..
أنتهى العشاء وتفرقو الناس وكلن راح بيته
الجد محمد: ياليل الباب ليه مقفل مافي الا الحديقه اجي منها.
كان يمشي من الخلف وشاف احد يتمرجح عرفها بنته(بنت اخوه لكن مكانتها في قلبه غير) الي انقلب حالها من تزوجت تغيرت فيها شي بس محد
يعرف .
في الحديقه الخلفيه (حديقه كبيره وفيها مشتل وبالوسط نافوره وفيها ارجوحه حديقه )
بعيد عن ضجيج الحفل في عالم آخر تراقب النجوم وتشوف بطنها الي كبر .
سميه:قرب الوقت وبتجي وتنور عتمت حياتي
رفس بطنها البيبي بألم ابتسمت ورجعت تطالع النجوم .
.....
لمس كتفها ناظرت فيه سميه وابتسمت.
سميه:ابوي غريبه صاحي لحد الحين
الجد محمدجلس جنبها على المرجوحه وحط رأسها على كتفه : جيت بنام والباب كان مقفل.
سميه بضحك:افا اجل مطرود.
الجد محمد ناظر فيها :اضحكي دايم يابوس الضحك يليق على مبسمك.
طالعت فيه ورجعت تطالع بالنجوم.
الجد محمد حط يده على بطنها:الشيخ كبر اربه مو متعبس.
سميه بابتسامه:الا والله متعبني
الجد محمد:هانت باقي شهرين ويروح التعب
ناظرت فيه سميه وبداخلها:شهر يابوي شهر
الجد محمدطالع فيها واستغرب نظراتها :يابوس انا الله مارزقني غير بنت وحده وتزوجت وانتي يشهد الله انس مثل بنتي واكثر ان كان لافي مسوي شي اهرجي
سميه بابتسامه:مافيني شي يابوي وهاذا كله من الحمل
رفس الجنين بطنها وتوجعة مره اههه
الجد محمد بخوف :سميه يابوس شبلاس
سميه:حفيدك مستعجل قاعد يرفس
الجد محمد بضحك:العرق واحد عوايدهمم العجله
الا وش بتسمينه يابوس؟
سميه: بسميه محمد عليك
الجد محمد:لا يابوس يكفي المقرود محمد ماطلع الشيب براسي الا هو .
الجد محمد يطالع السماء واشر باصبعه لنجم:شرايس باسم سهيل .
سميه طالعت بالنجم: اوههه هاذا علاج للتكاك
الجد محمد: لادخل نجم سهيل دليل دخول الشتاء والاجواء الزينه وسهيل كانو البدو يفرحون لاشافوه بيدخل الفرح على قلبس وبينور حياتس .
سميه طالعت فيه بحزن بأن على ملامحها
الجد محمد:أخبر الي بقلبس من عيونس بدون حكي
سميه:أجل سهيل سهيل.
.....
في جناح عبدالعزيز في غرفة عبدالعزيز ومها كان يشرح وش صار بالعشاء بكل حماس من لعب ولده بالسيف إلى تنكس محمد وخالد ورقص لافي ودخول الجد معهم وتحمس الشيبان 😂😂ومها كانت ميته ضحكك
عبدالعزيز:عاد بعدها جاء سامي
مها:اما سامي جاء
عبدالعزيز:مالومس ابطى
عبدالعزيزسكت وناظر في مها: رضت علي؟
مها على قولتها : باقي شوي🤏🏻
ضحك عبدالعزيز:اجل علميني كيف شوي
وقالت مها وش صار يم حطت لبنتها اغنيه من طلب عبدالعزيز .
عبدالعزيز:اجل خل اروح ارضيها.
في غرفة شيهانه كانت الساعه3 الفجر كانت مخلصه صلاة الوتر وقاعده تقرا وردها اليومي
(لاتنسون صلاةالوتر ياحبايبي🤍)
دخل عبدالعزيز:تقبل الله
شيهانه :منا ومنك صالح الاعمال
عبدالعزيز جلس مقابل بنته:اسف يابوس
(فالبارت السابق شيهانه سالت ابوها
ليش بس ماجاوبهاصرف الاجابه بصقرها )
شيهانه كانت تطالع في ابوها :ليشش؟
ابتسم عبدالعزيز ماقدرت اجاوب هناك لان شيخه موجوده بس بعلمس: قبل اسبوع جتني شيخه مبسوطه
تقول انها تحلمت بمهر ابيض والمهر يقول اذا جاء راح تطيب من مرض القلب (الله يشفيها ويشفي مرضاناومرضاكم) ماقدرت اكسر فرحتها وانتي تعرفين ان مرضها ماخلها تعيش طفولتها زي الأطفال الباقين
عبدالعزيز كان يتكلم وصوته فيه غصه:الحين علميني هو انا اخطيت؟
شيهانه وهي تلمس يد ابوها:ايه اخطيت اذا جبت المهر بتحسب انها مرضها راح المفروض تكلمها ان مرضها مايروح بجيت مهره بس .
عبدالعزيز وهو يحط يده على يد بنته:ابشري بكلمها لكن تراها مهره صغيره وجبت امها معها .
شيهانه وهي تضحك:يصير خير يابوي
عبدالعزيز:في عيونس حكيي انطقي وش تبين
شيهانه:ابي الحَّر والنفود ابي اقنص
عبدالعزيز بضحكك:بس ابشري بالسعد بعد بكره نروح
.....
الصباح الساعه ٧ كان الكل صاحي الي راح للمدرسه والي راح للجامعه والي راح لشغله .
نور:يالله يابابا تاخرت
سعود :محمد وينه خليه يوديس
نور :محمد راح مع شاهين للمزرعه
سعود: والمستشفى؟
نور :اليوم اوف عنده يالله قوم وقامت تسحب ايده
ريم دخلت :صبحكم الله بالخير
سعود:ياهلا بالريم صباحس مسك وعنبر
ريم قبلت راس ابوها:وش هالصباح الزين
سعود:لو الله يفكنا من حنة نور يكتمل صباحي
نور :ريم كلاس حقك متى يبدأ
ريم:اليوم اوف انا
نور :وش هالحظ انتي ومحمد اوف
سعود:راكان وينه
ريم:راكان اخذ سعد ورجع سحبها نومه
سعود :والجامعه؟
ريم :مدري عنه يمكن يغيب
سعود :انا اوريههه
نور:خلاص اذا رجعت العن خيره بس ودني
سعود:قومي قوميي يامزعجهه
وهو يطالع في زوجته نوره :قومي راكان وطلع
.....
الجده ساره كانت تتابع الاخبار وتفطر.
ريم :صباح الخير ياجده
الجده ساره:صبحس الله بالنور والسرور
ريم:عساك ارتحتي بالنومه بعد تعب أمس
الجده ساره:الله يعين امس رجولي توجعني دلكيها لي يابنيتي.
ريم :ابشري
.....
عند شاهين ومحمد في المزرعه.
محمد:الواحد يتمنى انه شيخه بس قالت ابي مهره جابها عمي علطول
شاهين كان في عالم ثاني :
محمد :ولد شبلاك انت من جينا وانت مانك على بعضك
شاهين : تذكر يم قلت لك جاني قبول .
محمد : ايه اذكر بس رحت لرياض بعدها
شاهين:ايه هناك قدمت على دورة***(عشان ياصل لرتبه عاليه في القطاع العسكري لازم يدخلها)
محمد بفرح حضن شاهين : مبروككك ياخوككك صبرت ونلت مرادكك
شاهين بحزن:بس سنه يامحمد سنهه
محمد:بس بعدها الرتبه
شاهين يتنهد :اخخخخ الله يعين يارب
........
عند ريم والجده ساره .
ريم:كيف رجلس الحين ياجده
الجده ساره :خف الوجع شوي
ريم :الا شيهانه وينهي ماجتك؟
الجده ساره:الا جتني بعد صلاة الفجر وراحت يم الحلال
والحين عند منيره .
ريم :اجل خل اروح لها ومره وحده اسلم على جدتي
......
شيهانه والجده منير كانو ماخذينها حش عن عشاء امس
الجده منيره :مير انا رحت عند مهره اشوفها تبحلق في عيونها وراها حكي.
شيهانه بكل حماس وهي قد ماتت ضحك من سوالف جدتها:ايههه
الجده منيره:وانا اجيب القهوه عندها ابيها تطلع الحكي .
مهره:بسألس ياساره ماشاءالله شيهانه شعرها طويل وكثيف وش تحطون عليه .
الجده منيره كانت منغثه من مهره من زمان وتبي تطلع حرتها الحين :ياخيتي عنيس ماحلفتيني انه كل ثلاث ايام احط على شعرها ب*ول بعير (تكرمون )
شيهانه كانت تشرب مويه اشرقت من الضحككك
شيهانهه:ياجده مانتي بسيطهه
جوال شيهانه جاه اشعار من قروب بنات الديره (غزيل و ريم وحصه وشيهانه ونوره ونور ورحمه ومشاعل وسميه).
غزيل:اجتماع طارئ
حصه:الله يستر وش فيس
غزيل:ماحشينا تعالو في بيتي
ريم :خلوها العصر افضل حتى امهاتنا يروحون لام عبدالله.
رحمه :ايه والعيال يروحون يلعبون بلوت وناخذ راحتنا
شيهانه:خلاص العصر أفضل
اتفقو البنات العصر .
ريم جت عند جدتها منيره وكملو حش .
......
في الشركه حقت الشيخ محمد كانت فالرياض بحكم ان الديره تبعد عن الرياض١٠٠ كيلوالجد كل أسبوع يروح
مرتين..
عبدالعزيز: اي يابوي علمني
الجدمحمد:بس سنه ماهي قليله
عبدالعزيز:بتمر بسرعه ترا كلها سنه و*** مو الكل يقدر يدخلها .
الجد محمد:صادق لكن اخته ماهي قايله كذا
عبدالعزيز:شاهين يبيني اعلمها
الجد محمد:متى بتقولها
عبدالعزيز :بعد بكره تبي نروح للمقناص والحر بطلعه من عند البيطري وبروح للنفود
محمد: اي والله الأجواء زانت والنفود قد امطرت يبي لها نخيم بس شاهين متى بيمشي
عبدالعزيز:قالي الاسبوع ذا بيروح
أنت تقرأ
جيتك من رأس قوم ماني عابرة سبيل وبقفي وانا شيهانه ترقى السماء وتحومها
Ficción Generalفي لحظه مافي اي طريقه ثانيه لانقاذ حياتها .... لافي:هاذا الطريقه الي نقدر ننقذها فيها سكت شوي ثم نطق بعد تفكير عقاب تزوج شيهانه..... كيف بتكون حياة ابطالنا وماهو السبب الي خلاهم يتزوجون .. اول روايه لي اتمنى تنال اعجابكم الكاتبه :روحَ 🤍.
