انا صاحِبَة الحَظ العاثر رُغمَاً عَن وجهِي الجَميل.
قمر:
كعدتت من نوم جسمي مكسر يبو شكد جنت تعبانه ولو طبعا اتكسر من كرف شغل لكرفته اليوم خلي اكوم اشوف شكو ماكو
نضفت غرفتي ورتبتها وسديتها وطلعت
بعدني ماطلعت وفزيت بوجهي مرت ابوي
كلت بكلبي ياستار اليوم من وقت متحضرتلي على الطلايب
سماح:صح النوم خانم نايمه ولاتكولين اكو شغل وراي اسوي عشه ناس تريد تزقنب حضره لمسعده نايمه
قمر: كلبت عيوني وبملل كتلها وهسه شتريدين اسوي عشه هاي رايحه اسوي بس عوفي سيفونيه مالت كليوم مليت منها
سماح: فوكاها يل صلفه تراددين اني اعلمج
قمر : جرتني من شعري سحلت بيه الكاع ذهابا وإياباً كوه خلصوني من ايدها
خليت وطلعت لبيت جدي بس اريد اوصل
بطريق مريت هذا البيت باوعت وخذتلي صفنه
اخ قمر ليش حاطه بالج وياه سمعت صوت مال حجي بيناتهم واكفين بطارمه وانفتح لباب اني عبرت
اسمع
__يلا اتوكل ونضل ع مخابره اني وياك خوش
__ خوش
عفتهم كملت طريقي فاتت من يمي سياره عاليه سوده طبيت لبيت جدي
رحت لحضن بيبي شهربان ابجي ماعندي غيرها حنين عليه
قمر :اخ يابيبي والله لو ماامي هناك من زمان هجيت وخلصت من سماح وبناتها مليت صايره خدامه الهن محد يحس بيه بيبي
بيبي شهربان :ياروحي انتي اتحملي لخاطر امج
امج من تشوفج هيج تتاذه لازم صيرين قويه
واني اعلمها سماح هيه ماتجي لهنا شارده ولا اني بيه اطلعلها ونعنع عضامها بكم عوجيه وعدلها
قمر:ضليت بحضن بيبي لمن غفيت
كعدتت ع صوت جهازي يهتز صوت المنبه
وقت علاج امي اخ ياربي لازم ارجع لحجيم لخاطر امي
مسحت عيوني ورحت وكفت كدام لمغسله اباوع لحالي شعري منكوش وملابسي مبهذله
الله ينتقم منج سماح
غسلت وجهي وعدلت نفسي ولزمت يده لباب واخذت نفس عيوني حمر لازم اتحمل
طلعت لشارع امشي واتمنى طريق مايخلص
اجت سياره كبالي وضوه لايت قوي عماني
بسرعه نزيت وركضت لبيتنه باوعت وراي
وكف سياره ونزل نص رجل وضل يباوعلي شفت خياله ماكدرتت اركز بي اكثر واني اركض فتحت لباب ودخلت بسرعه الهث
رحت لغرفه امي بسرعه
دخلت ركضت لجربايتها اسفه اسفه تاخرت عليج جنت بيت جدي وراحت عليه نومه
امي تباوعلي وتركز بعيوني عرفتني باجيه
باوعتلها وهزيت براسي مابيه شي وابتسامه مصطنعه انطيتها العلاج وبوستها ماعفتها لمن نامت طفيت لضوه وسديت لباب
رجعت لغرفتي تمددت ع فراشي واني اذكر شلون اجيت اندعم واسب وشتم بي بكلبي ضوه سيارته عمه عيوني
شلون لو دعمني ومتت
يمه همزين الله نقذني منه
جان رحت برجلين غمضت ماحسيت ع نفسي ونمت
كعدتت الصبح ونفس الروتين ماتغير شي واني اركض من بيت لبيت اروح وارجع
ماشفت سياره بعد ضليت تلاث تيام كلما امر لازم اباوع لبيتهم صارت بيه سوله
سماح : كومي جيبي طماطه من بيت جدج كووومي تصيح عليه
قمر : طفرت ولبست طلعت بليل ب٧
امشي
واشوفلك من بعيد سياره طبكت كلبي كام يدك بسرعه
شكو شكو قمر شبيج ؟؟؟
مريت من يم السيارة شفته ينزل غراض وجنطه سودة جبيره
باوعتله اجت عيني ع جنطه ورفعتها شفته يباوعلي وجكارة بحلكه ويطلع دخان من حلكه
ارتبكت من نضراته نزلت راسي وسرعت بمشيتي مرتبكه
عفت وطكيتها ركضه طبيت لبيت جدو سلمت عليهم اخذت طماطه وطلعت رجعت لكيت سياره بعدها ولبيت ضواه خافت
عبرت لبيتنه وطبيت بلشت اسوي عشه وخلصت واني ضهري وكف من تعب بعد ماكدر اوكف
رحت سبحت واكلت ع طبله كم لكمه نقايش
ورجعت لغرفتي لفيت راسي ونمت
أنت تقرأ
الدعلج
Romanceمن قصه حقيقه لكن اختلاف ببعض الأحداث حتى لتنعرف شخصيات اتمنالكم قرأه ممتعه وضيفوني وصوتوووووو
