#العُـقـاب 13
#بقـــلمي: زاي العَنبري 💚
لتنسون التصويت + التعليق بين الفقرات + مُتابعة حسابي الشخصي Mszay7 🌿.
°°
واعَدتني ..
تصوغ عمري بكل بَراءة
عوف وَعدك !
عمري وينه ؟
• ــــــــــــــــــــــــــــــــ( 🦅 )ـــــــــــــــــــــــــــــــ •
رحـــمة :- مُستحيل!!
ش-شلون عَرف مكانه وإجى بـ هالسرعة!
فتحت عيـوني ؏ مصرعيها من شدة صدمتي بس
بنفس اللحظة گلـــبي يصرخ بڪُل دگة :- ليش
تنصدمين؟ هو شنو الماگدر يوصله !
انخطف لونــــي وگلـــــبي ينبض بـ أقصى سرعته
عيونـي إتمركزن بمكان واحد "بإتجاهه" اباوع
شلون يتقدم ناحيتي وملامحة غضبانه
-روزيـن: رحــــمة تعالي ادُخلي هذا رجال غريب!!
التفتت ؏ روزيـن خايفة ماگدرت احاچيهه الدنيا
ظلمت تقدمت بسرعة سحبتني دفعتهه صافنة
اللساني انربط والدموع اتجمعت بعيوني
-روزيـن: رحــمة شبيچ انخطف لونچ شنو تعرفينه
هذا الرجال!!
-رحــمة: هزيت راسي بالرفض ودرت وجهي عليه
بس وصل سمعت روزيـن سدت الباب اعصابي
كلهه ترجف وانه اشوفه اختلطت احاسيسي
وگف گدامي بطوله ، بهيبته ، بحضوره ، بشاكيته
بلعت ريگ من ارتفع شاربة بـ ابتسامة سُخرية
-إنكشفتي يارحـــمة فيّاض ، اتوقعتچ اذكــى من
إختيارچ لـ هچـي مكان نائـــي !
-ج-جدو !
-إي جدچ .
باوعتله مدمعة ، وحچيت بقهر
-رحــــمة: شتريد ؟ المن لحگتني لـ هنا؟ شنو بعد
عدكم مامطلعينه بيّه ؟ ياثار نسيتوه واجيت!
-گـــاطـع: إجيت حتى نسولف بـ هدوء ، نتفاهم
ونلگه حَل حتى نسيطر ؏ هواي امور طلعت
عن حدهه المعقول . تفضلي
رفعت حاجبي وثنيت شفتي بسُخرية مريرة من
شفته مد إيدة حتى نمشي ، تبعته بـ خطوات
بطيئة وادعي بگلــبي فُـله ماتطلع هسة
صدمتي ، رجفــتي ، الدمعة الــ محضرله روحـها
وبس تريد تنزل ، غصتي البدت تتشكل بنص
بلعومي ، ردت اطيح من طولي
ترس عيونـي منظر الزرع العالي والنسمات الباردة
باوعت لـ جدو متنهدة بـهدوء وگلــبي بكل دگة
يگول "الحمدلله"
أنت تقرأ
العُقاب 13
Mystery / Thrillerمن أرضِ الشجَرة الخبيثة تبدأ الحِكاية.. "العُقاب 13" بقلمي: زاي العَنبري. لا اُحلل اخذ الرواية ونشرها كاملة في الواتباد 🧡.
