هلووو
اني قمر عمري ٢٠ سنه بنت جداً عاديه وطبيعة عوفكم من مواصفاتي وتفاصيلي بعدين تعرفوهن
تعالو اخذكم وياي بشارع من شوارع بغداد وتحديداً بمنطقتنه وشارعنه وعرفكم ع اهلي واجدادي
ممم يلا انبلش؟
هذا شارعنه البسيط الاجتماعي راح ابديلكم من بدايه شارعنه اقصد (ركن ) لنهايه لركن صح بيوتنه تشوفها تعبانه ونص عمر ضخمه بس بيها دفو يجنن من اهلنه
اول بيت عالي وبي درجات هذا بيت اجدادي وهنا عدنه جدي كلمته وحده الي يكسر كلامه يقرة ع روحه السلام بيت جدي لدك لباب نطب عليهم جفتاوي وطبعا طبعا اول من طب راح نسمع صوت بيبي يلعلع وترزل با عليوي اكيد تلكونه مسوي شي وكاشفته مرته وجايه تتبجبج لبيبي كل عاده يعني هفف
بيبي شهربان : عليوي لك ابو النسوان شكدك تصير بكد البغل وتدور علاقات ولك جهالك بكدك يل ماتستحي
عليوي : يمه شبيج خزيتيني تره مجرد صديقه
بيبي شهربان: ابو الوصخ صديقه وخاتل وتكلها احبج ولك سوالفك ورمت كلبي
دعاء: تبجي اي بيبي اني شنو ذنبي كلساع لاكفته ويا وحده تره مليتتتتت
عليوي : انتي سدي حلكج حسابج بعدين
بيبي شهربان: لزمت لعوجيه حساب شنو ولك ابو الحساب تعال اعلمك منو تحاسب
عليوي خله وشرد وبيبي تركض وراه بل عوجيه
بيبي شهربان: تعاي يمه دعيوه معليج بهذا لاغم
ههههه واني جاي اسمع للعركه بس ايدي بجدوره لمطبخ اشوف شنو لغده
دخلت هيه ودعيوه وشافني
بيبي شهربان: ها ولج يل صركعانه شكو دوين بجدورة
قمر : بيبي تره جوعانه وانتي مكافي مامليتي ترزلين بعليوي ودمج فاير تره ميتوب اعذريني دعاء بس رجلج تره لبن يروب وهوا ميتوب
بيبي شهربان:لزمتني بل عوجيه ولج فويسده دك كتل
خليت وشردتت لجدو
جدووووو جدوووو طفرت ع جربايه ختلت وراه جدو شوف مرتك شسوي بيه تره هذا تعنيف يسموووو
بيبي شهربان اجت تركض
وجدو كاظم رافع اديه ويدافعلي وكلنه نضحك
بيبي شهربان: كاظم تره انت خربتها بدلالك الها
جدو كاظم : ميخالف تدلل هيه ترتاح بس هنا وانتي زيديها عليها
ذبلت ملامحي ونزلت من جربايه ومثلت اني ممهتمه وضحكت بوستهم وطلعت من لبيت
سديت لباب وراي باوعت لسمه جريت نفس وحسرة ياربي
نزلت راسي مسحت دموعي
اييي وين وصلنه مشيت كم خطوة يلا تعالو نطب لبيت عمي الثاني
نفتح باب صاله نشوفهم كاعدين حول الصوبه يدفون صباحوووو
عمي جابر:صباح الضهر وين جنتي نايمه
قمر : اباوع ع كتلت عليوي ع ايد بيبي شهربان
عمي جابر: ههههههههه بس لا انلكف
قمر : اي ونحمسلك كتله معدله هههههه
عمتي ميادة تباوعلي صفح معاجبها كام عمي جابر وكال انتي اترخص اروح اشوف لولد بل معمل اكيد كاعدين يسختون
اجت بت عمي (منى) شافتني كاعده ركضت حضنتني من ضهري قموررررة شتاقيتلج يول
قمر :حضنت منى وكعدنه مشابكات ليشوفنه يكول سنين مشايفين بعض
ضلينه نتغامززز ونضحك ع كيف
ميادة:شكو تغامزن وضحكن ضحكنه وياجن
قمر: هااااا لا عمه ماكو شي بس دنضحك ع مسلسل امس باوعنه عليه
ميادة : ممم صدكت عود
بنتر كومي منى وراج شغل لبيت كومي نضفي لاتلتهين
قمر : كلت بكلبي خوش طردة هههه بنزاكه خلي اكوم احسلي يلا منى اني حروح بوستها
منى: امي كلش تضوج من قمر مع العلم قمر ممسويتلها شي بس كره امهات واحنه وكعنه بيها كمت وره قمر اركض
مني : قمر قمر اوكفي
قمر : باوعت ها منونه
منى : حبابه لاتزعلين من امي هذا طبعها ماتحب واحد اني وياج اخوات واحبج ونضل هيج لاخر العمر ♥️
قمر:حضنتها لا عادي متعوده اصلا مازعلت حروح اني تاخرت مممح باي
منى :مح بايات حب
طلعت من بيت عمي جابر
مشيت شوي
شفت سياره يم باب بيت !
هذا البيت تعبان جدا وجان متروك قبل فتره سكنو بي ناس بس مااشوف احد بيهم بس رجال واحد عنده سياره عاليه يصفها يم الباب ومرات مالكاها كلبي ميرتاح الهم كلما اعبر احس بخوف
قمر : اني دامشي كبال البيت عبرت من يمي سياره نفسها لاقصد عليها شفته رجال نزل منها وفتح باب خلفي مامركز بيه ضل مدنك يطلع مدري شنو يمكن غراضه عبرته وكملت طريقي....
فتحت لباب ام احمد
ام احمد :شلونج قموره
قمر : هلو ام احمد تمام انتي شلونج زينه
شلونه سكرج
أم أحمد: بعده بعده متخربط عود ماوصيح موتنسين ابره انسولين مالتي
قمر: تدللين خاله وتامرين امر
اوووف تره شارعنه طويل وبي هواي عرصات مامبنيات بعدهم وهوا اصلا بيتنه من جهه ليمنه والجهه اليسره عرصات وبيت هذا الرجار صاير بنصهن
تعديته مشافني كملت طريقي وأخيراً وصلنه لبيتنه
طبعا بيتنه هوسه نوعاً ما وجناين ٢ عدنا اني ابويه مزوج ثنين نسوان
طبيت شفت صياح عالك والوجوه مكلوبه
خليت
وفلتت الغرفتي بس هل مكان ارتاح بي اخذت حمام دافي ورشيت عطري اخ شكد مغرمه بريحتي
اندك لباب قمررررر وينج تعاي تعشي
قمر :اي جايه جايه اروح اتعششششه
كملت عشه ودخلت بفراشي نمت
مانسيتكم مانسيت بس اليوم تعبت باجر اعرفكم ع العائله الكريمه ههههه تصبحون ع خير
أنت تقرأ
الدعلج
Romanceمن قصه حقيقه لكن اختلاف ببعض الأحداث حتى لتنعرف شخصيات اتمنالكم قرأه ممتعه وضيفوني وصوتوووووو
