جيتك مخلص محطاتي
بثگلها و ناسها بهمها و تعبها
و غايتي و عيني عليك 🕊🕊
قمر:طلعت للمطبخ ادور عليه ماكو
رجعت وكفت بنص صاله اريد اروح لغرفته
شفت الباب الصاله مفتوح ع نص
شفت بس جتفه
رحت للغرفه جبت بطانيه ردتت اطلع وانتبهت للجنطه الاسعافات الاوليه بمكانه اخذتها وطلعت فتحت لباب لكيته كاعد ع بلوكه وماد رجليه
وهوا مغمض جر نفس من جكاره وزفره
قمر :يصير اعبر ؟؟
غضنفر: همم
همهم وشال رجليه بعده مغمظ كعدتت يمه وحطيت جنطه بلكاع
قمر :احم يصير توخر ضهرك من حايط
غضنفر:رفع حواجبه بمعنى لا
قمر:اذا ممكن
وخر عن الحايط حطيت البطانيه ح ضهره كبل فتح عيونه
صارت عيني بعينه وهوا مركز بيه نزلت عيوني
وكعدتت بصفه ضلينه ساكتين واني العب بطارف ثوبي ابرم بي
قمر :اني اسفه اجاوزت عليك ماقصدي اليوم جان صعب عليه واعصابي نار وهاي النار عمتني اشوف حسن نيه المساعده
شلت راسي لكيته مغمظ هز براسه بمعنى اي
زعلت مني ؟؟؟
هز براسه
مترضى؟
رفع جتفه بمعنى مادري
قربت جنطه وكلت متساعدني؟
هز راسه وهوا ياخذ نفس من جكاره
عدل كعدتته واني انطيته ايدي بسرعه
جكاره بحلكه ياخذ نفس منها وينفخ بدون مايلزمها
اعيوني تتنقل بين اباوع الحركاته وباوع الملامحه الحاده التخوف اخذ ايدي وفتح الكريم اخذ يدهن ايدي واني اتاالم كوة لازمه نفسي
هوا مدنك يدهن ايدي
غضنفر:عادي صيحي اذا تتوجعين
قمر :لا مو متوجعه
عصر ايدي صحت
غضنفر: لاتضمين بكلبج وتكولين عكس الي حاسته رغم ماعصرهه قليل بس بسرعه رخه عصرته
اتلهف حتى يدلكها ويحاول يمحي الوجع
لفاها بل باندج واني عيوني تدرس حركاته وملامحه خلص ورجع لكعدته سألني
غضنفر: خولة نامت ؟؟
قمر : اي تعبانه ونامت ترتاح
سكت واني سكتت
لشوي وكسرت الصمت
بعدك زعلان ؟؟
جاوبني بدون مايباوعلي
غضنفر:اقبل اعتذارج بشرط
قمر:شنو !!!
غضنفر:استكان جاي مهيل
قمر :ضحكت وكتله تدلل كمت اسوي جاي بس حميته
اباوعله فتح جكاره ثانيه وشربهه وخلص وفتح ثالثه
صبيت جاي وكفت باب صاله
قمر : راح تموت من تدخين
غضنفر:اموت بجكاره احسن ماموت بتفكير شتكولين
قمر :بس جكاره مضره وتفكير كذالك مضر وثنينهن يؤدن الى الهلاك
انطيته جاي وكعدتت اخذت كوبي الحار وحضنت اديه ع الكوب
شافني قشعرت من البرودة
جر طرف البطانيه وهز راسه بمعنى تغطي
قربت ولفيت نفسي بطرف البطانيه والارتباك واضح جدا عليه
أنت تقرأ
الدعلج
Romanceمن قصه حقيقه لكن اختلاف ببعض الأحداث حتى لتنعرف شخصيات اتمنالكم قرأه ممتعه وضيفوني وصوتوووووو
