واختر لقلبكَ ما يليقُ بصدقهِ
ما كلّ من يأوي إليكَ خليلُ"
نبلش🫰
كعدتت ع صوت لباب غرفتي يتكسر
ياستار شكوووو
زنوبه: ولج كومي بابا يريدج
قمر: روحي وكليله راح تجي وراي
كوة صحصحت افرك بعيوني لبست ورحت اغسل وجهي
طبيت للرباني لكيت ابوي ويمه هذا الرجال احس كلبي وكف
قمر : كلت بكلبي عزه هذا شعنده هناااا
جواد : بابا روحي وياه عدهم مريض روحي انطي علاجه انتي تفتهمين بهاي سوالف
قمر: اني واكفه وفاكه حلكي وعيوني هم
اسمعه يكله
__ ماعرف شلون اشكرك واسف ع ازعاجكم صارت زحمه بس لوما الحاله حرجه ماتعنيت ودكيت بابكم
جواد : لاياخويا مابيها شي اهلا بيك بأي وقت
باوعلي قمر روحي وياه بساعج هزيت راسي
باوعلي بطرف عينه
بعدني واكفه
باوعتله صافن عليه منتضرني اتحرك
قمر : ها اي بابا رايحه بارتباك صار صار
ركضت لغرفتي لبست بشت ع ملابسي وطلعت
يمشي كدامي شطوله ريحته طيبه تكفخ بوجهي كله هيبه
يمشي ويتلفت قلقني يباوع للشارع عيونه تفحص المنطقه بيت بيت
قمر: اني دكات كلبي الف من يمي يبس دمي هذا شبي حسيت نفسي هذا بودي كارد مالتي ههههه
فتح لباب وكال بصوت خشن تفضلي....
قمر : دخلت للبيت جان ضواه اصفر وخافت مخلين بلاجكتور
فتحلي باب صاله استغربت ليش قافلها وبيتنه مايبعد كلش عن بيتهم طبيت الصاله طويله بيها فرش قطعه حمره تعبانه وتخم لونه احمر وضوه اصفر
وراح كدامي واني ضليت واكفه بنص صاله فتح باب غرفه ودرت وجهي باوعتله هز راسه
طبيت وانصدددممم لكيت مره نايمه وتون ارعبني المنضر قربت يمها اشوفها بيها اثار ضرب تقربت يمها
قمر : كلت ب ارتباك شبيها شصاير
__ وكعت
باوعتله بشك هيه اصلا مو وضع وكعه هاي مكتوله تكلك ع ايد سماح
حطيت ايدي ع جبينها
شهكت عزه هاي داويه نار
التفت لكيته يباوعلي بحيرة
اريد ابر ضروري مال خافض حراره وجيبلي كانونه مغذي املاح واريد مغذي يصير صغير براستيول هم ع شكل مغذي مو حب حفضتهن لو اكتبهن الك
__لا عرفتهن راد يطلع
قمر: بس لحضه اريد قماش ومي علما تجي اسويلها كمادات بلكت تنزل حرارتها
شفته طلع من الغرفه سريع ورجع بيده خاولي وطاسه مبين جان يسويلها كمادات قبل لااجي
اخذتهن منه وكتله روح جيبلي لوصيتهك عليهن
كعدتت اسويلها كمادات وهيه تهذي بكلمات مو مفهومه
وتصيح ب اسامي بنات كوثر بنين كوه تجر الاحرف وتنطقهن
قربت الها منو ذني؟؟؟!!!!
تردين اسويلج شي
ترجع تهذي بهذني الاسمين
الغرفه صل رغم حاط صوبه بس البيت مافروش زين اكيد مايدفه ذوله شلون عايشين
أنت تقرأ
الدعلج
Romanceمن قصه حقيقه لكن اختلاف ببعض الأحداث حتى لتنعرف شخصيات اتمنالكم قرأه ممتعه وضيفوني وصوتوووووو
