جيتك من رأس قوم ماني عابرة سبيل وبقفي وانا شيهانه ترقى السماء وتحومها

الفصل9

ابو حمدان بصوت عالي:الا البنت لقوها لحد الحين ؟
متعب بصوت عالي :ماضنتي دامها منحاشه مع حبيبها
لافي بغضب :تعقببببب يالردي الا هاذيييي لاتضنها في بناتنا.
خالد بهدوء قام واتجه لمتعب عطاه كفف خلاه ينصرع على الارض شاله ونطله برا البيت رجع عند الرجال:يالله دام السالفه وصلت للشرف تقلعو برا .
ابو حمدان طالع في الجد محمد :يطردنا من مجلسك يالشيخ.
الجد محمد:ابو حمدان احشم عمرك واحشم المكان الي انت فيه يم ولدك سوا البليه تسترنا عليه وانت تجيب طاري بناتنا واحنا فعايلنا في ولدك مذكرنها عند رجال.
ابو حمدان بفشيله:المعذره منك
وطلع وطلعو الضيوف لافي ركب سيارته يطلع يدور .
............
في احد خطوط نجد .
بندر B:انتم خذو السياره وانا بركب ذي مقبلين على الصحاري حنا
احد الرجال:ابشر ياطويل العمر بس لازم احد معك .
بندر B:قدام فيه ارجالنا.
ركب بندر السياره واخذ شيهانه قيد يدها وانطلق في للصحاري.
.................
رن جوال عبدالعزيز.
بصوت مهلوك بنته مخطوفه الدنيا قافله عليه ولده راح مايدري وش يسوي
عبدالعزيز:لقيتوها.
الضابط نايف:ياطويل العمر قدرنا نتتبع جوالها لكن سلكوا طريق صحراوي وبدت الابراج تنقطع.
عبدالعزيز:التتبع انقطع؟
الضابط نايف:يروح ويجي لكن العساكر يدورون .
عبدالعزيز ماهو مرتاح :طيب طيب.
سكر من نايف واتصل على المساعد حقه سعود.
عبدالعزيز:اجمع الفريق الحين.
سعود :عسى ماشر ياطويل العمر.
عبدالعزيز:بنتي مخطوفه .
سعود :من احد قد مسكناه.
عبدالعزيز:وانت تخبر احد مسكناه وبقى حي؟
سعود:لا ياطويل العمر بس اهلهم بقو أحياء.
عبدالعزيز:ساعه وانا عندكم .وسكر.
..........
في صاله الجده منيره كانو متجمعين.
ساره ومنيره ونوره وسميه و ريم ونور و رنا وشيخه .
شيخه ببكى:اختيييي ماراح تجي يعني .
رنا ببكى:لابتجي شيهانه قويهه بتضربوهم وتجي .
نور :ياربيييي واخيرا قلنا خلصت المشاكل نطيح في مصيبه ليههه
الجده منيره ضربت نور:بنت استغفري ربكككك ماتعرفين يمكن خيره لنا .
ريم :خيره في بنت مخطوفه ماندري وش يصير لها يمكن يقتلونها يمكن يعتدون عليها
وصاحت تبكي بس تخيل ماقدرت
دخلت مها :مين المخطوفه؟
كل الي فالجلسه كانت عليهم الصدمه كيف بنقول لها وهي حامل وأم البنت المخطوفه؟
الجده ساره:محد يابنتي انتي وش نزلس ماكنتي تعبانه .
مها:تعبت من المقعاد بس وين شيهانه .
رنا ببكى :راحتتتت
مها بخوف :وين راحت .
الجده منيره :تعالي اجلسي وبعلمك
مها بصراخ :بنتييييي ويننننن؟
الجده ساره:شيخه روحي نادي ابوك .
قامت شيخه وهي تبكي راحت لقسم الرجال.
الجد محمد :شيوخه وش جايبس هنا يابوس.
شيخه تمسح دموعها :جدتي تقول نادي ابوس .
الجد محمد بخوف:فيه شي وش صاير
شيخه :امي تسأل عن شيهانه .
دخل عبدالعزيز:وينها؟
شيخه :في الصاله .
راح عبدالعزيز والجد محمد وشيخه .
مها ببكى وخوف على بنتها :شيهانهههه وينننن تكلمووو.
عبدالعزيز بصراخ:مهااااا
مها بضيق:بنتي وينهي ياعبدالعزيز.
عبدالعزيز :في الصحراء.
مها بصدمه :وش تقول انت بنتكك ذي وش تسوي بالصحراء.
عبدالعزيز:العسكر وراها يامها وبنتي بحفظ الرحمن ماراح يصير شي فيها.
مها بصراخ:انتتت تسمع وش تقول بنتك ذي بنتكك
ماكملت كلامها واغمى عليها شالها عبدالعزيز حطاها في غرفة امه ساره وسكر الباب .
عبدالعزيز:يمه اذا قامت انتبهي لها
وطلع ركب سيارته ومشى.
.................
في احد صحاري نجد
بندرB:ياطويل العمر لحد الحين ورانا هم كيف يعرفون اماكنا.
أدهم A:فتش البنت يمكن معها شي .
بندرB راح يفتش شيهانه سحب الجلال عنها وكشف وجها .
شيهانه بصراخ :ابعد ياكلبب
أدهم A:بندر
بندر شاف جوال شيهانه وابتسم :سم
أدهمA:البنت صوتها مو غريب .
بندر طالع فيه شيهانه وهي تحاول تستر نفسها:أنتي وش تقربين للافي .
شيهانه طالعت فيه :كل ز*ق.
بندر صفقها بقوه وسحب شعرها:وش تقربين للافي
شيهانه مادرت عليه.
صفقها مره ثانيه وصقع رأسها الباب وصار ينزف :ماراح اقولل.
تنرفز بندر وسحب رأسها وصقعه مره ثانيه بالباب الضربه كانت قويه على شيهانه واغمى عليها(تسببت في شق راسها)
اخذ الجلال حقها واخذ جوالها ونزل .
.................
في الرياض تحديدا احد الاماكن المهمه في****
دخل الواء عبدالعزيز وكل من كان في المبنى وقفو يدقون التحيه له .
عبدالعزيز:سعود
سعود(المساعد الشخصي لعبدالعزيز):سم ياطويل.
عبدالعزيز:اجتماع حالا الكل يحضر الحين
سعود :ابشر
راح عبدالعزيز لغرفة الاجتماعات وجلس على الكرسي
ينتظر يجون..
بعد 5دقايق.
عبدالعزيز:بنتي تم اختطافها معكم بس نص ساعه تحددون مكانها.
نياف:ماينفع بس تحديد المكان لازم نتحرك الحين كم لها مخطوفه .
عبدالعزيز :4ساعات اختطفت 11ونص والحين الساعه4 الفجر .
نياف وهو يدق التحيه:بنتك بنتنا ياطويل العمر وبإذن الله بنلقاها.
عبدالعزيز:الهرج الزايد مابيه انا ابي الفعل هادي انت ابحث عن مكانها من رقمها وانت يانياف وسعود وبدر تعالو معي خذو الي تحتاجونه وامشو
هادي:انا بجي معكم بعد.
عبدالعزيز:خذ اجهزتك وتعال .
..................
في صحاري نجد كانت حمله مكثفه لبنت الواء.
سند:عقاب دورنا من هنا حنا.
عقاب:القوها لو انها تحت الارض ابيهااا.
احد العساكر:ياطويل العمر في هنا ممر سياره .
عقاب :كم له تتوقع.
العسكري :ماله مده لان لو انه مبطي كان اختفى من الهواء .
عقاب ضرب على كتف العسكري:تستاهل ترقيه .
وراحو ركبو السياره يمشون خلف الخط.
اتصل عبدالعزيز على عقاب.
عقاب:سم
عبدالعزيز:غير تتبع بنتي لقيتو شي ؟
عقاب:فقدنا تتبعها لكن نمشي على ممر سياره حنا ومتوقعين له .
عبدالعزيز:اتصل عليك شي
عقاب :ايه لكن الرقم ماله خط
عبدالعزيز:أرسله.
عقاب:ابشر بس وش تبي فيه .
عبدالعزيز:كلن وله طريقته ياولد سليمان .
عقاب:بس هدفنا واحد ياولد محمد .
عبدالعزيز ابتسم:انا وراكم ومعي فريقي .
عقاب:أجل نتقابل عند بنتك .
وسكر عبدالعزيز.
............
بندر B:وين اروح ياطويل العمر العسكر وراي والبنت ماصحت للحين .
أدهم A:جيبها ل****
بندر B:متأكد؟ يمكن يلقونها ويمسكونا معهم
أدهم A:معك نص ساعه اذا ماطلعت من الصحراء وجبتها لي اعتبر نفسك ميت وسكر.
...........
هادي:ارجعت الاشاره حقت بنتك .
عبدالعزيز:وينهي؟
هادي: تبعد عنا 100كيلو لكن فيه مشكله
عبدالعزيز:وشهي.
هادي:الرقم الثاني ماقدرت احدد اشارته.
عبدالعزيز:دورلك طريقه ياهادي
نياف :100كيلو يعني يبي لي ساعه .
عبدالعزيز:اقل اقل .
اسرع نياف بالسياره من أوامر رئيسه.
سعود:هادي الطريق وين يودي؟
هادي:وسط الصحراء.
سعود بتفكير:ماعتقد الصحراء عميقه مره ماتوصل السياره الكبيره فيها فيه شي بالموضوع.
...............
لؤي:رجع الاتصال ياعقاب
عقاب :كم يبعد عنا
لؤي بفرح:2كيلو
عقاب اسرع:يارب لك الحمد الحمدالله ياربي .
وصلو ونزل عقاب يدور وهو بداخله خايف صاير فيها شي وفرحان انه بيلقاها .
لؤي :هي بالمكان هاذا لكن وينها.
عقاب شاف شي طايح جلس على الرمل رجله ماعاد تشيله :لوي شف هاذا وش.
لؤي راح يشوف ومسكه وهو خايف:جلال بنت .
عقاب حس الدنيا تدور فيه :وش تقول انت .
لؤي عطاه عقاب :والله شف.
عقاب شم ريحته انهد حيله وصدق فقد الأمل:يارب احفظها يارب استودعتك اياها...حقها يالؤي.
لؤي قعد يدور ولقى الجوال:الحين كيف نلقاها .
عقاب ماعاد تحرك رن الجوال ورد عقاب :هاه
الضابط نايف :احد الثلاثه الي مسكتهم تذكر شي ويبي يقوله.
عقاب:مو وقته.
الضابط نايف:يمكن يفيد وتلقى البنت ياعقاب.
عقاب:يالله جاي .
وركب السياره وانطلقو
............
قبل دقايق في السجن كان متردد يتكلم ولا لا.
السجين حارث :ياعسكريييي.
الحارس:نعمم؟
السجين حارث:ابي الاستخباراتي عقاب.
الحارس:ليش؟
السجين حارث:ابيهه الحين تذكرت شي .
طلع الحارس للضابط نايف :ياطويل العمر احد السجناء يبي يقابل عقاب.
الضابط نايف:ليش وش يبي؟
العسكري:يقول تذكر شي يخدم قضيتنا
الضابط نايف:حطه في غرفة التحقيق وانا جاي.
دخل الضابط نايف غرفة التحقيق :وش عندك ياحارث
حارث:قلت عقاب انا .
الضابط نايف:بتتكلم ولا وش.
حارث:اذا عقاب موجود بتكلم .
وطلع .
............
في احد الاماكن الي تجتمع فيها المنظمه.
أدهم :بندر البنت وينهي؟
بندر:في الغرفه مغمى عليها .
أدهم:سالم(احد الموثوقين عند أدهم) تعال
سالم:أمر .
أدهم :البنت الحين في يدك اذا صار شي لها انت المسؤول.
سالم :ابشر بس تخدمك بشي.
أدهم :تخدمني براس الاستخباراتي وعمها لافي
سالم:اقدر اجيب روسهم لك لو اعطيتني المهمه.
أدهم ابتسم: انت مهمتك ثانيه واهم من ذول .
راح أدهم للغرفة وشاف شيهانه حاطينها على الارض وشعرها على وجهها اثنى رجله عند راسه ورفع شعرها وشافها .
أدهم بابتسامه:شغلنا مطول
فتحت عيونها شيهانه وانصدمت من الغريب الي قدامه
وعطته 🤜على وجهه وطاح أدهم وخشمه ينزف
شيهانه :تعقب وانا بنت عبدالعزيز.
أدهم ضحككك بعد ماستوعب الصوت:أنتيييييي
لا حظي قايمم اليوممم
شيهانه خافت من نظراته وقامت تصراخ :فيههه احدد ساعدونييييي ساعدونييي.
دخل سالم وشاف أدهم طايح :تبيني اشوف شغلي معها؟
أدهم بضحك:لاتتعدى الحد تفهم
طلع أدهم وبقى سالم في الغرفه وقفل الباب عليه وعليها .
........
في مركز الشرطه دخل عقاب وهو في عيونه شرار
دخل وهو لاف جلال شيهانه في يده :علي الحرام لو كلامك مو مهم اني لاذبحك هنا.
حارث خاف :بس٠ ابي تقللون مدة سجني
الضابط نايف:الموضوع هاذا عند المحكمه لكن بنخفف الحكم اذا مهم الي تقولونه
عقاب:انطققق
حارث بخوف:شف الموضوع موضوع ثار الواء قبل ١٠ سنين قبض على شخص غالي لاأدهم بطريقه ماتخطر على راس احد وطريقه وحشيه قدام المراهق الصغير من وقتها أدهم نذر انه يقلب حياتهم زي ماقلبو حياته.
بعيدا عن الشغل الموضوع ٧٠%ثارر.
عقاب:مين الي قبض عليه طيب؟
حارث:انا وضحت لك السبب بس
عقاب: وين مكانهم؟
حارث:ماني متاكد لكن يخطر على بالي مكان واحد مره وحده رحت للمكان ذاك وهو كانت اجتماعات الأعضاء الكبار فيه رحت عشان يكافئني.
عقاب:وين ووش مكافئتهم و كيف المكان .
حارث :فيه مكافتين الأولى فلوس الثانيه
حارث تردد يكمل.
عقاب ضرب الطاوله في يده :انطقققق.
حارث:الثانيه ن*ساء
عقاب :لعن الله ولديكممم يالمخ*انيث طيب فيه بنت مخطوفههه وداها هناكك حرفه B
حارث: هاذا احد مساعديه وايه ميه بالميه مكانها هناك .
عقاب دارت الدنيا فيه وجلس: بيسوون فيها شي ؟
حارث:أدهم مايقرب الحريم لكن يعذبهم بس مساعدينه ايه مادري عاد يمكن ويمكن لا .
عقاب بصراخ :وين المكانننن
حارث:في الرياض مكان شبه مهجور جنبه مزرعه *****مكانهم هناك لكن محميِ محد يدخله .
نايف وعقاب طلعو
واتصل على عبدالعزيز وقاله كل شي.
................
عبدالعزيز توتر وخاف على بنته :ياهادي طلع المكان هاذا وكم يبعد بسرعههه.
هادي:يبعد ساعه بالضبط .
نياف:أرسله لي
وأسرعو عرفو موقعها والموضوع صار خطير.
.........
عقاب كان ماهمه يموت من السرعه كثر همه يلقى شيهانه :يانايف العساكر حاوطو المكان .
الضابط نايف:تحت امرك متى ما أمرت بيدخلون.
عقاب:باقي 10دقايق بس خلهم يجهزون أمرهم.
الضابط نايف:الواء وصل؟
عقاب:ايه توه واصل .
...........
نياف بغضب:البنت داخل خلونا ندخل.
سعود بتفكير:المكان محاوط وداخل منظمه ترهيب يانياف .
عبدالعزيز:انا ابي بنتي بخير بس الباقي ماهمني
سعود:يهم الدوله ياطويل العمر.
العساكر جتهم الأوامر بأنهم يستعدون من الضابط نايف.
وصل عقاب ونزل معه اسلاحه:يالله يالله .
وبدت المداهمه أخيرا.
.......
داخل المزرعه أدهم:ياسالمممم
سالم جاء بعد ماسكر الباب:سم.
أدهم:زي ماقلت علي الحرام لو القاك قاربها(معتدي عليها) ان رقبتك سابقتك.
سالم :لا ياطويل العمر بس تهديد وتخويف بس..
بندر جاء:الوضع هادي احس فيه شي
أدهم بعدم مباله:الحرس برا المهم صب لي شاهي
سالم بضحكه:ابشر
عقاب :تبشر في موتك على يدي .
واطلق وصابت قلب بندر تسببت بموته.
واطلق على ادهم وجت في كتفه سالم سحب أدهم وقدر ينحاش
أدهم بصراخ مرعبب شاف عبدالعزيزداخل:يالواء الدنيا تدوررر لاتحسب ان فعلتككك بتفلت منهاااا اخوك وماحلفنا الحظ وبنتكك بقدر فيهاااا نذررر في رقبة ابويي انييي لاعيد سيناريو ابوي فيهااا
سالم كان يسحبه :ياطويل العمر امش امش.
مكمل ادهم:البنت برجعععع اخذهاااااااا.
عقاب بغضب:يالرخمههه موضوعكك معييي وش تبيي بالبنتتتت.
عبدالعزيز كان يفتش الغرف لين فتح غرفة بنته سافه صراخ أدهم والصدمه .
كانت شيهانه شبه عاريه والارضيه دم وجسمها فيها كدمات من غير ضربة راسها كانت مثل الجثه الهامده ماتتحرك بس تطالع.
عبدالعزيز قام يبكي وجلس يحضن بنته:ابوي اناااا وش سوو فيس الملاعين .
دخل عقاب وكان المنظر يقطع القلب :هاك
عبدالعزيز اخذ جلال شيهانه ولفه عليها قومها وطلع .
الضابط نايف:دوروهممممممم طلعوهممم من تحت الارضضض.
بحكم ان المكان في مداخل ومخارج كثيره العسكر ماقدرو يلقون سالم وأدهم لكن مسكو رجالهم وبضاعتهم.
عبدالعزيز شايل بنته وطلع احد رجال أدهم شافه واطلق عليه طاح عبدالعزيز وبحضنه بنته الي كانت مثل الجثه .
طلع عقاب واطلق على راس الرجال:والله انييييي لاااا ابيدكممم بس اصبرو عليييي.
اتجه لسيارته اخذ عمامته ورجع لعبدالعزيز يضغط على مكان النزيف ويطالع في شيهانه.
الضابط نايف وهو صاد:دقيت على الإسعاف وهم جايين
شيهانه:ابوي
عبدالعزيز وهو حاضن بنته يسترها عن الرجال يقاوم الوجع:لبيه.
شيهانه بدموع تطالع في ابوها :بنتك حاربتهم بكل قوتها لاتضن اني استسلمت لهم
عبدالعزيز طالع في بنته بكل فخر :مافيها شككك يابوس انتي بنت عبدالعزيز أشكال ذي ماتقدر عليس.
كح وطلع دم كثير
عقاب :ياعميي تسمعنييي لاتسكر عينك خلك صاحي
عبدالعزيز وهو يحضن بنته بقوه :ياعقاب لاغاب الوعي بنتي فامانتك.
عقاب : بدون ماتوصي ياعم
عبدالعزيز فقد الوعي وطاحت يده من بنته .
عقاب رفع جلالها وغطاء وجها فيه وركبها سيارته .
جت الإسعاف وخذت عبدالعزيز والمصابين
...............
في سيارة عقاب كان الصمت سيد المكان .
اتصل عقاب على لافي:الوو
لافي :هلا
عقاب:وينك فيه؟
لافي:فالمسجد
عقاب:لقينا بنت عبدالعزيز
لافي بضيقه:كيف وضعها
عقاب:تصاوب الواء.
لافي بصدمه:وش تقول .
عقاب:الحين في الإسعاف انت رح للبيت وخذ ملابس للبنت وتعال لمستشفى****بعدها بننقله لمستشفاكم.
لافي:يالله يالله وسكر.
عقاب طالع في شيهانه الي تطالع فالخط بهدوء اخذ نفس وبصوته الثقيل الهادي :انتي بخير.
شيهانه ماردت عليه.
...............
في المستشفى دخلو عبدالعزيز علطول غرفة العمليات واخذو شيهانه لأحد غرف المستشفى ونقلو جثه الميتين.
الدكتور:اصابته خطيره جدا نسبة حياته قليله استعد لأي خبر .
عقاب:لاحول ولاقوة الا بالله.
شيهانه حطو لها منوم عشان ترتاح وقامو ينظفون إصاباتها
دخل عقاب الغرفه:السلام عليكم
الممرضه وعليكم السلام
عقاب:كيف الوضع.
الممرضه:عندها اصابات كثيره و تم خياطة الجرح الي عند رأسها والحين نايمه لكن البنت واضح عليها انها في صدمه ماتوجعت ولا تكلمت حتى صوت واحد مافيه
عقاب:اي شي تحتاجه سويه لها
الممرضه :ان شاءالله وطلعت.
عقاب سحب الكرسي وحط راسه على الجدار ياخذ له غفوه .
................
في بيت الشيخ محمد كان الجد محمد تحت تأثير الصدمه .
الجده ساره اغمى عليها والجده منيره كانت تصيح
شيخه اغمى عليها. مها ماتدري البنات كانو يبكون.
العيال كانو مصدومين الا خالد وسامي كانو متلثمين يبكون .
لافي دخل وهو متطلم: ابوي السياره جاهز يالله
الجد محمد ركب السياره.
لافي:سامي انت ومحمد وخالد وسعد ابقو عند الحريم وانت ياسعود امش .
راح لافي داخل:سميهه يا سميهه
جت سميه وهي تمسح دموعها:لبيه
لافي حضنها وحط رقبته على كتفها يعلن انكساره.
سميه:يابو سهيل بنت اخوك تحتاجككك زي ماحطيتنا امانه عندها الحين هي في أمانتك.
لافي وهو يحاول يجمع شتات نفسه:جيبي لها ملابس
راحت سميه وجابت ملابس لشيهانه وحرك لافي السياره.
...............
في المستشفى عقاب ناده الدكتور عشان شيهانه .
الدكتور:اخ عقاب المريضه تعرضت لصدمه قويه وواضح انها ماتقدر تتخطاها.
عقاب:وش نسوي بالضبط عشان تتعالج.
الدكتور:حاليا لازم تتكلم لازم تفضفض لحد لان سكوتها مو مطمئن ابد.
دخل لافي والجد محمد وسعود :عقاببب
عقاب اتجه للجد محمد:ياعمي استرح استرح.
الجد محمد:حفيدتي وولدي وينهم.
عقاب:بنت عبدالعزيز نايمه والواء فالعمليات.
لافي:وين نايمه ؟
عقاب اشر للغرفة وراح لافي.
جلس الجد محمد وسعود سحب عقاب على جنب .
سعود:كيف الوضع
عقاب:البنت تحت الصدمه ماتكلمت لحد الحين
وابوها الدكتور يقول استعدو لي اي خبر .
سعود فتح سحاب ثوبه يبي هواء جلس على الارض:امس نحتفل في اخوي واليوم اخوي في غرفة العمليات .
عقاب ربت على كتف سعود :الله يكون في عونك.
عند لافي دخل الغرفه وشاف شيهانه نايمه حاطين على رأسها شاش وجها فيه كدمات سحب الكرسي وجلس قدامها يبكيييي.
.............
بعد مرور 5 ساعات خرج الممرض من غرفة العمليات بصوت عالي.
الممرض:المريض يحتاج دمم عاجلل .
سعود:بنته تقدر تعطيه .
الممرض :وينها فيه؟
سعود:منومه في غرفه رقم***
راح الممرض دخل الغرفه وشاف رجال غريب يحاول يحط شي في المغذي:مين انت
صحت شيهانه وصارخت بصوت مرعب
جو عقاب ولافي يركضون :شفيههه
عقاب شاف الغريب وطرحه على السرير
شيهانه تذكرت وش صار:اضربهههه اكثرر اضربهههه تصارخ وتبكيي
عقاب كان مع كل صرخه لشيهانه يعطيه 🤜بكل قوته لكن ماكتفى وقام يضربه بكل مكان بشكل يروع
تدخلو الحراس وفرقو بينهم لكن عقاب كان متمسك بسالم وطلع برا وهو ساحبه برقبته واخذه للقسم يحقق معه
لافي اتجه لشيهانه يحضنها يهديها:يابنتيي اهدي
الممرض:انا شفته كان بيحط شي في المغذي.
لافي :حطى شي؟
الممرض :لا تسمح لي اسحب دم ؟
لافي ابعد واخذ دم الممرض.
...........
في غرفة التحقيق.
سالم: ماراح اتكلم لاتحاول
عقاب:ماراح احاول لاني مو فاضي لك الحين .
جاء بيطلع عقاب لكن وقفه كلام سالم:البنت بناخذها.
عقاب بغضب:انتم مو هدفكم كان لافي وش تبون بالبنت
سالم:الموضوع اكبر مني ومنك لكن قل للبنت تتحمل وش بيجي لها تراه هاذي البدايه الي سويته ولا شي عند الي بيسويه أدهم
عقاب ضرب الطاوله:وش سويت فيهااا .
سالم بضحكه مستفزه:اوهه لحد الحين ماقالت .
دخل الضابط نايف يبعد عقاب الي كان يضرب سالم .
عقاب :ابعدد يانايففففف.
نايف سحب عقاب وطلع عقاب ماقدر يتحمل وطلع للمستشفى.
.............
في غرفة العمليات طلع عبدالعزيز بعد ماخلصو العمليه.
الدكتور:ياعمي ٢٤ساعه بيكون تحت المراقبه بعدها بنشوف وش يصير يعني استعدو لأي خبر.
الجد محمد :لأحول ولاقوة الابالله.
جاء محمد ومعه سميه تساعد مها بالمشي والجده منيره وساره .
محمد: ابوي وين غرفة شيهانه .
سعود:اخر الممر غرفه رقم***
راحت سميه ومها للغرفة وجلست الجدات قدام غرفة عبدالعزيز الي بالعنايه .
في غرفة شيهانه كان الوضع صمت بين لافي وشيهانه .
دق الباب ودخلت سميه ومها كانت تبكي يم شافت شكل بنتها .
مها:حسبي الله ونعم الوكيل وش سوو فيس الملاعين.
شيهانه تطالع بدون رد .
لافي سحب سميه وطلع برا يترك شيهانه مع أمها يمكن تتكلم .
سميه:اخوك طلعوه ترا.
لافي :وينهه
سميه :في العنايه الحين يراقبونه.
لافي راح مع سميه للعنايه.
.............
مها قعدت تمسح شعر بنتها وتطالع .
شيهانه كانت تبكي بهدوء:يمه.
مها:لبيه ياروح امك .
شيهانه حضنت أمها:اوجعوني يايمه.
مها:حسبي يالله عليهممم وقامت تبكي .
شيهانه رفعت يدها:يمههه كانت فيها دمم ابوي .
مها:خلاص ياقلبيي انا ابوك طلع ابوك بيصير بخير.
شيهانه:يمه وسكتت.
مها طالعت في بنتها يعني كملي.
شيهانه حضنت أمها وهي تبكي:رجال غريب لمسنييي يايمههه يايمهههه لمسس جسميييي (يم كان يشق ملابسها العلويه)اموت ولا أنسى نظراته المقرفههه يايمهههه يمهه جاني هناااا متخيلهه
مها حضنت بنتها وتبكي:لمس جسمككك ماسوى شي صح .
شيهانه وهي تهدي نفسها وبكل حده :مهي انا الي انهزم للسرابيت ذول انا بنت عبدالعزيز ماتشوفين العلامات ذي (مدت يدها لامها) هاذي نتيجة مقاومتييي لهم شوفييي يم ماقدرو فينييي قامو يضربونييي.
كان عقاب عند الباب يسمع كل شي قالته كان حاس بالفخر فيها وبنفس الوقت كان مثل البركان الي انفجر راح ينفجر على اعدائه:اخخ ياقو باسها انشهد يالواء انك ربيت بنت رجال.
وطلع للمخفر يعلن ثيران بركانه.
...............
اليوم الثاني العصر الساعه 2في بيت الشيخ محمد
طلعت شيهانه من المستشفى تقول لهم انها بخير لكن السبب الأساسي انها ماتحس بالأمان وخايفه .
عبدالعزيز في غرفة العنايه تحت المراقبه .
الجده منيره:ياشيهانهههه
شيهانه في غرفتها ماترد او بالاصح ماتبي تطلع.
مها :سمي ياعمه.
الجده منيره :نادي شيهانه ابيها.
مها:ياعمه خلو البنت على راحتها.
الجده منيره:ناديها قولي الكحيله خلفت (ناقة شيهانه).
مها :ماشاءالله ياشيهانههه الكحيلههه خلفت
شيهانه طلعت تركض من الغرفه خلت همومها في مخدتها :احلفييييي.
خذت جلالها وطلعت جهت البل.مع جدتها وأمها.
عند الحلال كانو البنات والعيال (الاحفاد والاعمام)موجودين والجده ساره .
نوره :ماشاءالله مبين إنتاجها طيب.
لافي:ياحليلههههه شوفو كيف يمشي.
سعود:حلالاهه لو انه في صحن .
سامي:عشان تحطك فيه شيهانه بدال الحوار.
الجده ساره:اي والله عاد هي من لقحت(بداية الحمل) وشيهانه تعتني فيها.
جت شيهانه لافه الجلال مثل (اللثامه لان راكان موجود):وينهيييي.
لافي ضحك من شكلها كانت متقروشه:عانيها تخطي خلف امها
شيهانه راحت بتشوفه وجت الكحيله لفت رقبتها لشيهانه
(اذا البل اشتاقت لراعيها تسوي له حركات تعلن فقدها له من ضمنهاهاذي الحركه).
شيهانه وهي تطالع في الحوار وتربت على رقبتها :انشهد انس جبتيي حوار يجمللل.
وكانت تشوف لعبه وتضحكك ومبسوطه عليه.
لافي:شرايس تهدينه سهيل ؟
الجد محمد :النياق واجد اختر منها ماتبي غير عن الي عندك لكن ابل شيهانه لاتقربهن
لافي:هاذا البلاء شف البل كلها مجاهيمم الا ابل شيهانه وضحح انا ابي زيها
محمد:حتى اناا ابييي .
الجد محمد:تبي كف يهف سنونككك انت وياه
لافي:يالطماع ماكفنك الي عندكك
دق جوال لافي وقاطع كلامه
لافي:هلا
عقاب:وينكم فيه؟
لافي:يم الحلال.
عقاب:العسكر معكم؟
لافي:لا معنا الحريم مانقدر ناخذهم .
عقاب:بنت عبدالعزيز امس منخطفه اذا ناسي العسكر بيجون الحين يمكم والصلاه جاء وقتها نتقابل بالمسجد انا جاي وبعدها بمشي ترا.
لافي :يصير خير .وسكر
شيهانه بصوت عالي وهي تضحكك:اسحبهااااا ياعمييي خل الناقه تبرك عليها .
ضحك لافي على شكل نور الي تبكي وابوها سعود يسحبها عند الناقه (تخاف من النياق ).
نور:الله يلعنكككك ياشوشههه
محمد:الا شوشتيييي مارضى عليهاا انا الوحيد الي اناديها شوشه .
نور:ياحماررر انا اختككك .
محمد:وهاذي شوشتي.
جاء خالد سحب محمد ودخله على البعير :خل شوشتك تنفعككك
محمد وهو يبعد عن البعير:خلنا حبايب لو سمحت .
راح سامي من خلف البعير وضربه وصار البعير يركض ومحمد خاف وركض والبعير يركض خلفه:sosالنجدهههه ساعدونييي سميي جدكممم بيموتتتت ترانييي مصاب اذا نسيتووووو.
كانو ميتين ضحككك علي شكل محمد والجدات جلسات بالأرض يضحكن
راكان قام يعنني بيفزع لاخوه :ابشرر ياخوككك .
رمت عليه الجده منيره حصى وطاح بالأرض يصيح يحسب الناقه جته .
سعود:امحق فزعههههه يالرخمه.
................
اذن العصر وراحو الرجال يبون يصلون لكن الحريم راحو للمزرعه والعسكر خلف بيبان المزرعه.
الجده منيره:يبي لنا أغراض ياساره.
الجده ساره :خلي كومار يروح يجيب.
الجده منيره:خلاص اجل يانوره دقي على العاملات خلي يجهز الأغراض يعطونها كومار.
ريم:لا كومار بيعطي الفيتامينات للبل انا وشيهانه بنروح نجيب الأغراض.
الجده ساره تطالع في حفيدتها شيهانه الي مالها صوت:شيهانه بتروحين مع ريم؟
شيهانه ماكانت يم احد كانت تطالع في اختها شيخه راكبه على الفرس .
مها ربتت :عليها سور ماراح تطلع.
شيهانه ابتسمت لامها:وش تقولين ياجده ماسمعتك.
ريم سحبت شيهانه:تقول امشي معيي نروح للبيت .
شيهانه راحت معها .
فالمسجد بعد ماخلصو صلاه جلسو يستغفرون الرجال .
احد رجال الديره:وجيهم قويه البنت منحاشه امس واليوم جاين يصلون .
سمعه خالد وبغضب:وش تقول انتتتت عارف مين تتكلم عنه؟
متعب:وهو صادق ياخالد كلامة الحق ماينسكت عنها.
قام لافي وصار يضرب فيهه :ماهو انت الي تتكلم عن الحق.
الجد محمد بصوت عالي:ياولدددد انتم في بيت الرحمن احترموا المكان والكل على بيت الشيخ يالله.
راحو الرجال لبيت الشيخ .
............
في مجلس الشيخ محمد كانت الاصوات شبه عاليه .
ابو مشاري:ياشيخ حنا ماقلنا شي لكن السالفه فيها خطف بنت الوكاد الموضوع مسألة شرف.
لافي:بنتنا اشرف منكمممم
ياكثر فعايلنا معكم ومن اول مصيبه تجينا قمتم تقلبون مثل الحرباء.
ابو حمدان:محد انكر فعايلكم يالافي.
الجد محمد:اسمع احد يجيب طاري حفيدتي راح ينطرد من الديره حفيدتي مافيها العيب يابو مشاري .
عقاب بصوت عالي:بنت الواء عن رجال القبيله كلهم هي سبب قبض خليه ترهيب كامله المفروض تفتخرون فيه مو تتكلمون في عرضها الي محد من الملاعين قدر فيها ليه لأنها بنت رجال وتكفي عنكم كلكم يالسرابيت وطلع.
خالد:انشهد انها عن رجال القبيله كلهم .
الجد محمد:سمعتو الهرج ولا لا هاذا وهو غريب وانتم يا أهلها وناسها ماصدقتم تلقون درب لنا وعلطول قمتم بالواجب.
لافي سحب عقاب لغرفة العشاء .
لافي:شفيك قبعتها عندهم.
عقاب:والله ها شيبان ملاعين جدف.
لافي بابتسامه :من زمان داري توك تدري.
عقاب طالع في لافي وبكل جديه :امس قبضت على الي دخل في غرفة بنت عبدالعزيز.
لافي :ايه كنت موجود
عقاب:حققت معه لكن مافاد بس قال كلامه وحده.
لافي:وش ؟
عقاب:قول للبنت تتحمل وش بيجي لها تراه هاذي البدايه وهاذا ولا شي عند الي بيسويه رئيسنا
من امس وانا افكر يالافي البنت ماهي بأمان هنا.
لافي :الدكتور اتصل علي بعد الصلاه.
عقاب:عسى ماشر.
لافي وهو يبكي:اخوي دخل غيبوبه مدري كيف بقول لهم ياعقاب والوضع شوفت عينككك
عقاب جلس على رجوله :لاحول ولا قوة الا بالله .
..............
شيهانه وريم كانو عند الباب وسمعو كل الي قالوه .