سوق وجابوا معهم نواشف وافطروا وخلصوا
طلعت ليالي مع بيادر برا الخيمه وقالت بيادر:الله الأجواء تجننن
ليالي وهي تغمز:هاا وش رايس اجوائنا افضل من أجواء رياض؟؟؟
بيادر ب ابتسامه:ما ابي اعترف بس أجوائكم حلوه هي دايم كذا؟؟؟
ليالي:لا بس حنا الي في شتاء ديرتنا ماتزين إلا في ذا الوقت اما في صيف مااحد يقعد فيها الا حنا والجن
بيادر:حشى وين يرحون سكانها؟؟؟
ليالي وهي ترفع ايدها فوق بنشاط:أبها لأنها دايم اجوائها دايم حلوه فهمتي؟؟؟
بيادر:قد جيت أبها مره وحده بس يوم كنت عمري سبع سنين
ليالي:بيادر امانه وين ترحون في صيف؟؟؟
بيادر:هيه انا مو مدلعه لهذي الدرجه على حسب درجاتي ابوي وعدني اذا تخرجت سنه هذي بنسبه عاليه مره بيوديني باريس
ليالي:حظسسس انا تخرجت من ثانوي شي الوحيده اللي سووها هو حفله بس قد رحتي ل لندن
بيادر:اييييي ما علمتك بس رحت لها من زمان يعني قبل ثلاث سنين على أساس نحتفل بتخرجي من متوسط ليالي ايش تخصصك؟؟؟
ليالي:نظم المعلومات الإدارية
بيادر:ولميس وغزل؟؟؟
ليالي:لميس إدارة الأعمال وغزل تقنية المعلومات
وانتي تخصص الي بتدخلينه؟؟؟
بيادر بحماس:اكيدددد القانونننن
ليالي:محاماه؟؟؟
بيادر:اييييي من وانا صغيره وانا احلم في ذا تخصص ان شاءالله انقبل فيه
ليالي:ان شاءالله يارب
بيادر:أضعف نسبه جبتها في مسيرتي تعلميه هي ٩٤
ليالي بصدمه:ماشاءالله الله لايضرك واضح متعلقه في حلمك
بيادر:ان شاءالله بدخله وابتعث في فرنسا ادرسه
ليالي:بيادر ياماما انتي متخيله قد ايش حلمك كبير بتروحين مجتمع مب مجتمس ودوله مب دولتس فوق هذا اللغه ضروريه
بيادر وهي تضرب صدرها:افا عليك أتقن اللغه الانجليزيه من وانا في الابتدائي وفرنسيه تعلمتها من اول ثانوي والى الان وانا اتعلمها
ليالي وهي تقوم:الله يفوقس
بيادر:آمين....ليالي الاسطبل الي تكلمتي عنه البارحه نقدر نروح له؟؟؟
ليالي بحماس مدت ايدها ل بيادر وقالت:امشي خلينا نروح له
وقامت بيادر وقالت ليالي:اخر وحده هي خسرانه
بيادر وهي تضرب ليالي بخفيف على راسها:غبيه انتي؟؟؟ما اعرف مكانه
ليالي:اوووف تعالي خليني ادلس
وراحوا ل الاسطبل الي كان فيه ثلاث خيول(اللطيم+الاصيل+سمراء)
بيادر وهي تقرب من اللطيم قربت وقالت:مرههه يجنن حبيته
ليالي وتركب سمراء:يويل حالي ويله انتي ماعينتي إلا ذا ؟؟؟هذا متوحش كأنه رعيه انتبهي منه لا يلطمس ولا شي
بيادر:سبب؟؟؟
ليالي:اللطيم قدله ثلاث سنين من دخل الاسطبل حقنا والى الان ما احد ركبه إلا ذياب ولد عمي ومايحب احد يركبه غيره انتبهي تراه مره عصبي واحتمال يطيحس قد سوها مع جواد وعساف
بيادر ب ابتسامه ثقه:مايعرف ل الخيل إلا ركبه خليها علي انا مب عساف ولا جواد انا بيادر بنت حمد ولو بغيت شي سويته لو بعد سنين
ليالي:عزززز يابنت العم
بيادر وهي تركب اللطيم الي واضح عليه الغضب بس ما اهتمت لها بيادر حتى انه حاول يطيحها بس ماقدر كانت مشتبثه فيه وبقوه زاد غضب اللطيم وبدأ ينط فوق وتحت ويحاول يطيح بيادر الي كانت مبسوطه بوضع اللطيم
ليالي بخوف:بيادر تكفيننن انزلي لايصير لس شي تكفين
ارتفع صهيل اللطيم مع صراخ بيادر وهي تقول:حاااااي يا اللطيم اهجددد
وفعلا بعد عشر دقايق تمكنت بيادر من ترويض اللطيم تحت صدمة ليالي الي قالت:اولهه ماتوقعت بيرض بهذي سرعه
بيادر ب ابتسامه:ياليل تنزلين ل الميدان؟؟؟
ليالي بحماس:قدامممم
ومشوا منطلقين ل الميدان وقفوا عنده وقالت ليالي بصوت مرتفع:واحد اثنين ثلاثههههه
وانطلقت هي وبيادر بسرعه جنونيه وكانت سمراء تنافس اللطيم بسرعته وليالي تنافس بيادر ب مهاراتها بس هذي ولا شي عند مهارات بيادر
'عند قسم رياجيل'
رجع ابو مشعل من الإبل ومالقى إلا سلطان ومشاري وباقين مو موجدين
ابو مشعل بصوت عالي:وين غدو ربع
سلطان وهو يرد على جده:في دوامتهم
ابو مشعل:وانت وينك عن دوامك؟؟؟
سلطان:العصر وانا مشي
ابو مشعل وهو يمشي:هااا الحقني انت و الورع الي وراك
مشاري بهمس:انا الكبير!!!
سلطان وهو سامع مشاري:ما احد يصدق ياغالي
مشاري:هذا شي رجع لكم تصدقون ماتصدقون انا كبير وبس
كان بيتكلم سلطان بس قاطعه جده وهو يقول:خلوا عنكم كثرت الهرج وتعالوا
وانطلقوا ل جدهم سعي الجد بعد ماضربهم كلهم ب العصا على روسهم قال:ولد عمك درع جنبك ماتلقون مثل فزعة عيال العم لكم عيال عمكم من لحمكم ودمكم وتروحون تخناقون معهم كانكم ورعان صغار وش بقيتوا لهم؟؟؟هااا ماتعلموني انتوا وعوال عمكم رخوم الي كانهم ياكم؟؟؟؟
سلطان ومشاري وهم يبسون راس جدهم ويعتذرون منه
ابو مشعل:لاتعتذرون لي عطو عذركم عوال عمكم مايجي ظهر الى وانتم متصالحين
سلطان:ابشر مايصير خاطرك الا طيب
ابو مشعل:كفوو هذولا هم عوالي
ومشوا هو وياهم إلى الاسطبل بس سرعان ما وقفهم صوت صراخ ليالي وبيادر وطاحت عيونهم عليهم
وهم يتسابقون في ميدان وماكان بينهم شي ويتخطون الحواجز مع بعض إلى أن زادت سرعة اللطيم من حماسه وحماس بيادر الي اثبت مهاراتها في ركوب الخيل ارتفع صهيل اللطيم مع صراخ بيادر وهي تقول:حاااااييي يا اللطيم
وليالي بصراخ:تكفين يا سمراء إلا اللطيم لايفوز علينااا
وزادت سرعة سمراء بس ما قدرت تجاري سرعة اللطيم الي كان بينهم مسافه طويللله وفازت بيادر على ليالي
بيادر بصرخ:والله انك كفووو يا اللطيم
مشاري وهو هايم في شكل ليالي الي كان الهواء يطير شعرها طويل كانت فاتنههه وبيادر ماهي اقل منها الي يميز بيادر عن ليالي هي عيونها حاده وجميله بس كلهم جميلات
ضرب ابو مشعل سلطان ومشاري وقال:غظوا بصركم يامال المرض!!!!
سلطان ب ألم:شره مهي علينا عليهم هما الي طلعوا بدون غطوه تغطيهم
مشاري:بس بعيد عن موضوع اللطيم رضى احد يركبه غير ذياب؟؟؟
ابو مشعل بصدمه:هااا هو اللطيم ولا الأصيل الي في ميدان؟؟؟
سلطان:لا ياجد اللطيم وسمراء غريبه عن اللطيم والله
ابو مشعل وهو يمعن نظر بحكم ان ميدان واضح لهم تماماً
مشاري:والله ما توقعت بنت رياض تسويها مروضه اللطيم هذي خطيره
سلطان ب ابتسامه:لو يدري ذياب بيخلي عن فلسفه
مشاري:ايه انشهددد
ابو مشعل بحده:لا لاتعلمونه وخلونا نروح وحسابهم عندي اثنتين ذولا
ومشوا صوب قسمهم
'عند بيادر وليالي'
مشوا وبيادر تضحك على ليالي وتردد'انا بنت مشعل انا بنت مشعل'كانت ليالي مقهوره من كلام بيادر ماتحملت وضربتها على ظهرها بقوه وفزت بيادر تركض وليالي وراها وتهددها وتقول:هذا وجهي ان خليتس
وصار يسعون وراء بعض ويصرخون إلى أن جاتهم العصا الي اضربت في رجل بيادر وطاحت وليالي وراها بحكم انهم ملصقين في بعض رفعت بيادر راسها وصرخت وقالت:مين الحمار الي حذفني
ابو مشعل بعصبيه:قص السانك انا حمار ياالمرجوجه
بيادر وليالي بخوف وبنفس لحظه:جدي!!!!
ابو مشعل:نعنبوعكم انتم ماتستحون طلعين كذا بدون ستر يستركم هااا؟؟؟قوموا روحوا ساعدوا أهلكم ولدي فزاع بيجي
وراح وخلهم وهم يرتجفون
ليالي:الحمدلله انه راح....يسسسس حماس ريف وريوف بيجون
بيادر وعلامات الاستفهام على ملامحها:مين ذولا ومين فزاع وهو عمي؟؟؟
ليالي بضحك:لا ياخبله
بيادر:طيب ليش جدي يقول ولدي؟؟؟
ليالي:فزاع هذا يكون ل جدي ولد اخوه جدي راكان متوفي الي هو ابو فزاع جدي سلمان كان يحب جدي راكان واجد وحب ولده من حب ابوه فهمتي؟؟؟
بيادر:ايوه ايوه فهمت
ليالي:امشي خلينا نروح
ومشوا
'عند مخيم رياجيل'
كان الاخوه ثلاثه موجودين عايض وحمد ومشعل وعيالهم مشاري وسلطان وجواد جلوس وبينهم نظرت شرار بين مشاري وجواد الي باقي شيلين على بعض واجد بعد
ابو عوض بتهديد:اسمع انت وياه يويلكم تلمحون ل جدكم انكم متهاوشين بعدين وش ذي الهوشه تبن منجدكم انتم بالله كم عمرك انت وياه عشان تغلطون غلطت ورعان هااا
مشاري بحده:محشومين من الغلط غير عيالك زودها ب كلامهم
جواد بعصبيه:اياني وياك ترفع صوتك على ابوي فهم؟؟؟
مشاري ب مسخره:وش بتسوي ياورع هااا هاتى ماعندك
فز جواد ومعه مشاري مسك جواد ياقة ثوبه وصرخ في وجهه وقال:اقسم بالله لاذبحك ولا يرفن لي جفن تسمععع
ابو عوض مسك ولده وجلسه وقال:اصصص ولاكلمه على الاقل احشمني الله يعوضني بس
ابو عساف بحده:مشاري اطلع برا ولا ترجع الا اذا رجع عقلك في محله
وطلع مشاري وهو يسب ويلعن
أما سلطان كان قرفان من الوضع فا قرار انه يروح ل دوامه حتى لو ماعنده شغل صاير هالايام ذي مايطيق يجلس هنا وراح بعد ما ودعهم
ابو عساف:والله واضح ان ابوي قد درا
ابو عوض:لا يارجال
ابو عساف:اذا ماشافهم مستار(عامل يشتغل عندهم له ١٢) مابه خلاف
ابو عوض:الله يفكنا شر ذاك الآدمي
ابو بيادر بضحك:اسالكم بالله عاده موجود؟؟؟
ابو عوض:ايه أعجبه شغل هنيا
ابو بيادر:الله يوفقه
الكل:آمين
'عند مشاري'
بعد ما طلع راح صوب مخزن المخيم الي كان بعيد شوي عن الانظار قرب منه يبي ياخذ منه حاجه سرعان ما ابتسم من سمع صوتها وشافها عرفها وكيف مايعرفها وهي الي سرقت قلبه من سنين
ليالي وهي طالعه من مخزن ومتقرفه قالت:يارب صبر الأنبياء
وشهقت من رفعت راسها وشافته يبتسم لها بخبث قرب منها وهي صرخت وقالت:ابعددد عنيييي
بس ما كملت صراخها إلا وهو محاصره على شبك وحاط ايده على فمها عشان ما يطلع صوتها قرب من شاف دموعها ومازادها إلا جمال ابتسم وقرب من خدها وباسه وهمس في اذنها وقال:تبيني اشوف زين ذا كله واروح؟؟؟
ليالي بقرف:أبعد عني يامتخلف
مشاري ب برود:بتصرين حرمَي مستقبلي
ليالي بحده:هذا في أحلامك وابعدد عنييي
كانت تقومها وتضربها بس مافيه فايده كان مشبثه كويس
همس بغضب:اذا ماتبيني من تبين
ليالي بثقه:في خاطري رجال كفو يشهدون له ناس كلهم ادعي ربي الجنه ثم هو
مشاري بغضب دفها بقوه ومسك فكها وكان بيكسره قال بعصبيه:انتي بس فكري في غيري وشوفي وش بيصير
حاول انه يحضنها بس دفته بقوه وقالت:الكفن وتراب أكرم لي من حضنك
وحطت رجلها ركض اما هو وقف بعصبيه وضرب شبك بكل قوه وقال بفحيح:حطيتس في راسي وانتهى والله مايخذك غيري لو على جثتي
وطلع من مخيم بكبره
'عند عساف'
عساف الي جلس عند الونيت في ضحى ومغمض عيونه مانام البارحه زي ناس بسبب زعل عوض عليه وهو مايداني يشوف عوض زعلان غمض عيونه بقوه وطلعت منه تنهيده طويلههه
حس بقرب احد وقف قدامه وباس راسه فتح عيونه مفجوع إلا ويشوف عوض هو يبوس راسه فز وقال:والله ما تحب انا الغلطان يا عويض الي خليت مشاري يغلط عليك انت واخوانك سموحه
عوض ابتسم:ماهمني اخوانك همني انت لايجي في خاطرك شي
عساف:والله ماكسرني إلا نظرتك البارحه لي
عوض وهو يضم عساف ويقول:اعذرني يا اخوي لحظة غضب استغله شيطان ودخل بينا
عساف مسك راس عوض ب ايده ثنتين وقال:معذور يا العضيد
ضحك عوض وحط عساف تحت ذراعه وعساف بمثل ويسالفون ويضحكون
عساف بضحك:والله يا ان جدي اخلعني اليوم في صلاة الفجر ب عصاه بغى قلبي يوقف
عوض:انا على بالي ملك الموت جاي ياخذ روحي
عساف:تبي صدق؟؟؟والله يا الموت أهون من ضرب جدي لنا
عوض وهو يمسك راسه:اعقس يارجال!!!عصاه هي الي تجيب الموت
عساف:هو قدهوا شايب ليش ماضعف
طالع في عوض الي تبادلوا نظرات وفكروا في سؤال بس قاطعهم ذياب وهو يقول:قامه حليب الإبل الي يجغط منه
عوض وعساف وهم يفزون صرخوا وقالوا مع بعض:بسم الله انت جن ولا انس؟؟؟
ذياب وهو يتمتم:لا جني
عوض:أعوذ بكلمات الله التامات من شر ما خلق
ذياب بصرخ:هاااا ورع وش بلاك انا ذيابببب اخوك يا حمار
عوض بحده:حدك انا اخوك الكبير
ذياب مشى ولا اهتم لا كلام عوض
عوض وهو يضرب كتف عساف ويقول:تكفى يا عساف لا تخليه
عساف بحماس:لاتوصي حريص
وانطلق يسعى وراء ذياب الي شافه وحط رجله يسعى وعوض وراهم ميت ضحك على حالهم
'في قسم نساء'
كانوا جالسين يتقهوون بحكم ان ذبيحه عند طباخ
وكانوا والبنات يلعبون لعبت اسئله وكبار يشفونهم ويضحكون
بيادر جلسه جنب ليالي وجنب ليالي سماء وجنبها غزل ولجين ولميس
سماء:اكثر وحده تجيب العيد؟
كلهم اشروا على غزل الي شهقت وقالت:الله حسيبكم طلعت انكبكم
سماء:يله....اكثر وحده حالها حال نفسها؟
الكل اشروا على لجين الي ابتسمت ونزلت راسها من خجل
ام مشعل:تستحي؟؟؟
سماء بضحك:عاد هذي معروفها...اكثر وحده عندها فرط حركه؟
الكل اشرو على ليالي الي قالت:عندييي نشاططط
ضحكوا وكملت سماء تقول:اكثر وحده نرجسيه؟
وكلهم صرخوا واشروا عليها
الكل بصوت واحد وعالي:انتيييييييي
سماء:يحق لي
ليالي:يعععع
بيادر وهي تضم سماء:مو على عمتي عاد
غزل:موضوع فزعه يعني
ام مشعل ب مقاطعه:بس انتي وياها العرب جوا
وفعلا لفوا كلهم على صوت ام فزاع وهي تقول:يا أهل المحل سلام عليكم
كلهم فزوا يسلمون ويرحبون وبنات يضموا بعض والوضع تمام إلى أن جات ام راكان وجات بتسلم على ام بيادر الي صرخت وقالت:هذي انتييييي بصدمه الكل انصدم من صرختها وهم مو اقل صدمه من ام راكان ظلوا يطالعوا بعض بصدمه مرت دقايق وهم على هذي الحال

انتهى البارت
اعذروني البارت رابع بيطول شوي