عند ريم كانت ريم يالسه ببيت عمها ابو هزاع كانت عند مهره يالسه تسولف وياها
دخل عليهم هزاع و قال
هزاع: شحالج ريموه
ريم: بخير الحمدالله انته شحالك
هزاع: بخير دامج بخير، ها مهور شو تسوين
مهره : يالسين نسولف ، شرايك تودينا المول
هزاع: والله مو متفيج عقب عقب بليل لو فاضيين تجهزو بنسير نشوف فلم
ريم : ما اتوقع اروم ايي ذياب ما بيخليني
هزاع : افا ما عليج انا برمسه
ريم: اكيد ؟
هزاع : ازهليها انتي بس
__________________________________________________________________
هزاع كان يبا ريموه اتيي وياهم لانه كان يستانس واايد وياها و يبا اي شي عسب يسولف وياها
هزاع : الوو ذياب
ذياب: هلا هزاع شحالك
هزاع : بخير الحمدالله من صوبك ؟
ذياب : بخير والله كيف الدوام
هزاع : الامور ماشيه تراها
ذياب : انزين ش بغيت ؟
هزاع : هيه صح بودي مهور و ريموه السنما بتي ويانا ؟
ذياب : اسميي انكم فاضيين لا عندي دوام انا
هزاع : انزين بنشل ريموه ف لا تخاف لو طولنا
ذياب :تمام الحين بحولك بيزات حقها
هزاع : تتمصخر انته ترا ريموه اختيه بعد لا تحول وله شي
ذياب : ما نبا نكلف علييك ياخي
هزاع : ماشي كلافه اخوي ، لا تحول و ودر عنك هل سوالف
ذياب : تمام بس بحول حق ريموه حق الاحتياط يعني لو احتاجت شي
هزاع : برايكم ، يلا تامرعلى شي؟
ذياب : سلامتك
هزاع: الله يسلمك
سار هزاع عند ريموه و مهور قال
هزاع: ريموه اقلج اخوج وافق يلا تجهزو بنسير ترانا ع ساعه 7
ريموه و مهور : تمام
ريم : مشكور
هزاع : شدعوه مابينا ههه
مهره يلست اتطالعهم بنضرات شك
يوم راح هزاع قالت مهور
مهره : انتي ايي شو بينج وبين بو الهزعي
ريم : والله ماشي يمه زيغتيني الله يخسج هههههههه
مهره : هههههههههه انزين يلا قومي نسير نتجهز
كانت الساعه 5 و وقتها طلع هزاع عند ربعه لين الساعه6
كانو البنات يتمكيجون دق الباب هزاع و دش قبل لا يدش من ورا الباب قال
هزاع: ريموه لبسي شيلتج بدش تراني
ريم ما كانت تلبس الشيله عدل يعني تبيين شعرها من جدام و ما تلفها ، لكن يوم تطلع تلفها كامله بس تبين اشوي
دخل هزاع الحجره و شاف ريموه هب لافه الشيله سكت و ما قال شي لانه هو ما يعيبه هال نوع من البنات و قال بدون ما يطالع ريموه
بنات يلا بسرعه خلصو تراني في السياره
دشت عليهم مريم و قالت
مريم : خير انشالله وين سايرين بدوني ، انتو من شفتوني بملج استخفيتو قمتو تعتبروني عوده و ما تعزموني ع طلعاتكم
ريموه : هههه والله نسيناج حياتي بنسير المول نشوف فلم بتين ؟
مريم : ما بقول لا
مريم : بس الساعه كم
ريموه : الحين ، سرييع اخوج تحت
مريم : اوه بلاكم مستعيليينن انزين بلبس عباتي و بيي
ريموه و مهره : هههههههه انزين بسرعه يلخبله
نزلو و ركبو السياره و اشوي لحقتهم مريم
كان هزاع يسوق و مريم جدام و ريموه ورا هزاع و مهره ورا مريم
وصلو المول و كان باجي ع الفلم 1 و نص
قال هزاع : منو يبا چيليز
ريموه : ياه ع وقته ميته يوع
اما ميره و و مهره قالو ما يبون سارو ياخذون ماك قبل الفلم يتعشون
أنت تقرأ
علئ ذاك الطريق
Ficción históricaالروايه بل لهجه الاماراتيه 🇦🇪🔰 انشالله تعيبكم لانه اول مره اكتب ⭐️رايكم يهمني وايد ⭐️ تغاضو عن الاغلاط ‼️
