العُقاب 13

Part «7»

#العُقاب 13

#بقلمي: زاي العنبري 💚

لتنسون التوصيت + التعليق بين الفقرات + متابعة
لحسابي الشخصي Mszay7 🌿.

* *

أنا لستُ الشخصَ
المُناسِب لأحد..!
أننيّ مُمِل جداً،
لا أعرِفُ كيف أتحدث،
وأنا مُنطفئٌ مِن الداخِل!
ولنّ أستطيع أن أكونَ
كَما تُريدونّ.

#العُقاب

• ــــــــــــــــــــــــــــــــ( 🦅 )ـــــــــــــــــــــــــــــــ •

رحمة "

- الدنــيا كـــلها افترت وانگلبت بيــنه مو بَــــس السيارة
راسي دار دار ونرگعت السيارة غمضت عيوني وخر
دمي من گصتي لداخل السيارة

- حسيت معدتي انگلبت گـــلاب واعضاء بطني صعدت
لحلگي ضليت گاعده وجسمي معلگ بـس بـَ حزام
الأمان راسي لجوه ورجليّة لفوگ

- درت بصعوبة ؏ رائد تخــبلت من شـــفت الدم تارس
وجهه بچيت وصرخت رفعت اديّه اهز بي اللتمت
العالم علينه وصارت خبصة يمنة

- جام السياره بصفحتي انكسر والكزاز بحضني شلون
اوصف الموقف وشلون اشرحه ماعرف.. دنگ واحد
وصاح حيل من شافنه..

:- عايشششين عايشيييين خوية لا تخافين هسه راح
نطلعكم تگدرين تفتحين الباب؟؟؟

-: ماجاوبته حسيت الدنيا افترت بيّة غمضت وفزيت
من صرخ بوجهي..

:- لاااااا تغمضين لا تغمضين افتحي الباب افتحي من
يمچ يمي معلگ لاااا تغمضين خووية اتحممملي

-: ر-رائد ط-طلعوا ف-فدوة

:- صار صار بس افتحي الباب من يمچ بـابة معلگ يله
عفيه بالسباعيه عفيه بخيتي يله يله شدي حيلچ
افتحي الباب يله يالسباعيه

- مديت ايـــدي بصعـوبة وفتحت الباب بــــس دايخه
بس فتحته الهم مد روحه الولد فتح حزام الأمان
وسحبني وهو يصرخ بصاحبه..

:- بااااالك بااالك عدل شيلهه خاف متأذيههه

- ما ادري يمــتى وصلت الأسعاف حطوني ؏ السدية
وصعدوني لسيارة الأسعاف انه مابيّة شي احس
بروحي بس مادري ليش دايخة

- بـاوعت لـ رائد صعدوا ويــاية بمجرد ماشفت وجهه
والدم المغطي خدرت اطرافي.. دموعي طاحت
وانه اگلهم يعوفوني ويساعدوه..

- ساعدتني المُمرضة حتى اتصل بـ أهلي بس بمنو؟؟؟
انه ماعندي ارقامهم بس رقم علي وعلي بالريف
غمضت عيوني من التعب
وآخر شي سمعتة كلام المُمرضة وي علي..