بسـم الـلـه الـرحـمـن الـرحـيم
بدينا وياكم البارت الرابع ع بركه الله تعالى
هالمرة ان شاء الله احداث جديدة اتمنى تستفادون
كاتبة زهـراء الـ حيدر
ولا خيرَ في خلٍ يخونُ خليلَه ويلقاهُ
من بعدِ المودةِ بالجفا وَيُنكِرُ عَيشاً
قَد تَقادَمَ عَهدُهُ وَيُظهِرُ سِرّاً كانَ بِالأَمسِ قَد خَفا
سَلامٌ عَلى الدُنيا إِذا لَم يَكُن بِها صَديقٌ صَدوقٌ
صادِقُ الوَعدِ مُنصِفا
__☻︎_____☻︎_____☻︎_______☻︎_________☻︎____☻︎
لزمت ايدها وكتلها :-
اكعدي استراحي اريد احجي شي وياج
_ يالله خير ان شاء الله
كعدت ع فراشي وكعدت يمها وركزت بوجهه وكتلها :-
رضا شراد من جدي ؟
اشوف هاي نزلت راسها وجهه كام ينطي الوان الخوف اكل گلبي بهاي لحظه اتمنى مو الي بالي
_ صراحة هو انتِ تعرفين لواگه اسراء يم جدي وكذالك شلون الكل وياها
_ رفعت تك حاجبي وركزت بعينها :-
اي وشنو؟
_ شسمة كالت لـ جدي انو هية
_ دحجييي شلعتي گلبي شمالج
_ اي اي هسه انطيني مجال :-
ع كلن كالت لـ جدي انو هية ورضا يردون يزوجون
_ فتحت عيني ع وسعهاا من صدمة :-
شنوووو شداتحجينننن ؟؟
_ ثواني خلي فهمج
_ احتركو عشيرتج دحجييي شلعتي گلبي
_ بس جدي رفض لان رضا يريده يكمل دراسته وبعده بالجامعة
_ يعني موافق جدي بس لان رضا بالجامعة ينتظره يتخرج؟؟
_ اي اي عفية يعني بعد سنة او سنتين
_ ضربت ع رجلي بقهر حسيت نار شبكت بصدري :-
يعني هاهيه حبي راحح؟؟
_ اجت حطت ايدها اثنيهن ع وجهي وباوعتلي بنظره كسر :-
لاتحجين هيج الله يعلم شراح يصير اذا جان من قسمتج لو دنيا كلها معارضة يصير الج
مادري شكلج بس الله يبرد گلبج
_ حطيت ايدي ع عيني وحسيت دموعي تنزل غصب عني ماكدرت احجي شي
_ ولجج لا تبجينن يروح فدوه لدمعاتجج شنو عاجبج بي اشو اني اطول منه اسكي والله الكيلج شخص احلا منة
_ رغم قهري بس ضحكت ع كلامها ضربتها بشقه :-
انجبي لادكولين علية هيج واذا قصير يعني اني عاجبني
_ حرام وين حلو حتى شواربه عبالك باگة كرفس
_ كمت اضحك ع كلامها اتريد اضحكني علمود لا انقهر اكثر :-
هسه دسكتي عليش چاي تتنمرين حرام عليج
_ حطت ايدينها ع چتفي وابتسمت بوجهي :-
ماريد تنزل دموعج علمود هيج شخص هيه سوت هيج لان تدري بيج انتِ اتحبينة فقط علمود تكسرج ديربالج وتشوفج ضعيفة ديربالج منها ثبتيلها العكس لاتضعفين علمود حب تمام؟ ابوج مارباج وتعب عليج علمود توصلين هيج مرحلة؟
_ ماحجيت شي نزلت راسي بكسرة مادري شكلها وكلامها صح ماتحملت كبل ذبيت نفسي بحضنها وكمت ابجي بدون ماحجي
كامت اطبط ع ظهري بحنية
أنت تقرأ
نيران جحيمك الاسود
Misterio / Suspensoبقلمي انا زهراء الـ حيدر وَسُرورُ الحُبِّ وَهمٌ لا يَطول وَجَمالُ الحُبِّ ظِلٌّ لا يُقيم وَعُهودُ الحُبِّ أَحلامٌ تَزُول عِندَما يَستَيقظُ العَقلُ السَّليم! كَم سَهرتُ اللَّيل وَالشَّوق مَعي ساهِرٌ أَرقبهُ كَي لا أَنام وَخَيالُ الوَجدِ يَحمي مَضج...
