المجرم السفاح

البارت التاسع عشر

-يزن: طلعت واني افكر بهل بنيه المسكينه وليش حتى زوجها خانها يعني مسكينه تكسر الخاطر واصلا جانت ملامحهه رغم انو مريضه وذبلانه بس حلوة المهم فتت لغرفتي ندك الباب كلت
تفضل

-علي: السلام عليكم

-يزن: عليكم السلام تفضل اخي

-علي: علمود اختي

-يزن: لزمت قائمه اسماء المرضى وكتله
منو اختك

-علي: براء حيدر

-يزن: مباشرة ذبيت القائمه والقلم من ايدي
تمنيت التقي بيكم واعرف شنو سبب الي خله براء تصير هيج

-علي: بصراحه ما اعرف

-يزن: زين تعرف انت شنو الاشياء الي جانت تحبها والاشياء الي جانت تكرها بصفتك انت اخوها

-علي: تحب هواي اشياء مثل الورد و الهدايه والحلويات والميك اب وجانت تكره العلاج وجانت تكره العزله صح تحب الهدوء والدراسه بس جانت تحب يكون الها اصدقاء وناس قريبه منها حتى لو شخص اذاها

-يزن: تمام منو اقرب شخص الها

-علي: امي

-يزن: يعني زوجها ما تكدر انت تخليه يجي

-علي: لا اصلا متحبه

-يزن: شلون ما تحبه وانصابت بمرض نفسي بسببه

-علي: منو گال انو هوا السبب

-يزن: تمام شنو الاشياء الي تخاف منها

-علي: الرعد

-يزن: البارحه ما جانت تمطر او ترعد

-علي: وتخاف من الاماكن الضيقه

-يزن: هيه جانت بغرف ضيقه

-علي: لا واسعه

-يزن: تمام كمل

-علي: تخاف من الاماكن العاليه

-يزن: هيه جانت طابق علوي

-علي: لا سفلي

-يزن: اوك

-علي: وتخاف من الحشرات

-يزن: بيتكم بيه حشرات

-علي: لا
وتخاف من الضلمه

-يزن: هيه جانت بمكان اضلم

-علي: يعني يي تقريبا الغرفه الي هيه بيها خصوصا ما جان بيها ضو

-يزن: يعني انتو دمرتو البنيه

-علي: وهيه هماتين تخاف تضل وحدها

-يزن: وتركتوها وحدها

-علي: جان ما بيدنا حل

-يزن: زين الحل انو تخلوها هسه تتعالج كهربائيا

-علي: ما ادري شكول بس الموضوع خلي بينا

-يزن: شلون يعني

-علي: لانو ما اريد اهلي الي ينلامون بيها خلى يبقى اللوم على زوجها