بدر بصلها / انا مش فاهم حضرتك بتتصدم ليه ورايا
الاربعه ركبوا العربيه وذكر كانت جانب بدر ال كان بيتابع
للقياده من جهاز لاسلكي
بدر بحده/ عمر ألبس واقي الرصاص ده دحت القميص
ذكر خدت القميص ولبسته فعلاً بسرعه وخدت سلاح من بدر وبعد وقت وصلوا للمكان ال البنت قالت عليه
بدر نزل وذكر نزلت وراه
بدر بحده/ كلمتي هنا متتناش وحياه امي لو اتنفست نفس ومعجبنش هضربك رصاصه زيك زي العصابه
واقول شهيد معأن خساره فيك الشهاده
ذكر بصتله بغيظ ومشيت وراه وكانت وراه لاحظه بلحظه
لحد مجه لحظه تسليم الشحنه وبدر ادي امر بالقبض عليهم متلبسيين
بدأت اشتباك ناري بينهم وبدر كان مسيطر كعادته وذكر كانت بتتفرج عليه وهي مبسوطه
لغايط اما سلاح بدر خلص الرصاص فيه وحس بمسدس ع راسه
السلموني/ بسرعه كده قول لرجالتك تتراجع وإلا هقتلك
ذكر اتحركت بسرعه كبيره جدا وحطت مسدسها علي راس السلموني
- بسرعه كبيره انت نزل سلاحك علشان مصفيييش دماغك
ذكر في لاحظه كانت خابطه دماغه وحدفت سلاح لبدر
كان معاها احتياطى وبدر صوب علي رجله
وقبضه ع السلموني
والقوات اتحركت وذكر كانت مع بدر وهو بيخلص كل الإجراءات
بدر/ سيادتك متنساش دور النقيب عمر محجوب
لولاه كان السلموني خلص
ذكر بصتله بإبتسامه/ كله بتوجيهاتك يابدر باشاا
اللواء حاتم/ تمام تمام اديله اجازه ٥ ايام وانت كمان يابدر وكل الرجاله ال معاك
بدر/ تمام سيادتك عن اذنك
بدر خرج وذكر خرجت وراااه وهي مبسوطه ان أخيرا هتاخد اجازه من النفخ ده
ذكر خرجت بفخر/ اجازه خمس اياااام يلا منك ليييه
هاشم/ بتهزر
ذكر / عيب عليك اسأل بدر باشا دي اوامر سياده اللواء
بدر وراها ومربع أيده/ ويسالني ليه محضرتك موجود اهو وبتتكلم نيابه عني ماشاء الله
ذكر / هو حضرتك قارش ملحتي ليه ومش طايقلي كلمه ليه
بدر بإستفزاز/ عدم قبول لو تسمع عنه
ذكر بشكل غير ارادي قلبت وشها وبصت لبدر /
نينيننييييي اي كلام وخلاص
بدر مشي وسابهم وكلهم جريوا علشان يروحوا يرتاحوا
وذكر راحت علي بيتها ع طول واستغلت ان محدش
موجود ونامت علشان تستريح من تعبها لأنها هلكت الايام
ذكر/ يااااا سريري اخيراااا انا بيتهيالي هنام الخمس الايام
ذكر فعلاً نامت بعمق ومصحيتش غير بعد كتير اوي
علي صوت تليفونها
- الواطيه ال مجتش تسلم عليا
ذكر فامت وهي مبسوطه / كمياااا وحشتيني اوي اوي اوي
كاميليا/ كميا اي وذفت اي كل ده يومين٩هنا ومتساليش خالص
ذكر/ غصب عني والله اكيد نونه الفتانه قالتلك علي كل حاجه
رنيم٩بغيظ/ اكيد قولتلها يا مجنونه
ذكر ضربت راسها بضحك/ اي ده هي معانا ع الخط
مش تقولي ياكميااا
كاميليا/ المهم يلا هنتقابل دلوقتي في الكافيه بتاعنا مفيش اعزار
ذكر/ وانا اقدر اعتزر ياعني هتشور واجي
رنيم بضحك/ اي تتشوري دي
ذكر/ هاخد شاور ياعني متركزييش خليكي في الانجاز
ذكر قفلت مع البنات وقامت بسرعه شالت العدسات
ولبست فستان ابيض في روز وسابت شعرها مفروود
ولبست كوتش ابيض ونزلت تجري كعادتها
في الكافيه
رنيم/ بس انت متأكد ياهاشم
هاشم/ اكيد طبعاً دي كانت هتموت من الخوف عليه
رنيم/ طيب ما عادي علشان انسان وبيموت برضو
هاشم/ لا يانونه لأ واضحه ذي الشمس تراهني ان هيبقي في بنهم حاجه
رنيم/ لا ياسطاا شكلك متأكد وانا هيبقي منظري وحش
هاشم بإبتسامه/ عيب عليكي ده انا ضابط برضوووو
رنيم/ اوعي الجهاز الأمني ال جنبي
قطع كلامهم دخول كاميليا وذكر
ذكر/ بتنموا كتير من ورايا انتوا هااا
كميا/ أصلا كانوا بينموا عليكي اول مشفوكي
سكتوا واضحه اوي يابت
رنيم/ ماشاء الله كلكم بقه عندكم حس أمني فجأه
اثناء ضحكهم حمزه كان داخل الكافيه وذكر لمحته
ذكر/ هاشم الحق حمزه
هاشم/ حمزه حمزه
ذكر/ ايوا وداخل علينا احيييييه
هاشم/ متقلقيش حمزه ده في البطيييخ اصلا
كله كان بيضحك وحمزه دخل وسلم علي هاشم
هاشم/ أهلا حمزه مزهقتش مني ولا اي ورايا ع هنا
حمزه/ عيب عليك اومال فين الواد عمر مش معاك ليه
هاشم/ كان لسه هنا بس جاله مكالمه خلع
هاشم قال اخر كلمه وغمز لحمزه
- وقال اي بيغض البصر اتاريه خايف من الحكومه باين
هاشم وحمزه ضحكوا
حمزه بص علي زكر وقال مش تعرفنا ولا اي
هاشم/ اكبد طبعاً دي كاميليا اختي الصغيره ودي ذكر بنت عمي ودي رنيم صحبتهم
حمزه/ اهلا بيكم اسلم عادي ولا اي
هاشم/ ده حمزه ضابط زميلي
ذكر/ أهلا ياحضره الضابط
حمزه/ انا حاسس ان شوفتك قبل كده
ذكر بتوتر/ اكيد في فرح سمير يمكن لاني كنت هناك
حمزه / يمكن اتشرفت بيكم والله
حمزه قعد معاهم وذكر حست ان حمزه ممكن يكشفها
لو قعدت ذياده عن كده
- ذكر/ هطير انا بقه ياشباب الوالد بعتلي ماسدج تيكيييير ياشباب وغمزت لهاشم
هاشم/ اوك سلمي ع عمي اوعي تنسي
ذكر مشيت وقررت ان هي تطلع ع البحر
وفتحت تليفونها ال كلمت منه بدر في المعسكر
وتليفون بدر وصله رساله ان التليفون اتفتح
وبدر قرر ان يتأكد فعلاً ان هي ذكر علشان ياكد كلامه
وفتح جي بي إس وتتبع تليفون ذكر وفضل ماشي
لغايط اما وصل لمكان فاضي في صخوور بس ع البحر
واشتغرب ان هي تكون فعلاً موجوده هنا
لاكن بالفعل ذكر كانت واقفه بفستانها الابيض وشعرها ال خصلاته بطير من الهوااا وواقفه كأنها بتتنفس ؤكسجيين
الجو كله
- ده اخر مكان كنت اتخيل الاقيكي فيه
ذكر برقت لما سمعت صوته ال دخل قلبها مش ودنها ده
وخلي دقات قلبها مسموعه يمكن هو سمعها
ذكر لفت وحاولت تتمالك اعصابها قدامه
- انت هناا
بدر / لا لسه هناااك
ذكر بصتله بتساؤل/ وليه ده اخر مكان تكون فيه
ذكر قعدت علي صخره وبدر قعد قدامها
- علشان المكان عكس شخصيتك تماماً ياعني
ذكر بصت لبدر بصه سحرته/ واي شخصيتي بقه
بدر/ مجنونه شويه مبتفكريش في افعالك شخصيه
مش هاديه
ذكر بصتله ورفعت حاجبها
بدر كمل/ بس لذيذه اوي
ذكر ابتسمت وبصت لبدر/ وانت اي ال جايبك هنا
بدر بصلها بذكااء/ تخيلي رقم بيرن عليا ويحاول اوصله
بدر سكت وذكر بصتله بتوتر قدر بدر يشوفه
- وبعدين حصل اي
بدر/ ذهقت من اللف قولت استريح شويه ع البحر قابلتك
ذكر ابتسمت وبدر شاف ابتسامتها
ذكر/ وحضره الضابط مش قادر يوصل لحته رقم
بدر بصلها بهدووء/ منا مش عايز اوصله علشان عايز اسمع صوته تاني واعرف سبب اتصاله
ذكر بنفس الهدوء/ يمكن فضول
بدر/ بس سؤاله غريب اوي اوي
ذكر بلعت ريقها وبصتله وسكتت
بدر بص لذكر بذكاء/ تعرفي ان الضابط بيوصل للي
هو عايزه من غير ادني مجهوود
ذكر/ ياعني اي
بدر بصلها وبص لملامحها/ ذكر في ادويه ممكن توهم
اي ست ان إحنا كنا سوا لساعااات
ملامح وش ذكر ابتسمت لأن هي فهمت ان هو مقربش
من البنت ال كانت في الكباريه ومقدرتش تداري
ضحكتها ال بدر شكوكه اتأكدت منها
بدر/ فياريت بقه صاحب الرقم ده يكلمني تاني
لأني مستنيه بصراحه
ذكر بصتله بدلال واضح/ ما يمكن يتأخر عليك
بدر بهدووء/ هستنااه برضو ولو اني متأكد ان هو
هيتصل في اقرب وقت يمكن لما اقوم من هنا الاقيه
بيتصل
ذكر/ يخربيت ثقتك في نفسك دي
بدر ابتسم وسكت وذكر كمان سكتت واكتفت بنظرات
متواصله بينهم لغايط اما بدر قطع الصمت ده بكلامه
ذكر ممكن أسألك سؤال
ذكر/ اكيد
- هو اي مدي علاقتك بهاشم ياعني ولاد عم بس ولا في حاجه تاتي
ذكر ربعت ايدها وبصتله بعد تنهيده كبيره
- هاشم ده اخويااا مش ابن عمي إحنا طول حياتنا سواا
يمكن اكتر من اخويا ال هو اخويا هاشم صديق غالي اوي
واخ غالي جدااا وأحنا قريبين بسبب ان نفس الدراسه
والسن وكده كميتنا واحده ياعني
بدر بصلها بإرتياح/ كويس كويس
ذكر/ اي ال كويس كويس
بدر/, كله كويس بصراحه انا مستغرب نفسي
ياعني قعادي معاكي كلامي ال ملوش لازمه ومش عايزه
يخلص مش لاقي لاحساسي تفسيير
ذكر بصتله/ ولا انا برضو لاقيه تفسير
بدر/ لايه بالضبط
ذكر/ التفسير بتاعك ياكابتن
بدر وقف وذكر كمان وقفت وبدر بصلها طيب تعالي
نتمشي يمكن نلاقي تفسير سواا
ذكر/, اوكي يلا
بدر وذكر فضلوا يتمشوا سوا وذكر كانت بتشوف في بدر
الانسان الهادي القوي المجنون احيانا العاقل الرزين
وبتكتشف في شخصيته فصول جديده مشفتهاش وهي عمر
بدر بعد موصل لعماره ذكر
- تخيلي بقالنا اربع ساعات ماشيين علي رجلنا
ذكر/ يااا الوقت عدي بسرعه اوي اوي معاك
بدر/, انا اول مره افضل ماشي بلا هدف كده
ذكر/ طالما معايا توقع من نفسك اي شئ
بدر ودع ذكر ال طلعت طايره من الفرحه ومكانتش عايزه تسيبه ابدااا ولا حتي تبعد عنه
ذكر عملت نسكافيه وكانت واقفه في البلاكونه
ومسكت تليفونها واتصلت ببدر من نفس الرقم
بدر كان وصل بيته وغير ونايم ع السرير وسمع٨تليفونه
بيرن ولقاه نفس رقم ذكر قام بسرعه وفف في البلكونه
- الووو
ذكر سكتت شويه وردت .. انا بس كنت عايزه اتأكد ان
انت مننتش معاها
بدر كان قلبه بيدق جامد من صوت ذكر الخجول
ده وكان ساكت بيسمعها وبعدين قال ... كنت مراهن
انك هتتصلي تاني
ذكر اتنهدت بخجل/ انا بس كنت بصلح موقفي
علشان متفعمش حاجه كده حاجه كده
بدر ابتسم/ لا مش هفهم ولا حاجه كده ولا حاجه كده
ذكر/ طيب سلام
بدر/ اوكي
بدر كان لسه هيقفل بس اتفاحأ
بذكر بتنطق اسمه من غير اي القاب اسمه حسه
وكأنه سوفينيه واول مره يسمع اسمه بالجمال ده
- بدرررر
بدر رد بهيام/ نعم
ذكر بهدووؤ/ انا اه مجنونه جداا بس اول مره اتصرف
تصرف طايش ذي ده وبصراحه مستغربه نفسي
وبرضو مش لاقيه اي تفسير
ذكر خلصت كلامها وقفلت الخط بسرعه مستنتش حتي
رد بدر وبدر قفل وكان واقف مبسوط جدااا
وذكر كانت واقفه في البلاكونه وصوره بدر مش مفرقاها
وقطع تفكيرها صوت البنات وهما واقفين جنبها
كميا بهياام/ ياتارا السرحان ده كله في ميننن
رنيم بترد عليها بنفس الهياام/, اكيد للضابط
ابو عضلات كتير ده
ذكر بصتلهم وضحكت بصوتها كله ودخلت علي سريها ودخلوا وراها
ذكر بصتلهم هما الاتنين/ انا محتاجه مساعدتكم
كميا/ احكي بس اعترفي بكل حاجه
ذكر بصتلهم بهيام/ اما بشوفه قلبي بيكون هيخرج
من دلوعي بجد بحس هيقف من كتر الدق تصدقوا
اني بكون مكسوفه اوي اوي وانا معاه ومش بلاقي
كلام عايزه اسمع صوته دائما ومش عايزه اسيبه
صورته دائما في بالي معأن مشوفتوش غير مرتين بس
كاميليا/ الله الله ده انتي وقعتي ولا خدش سمي عليكي
ذكر/ اكيد لأ مش بالسرعه دي
رنيم/ ده انتي واقعه لشوشتك
ذكر بنفس طريقتهم/ واقعه في أي
كاميليا/, في الحب ياعنيا
ذكر/ طيب تفتكروا هو بيحبني ولا حاسس بيا أصلا
كاميليا بتفكير... دي بقه محتاجه اننا نشوفه وهو
معاكي
رنيم بتفكير/ بقولك اي يازيزي
ذكر/ اي
رنيم/ ابعتيله أد ع الانستجرام
ذكر/, لا لازم الخطوه دي تيجه منه الاول
كاميليا/ لا ابعتيله أدد ع الانستجرام بس قبل متبعتي
نزلي استوري واعنلي استثنا للكل خليه يشوفها لما يقبل
ذكر/ استوري اي
كاميليا/ شات صغير ان بكره هتكوني موجوده في لاتينو كافيه ونزلي وكأنك مبسوطه ان هنتقابل وكده
ذكر وبعدين
رنيم/ اخلصي بس نفذي ده الاول
ذكر عملت ذي مقلولها وكلهم مستنيين يشوفوا بدر هيقبل الاد ولا لأ عشر دقايق مرت علي ذكر عشر سنين
وفعلاً اقبل للاد وبعتلها فولو هي كمان قبلتها في لحظتها
كاميليا/ هاااا شاف الاستوري
ذكر بتنطيط/ ااااه شافها شافهااا ياااس ياااس ياااس
كاميلها وهي باصه ع اللابتوب/ تمام كده ارتاحي بقه
ذكر/ طيب وانا استفدت اي كده
كاميليا رفعت عيونها بإستغراب/ لا ده الحب خفض مستوي ذكائك بجد بقي منعدم
رنيم/ ياغبيه لو جه المكان الصبح يبقي مهتم بيكيي
وبيستغل الفرص علشان يشوفك ويبقي في اعجاب ع الاقل او حب
كاميليا كملت/ ولو مجاش يبقي مفيش اعجاب
ذكر بحيره/ طيب تفتكروا هيحصل اي
رنيم وكاميليا في نفس الوقت... ده ال هنعرفه بكره
