المجرم السفاح

البارت الحادي عشر

- براء: اني واكفه انتضر ايهم وعيوني تدمع ودموعي تنزل حارة على خدودي والكل جان يركص ومو منتبه غمضت عيوني وجنت اهف على وجهي حسيت بصوت يمي وبعد ما حسيت بأي شي

- غفران: اني بنت عم براء عمري 23قبل زواج براء باسبوعين تصالحنا
جنت واكفه شفت براء جاي تبجي رحت كتلها براء بيج شي شو براء داخت بين اديه
يااا بااوعو على برااء

-زينب: يمه براء شبييج جيبو مي دصحيها

-عليا: عمه شلون ترشين مي وهيه عرسها هسه ومكياجها

-زينب: يي والله صدك
برورتي ماما اصحي فدوة اروحلج براء عمري فدوة

-غفران: برااء اروحلج فدوه بس اصحي اجا ايهم

-زينب: براء يلا يمه باوعيلي يا روحي

-براء: يمه

-زينب: يروح امج بس كولي شتريدين

-براء: ما اريد ايهم خلي يرجع لا يجي

-غفران: يا عزا مو عن حب راح تتزوجي

-براء: جنت دا ابجي
ما اريده والله ما اريده

-زينب: ماما العالم شتكول علينا فدوة لكلبج

- عليا: اجو ايهم واهله

-زينب: يمه ماكو قرار رجعه هذا ختام طريقج انتي اتخذتي هذا القرار وايهم خوش رجال وراح يحافظ عليج

-براء: يلا يمه اني بخير

- ايهم: فتت شفت براء وجمال براء خطف گلبي حرفيا
رحت بست ايد براء والكل كام يصفك ويهلهل حسيت انو فزت بأعظم شي بلحياة
كعدت ولزمت ايد براء كتلها. شلونج عيني

-براء: بخير
ضلينا شويه كاعدين واخذونا للقاعه حبيت الترتيب جانت واسعه واكثر شي حبيتو انو اكو حديقه مخصصه للاطفال يعني ما خرب شي من التصوير ولا عبثو بل قاعه
خلص العرس وراح نرجع للبيت بلطريق كلت
ايهم احنا وين رايحين

-ايهم: عشقي رايحين لبيتي

-براء: قصدك الي خطفتني بيه

-ايهم: يي عشقي بس هذا ماضي

-براء: ييي هم صدك ماضي
طبينا البيت كعدت بلغرفه علما ايهم يطفي السيارة ويقفل الباب كعدت جنت احس بخنكه بس ما بينت شي

-ايهم: طفيت السيارة و قفلت الباب فتت شفت براء جيت الى يمها بست راسها وكتلها احبج ام جهالي

-براء: شكرا

-ايهم: اووووي شكد بارده ولج اليوم عرسنا يعني عامليني برومانسيه

-براء: خلي نكوم نصلي

-ايهم: تمام عمري گومي لبستها البشت مالتي لان ايديها طالعه من الفستان ووكفنا صلينا
خلصنا صلاه فتنا كعدت هيه جاي تنزع التراجي من اذانها جيت الى يمها وكتلها عمري اساعدج بشي