اه ياعذابي
حلقة 12
......
جمال الوجوه في المرايا ..🦋
وجمال االقلوب في النوايا ...🦋
نحن لانعشق الجمال ...🦋
نحن نعشق االقلوب ...🦋
وتأسرنا معااادن االأشخااص ...🦋
فالقلوب لاتتشابه ...🦋
والمعادن الأصيلة لا تصدأ 🦋
فسلاما على قلوب وأرواح ...🦋
عشقنا تواجدها في حياتنا ...🦋
فأصبحوا كلحن يعزف ..🦋
على اوتااار قلووبنااا ......🫶
....
عند فوزيه.. ياامي نبي كم حاجة نسيته في حوش ضروري نمشي نجيبهن بروحي..
ام فوزيه.. ريحلي عظامك وفكيني من مشاكل عرب مش فاضين عندهم فرح وبعدين تحشمي ع وجك تو كان تبي شي قولي باتك تو يبلغ سعد وهو تو يدزلك ع حاجتك كلها..
......
نفخت فوزيه توا انتي غير شوفي باتي وبعدين ساهل ياامي..
وخبطت باب الدار وهي راقيلها لانه ضروري تمشي وتاخذ شي من دبشه..
......
عند مريم الي امها عرفت بقصه كامله من بدر حكاله وعجبها موقف مهند وطلب منها بدر تقنع بنتها بلا عناد ياكان هذا بيزوجها لمنذر..
سالمه وهي جنب بنتها .. ولد عمك اولي من غريب فكيني من دسكت انا مانبيش نتزوج سيورك متزوجه وبعدين كان ع قرايا اهو توا اتكملي سمستر جاي وكان ع شغل توا انكلم باتك ايكلمه..
مريم وهي تبكي.. مش بالغصب هي..
سالمه.. مفروض حسبتي حساب هل شي لما قعدتي تصوريلي بالتلفون نين نشرو صورك اسمعي شي هضا مفروغ منه.. ونا قلتها لك ولد عمك اولي من الغريب..
وبعدين احسبي حساب باتك شن ح يصير فيه..ماتقعدي انانيه باتك كان علم بلي صار معاك يطيح من طوله ويرقا ع ضغط وانت عارفه باتك ساد قصة اختك ابتهال والله لعند نهار اليوم وهو يخمم فيها سلم بنيتي ريحني وريح باتك ..
...........
طلعت سالمه وخلت بنتها تفكر وتخمم ورفعت تلفون ورنت ع مهند ضرب مره اولي التانيه التالته في اخرها.رد...
مهند..كان متصله بطولي لسانك سكري خير..
مريم..انا اسفه بس كل شي صار فجاءة وانفعلت انا نبيش نتزوج..
مهند بانفعال..ع اساس انا قاتل روحي عليك ماانتي لازم تفهمي قبل ماتحكي واطولي لسانك..
مريم ساكته..
مهند.بعصبيه ...في حد دز لبدر كلام ع فايبر ومنه فتح الفيس دايرين ايميل وهمي 🔞في صورك خوك بعد شاف الايميل وكلام معش شاف قدامه وباهي الي مسكناه وتبعدنا بيه كان هذا راه دار العار خوك عصبي ودمه حامي واكثر شي خفنه ع عمي..مهم حكيتله ع قصه الخر منذر وانك انتي مالكش اي علاقه بالموضوع بس شي خوك ضرب الازرق منذر ياخذك..ع ماقتله ان مش تمام وصاحب طاسه سكر راسه نين قتله نااولي من الغريب وولد عمها واني نبيك ومستحيل نستغني عنك بيش اقتنع ونا في بالي نخلصك من هل مشكله..
مريم وهي تبكي..انا اسفه كلام الي قلته والله لاني متنرفزه..حقك عليا..وقعدت تشهق وتبكي ..
