اه ياعذابي
حلقة6
للكاتبة اسيل بن ناصر
....
لكي تعيش يجب أن تكون قويًا ...
والقوة ليست قوة الجسد فقط ؛
بل قوة التحمل لكُل أمرٍ سيء ..
وقوة التخلي عمّن لا يستحق ،..
وقوة الإكتفاء بالذات ،.....
وقوة الصبر على المصائب ،..
وقوة الإرادة للوقوف بعد العثرات
ولكن الحقيقة أن أعظم قوة يمتلكها إنسان هى قوة الإيمان بالله ..!
فكلما كان إيمانك بالله قويا، كنت قويًا لأن الله معك ،
◽◾
......
في طرف ثالث كان يسمع في كلام هيثم وعماد...
.....
في ليل عند ملاك وفطومه وهن ايضمن في حوسة العشاء..
فطومه.. بتمشي فرح منيرة..
ملاك بهدوء.. اكيد لا مش ع شي بس مش خاطري نتقابل مع عيله.. انتي عارفه كلامهم ايتعب نفسيه ..
فطومه.. بالعكس نمشو ونغيرو جونا وطز فيهم..
ملاك.بعدم اهتمام ... امي بتعدي ولا لا ..
فطومه وهي تحط في شاهي في صفره جنب الطواسي.. مانك عارفه امي اتحشم من عمي ومرات عمي ميهمش ايمن..اكيد ماشيا ..
........
سكتت ملاك وطلعت فاطمه وهي تفكر في كلام اختها بس مبعده عن باله فكرة انها تمشي لمناسبه للعيله عارفه انها مهم كان لازم يوجعوها بالكلام كملت غسل لحد ماسمعت وليد اينادي فيها... مسحت ايديها وطلعت تجري... نعم ياخالي.. تبي حاجه انديرها لك ..
ضحك وهو يشوف فيها مرتبكه ..مانبي غير سلامتك ..وتي روحك انت وفطومه بكره ماشين للشالي...
ضحكت ملاك وبحتث في باته وسعد الي ساكتين.. صح ياخالي.. يعني عادي نوتي روحي ..
وليد وهو يضحك.. صح الصح ومتعبيش روحك كل شي توا نجبو واتي..
ضحكت ملاك وخشت للدار مالقتش فاطمه عرفتها في دولاب فتحت عليها وهي تضحك.. شيرتلها مع من تحكي..
حول تلفون مع سمر... كنك تضحكي شنو جايبه اخبار حلوه
ضحكت ملاك وقالت وهي تصفق .. بكره بنعدو شالي توا قالها ليا خالي..
ضحكت فاطمه وقالتها لسمر وسكرت منها..
فاطمه وهي تضحك.. ت مسمعتش نحن في حوش مانعرفو شي.. علي عركه سعد وفوزية شن سببها..
ملاك مستغربه.. شن في احكي..
فاطمه وهي تضحك..هضا ياحنه علي جا يخطب فيك وخالي رفض رقاله عمك علي وانفصل وتعارك هو وسعد وطلعت عمتك فوزية عارفه بالموضوع وساكته ولا قلتله ليش ترفضو احمدو ربكم خطبها 😆😆..
....
ملاك وهي تندب..ت علي بعياله وشايب نهار اسود تعرفي كان وليد مش قاعد راه عطاني سعد له..
فاطمه وهي تضحك..حمد الله حظك عاد..مهم خباره هذي العيلة كلها تعلمها حتي مراته عدت حرجت.. عند هلها وقالو خوتها ضربو علي طريحه سمحه ..هههههههه
