علئ ذاك الطريق

10

بعدها باسبوع رجعو ام و ابو ريم و ذياب

سلمو علئ امهم و ابوهم و خلوهم يرتاحون لين ما ياه المغرب

راح ذياب عند امه و ابوه كانو يالسيين بصاله البيت

ذياب : امي ابا اخطب

ام ذياب : لولولولولوشش مبرروك حبيبي منو هاي سعيده الحض

ابو ذياب : اصبري يا حرمه منو هاي ؟ بنت منو؟ يعرفولنا نعرفهم ؟؟؟

ذياب : هيه ابويه هاي اليازيه بنت خالد  لاه

ام ذياب : اليازيه ؟ يزويي ما غيرها ؟ اربيعت ريموه

ذياب : هيه هي و انا اباها و تراها موافقه امي

ام ذياب : والله ولدي البنت ونعم فيها و ف اهلها بس لسانها طويل ترا ، انا موافقه عن نفسي بس ابوك مادري و اهل البنت بعد

ذياب : ها ابوي ؟

ابو ذياب : انا ما اعرف عنهم واايد اشياء بس انا موافق دام انه امك تعرفها بس امك تقول انه لسانها طويل ف تذكر انه ها اختيارك

ذياب: انزين ابويه، امي دقي عليهن اليوم دخيلج خذي موعد

ام ذياب : انشالله الحين بسير

سارت و رمست ام اليازيه

و اهلها عطوهم موعد

ف هال وقت كانت ريموه تتجهز عسب تسير بيت عمها و تقول حق هزاع لو موافقه او لا نزلت تحت و لقتهم يسولفون عن اليازيه و اتطالعت اخوها قالت له : والله ما تسوى ضفر مهره

بس ذياب طنشها و قالت له يوصلها بيت عمها وافق ووصلها هناك قبل لا تنزل قالت له

ريم : اخويه لا تزعل مني بس صلح غلطتك مع البنت عقب عرس

ذياب : انا شو اسوي هي ما قالت لي انها تحبني من زمان و لو عرفت منها احسن بيكون مو منج ، يلا ريموه انزلي عشان ما نضارب يلا روحي

نزلت ريموه راحت على طول عند هزاع

طبعا كان الوقت ع المغرب ف كانت بتبات عند مهروه

المهم

دقت الباب

و فتح الباب هزاع

هزاع : اا ريموه؟

ريموه: شحالك

هزاع : بخير والله

ريموه : اقلك هزاع

هزاع : عيون هزاع ، قولي

ريموه: ههه هزاع لا تقول جي حد بيسمعك

ريموه : انزين اقلك اليوم ع الساعه 2 تعال برع بل حديقه الخلفيه صوب المسبح ابا ارمسك

هزاع : من عيوني

ريم : تسلم عيونك الحلوه قالت جي و راحت بسرعه

هزاع ضحك و كان فرحان وااايد لانه متفأل انها بتوافق عليه
_______________________________________________
عند مريم

مريم عااالم ثانييي عايشه قصه حب ويه سعود

قررو انه العرس بيكون بعد شهر و كانو يجهزون حق عرسهم و كانو فرحانين ف بعض

{عشان جي مالهم حس بل روايه}  (عذر 😗)

اما عند اليازيه كانت طايره من الفرحه لانها ما صدقت انها بتعرس

ام اليازيه كانت موافقه اما ابوها كان رفافض بس ما قال شي بس عطوهم موعد