جيتك من رأس قوم ماني عابرة سبيل وبقفي وانا شيهانه ترقى السماء وتحومها

الفصل(4)

...
عبدالعزيز بكل غضب :بعد تكذب قدام عيني
سعد ببكى :ياعمي والله اول مره سامحني تكفى
عبدالعزيز استفرد بسعد ضرب قامت مها على صوت صراخ عبدالعزيز وبكى ورع راحت للسطح شافت عبدالعزيز يضرب سعد بشكل يروع
مها بصراخ :عبدالعزيزززز
عبدالعزيز:تقرب الخراب الي ابوك ماقربه وش مقصر ابوككك فيه عشان تدخن هاههه.
مها جت دفت عبدالعزيز بصوت عالي :خلاص بتذبح الولد وخررر
عبدالعزيز الي كأنه صحصح :اقلعيه عني لااذبحه الحين
خذت مها سعد وراحت لبيت سعود بحكم مافيه الا نور .
بعد ماهدئ سعد ونظفت جروحه الي من الضرب
مها:ليش ياسعد مو حرام الدخان
سعد :كانت أول مره اشريه والله
مها :مو عذر ياماما اذا هاذي اول مره بكره الثانيه وبعدها الثالثه .
سعد :صاحبي بالمدرسه عطاني زقاره وتحداني قدام العيال رفضت قامو العيال الي يسبني والي يسب ابوي اني مو رجال واني طقوع ماقدرت اتحمل ودخنت
عاد من وقتها وانا ماقدر اذا تركته في شي يوجعني ماقدر استحمل صار يطلب فلوس وانا مامعي الا مصروف مدرستي .ورحت البقاله اخذت على حساب ابوي ياخي والله اول مره ماراح اعيدها.
عبدالعزيز كان عند الباب ويسمعه:مين صاحبك ذا
سعد بخوف :سعيد
عبدالعزيز بكره: نفتك من اخوه يجينا سعيد .
مها بصوت شبه عالي :عبدالعزيزز.
راح عبدالعزيز لبيت ابو حمدان يضرب الباب بقوه
عبدالعزيز بصوت عالي:سعييييددد يا سعيييدد
فتح حمدان الباب وكان شبه سكرا*ن .
حمدان :اوههه الواء عبدالعزيز وش جايبك عند بيتنا
عبدالعزيز ولا ناظر فيه :ياسعيددد
حمدان بكل خبث:الا كيف حال لافي
عبدالعزيز استغرب :وانت وش عليك بالافي.
حمدان :لا ابد اسأل كذا
تنرفز عبدالعزيز من رده ومسكه من ياقته:ابعد انت واخوك عن اهلي لاتفاهم معك تفاهم ثاني
حمدان باستحقار:وش بتسوي يعني
عبدالعزيز عطاه🤜 وطاح حمدان :هاذا الي اسويه
سعيد طلع بصدمه :حمدانننن.
عبدالعزيز: لا يالجرذي طلعت الحين
وهو يسحبه من رقبته:ان شفتك تمشي مع سعد ولا حوله والله أن تنسى اهلكك واني لاسجنككك واخليك تموت فالسجن تسمعععع
سعيد بكل خوفففف :اييي ابشررر
رجع عبدالعزيز للبيت وهو خلاص مهلوك راح نام .
...........
البنات بعد مارجعو من عند غزيل شافو جداتهم وأمهاتهم ونور ورنا وشيخه وفي الحديقه الخلفيه.
الجده ساره: يامنيره انتي متى تعقلين
الجده منيره:ليش شايفتني مستخفه؟
شيهانه جت نادتها الجده منيره.
الجده منيره وهي تضحكك: تعالييي ياشيهانههه
جت شيهانه وريم وسميه .
سميه:مساكم الله بالخير.
الجده ساره :مساك الله بالنور والسرور يابنتي تعالي عندي.
سميه وهي يالله تجلس من بطنها 🤰🏻.
الجده منيره :عساء حفيدي مو متعبس .
سميه بابتسامه :الا والله متعبنيي
نوره( زوجة سعود) :هانت ياسميه كلها كم شهر وانتي تشيلينه بيدكك.
الجده منيره وهي كاتمه الضحكه :شيهانه ماتدرين وش صار عند ام عبدالله
شيهانه:لا والله وش صار .
الجده ساره :الله يقطع ابليسك يامنيره
الجده منيره:جتنا مهره وهي من دخلت معها ريحه يم سألتها قالت بعد العشاء سويت الي قلته لس وشيهانه تنفجر ضحككك :اماااااا حطته على شعرهاااا
مها ام شيهانه بعدم فهم:وش الي حطتههه على شعرها
الجده منيره وشيهانه بنفس الوقت:ب*ول بعير
كل من فالجلسه ضحك حتى الجده ساره الي ماكانت عاجبها فعل منير .
دخل الجد محمد عليهم (عم الحريم فاماتغطون عنه):وش هالجلسه المباركه
قامو يقبلون راسه وجلسو.
الجده منيره:شبلاك ابطيت اليوم ي محمد
الجد محمد:والله الشكاوي اليوم واجد (بحكم انه شيخ القبيله فالعصريه يفتح مجلس الشيخ ويجي كل من عنده موضوع للشيخ)
الجده ساره:الله يعين
دخل محمد وشاهين وراكان ..ياولددد (عشان البنات يتغطون) .
الجد محمد :تعالو مامن غريب
دخلو وسلمو وجاء شاهين جلس جنب توامه طق كتفها اعلومسس .
شيهانه وهي تضرب كتفهه:انت وينك مختفي من الصبح اتصل ولا ترد .
شاهين وهو يطالع بجواله :اي والله فيه مكالمه كان على الصامت مانتبهت.
ريم بين محمد وراكان.
ريم :سعد وينه
راكان :جانا العصر ورجع للبيت يمكن نايم .
الجد محمد وهو يطالع في حفيده محمد : الا يامحمد عساك ماتعبت بعد العشاء
محمد وهو داري ان جده بيضربه:امحق تعب ياجد الا لحد الحين في راسي هز
الجد محمد اخذ نفجاله وهو يرميه على محمد:اقول تقلع فضحتنا عشاء سلامه للرجال وجايب طبول ورقص
شيهانه وهي تطالع بمحمد بضحك:انت كذا👍
محمد :افا عليس اعجبكم كلكمم لو الشيبه يخليني على كيفي بس .
الجد محمد:الشيبه انا يالي ماتستحيي وكان بيضربه بس دخل سامي وسعود .
سامي :ياهل الداررر
سلم على امه وعمته وعلى بنات اخوانه وهو يدف شاهين تقلع انت انا بجي عند شيهانه وهو ينادي ريم تعالي وتجي ريم جنبه ويحطهن بين يدينه.
سعود :كتمت البنات ياساميي
سامي :خلني اخذ راحتي وش عليك انت
وسامي قام يسأل البنات وش حالهن واذا فيه شي ناقصهن.
دخل لافي يبي يروح لجناحه لكن انتبه له سعود: لافييي
لافي:سَم
سعود :الشركه اليوم فاضيه وينك فيه
سميه وهي تطالع في لافي .
لافي انتبه لانظراتها و اوجعه قلبه منها :ابد كنت بالديار الي حولنا كان عندي شغل وجيت والحين بروح انام .
الجد محمد :لا وقت صلاة المغرب الحين .
وهو يطالع في مها:عبدالعزيز لحد الحين نايم.
مها:ايه نايم
الجد محمد:روحي قوليله اني ابيه واسمعو كلكم ترا بكره بنروح للمخيم وبنروح للمقناص بطلب من الشيخه شيهانه.
سامي:الحر تعالج
شيهانه بكل حماس :اييههه تعالجج ياعمييي
لافي وهو يشوف حماس شيهانه:تبين نروح له
شيهانه قامت من مكانها لعند عمها لافي وهي تحضنه :في ذمتككك ياعمي
لافي وهي تتردد صداءضحكاته الجميله:يالله تجهزيي بعد الصلاه نروح له .
الجد محمد:مايفرق اليوم عن بكره مايحتاج تجيبه
شيهانه تطالع في عمها بصوت خفيف:لا ياعمي ابي الحين
لافي وهو يحط اصبعه على خشمه:على ذا ابشري
شيهانه وهي تمسك اصبعه :عليه الشحم
......
في السياره رايحين للبيطري كان الطريق ظلام وكان قمرا كان هدوء لين جاء بارت هنا غن معه لافي بصوته الثقيل وبكل حزن
.......
ودعت روحي من قبل ما أودعك
اشوفها تطلع ولو ما ودها
وليلة فراقكك والعيون تطالعكك
العيون تطالعكك..
طرا عليه عيون حبيبته سميه وسرح في عالم لحاله
شيهانه كانت تصور من بدا عمها يغني ونزلته سناب .(شيهانه في عالم اخر 😂😂)
......
شيهانه :اخس ياعمي طلع صوتك حلووو
لافي بضحكك:خليه بيني وبينك لاحد يدري (مايدري انها مصورته عزتي له😭😭😭)
شيهانه بضحك:اي معليك معليك
شيهانه وهي تغمز له :جوك تغير من الشيلات للأغاني نقدر نقول بسبب شخص.
لافي وهو يغمز لها :يمكن ليش لا
وصلو للبيطري وكان مسكر .
شيهانه بضيق:مو وقتهههه
لافي مايحب يشوف شيهانه متضايقه :ولا يجي في خاطرس شي الحين يفتح دق على البيطري
البيطري:اهلين استاذ لافي
لافي :ياهلا مصطفى انا عند العياده ومقفله ليش
مصطفى: تحتاج تنظيف والحيوانات تم نقلها ل***
لافي :طيب والحر انا جاي أخذه هو معهم.
مصطفى :ايه ياستاذ معهم .
لافي:ارسل الموقع بروح أخذه.
........
لافي وهو يشوف الموقع يبعد 20 كيلو عنه .يعني نص ساعه ..
شيهانه: بعيد ياعمي.
لافي :عشان الحر نتعني
وقف عند البقاله وخذ شبسات وغازيات وكمل الطريق.
.....
في جلسة السطح كانو طفشانات البنات وكل وحده ماسكه جوالها تشوف السنابات.
ريم كانت تشوف سنابات شيهانه :يابنات ليتنا رحنا معهم.
نور :وريني بشوف .
ريم وهي تعيد السنابات لاختها وقفت عند لافي وهو يغني: مقدر اتخطى السنابه ذي.
نور وهي بتدمع:صوتهه فيه كمية حزنن
سميه وهي تعرف هاذا الصوت زين سرحت بخيالها
(قبل 4سنين عمر لافي 27 وسميه 23 كان لافي جاي من الشمال بعد ماخسر تجاره كانت بنتقذ الشركه من الفلاس وكان جالس مع الشباب في بيت عمه راحو الشباب مابقى الا عيال عمه عوض
( اخوان سميه متعب وياسر وماجد ) وإخوانه هو
كانت سميه جايه من بيت عمها محمد
سميه دخلت المشب:السلام عليكم
الشباب:وعليكم السلام
ماجد:ليش مادقيتي علي اجيبس
سميه :دقيت بس مارديت والبيت قريب اصلن
ناظرت في لافي في داخلها كانت بتطير من الفرح بس بكل ثقل:حمدالله على السلامه.
لافي وهو الارض ماتشيله يحس نفسه بين الغيوم :الله يسلمس
سميه وهي تناظر في سامي:ترا عمي محمد يبيك ويتوعد فيك .
سامي وهو منخرش:سألتس بالله الله يستر
سميه وهي تضحكك:قومم قومم تراه يتنظركك.
طلع يركض سامي وسميه راحت داخل
لافي طلع للمغاسل الي كانت قريبه من المطبخ وهو يغسل يده ويتذكر ضحكتها وهو يغني بصوته الثقيل العذب
.....
لها ضحكه ياويلي بلون السهر
لما الورد بيملى شفايفه قمر
من نظرة لقتني صريع الهوى
ناظر شكله وكيف بس ضحكه منها غيرت موده خلص غسيل يده وجاء بيمشي بسسس
فالمطبخ عند سميه كانت تسمعه وهو يغنييي وسكت قالت بصوت خفيف ماتدري ان لافي يسمعها :ياربيي مو لهدرجهههه كامل ياربي ارحم قلبييي الخفيف .
لافيي سمعها وصد وهو يزيد ضربات قلبه وبضحككك :نعبو حيس انتي الي ارحمي قلبي الخفيف .
أنتهى الفلاش باك
........
نور :ريم شوفي ابتسامات سميه
ريم:اي ملاحظه شكلها بعالم ثاني
نور قامت وجت خلف سميه بوووو
سميه بخوف:ولعنههه يانورررر
بطنها وجعهاا
نور وهي تهز سميه: اسفه اسفه سميههه
ريم قامت لاسميه:يوجعس شييي
سميه بالم :لا خلاص بس ساعديني انزل بروح للبيتي
.........
عند لافي وشيهانه وصلووو ل***
لافي:انا بنزل واجيب الحر
شيهانه:بيستنكرك وبيهجم عليك.
لافي :خلاص تعالي انتي
دخلو في مكان كبير كل زرع وأشجار وفيه كذالك حيوانات كثير وداخل المكان موجود اسطبل وفيه غرفهه كبيرههه.
لافي انتبه للاسطبلات وماييي شيهانه تنتبه لها:شيهانه شوفي الغرفه ذيك شكلها حقت طيور
شيهانه راحت وفتحت الباب الكبير وشافت انواع الصقور الوكري والبربري وأنواع ثانيه
طالعت في عمها تبي تعبر عن فرحتها وهي فاتحه يدها تدور:انااا فالجنههه ياعمييي
من بين هالصقور صقرنا الي اشتاق لصقاره الحر
فرد اجنحته يعلن ترحيبه للصقارته رفعت يدها له ماهتمت للألم الي راح يسببه مخالب الحر
لافي كان منبهر من منظر بنت اخوه وصقرها
....
الحر غرز مخالبه في يد شيهانه بألم: فداك اليد وراعيتها يالحر
لافي بيأخذ الحر من يدها بس ماهو ماقدر:يابن الحلال تعال هنا
شيهانه بضحكك رغم الالم :اتركه ياعمي خلنا مشتاقين لبعض .
راحو لسياره وحطته الحر جنبها
لافي وهو يمسح دم شيهانه ويعقم يدها ويلفها :يوجعس شي
شيهانه اصلن مو حاسه بالالم وهي تداعب طيرها :لااااا
لافي وهو يطالع بالساعه ضرب رأس شيهانه :والله وسهرتينا يابنت عبدالعزيز بكره كيف بنروح للمخيم
شيهانه بضحك:خلنا نروح للمزرعه نحط الحر ونرجع للبيت وكلن على بيته .
لافي :اجل يالله.
........
في جناح لافي كانت سميه تتوجع مره من بطنها
دخل لافي وشافها في الصاله وجها شاحب
لمس طرف شعرها بلطف وبكل حنيه :يوجعس شي
سميه تقشعر كل جسمها ودفت يده وبكل كره :لا تلمسني
لافي وهو يلمس بطن سميه :سميه يوجعس شي
سميه بدموع وبوجع قامت: قلتت لاتلمسنييي
لافي برتباك وخوف عليها بعد عنها:خلاص ماني لامسكك بس يوجعس شي انا اسفف تبين المستشفى
سميه راحت للغرفة وقفلت الباب عليها:وقامت تبكيي
لافي مانام راح جلس عند الباب لين صباح اليوم الثاني .
.........
الساعه 6الصباح الجد محمد وهو يصارخ: ياعبدالعزيز ياسعوددد ولدددد
طلع له شاهين بخرعه:لبيه ياجدي في شيي
الجد محمد :يالله صح ابوكك وعمانك بنروح للمخيم
راح شاهين لبيت عمانه الي فوق بيتهم .
شاهين :ياعمي لافييي ياعمييي
لافي غطه النوم عند باب الغرفه قام منخرع طالع فالباب لقاه مقفل وعرف انها نايمه فتح الباب لشاهين :وش تبي
شاهين :جدي يقول يالله تجهزو بنمشي للمخيم
لافي :يالله جاي
راح شاهين لبيت عمه سعود :ياعمي سعود
محمددد ولدد.
فتح سعد ووجه مورم :وش بغيت
شاهين:ابكك انت علامككك
سعد:تضاربت مع عيال الحاره
شاهين بضحك:يالرخمه وقدرو فيك
سعد بضيق بال:اخلص وش بغيت
شاهين :صح ابوك وقله جدي يقول يالله مشينا للمخيم
سعد :يوههه مو وقته مخيم
عبدالعزيز عند باب بيته :شاهينن
شاهين :لبيهه
عبدالعزيز:انت من تكلم
شاهين :سعد جدي ارسلني اصحيهم
عبدالعزيز :تعال يالله ونزل الأغراض ذي انت وسعد وناد الاعيال.
شاهين: ابشر يالله
دخل سعد قال لاخته نور وطلع
وراح شاهين بيأخذ اغراض اهله لقى شيهانه تحط أغراضها وشاف يدها
شاهين:شبلاها يدس.
شيهانه بضحكه وفرح :من الحر
شاهين :وريني
شاف الجرح ماكان عميق لكن واضح انه يوجع: يوجعس
شيهانه :لا ابد مايوجعني شي
.......
راح الجد يصحي خالد وسامي :
الجد محمد:ولد قمم انت وياهه
سامي قام وراح
خالد تعبان يابوي ماقدر اروح معكم
مسك جبين ولده لقاه صدق حار:قم اوديك للمستشفى
خالد وهو يكح:لايابوي انا أخذت فيفادول وبنام الحين وانتم روحو انبسطو.
........
عند السيارات الترتيب كالآتي
[السياره الأولى:يسوقها عبدالعزيز وجنبه ابوه وبالخلف امه الجده ساره و زوجته مها .]
[السياره الثانيه: يسوقها سعود وجنبه زوجته نوره وبالخلف بنته رنا وبنت اخوه شيخه .وسعد ]
[السياره الثالثه :يسوقها سامي وجنبه محمد وبالخلف شاهين وراكان وبالخلف شيهانه وريم ونور]
[السياره الرابعه :لافي وجنبه امه الجده منيره وبالخلف سميه].
.......
شيهانههه:عمي سامي مر على المزرعه
سامي :ليش فيها شي تحتاجينه
شيهانه :ايهه الحر ولا بكنسل الطلعه بكبرها
ضحك سامي :على خشمي يابنت عبدالعزيز
.......
نزلو للمزرعه خذت شيهانه البرقع عشان تغطي وجهه ومايتحرك بالسياره وخذت الدس عشان يدها المنقله الي ياقف عليها الصقر .
شيهانه مرت عامل المزرعه :زي ماقلت لك ماعطيته اكل صح
كومار:اي ماما مافي يعطي.
راكان :حرام عليك ليه ماعطيتيه؟
شيهانه :عشانه بيصيد شوي ولازم يكون جوعان ياغبيي
راحت لمكان صقرها وهو اصلن مجهز بكل شي تحتاجه شيهانه خذت الحر بعد ماجهزته وجلست قدام عشان صقرها ومحمد رجع وراء جنب شاهين وراكان رجع وراء مع خواته .
.......
في السياره رقم 4 .
لافي حاط المرايه على زوجته وهو حاس فيها حاس بتعبها.
الجده منيره:شغل شي ياولد
لافي :ابشري
شغل اي شي قدامه ...
ورجع يطالع المرايه
.....
عند سميه كانت تمسح عيونها.
لف عليها لافي :فيس شي
سميه بخرشه :هاه لا مافيني شيي
لافييي طالع بعينها وتأكد انه مافيها شي ورجع كمل الطريق .
......
وصلو للمخيم .
الجد محمد :يالله ياولد نزلو الأغراض اعجلووو
الجد ساره :يانوره تعالي عاونيني هنا
عبدالعزيز يتصل على لافي :
عبدالعزيز:وينك فيه ابطيت حنا وصلنا
لافي: يالله عاني اشوفك جيت
وصل الكل للمخيم كان خاص للعايله .
رنا :شيهانههه خلينا نركب الدباببب
شيهانهه:لااا ابوي بيروح للمقناص الحين وبروح معهه
رنا راحت لشيخه :امشي خلينا نركب الدباب
شيخه:يالله قدام راح معهم سعد بعد
عند الجدات بالخيمه.
الجده منيره :يامها خذي اللحم ذا وقسميه للفطور وللغداء والعشاء.
مها :ابشري ياجده
الجده ساره:متى نسوي الفطور؟
الجده منيره:هم بيروحون يقنصون الحين فا اذا جو يكون جاهز .
نوره :ياعمه انا سويت قهوه من البيت تبونها الحين
الجده ساره:ايه بالله حطيها لنا.
.......
فالمطبخ كانت سميه وريم ونور وشيهانه ومها.
سميه جالسه على الكرسي وجها شاحب:هلكنييي يابنات
شيهانه وهي ثانيه رجلها تمسك بطن سميه :تبين انادي عمي لس.
سميه بوجع: مايحتاج بيخف شوي.
شيخه جت :شيهانههه عمي سامي يقول جيبي الحر وتعالي .
شيهانه بحماس: واخيراااا مابغو
راحت جابت صقرها وجت بتركب السياره شافت عمها لافي .
شيهانه :عمي لافي ماراح تجي
لافي :لا ياقلبي روحي انتي وانبسطي
شيهانه :ترا سميه قاعده تتوجع لكن ماتبي تقول
لافي :بمرها الحين وانتي انتبهي لنفسك
الي راحو يقنصون عبدالعزيز وسعود وسامي وشاهين .
الشباب الباقين(محمد وراكان مرو قسم الحريم )
محمد:ياعربببب
الجده منيره :تعال مافي احد
محمد :حنا بنروح نطعس وبناخذ البنات
الجده منيره :ايه زين يالله ساعدني اقوم
محمد بضحك:قلت البنات ياجده مو العجايز
الجده منيره ضربته بحذيانها:تعقب انا باقي شباب تعال ياراكان يامك ساعدني
راح محمد ينادي( ريم ونور وامه نوره وعمته مها ام شاهين) وراحو
وقعد (لافي وسميه والجده ساره والجد محمد) وشيخه و رنا وسعد بالدبابات يلعبون.
في السياره نزلو عبدالعزيز وشاهين وسعود عشان يقنصون بالبندقيه
سامي وهو مسرع يالله ياشيهانهه هدي(طلعي او فكي) الطير.
شيهانه :تكفى يالحر بيض الوجهه وهدته.
.....
شاهين وهو يتصيد للارنب
عبدالعزيز:اطلق
صابها شاهين وضرب كف يد ابوهه :جبتها وانا ولد عبدالعزيز.
سعود وهو جاي محمل اربع ارانب في يده :صدتو شي
شاهين وعبدالعزيز:مو كثر الي صدتههه
سعود بضحك:عاد هاذا الي لقيته
شاهين :ومو عاجبككك انا وحده عقب ايش صدتها
عبدالعزيز ضرب رأس ولده :ومفتخر بالوحده ذي .
وقفت السياره حقت سامي
ونزلت شيهانه في يدها الحَّر واليد الثانيه صيدها بعقده رابطته.
ونزل سامي وفي يده الثنتين صيد الحَّر.
عبدالعزيز:والله هاذا الصيد الي يجمل.
شاهين وهو يطالع يد اخته الي مجروحه :عوايد الحر
شيهانه :كم صدتو
سعود عمها:خمس ارانب
سامي :اجل نستريح شوي ونرجع للمخيم
عبدالعزيز:اي أفضل.
شيهانه راحت بعيد شوي عن جلستهم وهي تداعب الحر وتهده فالسماء وبصوتها العذب
.....
ستل جناحه ثم حام يرقى على متن الهوى
يزفه بعيد وانا محدود في حد النظر
........
جاها شاهين :يدس توجعس
شيهانه وهي تطالع طيرها يفرد جنحانه في سماء نجد :وجع الحر راحه لي
شاهين بضحك:انتي مريضههه.
شيهانه وهي تصوت لطيرها وماده يدها عشان يرجع:اقول خل عنك الهرج الفاضي وهاك صورني
عطت شاهين جوالها يصورها مع صقرها .
........
عند محمد الترتيب كالاتي(محمد ماسك الطاره والجده منيره المعزز 😂😂وبالخلف نوره ومها وراهم راكان ونور وريم )
الجده منيره وهي متحمسه رمت البرقع:عطاهاااا يامحمدددد 🤣🤣
محمد وهو يضحكك:ابككك تحزمييي بيي
نوره وهي دايخه:محمد ومرض كم لي اقول وقف
مها وهي متجوده(متمسكه):يامحمدد وقفف
راكان:والله الي فالتها امي منيره
ريم تصور الوضع وهي ميته ضحكك
نور اغمى عليها .
......
في المخيم كانت الجده ساره تصب القهوه للجد محمد
محمد:والله المكان صار هادي
الجده ساره:اي والله لهم فقده
دخل لافي من عند قسم الرجال وهو يكلم .
لافي :خلاص ي متعب لاجيت بشوف الصفقه
سميه بصراخخ وهي طالعه من الجلسه :لافيييي
لافي سكر جواله وراح بسرعه لها بخوف وقلق:لبيه ياعيون لافي
سميه وهي تبكي وبألم متمسكه بثوب لافي :المويه نزلتت
لافي بخوف وهو يمسح دموعها :موية ايششش
سميههه بوجع اكثر:بولددد بولدددد
لافي ارتبك ماعرف وش يسوي جت الجده ساره عنده ومسكت سميه :لافي رح شغل السياره سميه يامييي خذي شهيق وزفير.
..........
اول من وصل للمخيم كانو أهل الدباب
سعد :وينهم ذول وين راحو
رنا:وحنا وش يعرفنا ترانا معكك
بعدها بدقايق وصلت السياره 2
نزل محمد وساعد جدته الجده منيره:يامحمد مره ثانيه لاجيت تطعس خذني معكككك تسمع.
نوره :لا العايله ذي مهبللل
مها ضربة كتفها:اقصري حسك لاتفصل عليها
وصلت سيارت أهل المقناص نزلت شيهانه تودي صقرها لمكانه .
سامي وهو يشوف امه :اخس رايحه تطعسين
محمد وهو يمسك جدته:ولد احترم نفسك معك المعززه منيره.
دخلو وماكان فيه الا الورعان
عبدالعزيز:شيخه وين ابوي
شيخه :مدري يم جينا ماكان فيه احد
استغربو وين راحو
دق عبدالعزيز على لافي ماكان يرد ودق مره ثانيه.
..........
عند لافي كان مو متهم لاحد غير سميه كان صياحها يقطع قلبه :خلاص ياقلبييي وصلنا وصلنا
الجد محمد :ياولد تركد هد لايصير علينا شي.
جوال لافي كان اتصالات عبدالعزيز وراء بعض وارجع لافي :ابوي رد على الجوال.
عبدالعزيز:ولد وين رحتو انتو
الجد محمد:سميه جتها الولاده ورايحين للمستشفى.
عبدالعزيز:تركدو والله يقومها بالسلامه
........
عند البنات كانو في قسم النساء شابات النار وملتمين عليها.
نور:بنات راح اسخن المرشميلو مين تبي
ريم :انا ابييي
شيخه:بعد انا
نوره (ام محمد):وانا.
شيهانه:انا بسوي شاهي جمر .
رنا جت ومعها السماعه:الله ياشيهانه حتى انا ابيي. .
........
وصل المستشفى ودخل وهو شايل سميه يصارخ: الحقونييييييي يادكتور.
خذوها علطول لغرفة الولاده لافي كان بيدخل معهم لكن رفض الدكتور لان سميه حالتها كانت حرجه
لافي كان يسمع صراخ سميه وقلبه متقطع عليها:ياعمهه ادخلي معها انتييي.
انقطع صوت سميه
لافي :ياعمهههه ليش مافي صوت سميه صار فيها شي
وهو يضرب الباب سميهههه سميههههه كان الجواب من سميه صوت ولدهم سهيل .
الجد محمد :مبروكككك مبروككك يالافييي سهيل جاء .
لافي بعدم فهم :الله يبارك فيك بس سهيل؟
الجد محمد:سميه سمته سهيل امس .
لافي الدنيا ماتاسعه من الفرحه راح اتصل على اخوه
لافي:الووو ساميييي سهيل جاء.
سامي بفرح:يتربى بعزككك يابو سهيل
السلامه كان وقعها بقلب لافي غيرر
لافي:الله يبارك فيك ياحبيب اخوك
سكر لافي وراح سامي نشر الخبر فالمخيم والكل كان مبسوط .
عند سميه كان مغمى عليها من التعب
بالليل الساعه 12 لافي راح صور ولده وارسله للقروب حق اخوانه.
.......
في المخيم
عبدالعزيز:ياحليله شوفو لافي وش مرسل
سعود بضحك:سبحان الله ماخذ من لافي الا عيونه
الجده منيره بتحيز:حدككك على حفيدي وولدي
سعود:ترا حتى انا ولدس.
محمد ولد سعود:يوههه بدينا تفرقه من الحين
سعد قام وابعد عن المخيم شوي انتبه له عبدالعزيز ولحقه وشافهم سعود ولحقهم .
سعد وهو يطالع النجوم لمس كتفه عبدالعزيز وجلس
سعد:اسف
عبدالعزيز : انت عارف انك مخطي وانا اخطيت بعد اسف
سعد انصدم ان عمه اعتذر له:وشش
عبدالعزيز:اسفف ياحمار وطلع ١٠٠ وعطاه
سعد قبل راس عمه:اوعدك وعد رجال اني ماقرب الرداء والخراب.وراح
جاء سعود:انت مسوي في وجه كذا.
عبدالعزيز انحرج:اي عشانن
قاطعه سعود: عارف مايحتاج تبرر وهاذا ولدك زي ماهو ولدي
ابتسم عبدالعزيز وربت على ظهره سعود.
.......
عند البنات كانو في عالم آخر جت رساله لشيهانه في السناب .
فتحتها شيهانه وبصوت عالي:بناتتت تعالو شوفوووو
اجتمعوا البنات ومعهم مها ونوره .
نور:ودلبسسس ياصغرهههه يابناتت.
شيخه:يوههه يجننن يمه ابي كذا
مها بخوف:يوههه لا لا يكفيني انتي والتوام بس
شيهانه اتصلت على عمها سناب فيديو
لافيي:يامرحبااااا بشيهانه القلب.
شيهانه وهي تكابر دموعها:ياعمي وش ذا النتفه
ضحك لافي:عاد حدسس الا سهيل
شيهانه بفرح :سميتهه
لافي لف الكاميرا على ولد :ايه معس سهيل بن لافي بن محمد ال****. والبنات بدو يزعجون لافي و سهيل قام يصيح ارتبك لافي وكرش البنات وسكر وجلس مع ولده.
.........
عند سميه بدت تصحصح كانت تسمع صوت الجد محمد والجده ساره يسولفون.
سميه :سهيل
الجده ساره ضحكت:من الحين خذا عقلس
دخل لافي عليهم بعد ماسكر من خلف الي ازعجه يجي للشركه يوقع الأوراق.
.....
لافي بابتسامه تقدم لها وقبل راسها :حمدالله على سلامتكك.
سميه بعدت عنه :الله يسلمك
انحرجت الجده ساره :يامحمد يالله نمشي لافي عندها .
لافي :انا بوديكم وبعدها بروح للرياض بمر الشركه وبجي.
الجد محمد:صاحي أنت الحين ليل بكره الصبح رح .
لافي:ازعجني خلف يابوي بروح وبجي.
سميه :الصبح رح كلها كم ساعه.
لافي طالع فيها وانبسط وحط اصبعه على خشمه: ابشري على ذا .
طلع لافي واخذ ابوه وعمته وراح للمخيم .
.......
وصلو للمخيم والكل كان يسلم عليه ويبارك له ..
راكان:يامرحبا بابو سهيل
لافي:تبقى ياولد محمد
راكان :ياخي قول يابو محمد خلني احس بمشاعرك
لافي وهو يضحك:توكككك ورععع.
عند الجده منيره كانت تبكييي ماقدرت تقول اي كلمه.
سامي:يايمه الله يهديس وشوله البكاء .
الجده منيره :مدري ولدي صار اب.
ضحكو العيال :شوفينا حنا بعد اباء ماتغير شي.
لافي اتصل على سميه ماكانت ترد وقال انا برجع للمستشفى تأخرت وراح.
...........
عند سميه كانت تبي تشوف ولدها وتأخرو عليها.
دخلت عليها الممرضه .
سميه :ليش تاخرتو ابي اشوف ولدي.
الممرضه هدى :تمام ياقلبي تاخرو عليك لأن كانت فيه تحليلات للولد بحكم انه جاء قبل وقت ولادته بشهر .
........
جاء سهيل عند امه اخذته هدى من السرير وحطته في حضن سميه يحكم انها ماتقدر تتحرك (توها والده) وطلعت.
........
عند البنات كانت الجلسه قدام النار متجمعين ويلعبون اونو.
اتصلت غزيل عليهم سناب.
دخلت مشاعل وشيهانه وجت ريم ونور عند شيهانه .
مشاعل:شعندك ياغزيل داقه الحين .
غزيل :طفشانه ياخييي .
مشاعل :رحمه وين روحي عندها ( غزيل ورحمه جيران البيوت جنب بعض ).
غزيل :نايمههه وانتم ياشيهانه وش تسون
شيهانه لفت الجوال على الجلسه:شوفت عينس.
غزيل:يوههه ياحظكممم عاد شفتو شي زين حولكم
ضحكو البنات على هم غزيل
دخلت سميه المكالمه
صارخو البنات كانت شايله ولدها وشكلهم ياخذ القلب ...
سميه بصوت واطي :لاتصارخون توه نايمم
شيهانه صورت سميه و ولدها
ريم:يوهههه ياسميههه يشبه لككك
غزيل كانت تبكيي:يتربى بعزكمم.
سميه ضحكت على نطق غزيل :انتي وش تقولين .
دخل لافي على ضحكت سميه :جعل الضحكه دوممم.
البنات سكتو
سميه : اكلم البنات اطلع برا .
لافي بضحك:يوه يالغيره ماشفت شي ترا.
ريم بضحك:عاد فاتك الزين الموجود ياعممم
لافي وهو يضحك :كوني كله ماشوف فيه الا سميه .
البنات صارخو وسكرت سميه المكالمه بصوت عالي:لافيييي.
لافي درى انها بتهاوشه تنهد وجلس قدامها:لبيه
سميه :الولد جاء متى تطلق.
لافي وهو طفش من تكرار الموضوع وقال بحسره:لهدرجه ماتبيني ياسميه
سميه بغيض وكره:انت مريضضضضض كيف ابيككك وانت معتدي عليييي
لافي بندم:ياخيييي والله ماذكرررر انا ماكنت صاحي وقتهاااا ياسميه انتي تدرين اني احبكككك وهاذا يكفي.
سميه بصراخ:اطلععع براااااا
قام سهيل يبكي وطلع لافي.
لافي مايدري وين يروح ضاق كونه عليه راح لمسجد المستشفى توضى ودخل صلى ركعتين ثم صلى الوتر وجلس يستغفر وهو تعب مهلوك صدق من الموضوع ذا
جاه رجال وحط عنده المصحف الشريف.
فتح لافي كتاب الله وقرا سورة طه[ .٢٤ قَالَ رَبِّ ٱشۡرَحۡ لِي صَدۡرِي ٢٥ وَيَسِّرۡ لِيٓ أَمۡرِي ٢٦]انهمرت دموعه .....
صباح اليوم الثاني لافي كان عند سميه جالس يشوفها وهي نايمه وقال(يارب لين قلبها لين ) طلع من عندها مر المواقف اخذ السياره وطلع للرياض.
فالسيارة :
لافي:هلا ياخلف
خلف:وينكك ياطويل العمر طولتتتت
لافي :تراك ازعجتني جاي بالخط خلاص وسكر
عند خلف دق على ***
خلف:بيمر الشركه الحين ويوقع
***:زين انا امس بالليل حطيت***بالسياره
خلف بضحكة خباثه:خلاص اجل يوقع بعدها خل**يتصل على الشرطه ويبلغ.
***:زين زين.
وصل لافي ووقع الأوراق وعلطول طلع يرجع للمستشفى وهو بالخط .
المرور:صاحب السياره رقم *****.
لافي:سم بغيت شي.
المرور :طلع الرخصه
لافي طلع الي يبيه المرور و ساله كذا سؤال وكان يجاوب لافي.
المرور :افتح صندوق السياره الخلفي .
لافي فتح وكانت الصدمه شنطه سوداء لافي استغرب ذي من وين جت .
المرور فتحها وكان فيها فلوس مزوره ومادة الميث (الش*بو ).
لافي بصدمه:ابك هاذييي وش
المرور اخذ جهاز الاسلكي :تم القبض على *****ولقيت معه****و***
تحت صدمة لافي الي سودت الدنيا بعيونه مايدري وش السالفه
..........
في قسم المخفر في غرفة التحقيق كانت كلها اجهزت تنصت و فيها طاوله و4 كراسي وشباك اسود كبير الي برا يشوف الي داخل الغرفه لافي مكلبشين يده
بتعب من كثر يعيد :مو حقتي كم اقول انا مالي دخل
الضابط ماجد مسك رأس لافي وضربه بالطاوله:اجل طارت من السماء لسياراتك اعترففففف احسن لك.
الضابط نايف كان يشوفهم من الشباك:كم لهم داخل
العسكري الي قبض على لافي:لهم ساعتين ياطويل العمر
الضابط نايف:ولحد الحين مٌصر مايعترف
دخل الغرفه الاستخباراتي عقاب بن سليمان بن مساعد ال *** وبصوته الثقيل (بطلنا):سمعت انهم قبضو على المتهم.
الضابط نايف:متى وصلت من الشمال
عقاب:الحين توني واصل وأخذت الملف حقه وهو ياشر على لافي الي معطيه ظهره كم له داخل .
الضابط نايف:له ساعتين
عقاب بابتسامه:حله عندي اجل .
دخل عليه ولافي كان منزل راسه مسك شعره ورفعه تجاهه بصدمهههه
عقاببب :انتتتتتتت وش تسوي هنا
لافيي كان مصدوم بعددد لكن قال:انا مالي ذنب والله مو انا .
عقاب طلع وبغضب الكون فيه وبصراخ هز المخفر:ميييين الي قبض عليييههه
العسكري بخوف :انا يااااططويي اتجه له عقاب ولكمههه🤜 هاذي عشان غباءككك
طالع فيه نايف :وانتت شفت الأغراض معه وقلت انه مجرم
نايف بغضب :عقابببب تم القبض عليه وكل شي معهه نخليه يروح .
عقاببب:كميننن يانايف كميننن والضحيه الي جالس يحلف داخل.
نايف:مافي اي دليل يثبت انه كمين طالع فالعسكري خذوه للسجن .
عقاب بصدمه وهو مو مصدق:لافيييي مايسويهاااا مستحيل يانايفففف