•Second first Love s2:You ænd Me•||Vmin|| (Completed)

••You••

--------------

Салалтын дараах шархыг эмчилж чадах зүйлийг хүмүүс цаг хугацаа гэдэг. Гэтэл одоо нүүр будалт хийлгэн зураг авалтын талбайн голд суух залууг цаг хугацаа эмчлэх биш харин ч өвчлүүлж байв.

Гартаа барьсан таблетаа хаагаад "Зураг авалт дууслаа" гэхтэй зэрэгцэн шууд машинруугаа гүйнэ. Учир нь түүний найзууд уулзахаар цаг товлосон юм. Гэвч тэр ажлаасаа болоод хоцрох шахаж байна.

Хүү, нөхөр хоёроосоо холдоод хэдэн сар болсон түүнд нэр хүндээ буцаан олоход хангалттай хугацаа өнгөрсөн. Хэсэг хугацааны дараа Жиминийг дахин төгс нэгнээр харахад тэдэнд ердөө ганц л улирал хангалттай байсан юм.

Бүх зүйл болоод өнгөрсөн ч гэсэн өмнөх явдлыг нь сөхөж ярьдаг хүмүүс бий. Зөвхөн өөрийн бодохыг хүссэнээ бодож түүндээ ч дүгнэлт өгдөг. Жиминийг хэчнээн сайн хүний дүрээр амьдарлаа ч тэд өөрсдийнхөөрөө л бодох болно.

Жимин ердөө хэдхэн буудлын дараах гэртээ ирж, хамгийн сүүлд Тэхёны орхиод явсан тэр хэвэнд нь ганц ч зүйлд гар хүрээгүй орхисон өрөөнүүдээр ээлжилж хувцсаа сольж байгаад гарлаа.

Хаалга дахин онгойж Жимин унтлагын өрөөний ширээн дээрх сүрчигээ аван агаар дээр хэд цацаад доор нь эргэлдэн, мартсан зүйл байхгүй эсэхээ шалгаад дахин гэрээс гарав.

Нүүрэнд нь инээмсэглэл маш тод үзэгдэх ба хайртай гэх эмэгтэйгээ хажуудаа суулган зорьсон газар луугаа явна. Хэдэн жилийн өмнө энэ суудалд Тэхён хүүхдээ тэвэрчхээд айн сууж байсныг бүгд мэднэ.

Тэдний ирсэн газар хамгаалалт өндөртэй, бараг л дээд зиндааныхан цугладаг газар бололтой энд тэнд үнэтэй эдлэл хэрэгсэл зүүж гангалсан залуус л үзэгдэж байв. Энэ газарт Жимин төгс зохицох агаад чамин хослолоо янзлан бүсгүйг дагуулаад дотогш орлоо.

Энэ бол түүний хэдэн сарын өмнөөс болзож эхэлсэн мэргэжил нэгтэй Миён гэх эмэгтэй. Яаж байгаад харилцаа үүсгэсэн тухайд бол Жиминий том асуудлын дараа хамгийн эхний кинонд хамтарч ажилласан юм.