المجرم السفاح

البارت الثالث والعشرين

-براء: طلعت من يم العميد ورحت على يزن بل غرفه مال المستشفى الي يداوم بيها
هلو يزن

-يزن: اهلا اهلا مفقودة صارلج هواي ضل بالي يمج

-براء: والله سويت عمليه عشق بتركيا وهسه رجعت

-يزن: لازم رحتو ويه اهلج

-براء: لا والله وحدي

-يزن: شلون ترحين وحدج

-براء: رحت بعد بس جايه اطلب منك خدمه

-يزن: تأمرين

-براء: اني بعت بيتي علمود دسوي عمليتها اذا عندك بيت فارغ اريد اكعد بيه

-يزن: بصراحه ما عندي بيت عندي شقه بس شويه صغيرة

-براء: حتى لو بس اني وعشق ترى بس يصير بيدي فلوس عود اطلع منها

-يزن: شهل حجي عيوني بس اكو سؤال

-براء: يي شنو هوا

-يزن: ليش ما راح تعيشون انتي وايهم

-براء: لا

-يزن: براء ترا ايهم يحبج اكثر من مما تتصورين وكت ما انقفل تلفونج تخبل كام ما يعرف شسوي ترا الولد خطيه

-براء: سد الموضوع يزن

-يزن: براحتج تفضلي هذا المفتاح والنسخه الثانيه راح تكون عندي وعود ابعثلج الموقع اليوم

-براء: تمام شكرا متقصر والله

-يزن: ولو واجبي

-براء: طلعت من يم يزن رحت للبيت طبعا صار الضهر تأخرت شويه
مرحبا

-ايهم: هلا براء

-براء: خوم تأخرت

-ايهم: لا لا ما تأخرتي بس ممكن افوت اسبح عادي لان عندي اجتماع مهم

-براء: تمام فوت فات يسبح ايهم وصيت اكل وضل تلفونه يدك شفت مكتوب سارة اول مرة ما رديت وثاني مره هم ما رديت بس ثالث مرة تعصبت وفتحته

-سارة: الو ايهم

-براء: قصدج دكتور ايهم

-سارة: منو انتي

-براء: اني مرته شرايده

-سارة: بس علمود اليوم امي عدها جلسه دشوف ايمت نجي

-براء: تعاي انتضري حالج حال باقي الناس

-سارة: ان شاء الله بس عود من يجي ايهم خلي يتصل بيه

-براء: اصلا هوا موجود وبعدين شعدج بهل ضهريه تتصلين مرة ثانيه لو سمحتي لا تتصلين سديت الخط واني متعصبه فتت الاستوديو شفت صوري ضليت اقلب شفت كم صورة هوا ولجين بصراحه حددت الصور دسوي دليت بس مباشرة لغيت التحديد ونقلتهم بتلفوني وحذفتهم من تلوفنه

طلع ايهم جان لابس البنطرون بس بلا قميص وجاي ينشف شعره طبعا شفت الوشم بصدرة بعده وهل مرة حاط اسم عشق هماتين حرفيا حسيت نفسي اريد احضنه بس اعرفه هوا متعمد ما لبس حتى اشوف الوشم
اتصلت سارة بيك