المجرم السفاح

البارت الواحد والعشرين

-علي: فتحت الباب واني ما مصدك ردت احضنها بس

-براء: علي اجا ديحضني حطيت ايدي على صدرة ودفعته وسحبت عشق وفتت جوا

-علي: مشيت وراها كتلها براء يروحي وربي مشتاقلج

-براء: انتو مو ذبيتوني ذبت الجلاب ثلاث سنوات حتى بنتي مسألتو عليها

-علي: براء بس اسمعي ما كدرنا نجيبها لو جبناها جان يصير حجي علينا يكولون وين بنتكم واحنا ما كلنا لاحد على مكانج

-براء: والله برافو عليكم همكم سمعه بلمناسبه مو جايه اشوفكم اني
فتت جوا شفت امي وابويه كاعدين

-زينب: براء يروح امج كمت عليها

-براء: رجاءً لحد يقترب مو جايه عليكم جايه اخذ كلشي يخصني واطلع

-حيدر: براء شهل حجي احنا سوينا هيج من مصلحتج

-براء: يعني ما بعتوني ما عفتوني هيج وحدي اني وبنتي يا ضلام النفس

-حيدر: احنا كلنا انو انتي مسافرة تغيرين جو ف ماطول صرتي زينه رجعي لبيت اهلج

-براء: لا اني جايه اخذ سيارتي واروح لبيتي هذاك ما اضل دقيقه هنا
ابويه انطاني المفتاج وكال

-حيدر: جانت امج تستخدمها علمود تتذكرج بيها

-براء: اني اسفه اذا غلطت بحقكم او خليت خاطركم بشي وراح اطلع وما اريد احد يحقد عليه
وصلت للباب اني وعشق وسمعت علي كال

-علي: براء اذا طلعتي لا تكولين عندي اهل

-براء: رحت الى يمه وحطيت ايدي على جتفه وكتله
اصلا انتو من زمان تبريتو مني بقت على هسه

-زينب: براء لااا لا تسوين هيج اني امججج

-براء: شفت امي بجت ما اتحملت رحت ركض حضنتها وبجيت وامي لزمت ايدي وتبوس بخدودي عفتها ورحت لبابا حضنته وبجيت وكتله
بابا سامحني الله يخليك بس اني ما اكدر اتشافى بنفس المكان الي نجرحت بيه واتاذيت بي والله ارجع بس اصير اقوى واخذ حقي من كل واحد اذاني

-حيدر:طلعت فلوس حطيت بيدها وكتلها
روحي بنتي الله وياج بس انتضرج

-براء: رحت دحضن علي مشى وعافني طلعت مباشرة ركبت سيارتي وكعدت عشق وياي وضليت ابجي حسيت بروحي راح اموت بعدين قويت نفسي وشغلت السيارة وطلعت للسوك اشتريت الاشياء المهمه ورجعت للبيت شفت انو البيت بيه اغراضي القديمه كلها وشفت انو ايهم عايش هنا بس هوا حاليا ما موجود رحت نيمت عشق وفتت سبحت طلعت دا انشف شعري سمعت الباب نفتح

-ايهم: شفت سيارة بل كراج مال بيت براء فتت على السريع مثل المجنون شفت براء مقابيلي رحت ركض حضنتها

-براء: شفت ايهم و ايهم حضني بكل شوق وضل حاضني واني مصدومه ما اعرف شسوي دفعته وكتله
ايهم اطلع برااااا