وقت الرجعه ياه ذياب و رجع ريم تغدت ريم و رقدت
مرت الايام
كانت ريم يالسه ع فونها جان يوصلها مسج كان من مريم انه حفله ملجتها بتكون اليوم الي بعده
سارت ريم ركضض عند ذياب
ريم: ذيابوه الحق
ذياب: شو فيج يايه جي و بعدين اسمي ذياب مو ذيابوه
ريموه : مو قتكك احين هاي مريوم يبالها طراق تخيل توها تقول متى موعد ملجتها و الملجه باجر والله بصيح ما عندي شي مرتب
ذياب : انا الملاج ؟ شدخلنيي الله يستر عليها
ريموه : اقلك ما عنديي شي مرتبب، بسير بيت عمي ويه مهاري المول
ذياب : انزين سيري ليش يايه تقوليلي ريلج انا ؟
ريموه : اففف امي و ابويه مو موجيدين اكيد بسالك ، ياخي انزين اباك توصلني
ذياب فكر فيها اشوي { بتعرفون عقب ليش يلس يفكر } و قال : تمام بس بوديج و خلي حد يردج البيت انا بسير اخذ كندورتي من الدوبي
ريموه : تمام تمام يلا انزين
سارو وصلها بيت عمهم
دشت ريموه البيت سلمت علئ عمها و راحت عند مريم
بصوت عالي
ريموه : مريييييييم يل كلبهه
مريم: هااا شو بلاج زيغتيني
ريم: زيغتج عيل هاا ، انا اراويج ليش الحين اتطرشين الكروت و الحين تعلنين
مريم : يل هبله كلحد يدري الا بيتكم لاني عبالي مهره قالت لج واليوم سالتها قالت انها ما قالت شي
ريم شو هال بلشه احييين ، بسير اشتري تعالي ويايه
مريم : لا حبيبتي انا عروس و لازم ارتاح
ريموه : اخخ لو انج مو العروسه جان شوهت ويهج
مريم : هههه ريموه طلعي برا
سارت عند مهره
ريم : مهره قومي وياي المول نسير نشتري حق ملجت اختج
مهره: تمام حبي بس سيري قولي حق هزاع عسب يودينا
ريم: انتي سيري
مهره : انتي الي تبين ليش انا اسير
ريم : انزين فكينا
سارت ريموه عند هزاع دقت الباب و فتح لها هزاع قالت بتوتر
ريم : هزاع شحالك
هزاع : بخير ريموه انتي شحالج
ريم : زينه
هزاع : شو تبين
ريم: انا شو ابا
هزاع و هو يضحك : هههههه مينونه انتي ييتي دقتي الباب شو تبين
ريموه و هي متفشله : امم هيه صح اباك توديني المول انا و مهاري نسير نشتري حق ملجت مريوم
هزاع : اخوج وين ؟
ريم : اخوي سار الدوبي، جوف لو تبا ودنا ما تبا خلاص عادي مابا اثقل عليك او اتعبك
هزاع : لا ابا ابا يلا اتجهزي احين ياي ، اي تعب افا عليج تعبج راحه
تجهزت يعني بس سوت حوايبها و حطت بلشر و مسكره و روج خفيف
ركبت السياره وياه و كلعاده مهره سارت وره عسب تنسدح و ريم يلست جدام
أنت تقرأ
علئ ذاك الطريق
Historical Fictionالروايه بل لهجه الاماراتيه 🇦🇪🔰 انشالله تعيبكم لانه اول مره اكتب ⭐️رايكم يهمني وايد ⭐️ تغاضو عن الاغلاط ‼️
