المجرم السفاح

البارت الخامس عشر

-براء: من كال براء حيدر حسيت بل دنيا جاي تفتر بيه ودخت

-ايهم: من كلت طالق لاول مرة بعد ما كلت الثانيه والثالثه باوعت براء داخت ووكعت جيت ركض اني والشهود والباحث اخذناها على صفحه جاي نكعدها من كعدت كامت تكول

-براء: بطنيي ولكم حموت

-ايهم: اسم الله شنو هل حجي

-براء: نفسي جاي تلعب

-الباحث: اني راح اسد القضيه هسه من تصيرين بخير نكملها ان شاء الله

-براء: لا هسه نكملها

-ايهم: حضره الباحث سد القضيه مستحيل هسه اكملها صحتها مو زينه

-الباحث: تمام

-ايهم: رحت لزمت ايدها وكتلها
براءبكل الاحوال راح نطلك بس صيري زينه

-براء: بطني جاي تأذيني كلش ايهم

-ايهم: اخذج للمسشفى

-براء: ياريت

-ايهم: كومي خلي نشوف الباحث ونطلع

-براء: تمام

-ايهم: حضرة الباحث شسويت

-الباحث: سديناها الى ما تصير زينه المدام

-ايهم: شكرا
طلعنا براء لزمت ايدي بقوة وجانت تبجي كتلها
براء لا تبجين هسه نوصل

-براء: رجعني للبيت

-ايهم: مو قبل ما اطمن عليج

-براء: طلعنا بلسيارة راد يفتح الباب الي من ورا جيت اني وفتحت الباب الي كدام وركبت باوعلي بنضرة غريبه وركب بلسيارة وشغل السيارة جاي يسوق ولزمت ايده وكتله
خليك يمي ايهم لا تعوفني

-ايهم: براء شبيج

-براء: ايهم اني

-ايهم: شكو براء

-براء: اني حاسه انو طلاقنا هل فترة مو بمكانه ابد

-ايهم: تمام سحبت ايدي من ايدها وكمت اسوق

-براء: سحب ايده حسيت سحب كل الامان من سحب ايده وصلنا المستشفى

-ايهم: يلا براء وصلنا

-براء: لا ما انزل

-ايهم: نزلي ياعيني

-براء: اني بخير

-ايهم: رجعنا للعناد نزلي ولا تعانديني

-براء: اوك راح انزل
نزلت واخذني رحنا للدكتوره وكتلها الي جاي يصير وياي وكالت خلي ناخذ سونار ورحت اخذت السونار وطلعت حامل بصراحه كلش نصدمت وحامل شهر ونص بعد حسيت بصدمه كلش جبيرة يعني بس جانت حاله الطفل شويه خطرة ف كالت لازم تحطين سيلان وتاخذين ابر وتاخذين حبوب طلعت على ايهم حاسه بصدمه بس بنفس الوقت فرح ورحت ركض حضنته