منذُ الصغر وانتِ معي وشلون راح يفارقونا الحين.

البارت الثـلاثين

"لن يختبرك الله بأشياء أنت غير مؤهل لها
فالله لا يكلف نفسا إلا وسعها"..
.
.

/ ليت القاء يحدد موعد جيته.
تجي واشوفك يانور العين ونظرها..
..

ـــــــــــــــــــــــــــــــــــــــــــــــــ
قبل اذان الظهر بنص ساعه.
...

فتح باب السياره وهو ينزل بثقل!
تعب من القعده..
والخط الطويل.

اول مره كانت زيارته للطريق المحاجز.
لمن جااء ياخذ بشائر من عمه.
..
خفت بنفسه
/ والحين جيت ياعساني القأك.
.
اخذ جاكيته حطه على اكتافه والشماغ.
لبس نظراته الشمسيه.
**
..
أستغرب من هدوء القريه..
واكثر البيوت واضح عليها الهجر.

مافي ناس بالشارع كثير.
عقد حواجبه وهو يوقف يطالع للهوشه الي قبال بيت طين صغير..

.....
/ يبه اقول لك! ماسويت شي والله

صرخ الشايب بوجهه/ أنطم! حسابك بعدين.
دخل مع اخواتك الشنط

/ ابشر الحين ادخلهم بس تراني!
ماسويت اللي تقوله انت.
انا غيث يبه تعرفني ماسويها!
أسرق!!
وش ناقصني.

ابوه بصوت حاد/ خلااص قلت! لين ندخل البيت اخذ الشنط الحيين

لف على البنت اللي معاها شنطتها نازله من السياره
/ اتركيهاا له وادخلي..

تركتها ودخلت والخوف واضح عليها .

..
هتف بكلمات!! غير مفهومه.
وهو ياخذ شنطه صغيره ويدخل مع الحرمه الثانيه..!

جمال شال نظارته وهو يطالع للغيث يقفل ابواب السياره بعد مانزل الشنط.

قرب منه يسأل!
مدامه موجود لوحده القريه مافيها ناس !
..
اذا ماسأله يسأل مين.

/ السلام عليكم.

غيث وقف باستغراي خفت بدون نفس/ هلا هلا وعليكم السلام.

جمال بجمود/ ابسالك في قريب جاتكم بنت.
لحالها !

غيث رفع حواجبه باستفسار/ بنت؟؟
وش تقرب لك.!

جمال بتوتر خفت بكذب./ أختي! ركبت مع اخوي المجنون وتركها مادري وين ندورها.!

غيث عض شفايفه/ والله سمعت!
في بنت ببيت ابو روعه هذاااك!
جارنا.
بس يقول بنت اختي!
وعلى حسب ظني وعز معرفتي به ماعنده اخوات.
روح له واساله.

جمال أشرق وجهه بفرح/ كثر الله خيرك.
مشكور

غيث أومئ براسه/ عساني دليتك بالخير.
ماأتسبب بضرها.

جمال فز/ لا والله لا!
باقي ماتعرف بالبشائر وش هي بقلب جمال

غيث ابتسم على كلامه/ يابختها والله.
حيااك عندنا!
نتعرف عليك

جمال هز راسه/ مره ثاني! بجيكم.
الحين بروح بسال عليها

غيث اومئ براسه / خلاص ان شاءلله متى فضيت تعال لا تروح وانا باقي ماتعرفت عليك.