بدر بص لذكر وافتكر ان هي نفس البنت ال خبطها بس المره دي كانت لابسه شيك جداااا
سمير/ دي دكتوره ذكر زميلتي من زمان
وده سياده المقدم بدر صديق ليا ياذكر
ذكر كانت مصدومه وصدمتها باينه علي وشها
وحاولت تخرج الكلام منها بصعوبه
- اهلا وسهلاً بس انا نقيب ذكر رتب زي بعض ياعني
بدر بصلعا وسكت وكان مستغرب زهولها منه ده
ونزلوا الاتنين من ع الاستيتج وذكر راحت ناحيه
هاشم وهي هتموت من الخوف
هاشم/ مالك يابت انتي عملتي عامله من عمايلك ولا ابي
ذكر بخوف وهي بتبص حواليها/ بدر هنا
هاشم/ بدر مين
ذكر خبطته في كتفه/ كابتن بدر يامتخلف موجود في
الفرح
هاشم/ اللله دي كملت ده كمان قدامنا استني بفه اسلم عليه علشان ميصحش
هاشم/ أهلا ياكابتن بدر
بدر برسميه/ اهلا بيك هاشم مش كده
هاشم/ ايوا يافندم عن إذن حضرتك
هاشم راح ناحيه ذكر ال مرعوبه وبدر كان بيخطف نظرات لذكر المتوتره
- بقولك اي انا هطير انا اصل ثانيه كمان وهيغمي عليا من الخوف بجد
هاشم/ استني اوصلك طيب
ذكر/ لا خليك علشان سمير مبزعلش سلامووو ياشيموووو
ذكر خرجت من القاعه بسرعه تحت نظرات بدر
ال قرر يخرج من القاعه هو كمان وذكر كانت مستنيه اي
تاكسي يعدي
ذكر بهمس/ اخييييه احيييييه يامصيبتك يازيزي بجد يامصيبتك ده اسكندريه طلعت ؤضه بس فعلا
بدر خرج من القاعه ومشي شويه شاف ذكر واقفه
في الطريق لوحدها
بدر برسمه/ انسه ذكر محتاجه حاجه
ذكر/ لا لا مستتيه تاكسي بس
بدر/ مفيش تاكسي هيجي من هنا لو تحبي اوصلك لمكان
ذكر ودت وشها الناحيه التانيه وهمست بخوف.. الرجوله نقحت عليه دلوقتي ياعني ياعم سيبني في حالي
انا ممكن اعترف بالحقيقه في لاحظه أصلا تماسكي بينهااااار
ذكر فاقت من كلامها علي صوت بدر
- آنسه ذكر
ذكر/ اي ياحضره الضابط منور والله
بدر ابتسم علي كلام ذكر ال مش مفهووم
ذكر ربعت ايدها بإستغراب/ بتضحك علي اي ان شاء الله
بدر/ اصل ال يشوفك دلوقتي ميشوفكيش من يومين
كونتي بتزعقي وناقص تمسكي فياا ودلوقتي ياعني حاسس ان انتي مكسوفه ومش علي بعضك
ذكر بعفويه/ لماااح ماشاء الله
بدر ضحك تاني
ذكر ابتسمت علي كلامها وظهرت غمازتها الجميله ال بدر خد باله منها
ذكر/ أصل دلوقتي حاسه اني متكتفه كل يعرف اني دكتوره واني ضابط واني بنت اللواء فبتعامل برسميااات بس لو مشينا بعيد عن القاعه دي ممكن امسك فيك عادي
بدر ضحك جامد المره دي / طيب إحنا فيها انا عربيتي مركونه اخر الشارع ممكن نمشي لهناك وبالمره تلاقي تاكسي تمام
ذكر بتحدي / ديل ياكابتن
بدر مشي مع ذكر وذكر كان قلبها بيدق من كتر الخوف ان
بدر يكشفها
بدر/ ع فكره المره ال فاتت كونتي انتب ال غلطانه
ذكر بمشاكسه/ غلطانه تاني اي ياكوتش مبتحرمش ولا اي
ياعني فرملت جامد ووقعتني وجاي تقولي انا ال غلطانه
انت مبتشوفش غلطك ولا اي
بدر/ لا بشوفه اكيد بس انتي ال كونتي ماشيه زي القطر
ذكر ابتسمت بخبث/ مايمكن رايحه الحق حياه مريض
يمكن رايحه انتحر يااخي مش تحسن الظن بالناس كده
وتلتمس ليهم العزر اخي في الاسلام
بدر ضحك بأعلي صوته/ اخي في الإسلام اجل أجل اختي في الاسلام
ذكر مقدرتش تمسك نفسها الضحك وضحكت بشكل عفوي وفضلت تخبط في ايديها علي منظر بدر وهو
بيقلدها في طريقه كلامها
ذكر / كلامي ده خد بالك
بدر/ منا واخد اكيد يلا وصلنا للعربييه تعالي اوصلك
ذكر/ بلاش نتعبك بقه هاخد تاكس ع طول
بدر/ لا لا ميصحش اتفضلي يلا
ذكر رفعت حواجبها/ أوامر دي ولا اي فوق ياكابتن انا
مش من تلامذيتك
بدر/ امر ميري من رتبه اعلي منك اي رايك كده
ذكر بصتله ووقفت انتباه وشاورتله بإيدها
- تمام يافندم اوامرك تنفذ
ذكر ركبت عربيه بدر وبدر ركب جنبها وخدت بالها ان لابس بدله شيك جدااا وان هو شكله وسيم اوي عن قرب
بدر/ ها ساكنه فين
ذكر/في سموحه
بدر اتحرك موبايل ذكر رن وكان هاشم
ذكر/ اي ياهاشم انا مروحه اهو
هاشم/ شكلك كان يضحك اوي اوي
ذكر يغيظ/ تمام تمام اقفل دلوقتي وغطي عليا تمام
ذكر قفلت مع هاشم وبدر بصلها بفضول
- هو هاشم يقربلك اي
ذكر / تحقيق ولا اي
بدر/ اكيد لا دردشه عقبال منوصل
ذكر/ اممممم طالما كده اوك ده ابن عمي
بدر/ تمام
ذكر/ مفيش حاجه تشغلها في العربيه دي ولا اي ده إحنا حتي راجعين من فرح مش عزااا
بدر/ شغلي الكاسيت بقه
ذكر/ كاسيت اي مش فيها بلوتوز ؟!
بدر/ اكيد
ذكر / اسمع بقه ده انا هشهيصك
ذكر وصلت تليفونها وكانت مشغله مهرجانات بأعلي صوت ليها وبدر جنبها مستغرب اندماجها مع الدوشه دي
بدر بصلها وقال لنفسه/ دي تركيبه غريبه بجد ولا منظر دكتوره ولا ضابط حاسس وكأنها موديل ولا انسانه
مليااانه جنووون مستحيل تكون متربيه تربيه عسكريه بجد
بدر كان فضوله جاذبه جدااا ناحيه ذكر وكان حاسس ان عايز يعرفها اكتر ويعرف تفاصيل اكتر عن حياتها المجنونه دي
بدر وصل قدام بيت ذكر وذكر جت تنزل رجعت بصت لبدر تاني وكلمته بهدووء
- ميرسي اوي ياكابتن بدر
لفت ذكر علشان تنزل ورجعت تاني وبصتله
- وسوري جداا علي سوء التفاهم ال حصل في اول لقاء
بس ما محبه ال بعد عداوه
ذكر جات تنزل بدر نزل وندهلها
- انسه ذكر
ذكر لفت لفه سحرت بدر / نعم
بدر بهدوء/ خودي بالك وانتي بتعدي الطريق
بدر قال كلمته وغمزلها في الاخر خمزه حركت قلب
ذكر ومشيت وهي جواها سعاده مش قادره تفسرها
وبدر ركب عربيته واتحرك
ذكر طلعت بيتها وهي مبسوطه وخوفها كله اختفي
رنيم/ اي ياهاشم في حاجه ولا اي
هاشم/ لا بس عايز اشوفك فاضيه ؟!
رنيم ضحكت/ اي الادب ده ولو مش فاضيه افضالك
ربع ساعه واشوفك في الكافيه ال بنتقابل فيه
رنيم جهزت ونزلت تشوف هاشم ال كان شكله مضايق
رنيم قعدت وبصت لهاشم بإستغراب/ مالك يامشمش
هاشم/ اي مشمش دي انتي عارفه مش بحب للاسم ده
رنيم حست ان هاشم مضايق فعلا بجد ..
مالك ياهاشم اي ال مضايقك
هاشم سكت لحظاات وبص لرنيم/ اصل النهارده اتاكدت ان ذكر أصلا مش شيفاني
رنيم قربت من هاشم وطبطبت علي كتفه
- مش هي صحبتي واكتر من اختي وانت صديق طفولتي الوحيد بس عيش حياتك وسيبك من زيزي انت يمكن متعود عليها وتعودك هيروح الحب شئ والتعود شي ياهاشم الحياه قدامك والبنات كتير يامشمش
هاشم بصلها وتبتسم
رنيم بمشاكسه/ مش هقدر ابطلها سوري دي عاده ربنا ميقطعهالي
هاشم ضحك علي رنيم
- ايوا كده اضحك ياجدع وبعدين بذمتك تتجوز انت وزيزي تجيبوا عيال منظرها اي اكيد هتصدروا للعباسيه
ياعني
هاشم ضحك من قلبه بجد وقال/ صدقي عندك حق وعد
من النهارده هاشم جديد وذكر بقت اختي الغاليه طبعاً وبنت عمي وبس
رنيم/ كده صح وانا موجوده علشان اخليك قد وعدك ده
هاشم بجديه/ لا خلاص والله زيزي طول عمرها شيفاني
اخ أصلا بس إحنا ال بنكابر
رنيم/ خلاص صفحه وطويناها اطلبلي اي حاجه بقه
عتشاااانه
هاشم/ عتشااانه اي حرف ط ودتيه فين
رنيم/ مدقش ياعم زي منا مبدقش كده في الروجتات
ال بخرجها من الصيدليه
هاشم بص لرنيم بجديه/ عارفه يارنيم انا وقت اما
بكون مضايق وعايز اقعد لوحدي يجيلك علشان عارف
ان انتي الوحديه ال بتفهمي سكوتي
رنيم ابتسمت بخجل وهاشم كان اول مره يلمح خجلها ده
- اي ده هو إحنا بنتكسف ووشنا بيحمر زي البنات
رنيم عوجتت شفتيها/ لا انا نبت شيطاني مش شبه البنات جرا اي ياحدع حسن الفاظك
هاشم/ خلاص كنت بضحك معاكي متبقيش قفوشه كده
ذكر كانت رجعت بيتها ودخلت غيرت ونامت علي سريرها وشكل بدر جه في خيالها تاني ومسكت تليفونها بفضول
- ركزي يابت يازيزي تجيبي الانستا بتاعته منين
فجأه ذكر جت في بالها فكره ... اكيد عند سمير
ذكر دخلت صفحه سمير وجابت فعلا اكونت الانستجرام
بتاع بدر
قامت اتعدلت ع السرير وفضلت تقلب ع صفحته وتشوف
كل صوره وهي مندمجه اوي معاهم
ذكر/ يخربيت حلاوتك اي ده انا ازاي مش واخده بالي
ذكر حطت ايديها علي عينها وقالت٩
بس ايدك تقيله اوي اوي اوي
ذكر نعست ونامت علي نفسها من التعب
ع الجانب الاخر بدر كان وصل بيته٩ودخل ؤضته
وكان بيدور علي اكونت ذكر ولقاه بنفس طريقه ذكر
- ياااا دي عندها فلورز كتير
بدر شاف كل صورها وكان في صور كتير ليها مع هاشم
وصورها باللسكراب الطبي بتاعها وفتح فديوهات ليها
وكانت كلها فديوهات تضحك جداا لدىجه ان هو ضحك
جدااا وامه دخلت علي صوت ضحكته
منال/ خير يابدر يابني اول مره اشوفك بتضحك كده من زمان
بدر قفل التليفون بسرعه وبص لوالدته/ ابدا ياامي بس شوفت فديو وضحكني
منال كانت سعيده ان ابنها بيضحك .. طب متضحكني معاك
بدر بص لامه بتوتر/ الموبايل فصل ياامي اوي مشحنه
هوريهولك اكيد
منال خرجت وبدر رجع فتح تليفونه تاني واتفرج علي صور زكر وكان في صور لعيونها بس مع القطط
وشاف عيونها الزرقااا ال منكرش ان دي احلي عيون شافها في حياته
بدر كان بيتابع صور ذكر وهو بيكتشف شخصيتها المرحه
جدااا وشاف فديوهات ليها مع هاشم وال حس ان هو اضايق من قربها لهاشم كده وشاف صور ليها وجت صوره
ليها بالميري وكان لسه هيفتحها بس الموبايل فصل شحن
بدر حط الموبايل علي الشاحن وقرر ان ينام ويكملهم الصبح
انتهي اليوم من غير احداث
ذكر صحيت تاني يوم وكلها نشاط وحيويه ان هي هتشوف بدر في التدريب ولبست ولقت رنيم في وشها
- علي فين ياقطه
ذكر/ نووونه ليكي وحشه والله خير
رنيم/ اي ال انتي نيلتيه من ورايا ده انتي جنانك
وصلك لفين بجد
ذكر/ لكل خير والله يانونه انا ده حلمي وهعمل اي حاجه علشان اوصله
رنيم بقله حيله/ عنيده اوي ياذكر ربنا يهديكي بجد
ذكر/ ياارب يانوني ياااارب ع فكره كميا راجعه بكره
بليز روحي استقبليها علشان انا وهاشم اويت ذي مانتي عارفه
رنيم/ ياااااه أخيراً كاميليا هترجع
ذكر/ خلينا نتلم تاني ياشيخه دي قاطعه بينا اوي
رنيم/ اه والله وريم كمان ترجع بدل مهي نسيتنا خالص كده
ذكر بضحك/ ريم اختي طالما في بيت جدو رحيم بتنسي ابوها وامها أصلا سيبك من ريم خالص خليها في مشاريعها ومشاكلها مع اهل المرحوم جوزها ده
رنيم/ يابت انتي مبتقهوش ليه ولا وهو عايش ولا وهو ميت
ذكر/ ياشيخه ده كرهني في الرجاله مشوفتيش كان بيتحم فيها ازاي ووارثه من اهله حتي اهله مش سايبنها٨في حالها يلا بقه سبيني انزل لك لك
هتأخريني
ذكر نزلت وغيرت وقابلت هاشم وبعد وقت وصلوا مركز
التدريب
بدر جه وكان شكله متعصب كعادته في التدريب
ذكر/ انا مش فاهمه ماله مكان لسه في اجازه وفي فرح
هو جوزائي ولا اي
بدر بصلها/ اه جوزائي سيادتك مش عاجبك
ذكر شاورت بإيدها/ لا أبدا ياباشا ده احسن ناس
ده حتي انا كمان جوزائيي والله
بدر بص لهاشم ال كان مضايق منه بسبب فديوهاته
وصوره مع ذكر
بدر بصوت حاااد/ شباااب النهارده عندنا مهمه وهختار منكم تلاته يكونوا معايا محتاجين عقلكم اكتر من قوتكم
والاختيار وقع علي هاشم حازم الانصاري وحمزه احمد البدري وعمر احمد محجوووب
ذكر شهقت بصوت عالي وبصتله بصدمه
