جمعنا الحب وفرقنا نصيب

【البارت ثاني²】

'في سيارة حمد'
كانت نايمه وحطها راسها على دريشه ايقظها صوت ابوها وهو يقول:بيادر....بنت قومييي وصلنا الله يرضالي عليك
فتحت عيونها ببطئ وشافت انوار قريبه شويه فزت وهي تحاول تستوعب الي صار والله وسوها ابوي جابنا ل ديره
طفى ابوها سياره ونزل وهو يقول:خلوا اغراضكم في سياره لاتنزلون شي والتفت ل بيادر وكمل وهو يقول:غطي وجهك يابوك
نظرت بيادر في ابوها ما معها إلا طرحه الي تغطي نصف شعرها بس تلثمت بها ومشت وراء امها وابوها وسمعت صوت رجال كثيييرا اصواتهم مرتفعه ابو عوض بصوت عالي:ارحبببب يارجال
حمد ب ابتسامه:البقى
ابو مشعل:ياالله تحييهم نورتوا مكانكم
حمد:منوره بوجود أهلها نفداك
سلم ابوه ثم إخوانه وعيالهم الي كانوا طايرين من فرحه يحبون عمهم حمد واجدددد
اما عن بيادر وراء امها بالظبط مستحيه حيييل سلمت ام بيادر على ابو مشعل:شلونك يا عم عساك بخير
ابو مشعل:بخير الله يسلمك مالنا سلام يا بنت*يقصد بيادر*
حمد ب ابتسامه:افا لكم سلام واجد غير سحا ذابح البنت
جواد بهمس ل عساف:لو بيدها دخلت بضلوع امها
عساف بنفس نبره:وانت ماشاءالله متنح فيها؟؟؟
جواد:قداميييي اكيد بشوفها
ابو مشعل بصوت عالي:وش بلاكم انتوا مغر تهمسون فيه شي
عساف ب ابتسامه:لا نفداك سالفه بيني وبينه
ابو مشعل بعصبيه وهو مايحب الكلمه ذي:يا####
طارت عيون بيادر بصدمه من كبر الكلمه طالعت في الكل الي كان وضع عندهم عاديي عكسها الي بين صدمه على وجهها طحت عينها على مشاري الي رفع حواجبه ب معنى*تعودي*
ام بيادر بهمس ل بنتها: سلمي على جدك وش فيك
بيادر وهي تسلم على جدها:شلونك ياجد شلون صحتك
ابو مشعل:بخير الحمدلله اخيرا سمعنا صوتك
زاد خجلها اكثر من ضحك عمها وابوها عليها اول مره تشوف ابوها يضحك ومبسوط مره حست على نفسها شوي (هذولا الي احاول ابعد ابوي عنهم والله انا ببعد عنه ومو هم)راحت هي وامها ل قسم حريم واستقبلتهم ام مشعل وهو تضحك وتقول:يامرحبا بيادر وامها اقلطوا
ام بيادر  تبوس راس ام مشعل وتسلم على ام عوض وام عساف
ام بيادر وهي تسلم على بنات:شلونكم يا بنات
بنات بصوت واحد:الحمدلله بخير
بعد نشد عن الحال والأمور تكلمت ام مشعل وهي تقول:بيادر يابنتي خليني اعرفك على اهلك ادري بتحسين بنفسك غريبه علينا لانه اول مره تجين مع امك وابوك
بيادر ب ابتسامه:شدعوه ياجده غريبه مره وحده؟؟؟ماانكر اني حسيت الغربه شوي بس ان شاءالله بتعود
ام مشعل ب ابتسامه أشرت على سماء وهي تقول:هذا بنتي سماء الي هي عمتك والي جنبها زوجة عمك مشعل ام ليالي ولميس شوفي بناتها جنبه وذيك زوجة عمك عايض ام غزل ولجين
بيادر:ونعم فيكم كلكم
الكل بصوت واحد:معليك زود
ام عساف:تقدرين تنزلين عبايتك يابيادر
بيادر:والله عادي؟؟؟ما احد بيدخل
ام مشعل:لا معليك ما احد بيدخل وان دخلوا بهفهم ب العصا ذي
بيادر وهي تضحك:كفوو
ام مشعل:كفوك الطيب
غزل بهمس:ضحكتها تجننن
ليالي:شفتييي
نزلت بيادر عبايتها وطرحه وتنثر شعرها قصير على وجهها لبسه بجامه عادي بلون وردي فاتح
تنظرها ام مشعل وهي تبتسم اخيرا شافت حفيدتها اجتمعوا عيالها عندها وهذا الي تبيه من زمان
غزل:بنات حتى جدتي خقت معنا
ليالي وهي تحاول تمسك ضحكتها:الله يقلع ابليسك اصه
لجين بهدوء:هي ماقالت شي بنت ماشاءالله مره حلوه وانيقه
سماء ب نرجسيه:اكيد تشبه عمتها
غزل مجت قهوه على ليالي ولميس
ام عوض:وجع ايش فيكم؟؟؟
ليالي وهي تضرب غزل مع كتفها:ما فيه شي بس تبن ذي شرقت
ام عوض:بسم الله رحمن رحيم سمي عليها وانتي تهاوشينها
غزل وليالي وهم يطالعوا بعض وسرعان ماقمت ليالي وراء غزل ويدرون على جدتهم
ام مشعل:يويلي ويله وش بلاكم انتم اجسلوا
بس ما احد سمع لها يدرون حولها غزل تبي تحتمي ب جدتها بس ام مشعل ما قصرت قالت:غزول لاترقبين حميتي وانتي يا ليالي اذا تبين تبطينها فاعليك فيها وانا جدتك
ليالي بحماس:والله الحمدلله وانا الي اتصدد ماابي اضربها حشمت لك ول عمتي
غزل الي حست انها منتهيه طلعت من خيمه تركض وراها ليالي
غزل بصرخ:سماء انا في وجهككككك
نزلت سماء فنجالها والحقتهم وهي تقول:والله ماتلمسينها
وطلعوا كلهم ركض
بيادر من كثرا ضحك نزلت على الأرض وهي تقول:اخخخ بطنييي وين حمام؟؟؟
لميس وهي تحاول تمسك نفسها:تعالي خليني أدلك عليه
وطلعوا ومابقى إلا الجده ولجين الي كانت طالع جدتها وتضحك
ام مشعل:يله وانتي معهم معهم
طلعت لجين وهي تشوف سماء تتكلم مع ليالي وراء سماء غزل
لجين وهي رايحه لهم:انحلت سالفه ولا اجيكم
ليالي بعصبيه:لاتجين شي فوق ١٨
سماء وهي تضحك:الله يسعدك ماودك تسامحينها مسامح كريم
ليالي:اذا مسامح كريم انا بخيله
لميس من وراهم:اخيرا اعترفتي
ليالي بصرخ:يمهههههه
سماء:أعوذ بكلمات الله التامات من شر ما خلق
ليالي وهي تاخذ نفس:من وين طلعتيييي اخلعتيني
لجين:قلبي طاح في سروالي
لميس:بسم الله علي منكم رحت انا وبيادر حمام وتوا ما رجعنا
بيادر:معليكم ياشيخه انتم بنفسكم تخلعون الجن ماشفتم اشكالكم وانتم درون وراء بعض؟؟؟
سماء وهي تمشي وبنات وراها:انا بروح اسوي لي بريق شاهي وانتوا افرشوا لكم فراش
فعلا رحت سماء تسوي شاهي وبنات فرشوا فرشه وجلسوا عليها وجاتهم سماء وشاهي في يدها ومعها سطل كاسات
سماء نزلت شاهي وليالي تكلمت بسرعه:حطيتي نعناع؟؟
سماء:اكيددد
جلست سماء وجنبها من اليمين ليالي ولجين ومن يسار لميس وغزل وبيادر مقابلتها
ليالي:بنات امانه ما تحسون بطفش خلونا نغامر شوي
غزل:وش تبي تسوين ياحبي؟؟؟تمشي خطوه وحده قص جدي رجلك
بيادر وهي تشرق ب شاهي:لا مو لهذي الدرجه عاد
لميس:كيف نشرح له طبيعة جدي؟؟؟؟امممم
جدي ياالحلوه إنسان عصبي ولسانه دايم ألفاظ سب وشتم الي تبينها موجود على لسانه مايحب دلع على بنات وحاررر علينا وعلى اخواني يحب بنت ذربه سنعه
فهمتي؟؟؟
بيادر:يوههه لايدري اني ما اعرف اسوي الا قهوه وشاهي بس غيرها لا
ليالي بصدمه:بس؟؟؟
سماء وصدمتها ماتقل عن ليالي:منجدك انتي
بيادر:والله العظيم
ليالي:تعرفين تسوين كبسه؟؟؟
بيادر:لا
ليالي:فقدت الأمل خلاص
بيادر وهي تغمز:معليك بجلس عمتي سمو واتعلم منها واضح عليها سنع
سماء:صح السانك
بيادر:وش ارد؟؟؟
ضحكوا كلهم وهي معهم ماتوقعت تتاقلم بهذي درجه
فزت ليالي وهي تقول:بناتتت عندي لكم فكره
بيادر:قولييي
ليالي:بدل ما حنا جلسوا هنا لاذي ولاذيك خلونا نروح ل اسطبل
غزل:ولمها اهجدي
لميس:جنيتي انتي تبين نهايتس على ايد جدي؟؟؟
بيادر بزعل:ياخي ليش جدي كذا الكل الحين نايم صح؟؟؟
لميس:ايوه صح بس جدي عنده ضيوف
سماء بصدمه:سألتس بالله ابوي عنده ضيوف؟؟؟
ليالي:ياشيخه ماهوب ضيوف مغير عايد وتميم الي يوميا وهم عندنا
بيادر:مين ذولا؟؟؟
لميس وهي تشرب شاهي:اخويا سلطان
بيادر:لاحول ولاقوة الابالله مين سلطان ذا بعد
غزل:اما ماتعرفين سلطان؟؟؟يووووه نسيت انتي اول مره تجين ديره ياطويلة العمر سلطان اخوي وعندي إخوانه غيره الي هم عساف ومشاري والاختين ذولا وتشر على ليالي ولميس عندهم إخوانهم عوض وذياب وجواد وهم العن ماخلق ربي ودك تمسكين الواحد وتهفينه كف ولا بوكس
سماء ولجين الي انفجروا من ضحك وبيادر معهم اما عن ليالي الي تكلمت وقالت:حدك على اخواني ياورعه
غزل:الله واكبر من سمعس قال شيوخ ماشاءالله
ليالي وهي تضرب صدرها:والله يازين اخواني زينه والله انهم يهبلون
غزل:القرد في عين امه غزال
لميس:صح اخواني تجيهم ملعنه بعض الأحيان بس والله حنونين وطيبين
غزل بصدمه:حناننننن مين الحنون اخوانك؟؟؟؟
سماء:هيه عيال اخوي لا تسبينهم ماارضى عليهم
بيادر:قبت قبت
لجين:ياليل والله بزران صدق اقول بلا كلام امشوا خلونا ندخل داخل البرد ذبحني
قاموا كلهم وليالي تناظر غزل وتبتسم ابتسامه خبث وأخذت شوي وكبت مويه بارده على غزل وشهقت غزل وصاحت وهي تقول:الله لايوفقس
حيوانههههههه
والحقت وليالي تحاول تنحاش من غزل الي تحلف فيها وبنات ميتين ضحك عليها تركض وتضحك بصوت عالي
جاهله عن العيون الي تراقبها
تعبت وطاحت وغزل معها:الله لايوفقك ياكلبهههه خلتني افحم
وانفاسهم تسبقهم ناظروا بعض وضحكوا وطاحوا على تراب وهم يطلعون نجوم وسماء
وبنات سحبوا عليهم
ليالي لفت ل غزل ب استعجال وقالت:غزول انتي باقي ما قرارتي تخصص الي بتدخلينه؟؟؟
غزل وهي تنهد:اخخخ وانا اختك إلى الآن ماقرارت
ليالي:مالت عليك ياليتك مثل اختك الي قرارات وهي في ثاني ثانوي
غزل وهي تبتسم:لجين ياحبيبتي تبي تصير مترجمه ومرشدت سياح بس وين وجدي ناشب في حلقها المسكينه
ليالي وهي تقوم:ياليت جدي يلين قلبه اشوي بس اشوي
وغزل بعدها:حلم ابليس بالجنه جدي يلين قلبه
ليالي:امشي ياشيخه لاياكلون العشاء ويخلونا
دخلوا الخيمه ولقوا جدتهم وبنات جلسوا
ليالي:ماشاءالله وش تخططون لها؟؟؟
لميس بحماس:لاجدتي تعلمنا سواليفها زمان
ليالي وهي تحب فقره هذي:اجل افهقوا لي
وجلست جنب سماء
'عند رياجيل'
جلسوا ويتقهون ويسالفون مع حمد الي اتخذ قرار ولابيترجع عنه الي هو بينقل ل ديره والكل كان فرحان انه بيقعد معهم
عساف  داخل الخيمه بعد ماجاه اتصل ورجع وقال:يبه سلطان يقول بيجي هو واخوياه اخروا العشاء
ابو عساف:مابه خلاف دق على طبخ وقل له يأخر العشاء نجلس نرقبهم
ابو عوض:ياعوض دقيت على ذياب وين راح؟؟؟
عوض:يقول عنده شغله بيخلصها ويجي
ابو مشعل بكرهه:غير هو بيجي؟
عوض:لا ماهوب جاي
ابو مشعل وهو يفز:ليه مايجي رياجيل بيجون وهو ماهوب موجود دق عليه وقل اذا ما جاء يويله مني انت سمعتني
عوض وهو يهزا راسه ويقول:لاحول ولاقوة الابالله جد ذياب عنده شغل ضروري وضيوف حنا موجودين وعايد وتميم مناوفينا
ابو مشعل بعصبيه:ولد قم انقلع برا لا اشوف وجهك قمم لاذي ولاذيك مغر علة على كبدي ياالله تعجل عليه
طلع عوض وهو يبتسم:اما هذي فا ابشر على خشمي
وطلع ولحقه عساف وهو يقول:ورع ارقبلي
عوض:وش تبغى اذلففف
عساف:واخليك؟؟؟اقول وين بتروح بروح معك
عوض:ان الله واليه راجعون الجد منا وحفيد منا عساف طلبك خلني في حالييي
عساف:رجلي على رجلك وين بتروح
عوض يبتسم:وين بروح يعني الونيت
عساف:ايه يارجال ابتسم خلنا نشوف ابتسامتك
عوض وهو يضحك:والله انك نشبه
عساف:بديت أصدق اني انا طنجره وانت الغطا مع انك غثيث ومغر تفصل على خلق الله
عوض وهو يحط ايده على كتف عساف:ماكانك زوادتها؟؟؟
عساف وهو يمشي:امش قبل لايغير جدي رأيه ويبلشنا
ركض عوض وهو يقول:اخر واحد هو حمار
ولحقه عساف يركض إلى أن وصلوا إلى الونيت وانفاسهم تسبقهم
عساف وهو ظبط انفاسه:الله ياخذ عدوك قم رح جب لي ماء
عوض:اخر عيالك انا؟؟؟قم انت
عساف:شره مب عليك شره علي انا
ضحك عوض وهو يتذكر دعاوي جده عليه
عساف وهو يضحك:الله يقلعك مااقدر اقوم ضحكتك
عساف وعوض من وهم صغار وهم على حلوه والمره ودايم يلقمون ضرب من جدهم الي مايعجبه شي ومعروف انه مايطيق عوض نهائياً
'في خيمة رجال'
ابو مشعل:هاا وين راح الخبل ثاني
ابو عوض:لحق خويه
ابو مشعل:ياالله يارب تصبرني
مشاري بهمس ل جواد:وهو علمه عليهم
جواد:ابو مشعل معصب وقال احط الحره فيهم
وضربه مع راسه ضربه خفيفه
جواد:ماتعرف جدك انت أخلاقه دايم كذا
ابو عساف وهو سامع سواليفهم كله؛لاتكثر الهرج اخوك وربعه عنهم قدهم ذولا
ابو مشعل وهو يضرب عصاه ب الارض:قوموا يملا سلال
قزوا كلهم ب صراخ ابوهم عليهم
ابو عوض:ارحبوا يارجال
عيال بصوت واحد:البقى نفداك
ابو بيادر:اقلطوا حياكم الله يامرحبا ب سلطان واخوياه
سلطان وهو يسلم على عمه(سلم رجال)
سلطان بفرح:ليه ماعلمتوني عمي حمد موجود اجيكم طيران
ابو بيادر:جزاهم خير يوم ماعلموك تذبح عيال ناس
ولف على عايد وتميم الي جلسوا بعد ماسلموا
ابو بيادر:عايد وتميم صح؟؟؟
عايد ب ابتسامه:ايه نفداك
ابو بيادر وهو يجلس:وشلون ابوك طلع مستشفى؟؟؟
عايد:لاوالله باقي ماطلع بس ان شاءالله يطلع قريب
تميم الي من جلس وجواد طاير فيه يحبه ويعزه ويعتبره اخوه
'في خيمة حريم'
بيادر:بنات في بطانيه ابي انام؟؟؟
ام مشعل:والعشاء يابنتي مابتعشين
بيادر:مالي نفس فيه وتعبانه ابي انام
ام مشعل:خلاص يا بنتي روحي خذي لك بطانيه وأخذي معك ليالي تعلمس وين مرقدنا
غزل:والله ودي اتعشى بس نوممم
ام مشعل:انتي بذات لاترقدين
غزل:افا ليه؟؟؟
سماء وهي تضحك:بيادر اخذت مكانك ياحبي
طلعت ليالي وبيادر تركين غزل تهاوش مع جدتها كالعاده
بيادر وهي تعدد سراير:ماتحسين عددها قليل؟؟؟
ليالي ماكنت تسمعها لأنها منزله راسها وتفرش فراش
بيادر:ياليل مع ذي صنجا
ليالي بضجر:ياشيخه وش تبين؟؟؟سرير في بيت ابوك أن شاءالله هنا لا مابه الا سرير جدتي وامي وعمتي ميثاء حتى يمكن عمتي ميثاء تنزل ترقد معنا عشان امك ترقد فوق
بيادر:وين انام طيب؟؟؟؟
ليالي وهي تشر على الأرض:على الأرض اكيد
بيادر بصدمه:تستهبلين انتي؟؟؟
ليالي:وي وش بلاك انتي خايفه؟؟
بيادر:ياماما وش بلاي؟؟؟تجيني عقرب تقرصني أودع ملاعب
ليالي وهي تضحك:معليك مايجيك شي بأذن الله
وراحت وخلت بيادر مصدومه وجلست وطلعت جوالها
بيادر بزهق:حتى نت مافيه
قامت وهي تدور على مكان دور نت
بيادر ونت شبكه واخيرا طارت من فرحه لقت رسايل كثيرههههه من صحباتها وسن وأجوان
دقت على وسن واستقبلتها وهي تقول:ياحيوانههههه وينك عن جوال اتصل عليك ماتردين؟؟؟ليش ماجيتي عزيمه أجوان توعد فيك
بيادر وهي تضحك:اصبري ناس تسلم وصارت أحداث كثيره واخسه ان نقلنا ديره مافيه خدمات اجتماعيه
وسن بصدمه:تستهبلين؟؟؟
بيادر حكت كل شي ل وسن بتفصيل الممل بحكم ان وسن صديقة طفوله
انصدمت وسن وقالت:مو منجدك نقلتي خلاص ماترجعين رياض؟؟؟؟
بيادر:والله مدري عن ابوي يمكن نجي زياره يوم يومين ونرجع
وسن بغصه واضحه:ياكلبه ليش ما علمتيني اجي اودعك اسحب على عزيمه وأهل الكره الارضيه
بيادر:وسوني تكفين لاتبكبكين عندي وربي اني مقهوره من ابوي يوم ماسمح لي اجيكم اودعكم
وسن:قههههههر
بيادر:ومعلومه صغيره نت هنا خايس لاتستغربين اذا قفلت في وجهك
وسن:بعد!!!!!كيف بنات عمانكم كويسين
بيادر:إلى حد الآن كويسين مره كيوت خصوصا لجين
وسن:مين لجين هذي؟؟؟؟
بيادر:ياليل بزره بنت عمي هاديه وكيوت وأفضل حاجه جوها زي جوي تابع كيبوب
وسن:لا إله إلا الله يابنتي انتي باقي ماتركتيهم ذنوببببب اتركيهم افضل لك
بيادر:اقعدها احاول اتركهم معليك
وسن:ايوه شطورههه
بيادر بضحكه:يله باي بسكر
وسن:في أمان الله
سكرت من وسن ومشت بخطوات بطيئه شافت مرجيح وابتسمت وقالت:اخيرا شي بيلهيني عن نت شوي
'في خيمة رجال'
جابوا العشاء وتعشوا وخلصوا وطلعوا عيال بر عشان يرتاح جدهم
عايد:جواد اخوانك وينهم ماشفتهم؟؟؟
جواد:والله يا طويل العمر واحد الله اعلم وين راح وثاني عنه فوق الونيت هو وولد عمه
تميم وهي يشرق ب شاهي:الونيت مره وحده؟؟؟ضاقت بهم الأماكن
جواد:ضيق في قبر وتعرف سلمان بن عايض وطبيعته مع عوض
تميم:مابعد تغير؟؟؟
جواد:بدا
سلطان:خلونا نروح صوبهم بنلقى عندهم بلوت
مشاري:وانت وين بلوتك؟؟؟
سلطان:ضيعته
مشاري:شاطر
تميم وهو يبتسم:ياعيال دام فيها بلوت نحتاج شاهي من ايد ابو عايض جعله يسلم
سلطان وهو يلتفت له:ولمه وبراد شاهي الي في ايدك؟؟؟
مشاري:موجود جواد اكيد جغطه
سلطان وهو يدور ب راسه:لاحول ولاقوة الابالله هاته خلني اروح ازين شاهي
خذا سلطان براد وراح ل مطبخ الي في قسم حريم
تميم وهو يشوف الونيت قدامه:ماودكم تحولون تسلمون علينا؟؟؟هاا عوض
عايد بضحكه:تلقهم ارقود الحين
عوض:لامارقدنا غير تعالوا فرشنا فرشه وجهزنا لكم درين انكم بتجون
تميم وعايد وهم يسلمون على عوض وعساف
جلس تميم وقال:قدلي ثلاث سنين من اخر مره جيتكم هنيا
عايد:اخو عيال صدق!!!!في ذمتك ثلاث سنين؟؟؟؟
جواد:ثلاث سنين وانت حافظ زواي مكان اكثر مني
تميم:ايوالله اني صادق اذا جيتكم اجيكم في البيت
جواد:جابكم الله يارجال بنقعد هنيا ثلاث ايام وكلنا يشوف شغله
عايد:ماودكم طلعون بلوت نلعب؟؟؟
جواد:اصبر ارقب شاهي
مشاري:ياليل مع ذا مشفوح خلنا بس نوزع
عوض:انا مرقب
مشاري:مابتلعب؟؟؟
عوض وهو يصد:لا
مشاري:حسفه تمنيت اكسر راسك
عوض وهو ينظر في مشاري من فوق وتحت وضحك ضحكت شماته وقال:تكسر راسي؟؟؟هذا من أحلامك اكسر راس الي عندك اما انا مااحد يقدر علي إلا الله
مشاري:ونعم بالله دامك واثق ليش ماتجي تعلب ولاخايف من هزيمه؟؟؟
عساف الي حس ان موضوع بيكبر وعايد الي ينتظر هجوم عوض على مشاري لانه قعد يستفزه بشكل كبير وتميم جواد جلسوا ينتظرون لحظه منتظره
مشاري ب ابتسامه:هااا وش رايك يابو مشعل
عوض وهو يجلس معهم:جواد قبلني
عوض وجواد مع بعض ومشاري وتميم مع بعض
وعساف وعايد مشاهدين بس وينتظرون سلطان يجي
'عند سلطان'
دخل المطبخ وهو يقول:ياولددد
غزل:سلطان؟؟؟ادخل مابه احد
سلطان نزل براد على طاوله وابتسم وقال:وش عندها حلوه مابعد امست؟؟؟خير ان شاءالله روحي اخمدي سهر مب زين لك
غزل بصدمه:خيرررر طبق نصيحتك ياالاخ
سلطان:انا كبير ولا انتي عادك عمرك ١٩
غزل:بين بس اربع سنوات ليه تكبر؟؟؟
سلطان:لو بين دقيقه انا الأكبر اذلفي أرقدي يله
غزل:وشاهي من بيسويه انت؟؟؟
سلطان:ايه انا الي بزينه
غزل وهي طلعه من مطبخ:لاتحوس مطبخ
مطبخ عباره عن شبك كبير شوي وفيه دروج وغاز وطاوله تقطيع اما عن الأنوار معتمدين على فونس كبير لك مكان فيه من إثنين إلى ثلاثه
سوا شاهي وخلص وطلع
'عند عيال'
الجواء بدا يتوتر عندهم من مشاري الي ينفث نار مو نفس ماهي الامسائلة وقت وفاز عوض وجواد وفز مشاري بغضب وهو يقول:غش ولله تكذبون علينا!!!
عوض ب برود:ماهوب غش تقبل هزيمه ياورع قد قلت لك لا تحط راسك ب راسي انزل راسك في إلارض اذلف هناك بس
مشاري وهو يمسك عوض مع ياقتة ثوبه ويقول:تخسي انت وامثالك تنزلون راسي في الأرض تفهمم
طار جواد يمسك ايد مشاري  ومعه عساف
جواد:فكي ايدك لاكسره لك
فكه منه ودفه بشويش وقال:مب انا الي تمد ايدك على اخوي واسكت لك
مشاري وهو يضحك ضحكت سخريه:انعوجهي ل عمي على باله انه جاب رجال
عوض وجواد بعصبيه:ياولد الذين
مسكوه وكانوا بيضربونه لو الله ثم العيال مسك عايد عوض وسحبه وتميم جواد وعساف مسك اخوه يبعدهم عنه بس وين انفلت عوض على مشاري ودف عساف وضرب مشاري بوكس وطاح على الأرض ومكمل فيه ضرب وهو يقول:اتصدد منك ومن أفعالك ياراعي البنات حشمه ل اخوك عساف ولاغيره ماهموني
ضرب مشاري عوض ب رجله ف طاح وتهجم عليه
جاهم عايد وعساف يحاولون يفكونهم من بعض
مشاري بصوت عالي:بدل ماتقعد تعيرني رح شف اخوك رخمه الي تشد ظهرك عليه وش يسوي
عوض:يا#####
انفجعوا كلهم من قوة كلمه صرخ عساف وقال:عووووض احترام ألفاظك
مااخذا شوي الا وبراد شاهي الي ضرب بجنب الونيت بقوه ماامداهم يلتفتون إلا وسلطان من بينهم ماسك عوض من ياقة ثوبه ويضربه ومع مشاري الي جاه جواد ورفسه برجله وتحط وكل منهم يحاول يضرب ثاني صراخه
سلطان بحده وعصبيه:انا مااسمح ل اي شخص يغلط على واحد من اخوانييي تفهههههم
عايد مسك سلطان ويبعده من عوض ب مساعدت تميم
طلع ابو عوض وابوعساف من أصوات عيالهم
صرخ ابو عساف وقال:ياكلابببب وش تسونا فضحتونا في عيال ناس
بعد كل منهم عن ثاني ابو عوض مسك عواله وعطهم محاضره وابو عساف ب مثل
ابو عساف يتكلم ولا واحد فيهم تكلم لانهم يعرفون انهم مخطين بس مايبون يعترفون
ابو عساف بعصبيه:كلاب لبست ثياب وش خليتهم ل ورعان هااا استحوا على وجيهكم قدكم رياجيل الواحد شنبه خطنا على وجهه وتقعدون تهاوشون كأنكم ورعان ماالوم ابوي يوم يضربكم اثره يشوف شي ما اشوفه قوموا لابارك الله فيكم اذلفوا لا اشوفكم إلا وانتم متصالحين
عايد الي حس انه ماله داعي يدخل في مشكله عائليه أشر ل تميم انهم بيرحون ووافقه رأي
عايد:كرمكم الله تصبحون على خير
ابو عوض:ياولدي ماودكم تمسون معليكم من حمير ذولا
عايد:لابلتي اهلي ماعندهم احد بروح لهم وبزاور ابوي بكره
ابو عوض:فأمان الله
وراح عايد وتميم وابو عساف إلى الآن وهو يسفل في عواله وعوال اخوه راحوا عوال عايض ل خيمه ينامون فيها اما جواد وعوض ناموا في الونيت نام كل واحد وهو زعلان من ثاني ماتوقع لعبه تفرق بينهم وتبني حاجز