وإرد والگاك
لاموني هَلي ورديت
وثيابي تعاتبني وبعدني اهواك .🪽❤️🩹
قمر :ماعرف ليش ضجت من سمعت كلامهم
اتمنى ابوي يحب امي مثلهم مسحت دموعي وصحت يلا بنوتات حتى يسمعوني
طلعت
بسرعه كام وكعد بصفها واجن لبنات يركض وراحن يحضننه ويبوسنه واني اراقب العائله السعيده
بينما طفله حاضنته من ركبته باوعلي صفن
واني صافنه عليهم انبتهتله عدلت وكفتي
ودك لمنبه ارتبكت
وكتلهم لازم اروح وهوا صفنته طولت عليه وع تليفون
__ براحتج شكراً الج تعبناج
قمر : لاعادي تدللون نلقت نضري الى
خوله الحمدلله على السلامه مره ثانيه واي شي تحتاجينه لاتتردين دزيلي وحده من بنات تمام
خوله : هزت براسها وابتسمتلي
باوعتله بنضره خاطفه دنك يبوس ب كوثر ويشم بيها اذكرت شلون جانت نايمه بحضني اخ منج ياملعونه بسرعه بعتيني
طلعت عنهم
مرن كم يوم ماشفته بعد واني التهيت بمشاكلي ويا سماح الحيه
رابع يوم جنت اريد اروح لجدادي كلش مختنكه مريت لكيته واكف يم سيارته فاتح البدي الوره وكاعد بي يكلب بجهازه مريت من يمه وشفت اكو جلب ابيض مربوط بتيل ليم باب وجان يهوهو عليه رفع عينه وباوعلي
تعديته وضلت عيني ع جلب يجنن وضل هوا يباوعلي إلى أن اختفيت من كدامه وعكست بنهايه فرع داخله لبيت جدي
ضليت يمهم لليل يلا رجعت شفت سيارته ماكو ولبيت اضلم كملت طريقي راجعه للبيت وكبل لفراش
مرن كم يوم ماشفته كلما امر صارت بيه سوله لازم اباوع لبيتهم
ع هذا الحال ضليت لحد مره طلعت اذب زباله بل حاويه ليم لباب وشفته من بعيد فاتح باب سياره واكف يسولف ويا صديقه ومندمجين ويحركون بااديهم ويسولفون
ضليت اباوعلهم من بعيد شكد ردتت يباوع ع جهتي مندمج يسولف
بعدين شفتهم سدو سياره وطبو للبيت
واني كذالك دخلت للبيت
اجتني منى خلصنه وقت بين شغل وسوالف مرينه من الكامرة بالغرفه شفت سيارته
قمر :اي هنا اليوم يعني اشوفه من قريب
منى: لحظه قمر وانتي ليش هيج متحمسه وتردين اشوفينه خيررررج
قمر :هاا مدري منى
منى:شنو مادري عود ليش هيج كمتي تنطين الوان
عزه بس لا تحبينه
قمر :انجبي حبيششش فضول ياحبي فضول اريد اعرف شنو سالفته هذا رجال
منى:انتي من شوكت فضوليه ؟؟!
قمر :اهووو مناوي والله اسوين من حبه كبه
منى:ديلا عيني خ اولي احسلي صرت اسوي من حبه كبه مشكوره اختي
قمر:بس لا زعلتي شبيج داشاقه
منى:طبعا ازعل شايفتني بلا احساس
قمر :اي
منى: هاي شنوووووو اكوم اروح لا ادوس بطنج اطلع مصارينج كومي من كدامي كووومي
قمر: هههههه كومي اوصلج عربون صلح اعتبري
منى:احلف عليج مو علمودي كايمه حتى تشوفينه ولج تعلميني بيج
قمر : هههههههههههه
كمنه نلبس وطلعنه جان اشوف سيارته ماهيه يعني راح هسه جان هنااااا
منى:ربييي انت اعلم بنيات اللهم لاشماتتتته هههههه
قمر:منى تولين عني احسلج
منى:ماتوصليني ؟!
قمر:لا ولي
منى:تعاي وصليني لا صدك ازعل
وصلتها ورجعت مالي خلك احد
نمت
أنت تقرأ
الدعلج
Romanceمن قصه حقيقه لكن اختلاف ببعض الأحداث حتى لتنعرف شخصيات اتمنالكم قرأه ممتعه وضيفوني وصوتوووووو
