قامت سماء على ازعاج بيادر وامها الي كانت رافضه رفض تام غياب بيادر
بيادر خلاص تعب من الحديث مع امها وهي تحاول تقنعه انها تغيب اليوم
بيادر:يمه تكفيننن اليوم هذا وبس الايام الي بعدها اوعدك مااجيب طاري الغياب فيهااا
ام بيادر بغضب قالت:خلاص بيادر لاتقعدين تزعجيني قلت الي عندي وخلصت غياب اليوم مافيه لا اليوم ولا الي بعده
بيادر بعجز قالت:يييييمممههه
ام بيادر:وحطبه
سماء الي وجهها مفقع نوم ماتدري وش سالفه قالت:سكانهم مساكنهم وش بلاكم مع صلاة صبح لكم صوت
ام بيادر جلست على كنب وقالت:قومتي عمتك بسبب عنادك الي ماله داعي
بيادر:يمه بعذري عندنا اليوم غدا وتبيني اروح للمدرسه؟؟؟متى تبيني أفضى للضيوف ارجع ساعه وحده على فكره
ام بيادر:مافيها شي ادخلي البسي وتنزيني واطلعي سلمي عليهم بعدها هم اساس بيرحون
بيادر حطت ايدها على خصرها وقالت:ايوه ومتى انام ان شاءالله؟؟؟؟
ام بيادر مسكت راسها وقالت:اذا راحوا ضيوف نامي للفجر اليوم ثاني
بيادر ضربت ارجولها فاالارض وراحت للغرفتها متضايقه
ام بيادر بحده وصوت عالي قالت:بيادررر خلي عنك حركات الي مالها داعي والبسي بسرعه وانزلي افطري ياويلك إذا رحتي للمدرسه وانتي ماافطرتي
سماء ابتسمت وقالت:كن خلتيها تغيب
ام بيادر:اذا سمحت لها اليوم بتقعد تزن إلى أن تغيب وهذا آخر سنه لها
سماء هزت راسها وقالت:الله يعين
ام بيادر:سويت الفطور والقهوه وشاهي وحليب انزلي افطري انتي بعد
سماء:يصير خير بس انزلي معي
وفعلا تزلت ام بيادر تحت لليفطرون تركين بيادر فاغرفتها مقهوره من امها
عند بيادر لبسه مريولها وهي معصبه واي واحد تشوفه قدامها بتفصل عليه
بيادر وهي تناظر شكلها فامرايه قالت:بيادر اوكيه اهدي روقي ماصار شي
رفعت كفوفها فوق وتنهدت وابتسمت سوت لها مكياج خفيف وايلاينر مره صغير بس حلو ويناسب ملامح وجهها وسوت تسريحه ذيل الحصان ولبست عبايتها وطرحه على رقبتها وشنطه على كتفه ولبست شوز ونزلت تحت وشافت امها وابوها وجدتها وعمتها
بيادر:صباح الخير
ام مشعل:صباح النور يابنتي هاا بشري راح منس ابليس
بيادر ابتسمت وقالت:اييي ابشرك راح
ام مشعل:ها زين يابنتي قومتي العرب من نومهم
ابو بيادر:تعالي وانا ابوس افطري
نزلت شنطتها على الأرض وجلست معهم
سماء:قمت من سابع نومه بسبتس
أبو بيادر ابتسم وقال:معليه اذا قدها راقده تعالي عند راسها وازعجيها
بيادر ببراءه قالت:شدعوه عميمه تراه جدال بسيط جدا بس احيانا مانقدر نتحكم فانبرة صوتنا
ابو بيادر قام وقال:انتظرس فاسياره
بيادر شربت الحليب في جغمه وحده وقامت ركض وراء ابوها
سماء تنهدت وقالت:اخيررررا اقدر ارجع انام براحه
ام مشعل:ارجعي أرقدي اقومس تحضرين الغدا للضيوف
سماء قامت وقالت:ابشري يمه
وراحت ل غرفتها وحطت راسها ونامت علطول
اما عن ندى دخلت شقتهم وتتواصل مع دكتورات الي يشتغلون معها وتنظم موعيد عشان ترتاح اذا خلصت اجازتها
《عند حمد وبنتها》
كانت بيادر تسولف على ابوها وماخلت سالفه إلا وقلتها وهو مستمع مو فاهم
ابو بيادر:دقي على لجين خليها تطلع
بيادر طلعت جوالها من شنطه ودقت على لجين الي ردت وهي تصارخ وتقول:غزززززل وين حطيتي شوز حقيييي
بيادر سدت اذنيها وقالت:ياالاخت تراني معك
لجين بنرفزه قالت:تبن ذيك ضيعت شوز حقييي
بيادر:سهله خذي شوز حقها واطلعي حنا عند الباب
لجين صمت شوي وقالت:باقييي مالبستتتت
بيادر صرخت وقالت:هاااااا انتي شايفه كم سااااعه
لجين باستعجال قالت:شوي وانا عندكم
وقفلت
بيادر:البنت هذي من الان اقول لك مو صاحيه
ابو بيادر وهو يضحك من بدايه وعجبه الوضع
بيادر:يبه شكل الوضع عجبك؟؟؟
ابو بيادر ابتسم وقال:والله انس انتي وبنت عمس قدر وغطه
بيادر أشرت على عمرها وقالت:انا قدر يبه!!!!
ابو بيادر بسخريه قال:لايمكن الغطا
قاطع حديثهم صوت فتح باب سياره الي وراء وكانت لجين الي قالت وهي تلهث:السلام عليكم صباح الخير...
بيادر وابوها مع بعض قالوا:وعليكم السلام صباح النور
بيادر لفت عليها بسرعه وقالت:تصدقين مره جيتي بدري ايش رايك تاخرين بكره؟؟؟
لجين:يووووه بدور وش اسوي تبن غزل ضيعت شوز حقي وبارحه مانمت زي خلق
ابو بيادر:مايخالف يابنتي
ومشى حمد وكان مابين ديره ومدرسه ٤٠دقيقه والاربعين هذي مافضت من منجرات لجين وبيادر
ابو بيادر:ودكم تكملون مشي؟؟؟
لجين بسخريه قالت:والله ودنا غير خايفه بنتك ذي لاتتمشكل مع عمود الكهرب
حمد ماقدر يمسك ضحكته وضحك وضحكت معه لجين إلا بيادر الي كانت تناظر لجين بتهديد
لجين وهي تمسح دموعها قالت:معليش ياعم بس بنتك مره عصبيه وماينمزح معها!!!!
ابو بيادر:والله اني خابر ان بنتي حليله غير مدري وش غيرها؟؟؟
بيادر:من عاش مع قومً أربعين يوماً صار منهم
لجين:عاد والله جدس سلمان الله يطول عمره ماعنده تفهم إلا بضرب وصراخ لاتستغربون اذا جاني صنج وانا توني صغيره
ابو بيادر:ومانقول إلا سمعنا وطاعه
بيادر:والله انا اسمع صوت جدي يجيني رهاب
لجين:ما الومس فوق ماانه يفلق راس مودمي يجحد
ابو بيادر تنحنح وقال:ياالغاليات الي تتكلمون عنه تراه ابوي حبيت اذكركم
بيادر:اسفه يبه بس ابوك منجد يقهر
ابو بيادر بصدمه قال:ابن ابوي صدق ليه وش سوا لس؟؟؟؟
بيادر وهي تحس انها دخلت في ورطه
ولجين ساكته خافت تجيب العيد مثل بيادر
بيادر بتوتر قالت:شووف يعني يصارخ بدون سبب مره حبوب ومره ماينجلس معه وعصبي واخاف اجلس معه واجيب العيد ويفلق راسي
ابو بيادر:عاد انتي دلوعه ماتحملين صراخ عشان تتحملين ضرب
بيادر رمشت الف مره وقالت:انا دلوعه؟؟؟
لجين بسخريه قالت:كل ذا دلع وماتشفينه؟؟؟
ابو بيادر:وانتي ماشفتي دلع عايض الب معطيس اياه؟؟؟
لجين ابتسمت وقالت:شايفه وحمده ربي عليها بس ابوي مب مره مدلعني على حسب مزاج عنده
بيادر:ها نفس شي عند ابوي على حسب مزاجه يدلعني
لجين:احلفي؟؟؟
بيادر:تكذبيني يعني؟؟؟
ابو بيادر وقف سياره وقال:عنو باب مدرسه هناك ادخلوها وتهاوشوا فيها لأنكم صدق رجيتوا راسي
بيادر باست راس ابوها وقالت:والله بنت اخوك هذي الملسونه هي الي بدت
لجين نزلت وقالت:انزلي يلي مانس ملسونه....مع سلامه ياعم
ابو بيادر ابتسم وقال:استودعتكم الله
بيادر:وياك
وقفلت باب سياره وراحت تناجر هي ولجين إلى أن دخلوا المدرسه وحمد من شافهم دخلو مدرسه مشى
أنت تقرأ
جمعنا الحب وفرقنا نصيب
Rastgeleروايتي تتكلم عن..... عن اثنين حبوا بعض ولاكتب لهم نصيب وعن الي يكونوا ضحايا عاداتهم وتقاليدهم وعن الي يشكي همه للغريب من قريب وعن غدر الاقارب وعن العوض ومعوض وعن ضعف اللذي يأتي بعد فقدان القريب وعن ادراك قيمة شخص بعد فقدانه وعن الاخوه وصحبه ال...
