بدر بصلها وقال... خير سيادتك عندك ظروف ولا اي
الكل ضحك بأعلي صوته وذكر مفهمتش بيضحكوا علي اي
بدر/ ورايا ع المكتب والباقي يستريح النهارده
ذكر/ هاشم هما ضحكوا علي اي
هاشم/ متشغليش بالك
ذكر بعند/ لا بجد نورني متسبنيش علي عمايا كده
هاشم/ قصده الظروف ال بتيجي للبتات بسس
ذكر حطت ايدها علي بؤ هاشم واتكلمت بغلل
اسكتتتت اسكتتتت اه ياسااافل ياقليل للأدب
هاشم/ وانا مالي هو مش انا
ذكر بغيظ/ ياعم هو مش انت اكيد
دخلوا التلاته مكتب بدر وبدر دخل وقعد ع مكتبه
بدر/ اتفضلوا استريحوا
التلاته قعدوا وذكر كانت متغاظه من بدر
بدر/ اداهم ملفات القضيه يقروها
بدر برسميه/ المهمه كالاتي اكبر شبكه تجاره مخدرات
هينفذه مهمتهم الاسماء مكتوبه عندمم في الملفات
مقدرناش نوصل الوقت بتاع العمليه أمته
بس العمليه هتم خلال يومين مهمتنا بقه خلال خمس ساعات بالضبط نكون معانا كل معلومات القضيه دي
الملفات معاكم هسيبكم ساعه وارجع الاقي الخيوط معاكم
ذكر/ اي ده هتسبنا لوحدنا
بدر بغيظ/ لا هروح اجهزلكم الرضعه جرا اي ياحضره الضابط هو انت لسه طالب انت شكل اهلك ده مش مريحني بجد اضبط كده لضبطك بجد
ذكر لوت بؤها وقالت.. عيب ع خلقه ربنا مانت دايس ع خلق الله
بدر/ وحياه امي حسابك بعد الطلعه دي هوريك النجوم في عز الضهر الصبر ياعمر افندي
بدر خرج وذكر قامت تقلده
ذكر كانت متخنه صوتها/ وحيات امي خسابك بعد الطلعه
وحضرلكم الرضعه ساعه وتحلوا القضيه
ذكر كانت بتقلده في الحركات وحمزه وهاشم ميتتين في
الضحك وفجاه سكتوا وذكر لسه مستمريه ولفت لقت بدر واقف ومربع ايده وبيبصلها
ذكر بخوف وبشكل يضحك/ والله كنت براجع تعليمات معاليك علشان نحل القضيه
بدر اتعصب ومسكها من قفاهااا
- انا مش فاهم انهي واسطه ال رامتك عليااا انا متأكد ان هما كانوا عايزين يخلصوا منك فرموك عليااا تجنن امي
اناا اي يلا المياعه دي بجد والتفاهه دي بقه واقف
تراجع تعليماتي صح
ذكر بتمثيل العياط/ اه والله اصل تعليماتك دي هي ال بتفتح مخنا للتفكير
بدر كان بيكلم وهو بيهزها جامد
ذكر/ بطل رجرجه بقه هو انا دوا كحه
هاشم وحمزه مقدروش يمسكوا ضحكتهم اكتر من كده
بدر ساب ذكر وقعد وبصلها بغضب من تصرفاتها المتهوره
- اتفضلوا مش هسيبكم علشان كلي ابقي قدام سيادتكم
ذكر/ بعون الله 5 دقايق واسلمك بكره خيط القضيه
بدر خبط ع المكتب خبطه هزت ذكر
- اتفضلوا اقروا الملفات
ذكر قعدت بسرعه ومسكت الملف قريته بشكل عشوائي
وكانت ماسكه قلم بتخطط علي حاجات مهمه وبتعمل دوائر
بدر بصلها بأستغراب .. اي سيادتك خلصت حصه الرسم
ولا لسه شويه
ذكر بصتلع ومردتش عليه وكملت تخطيط٨ لغايط
اما سابت القلم بصت لبدر. وقالت بجديه
- تمام لقيت الخيط
بدر بص لساعته واستغرب ان معداش حتي عشر دقايق
ربع أيده بأستهزاء وقال.. ال هو ازاي ده
ذكر/ اشتري متهزقش قصدي متبعش
بدر / اتفضل
ذكر / دلوقي السلموني ده معروف بعلاقاته النسائيه ومكتوب في الملف ان دائم التردد علي كابريه معين
لمده سنه ياعني معني كده ان في مزه جوا المكان ده
داخله هنا
شاورته علي دماغها وغمزت لبدر
بدر بصلها بجديه لان فعلاً هو ده خيط القضيه وكان مزهول من ذكائها العالي جدااا ده
ذكر/ فيااا كابتن بدر طالما الموضوع في مزه يبقي سره معاهااا دورنا بقه نصطاد الغزاله دي
بدر قام وقف وقرب من ذكر وذكر رجعت كذا خطوه ورا
- باشا بلاش تضرب ايدك تقيله بجد
بدر قرب وصقف بإيده وذكر استغربت
بدر/ طبعا هو ده خيط القضيه برافوا ياعمر يجي منك
والله
هاشم كان فخور بذكر لان هي بتحقق حلمها لان فعلاً ذكر تستحق تكون في المكان ده يمكن حتي اكتر منه شخصيا
بدر/ طبعاً عمر عرف يطلع معلومات مهمه من ورقتين
هو اه ظفهمتش بيخطط في أي بس طلع بالمفيد
ودي اهم حاجه تشغيل مخك قبل تشغيل عضلاتك
لان أحياناً نجاحك في أي عمليه بيكون لتشغيل مخك
لأن ممكن يكون اقوي منك او اكتر منك في العدد
فبالتالي لازم نشغل مخنا قبل عضلاتنا
بدر/ دلوقتي هيجي دورنا ان إحنا نشوف مين
ال بيثق فيها السلموني ده
هاشم وحمزه هتروحوا الكباريه ده ويشوفوا مين الشخصيه دي ومتعملوش حاجه غير ان انتوا تصورها نعرف شكلها بس
هاشم وحمزه في نفس الوقت/ تمام يافندم
هاشم وحمزه اتحركوا وذكر كانت واقفه
- اتكل انا ياباشا ولا اي
بدر قام بإبتسامه شر/ تتكل اي ياراجل اتفضل معايا
في تدريب
ذكر بسخريه/ مش الفرقه٩بتستريح وهاشم وحمزه في مهمه انا اي مش من الفرقه هو انا ابن جوز امك ولا اي ياباشا
بدر/ ثابت ياحضره الضابط احنا مش هنهزر هنا
ذكر مشيت وهي بتبدب وقرفانع بجد من بدر وتحكماته في الشغل عليها
بدر خرج وكان الشمس حرارتها عاليه جدااا
بدر/ اخر تمرين اتكشفت من صوت انفاسك
النهارده بقه لازم تتعلم تتحكم في صوت انفاسك دي
لان دي هي ال هتخليك تبوظ اي عمليه
ذكر بسخريه/ حاضر هحطهم علي الصامت
بدر بغضب/ وتحطهم معاليك بنفسك ليه احطهملك انااا
اتفضل اجري خمسه كيلوا وارجعهم تاني
ذكر/ يالهوي ع الظلم بجدددد
ذكر جريت وبدر جري معاهااا وذكر كانت سريعه كعادتها
واول مخلصوا جري
بدر انا وانت جرينا نفسك المسافه هنتحكم في صوت انفاسنا وهنحاول نمسك بعض اتفضل اختفي
ذكر حاولت تختفي من بدر لاكن برضو صوت انفاسها
كان بيخلي بدر يعرف مكانها
بدر/ انا مش هحلك غير اما مسمعش صوت نفسك خالص وذكر كانت بتحاول تمسك نفسها وتكتم نفسها علي قد
ما تقدر وبعد محاولات كتير ذكر كتمت انفاسها فعلاً
وبدر ممسكهاش
بدر/ تمام كده خلي بالك من النقط الصغيره دي
دي ال بتفرق من مستوي ضابط لضابط تاني
ذكر / شاورت براسها وسكتت
بدر باستغراب/ اس مش بتتحفنا بقلشات حضرتك ليه
ذكر بنهجان/ انا فصلت شحن وخلصت بنزين سيبني في حالي الله يرضي عليك
بدر ابتسم بإنتصار ومشه وهو بيكلمه ورايا ع المكتب
ذكر مشيت وهي بتدبدب ذي الاكفال وراحت اترمت ع الكتبه وبدر كان قاعد متابعها
- انشف كده يلا متبقاش فافي كده
ذكر/ ياعم انا حر انا عايز ابقي فافي وصافي سيبني في حالي
قطع كلامهم دخول حمزه وهاشم وهما معاهم كل التفاصيل ال بدر طلبها
ذكر قامت بسرعه بفضول تشوف صوره البنت
حمزه / بصراحه ياباشا البت صاروخ ارض جو بجد
هاشم/ فعلاً دي قنبله نووويه
بدر بصلهم وبص لذكر/ اي مش عايز تقول حاجه انت كمان
ذكر بقرف/ لا ياباشا بغض البصر علشان يتردلي في اخواتي
بدر بسخريه/ طب يلا ياشيخ عمر هكافأك وهتيجي معايا
الكابريه يلا وتشوفها ثري دي مش صوره
ذكر بصتله بصدمه وبصت لهاشم / لا ياباشا شكراً مش عايزه اتكافأ متشكرين يادوله
بدر/ يلا ياحيلتها هو انا بعزمك علي فرحي يلا ورايا
بدر اتحرك وهاشم بص لذكر
ذكر/ احيه احيه احيه احيه هعمل اي انا ذكر اروح الاماكن دي
هاشم بهمس/ وطي صووووتك انتي ال وحلتي نفسك الوحله السوده دي
ذكر اتحركت وهي خايفه وبتقرا ايااات المصحف كله
ووصلت لعربيه كان راكبها بدر وركبت معاه
بدر/ هستني معاليك كتير ولا اي
ذكر/ منا جيت اهو ولا انت عايز الشئ كن فيكون في لحظتها انا مش جني المصباح انا انا بني ادم
بدر بصلها بقرف وسكت
وذكر بصتله وافتكرت ان هي ركبت معاه امبارح بس
وكأنه كان شخصيه غير الشخصيه دي خالص
ورجعت نظرها للطريق
لغايط اما بدر وقف قدام عماره شيك جدااا
بدر/ هطلع اغيرر هدومي وانت شوفلك اي حاجه تلبسها بدل الميري ده المحل قدامك اهو
بدر نزل وذكر نزلت ودخلت٨محل هدوم شبابي ومكنتش عارفه تشتري اي ومكنش عاجبها حاجه لغايط اما اشترت بنطلون وتيشرت وفوقهم قميص علشان يداري تقاسيم جسمها
ذكر/ ايوا كده يازيزي مش باينه خالص يسلم المشد ال اشتريته والله مخليني شكل هاشم
ذكر خرجت واستنت٨ بدر عند العربيه ال نزل وهو لابس ومتشيك وريحه برفانه ملت المكان
بدر/ اي القرف ده انت رايح معرض الكتاب يلا
ذكر/ لو سمحت متدخلش في استايلي
بدر/ استايل اي احنا رايحين كباريه اتعلم يابني مني
ذكر كانت متغاظه من شياكته وحست ان مش عايزه حد يشوفه كده اكيد كل ال هيشوفه هيحبه
ذكر قعدت جنبه وبدر ساق لغايط اما وصل وبص لذكر علشان تنزل
دخلوا الكباريه وراحوا قعدوا ع البار
بدر بهمس/ ولا كأنك تعرفي اتعلم بس
ذكر كانت قرفانه من المكان وشايفه مناظر متتشافش ومكانتش قادرع ترفع نظرها للمكان وكانت حاسه ان هي هتخرج كل حاجه في بطنها من المناظر المقرفه دي
لغايط اما قربت سلڤانا البنت ال عايزين منها معلومات
وكانت بتقرب من بدر
وذكر كانت مش مستحمله قربها منه وكانت خاسه ان خلاص دموع عنيها هتنزل ومش مسيطره علي نفسها
بالاخص ان بدر كان بيقرب منها وفي دقايق مشي معاها وهو حاضنها في الوقت ده دموع ذكر نزلت ومسيطرتش عليها وحست ان هي مخنوووقه والدنيا كلها مش سيعاها
ومكانتش مفسره اي سبب الضيقه دي كلها وخرجت تجري من المكان وعيونها سمحت لدموعها ان هي تنزل
وخرجت قعدت ع البحر وهي مضايقه جداااا
ذكر بصت للبحر وكانت بتكلم نفسها/ جرالك اي ياذكر
مهو ضابط وده طبيعي في شغلهم مالي انا ميعمل ال
هو عايزه
ذكر كانت بتحاول تقنع نفسها ان عادي وهو اصلا ميخصهاش
ذكر قامت ومسحت دموعها ولقت راجل بيبيع حمص شام راحت اشترت كيس تشربه
ذكر/ سيبك بقه منه خااالص واشربي وانسي
بعد ساعتين بدر خرج من الكباريه وهو بيعدل هدومه وبيلبس الجاكيته ذكر بصتله بضيق وخنقه
بدر/ اي هستني جنابك كتير اتفضل
ذكر قعدت جنبه ومتكلمتش ولا نطقت وبدر كان مستغرب ان عمر حتي مسالش عن تفاصيل العمليه
بدر/ العمليه بكره الساعه الساعه 3 الفجر ع الطريق الصحراوي للواحات
ذكر بضيق/ تمام
بدر استغرب بس محطش في باله ورجع بيه للمعسكر
وذكر كانت قاعده لوحدها بعيد عن الفرقه وكانت
مضايقه ومنظر البنت وهي في احضان بدر مش طالعه من دماغها ومسكت تليفونها واتصلت برقم بدر من غير تفكير
بدر كان نايم في مكتبه علي الكنبه وصحي علي صوت رنه تليفونه وبص شاف رقم غريب فتحه
ذكر سكتت متكلمتش ومكانتش عارفه تقول اي
وبدر لسه مقفلش الخط
لغايط اما ذكر نطقت بنبره مخطلته من الحزن ع الغيره
- انت نمت معاها......
