#العُقاب 13
#بقـــلمي: زاي العَنبري 💚
لتنسون التصويت + التعليق بين الفقرات + مُتابعة
لـ حسابي الشخصي Mszay7 🌿 •
،insta : Zayalanbri ♥️•
**
انه احبچ موش توني
انه من سواني ربچ
بگتي غفلة الگلب مني
هو يخلق وانه لعيونچ اغني ♥️
-زاي العَنبري .
• ــــــــــــــــــــــــــــــــ( 🦅 )ـــــــــــــــــــــــــــــــ •
رحـــمة"
فتحت عــــيوني وياريتني مافتحت ، وجع قوي اخترق
كل جسمي وألم مو مُمكن يتفسر ولا ينشرح ولا شوية
ماگدرت احچــي حسيت بــشي مشكل بخشمي وحلگي
بچيت من وجعي واستمر هالوجع الى ان برودة سرت
بجسمي وغمضت عيوني بعدما الوجع مردني مرد
فزيت وره فترة والوجع نفسة الله لا يراوي العبد صالح
حسيت بلمسات دافية فوگ چف إيدي وصوت خافت
بصعوبة فتحت عيوني
كلشي مشوش بعيوني
بس الرؤية توضحت عدي شوية
شوية وتدريجيًا صرت اشوف واميز الموجودين گبالي
جدو ، عمو كِـفاح وذو الفقار
شافوني وانخبصوا اولهم ذو الفقار الـ چان گاعد گدامي
كض إيدي ورفع إيدة بسرعة خاف اتألم وانه الوجع
البيه يابوووووووية الله لا يعيشة ببشر
-العُـقـاب: زمُردة
-گــاطع: شلونچ جدي الحمدلله على سلامتچ
-كِــفاح: سباعية رحومة الحمدلله على سلامتچ عمي
-رحــمة: ج-جاي اتألم الوجع يذبححح
همستهه بصعوبة وبچيت من الوجع احس روحــي جاي
تطلع يارب دخيلك يا اللهي هوّن هالألم عليّه يااااارب
-العُـقـاب: بيّه ولا بيچ هـ-هسة هسة اشوفلچ الدكتورة
لا تبچين لا تبچين فدوة اروحلّچ
-رحـمـة: غمضت عيوني أون من الوجع شوية الدكتورة
طبت اسمعهه تسولف وي جدو والممرضة تعدل بإيدي
-الدكـتـورة: الحمدلله على سلامتة المريضة اني گلتلكم
سابقاً هي الله نقذهه والطلقة ما اصابت اي عضو من
اعضائهه سبحان الله بس هاليومين لازم تبقى تحت
المُراقبة وبعدهه تگدرون تخرجونهه للبيت
-الـعُـقـاب: زين.. زين ليـش جاي تبچي شوفيها گلــــبهه
راح يوگف سويلهه اي شي اي شيي يخفف وجعها!!
أنت تقرأ
العُقاب 13
Детектив / Триллерمن أرضِ الشجَرة الخبيثة تبدأ الحِكاية.. "العُقاب 13" بقلمي: زاي العَنبري. لا اُحلل اخذ الرواية ونشرها كاملة في الواتباد 🧡.
