جيتك من رأس قوم ماني عابرة سبيل وبقفي وانا شيهانه ترقى السماء وتحومها

الفصل17

ماعاد باقي على حايل الا 50كيلو كان الطريق كله هدوء قطع الهدوء سؤال ورد الي كان يجول في بال الكل لكن محد تجرى يسأل
ورد:عقاب ليش ماخذت شيهانه؟
عقاب كان في عالمه الخاص يفكر فالي طلبت فراقه .
ورد:عقاببب
عقاب تنهد:هاهه؟
ورد:شيهانه ليش ماجت معنا؟
عقاب:
....
شفت عيونها تطلب الفرقى وغبت
وهي تدري ما أرفض لعيونها طلب
...
ورد بكت عرفت انهم انفصلو ارتفعت أصوات البنات ببكى لكن عكس عقاب الي كان يطالع الطريق بهدوء .
وصلو لديارهم واتجه لغرفته بكل هدوء دخل وكانت غرفته كلها ريحة عطرها واغراضها جمع اغراضها وحطها بالشنطه شاف وشاحها الأزرق أخذه واتجه على الاريكه لفه على وجه ونام.
......
في نجد العذيه من طلعو أهل الشمال وهي في غرفتها
طق الباب شاهين ماكان في اجابه له.
شاهين:شيهانههه
فتحت الباب وعيونها متنفخه من كثر البكى:هاه؟
شاهين طالع في اخته الي مستغرب حالتها:نروح نوزع الماء؟
شيهانه:بلبس عبايتي واجي.
طلعو الاخوان يوزعون الماء بنية الصدقه لاختهم المرحومه.
كان الطريق هادي عكس عوايد التوأم كل واحد في عالمه.
شاهين:انا ماراح ارجع لل***
شيهانه طالعت في اخوها:ليش؟
شاهين بغصه:كيف ارجع وانتم حالكم كذا؟
شيهانه:تذكر ليش ابوي سماك شاهين؟
شاهين ابتسم بتذكر:ايهه
(اول ماولد شاهين وشيهانه كان شاهين مريض مره حتى جلس شهرين بالمستشفى وكانو الاطباء يقولون لاتتعلقون فيه لانه ماراح يطول لكن شاهين حارببب تعبه وقدر يتخطى تعبه)
شيهانه:القوي
شاهين بابتسامه:الشجاع
شيهانه:طيب شجاعنا ينكسر؟
شاهين بخذلان:شجاعكم وقت الحاجه ماكان موجود
شيهانه كانت تطالع في اخوها الي كان جد ندمان ومتحسف.
وزعو الماء واتجهو للمستشفى عند ابوهم .
دخلو الغرفه وفتحت الشباك وجلسو عند ابوهم
.......
العصر بعد الصلاه في بيت الجد محمد كان توه يبدأ العزاء(يعيشون حزنهم بعد كثرت الناس).
كلن هادي وسرحان بالله
خالد:ابوي شرايك اليوم نمرح عند البل.
الجد محمد:وين نمرح مافي مكان عندها
خالد:عادي ناخذ فرش من هنا وننام فالخلاء الدار ضاقت يابوي.
سامي:رأيك في محله
لافي وفي حضنه سهيل:شاهين وينه؟
محمد:طلع مع شيهانه بس مادري وين
سامي:الله يصبرهم يارب ويكون في عونهم.
الجد محمد:يالله قومو الحريم بعد بيروحون بس للمزرعه .
قامو والجد محمد أعلن الخبر انهم بيرحون للمزرعه(تراها قريبه من عند بيتهم بس يغيرون جو الحزن ).
مها كان بطنها يوجعها مرهه لكن كانت تتحمل .
نوره دخلت على مها:يالله يامها عمي يقول بنروح للمزرعه.
مها:وقت مزرعه الحين؟
دخل محمد وحضن مها(امه من الرضاعه):وقته بس قومي بدلي وخلينا نغير جو.
مها بغصه:اي جو وبنتي مالها اسبوع ميته
محمد قبل رأس مها:شيوخ تبي الدعاء منس بسس تدرين لو تشوف دموعس هاذي ان تزعل .
مها قامت واستغفرت الله خذت نفس:طيب خلاص ببدل واجي .
..........
في المزرعه بعد ماخذو الأغراض الي يحتاجونهااا
محد كان رايق يطلع لكن عشان مها تغير جو طلعن الحريم.
الجد ساره:هاذي الجلسه الزينه
سميه:اي والله ياعمهه
الجده منيره:يانوره مها وين؟
نوره:عن مهرة شيخه
ريم بحزن:الله يرحم راعيتها
نور تحبس دمعتها:امين يارب
رنا كانت اول مره تتكلم رنا بعد موت شيخه:ياجده شيهانه وين؟
طالعو فيها الحريم بكل حزن لأنها صدق تأثرت بموت شيخه رفيقتها واختها.
شيهانه دخلت هي واخوها:وراك يروحيي
لفت رنا بدموع وقامت متجهه لشيهانه أمسكت يدها شيهانه وراحت لمهرة اختها
فتحت البادوك ودخلت مع رنا سرجت المهره وركبت رنا ثم ركبت وطلعت خارج سور المزرعه تحت أنظار الكل وصدمتهم.
..........
خارج حدود المزرعه بعد وقت طويل على ظهر الخيل نزلت ونزلت رنا
وجلسو على التربه .
شيهانه:وش كنتي تبين مني؟
رنا بدموع:انا تحلمت في شيخه
شيهانه صدت ماتبي توضح دموعها وبصوت مليان غصه:وش؟
رنا:كانت تلعب في مكان أخضر وتقول انا بخير لاتحزنون عليي(و بكت رنا).
شيهانه حضنت رنا وقامت تنهمر دموعها:ليش الدموعع طيببب شفتي تقول انها بخيرر .
رنا:اشتقت لها مرهه
شيهانه:وانا اشتقت لها مره لكن كل ماشتقت لها تدرين وش أسوي
رنا وهي تمسح دموعها:وش
شيهانه:ارفع يدي لسماء وأدعي لها
رنا:تعرف اني دعيت لها؟
شيهانه:اكيد تعرف الملائكه تجي لها وتقول ترا اختك رنا اليوم دعت لكك
رنا رفعت يدها للسماء:يارب دخل شيخه الجنه يارب اسعدها يارب خلها تجي لي دايم اذا نمت.
شيهانه رفعت يدها:يارببب وانا بعد ابيها تجي لي فالحلم.
رجعو للمزرعه والمهره ماسكتها شيهانه .
رنا كانت مبسوطه عكس يم كانت موجوده معهم
دخلت المهره فالبادوك وجت عند امها الي كانت صدق تعبانه.
شيهانه:قليبي وش فيس؟
مها:مافيني شي ياروح امس
شيهانه:متأكده
مها ماقدرت تكمل كلمتها وطاحت ماسكه بطنها تصارخ بوجع شيهانه ارتبكت ماعرفت وش تسويي قامت تصارخ:شاااااهيييينننننن
جو الرجال على صوت شيهانه وشالو مها الي كانت تصارخ بوجع وراحو للمستشفى.
............
في المستشفى كانت الدكتوره تحت تأثير الصدمه.
مها بوجع:وش يادكتوره؟
الدكتوره:تدرين وشفيك؟
مها:لا
الدكتوره:الجنين المويه قليله مره عنده ويمكن اذا استمريتي على حالك هاذا يموت
مها:حالي كيف؟
الدكتوره:انك ما تأكلين يامهااا اذا ما أكلتي الجنين يتغذى على ايش؟
مها:بس انا ماقدر اتقبل الاكل حدي بس مويه الباقي ماقدر
الدكتوره:مها ياروحي اقول فيه خطر على الجنين.
مها:طيب ان شاءالله
طلعت مها وشيهانه الي كانت تحت تأثير الصدمه:يمه صدق؟
مها :وش ؟
شيهانه بغصه:ماتاكلين شي
مها:والله يابنيتي ماقدرر
الجد محمد:عسى ماشر يابنتيي وش فيسس؟
مها:الجنين نقصت عليه المويه بس
الجد محمد :الحين انتي بخير؟
مها:ايه ياعمي عطوني اعلاجاتي والحمدالله
راحت زارت قسم زوجها تطمنت عليه هي والأهل ثم ارجعو.
.........
في المزرعه شبو النار ومدو الفرش الحريم ونامو الا شيهانه .
عند الرجال الي نامو بالمزرعه كان كل واحد يهوجس بعد صراع طويل في التفكير نامو .
شيهانه قامت وقعدت تتمشى فالمزرعه تفكر .
جت ريم من خلفها وحضنتها لوهله فز قلبها حسبته عقاب لفت على ريم وخاب ظنها.
ريم:مافيك نوم؟
شيهانه:ماقدر انام يا الريم
ريم:ليش؟
شيهانه:مدري
جاء محمد:وش تسون؟
ريم:نتمشى شيهانه مافيها نوم
محمد:افااا ياشوشتييي ليشش مافيس نوم؟
شيهانه:حميد ماني رايقه لمزحك
محمد دخل خواته في حضنه:طيب طيب يالنفسيه ليش مافيس نوم
شيهانه بدموع:اخاف اتحلم في شيخه
ريم استغربت لكن محمد فهمها وحضنها:شيخه يوم توفت ماكانت عتبانه عليس
شيهانه:وش دراك انت
محمد:نعنبو حيس البنت تصارع تعبها وتقول لاتعلمون شيهانه وشاهين بيزعلون بالله هاذي بتكون عتبانه عليس؟
ريم بكت يم فهمت الموضوع .
شيهانه:بس اخاف يامحمد تجبني وهي زعلانه
محمد خذاهم واتجه لمها:يمه
مها:هاه
محمد:نومي شيهانه في حضنس
شيهانه:ياحيوان تصحي امي وهي تعبانه
مها ابتسمت وسحبت شيهانه وريم ينامون معها
شيهانه حضنت أمها وقعدت تبكييي
وكانو الي حولها يسمعون بكاها لكن محد تجرأ يقوم لها.
.............
في احد صحاري الشمال كان جالس وشاب نارهه كان فاتح جواله يشوف مقاطعها الي ارسلتها له ورد (يوم العشاء)
اتصل جواله وخرب عليه :نعم
نايف:صدر الأمر ياعقاب
عقاب:وش الأمر؟
نايف:تم فصلك تأديبي لمدة 3شهور
عقاب:طيب شي ثاني؟
نايف:ياعقاب والله وقتها ماكان عندي الا ذي الطريقه
عقاب:طريقتك هاذي وش ذنبي انا فيهاا
نايف:كم مره قلت لك مشاعرك الشخصيه لاتدخل في مهنتكك.
عقاب سكر في وجهه
في يوم المهمه بعد ماطلع عقاب ووصى عناد
نايف:وينك فيهه
عقاب:متجه له العساكر حاوطو المكان
نايف:ايهه حاطو بيت عمه بس هو في الشمال
عقاب:مستحيل مستحيل يانايففف المهم انا جاييي
للرياض والسياره الي فالشمال بيحاطوها نياف وسعود.
نايف:طيب انت قفل جوالك عشان مايتتبعوك
عقاب:طيببب
وصل للرياض بعد 4ساعات كان مو مهتم اذا مات من السرعه اهم شي يقبض عليه
اتجه علطول لبيت التأجر خلف بن سلطان الي كان مليان عسكر .
فتح جواله وشاف كم الرسال لكن مو منتبه لهم دق على نياف.
عقاب:السياره مين فيها؟
نياف:احد رجال أدهم عشان يشتتونا
عقاب:زين انت وين؟
نياف:في الشمال
عقاب:اتجه لبيتي واحرسه من برا لين مارجع يانياف
نياف:ابشر ياطويل العمر
سكر ولبس الحمايه وضبط سلاحه ونزل متجهه للعسكر.
عقاب:يالله تأهبو
هادي:ياطويل العمر أدهم مو داخل
عقاب:داخل ياهادي
سند:وش الي يخليك متاكد؟
عقاب:اعرف بس استعدو انتم
استعدو العسكر وتمت المداهمه وكل واحد اتخذ مكانه وبدت المداهمه.
دخلو وكان المكان مأمن حراس من رجال أدهم ومعه خلف.
عقاب كانت وجهته شخص واحد وهو أدهم
بدا الرمي يعتلا صوته وفيه اصابات كثيره لكن اهم شي تنجح الخطه.
سند:عقاببب خلك معنااا لاتروح لحالك
عقاب:بينحاش الجرذيي زي قبللل ياسند اذا مامسكته
هادي:كلنا مع بعض ياعقاب
عقاب دخل وماهتم لكلامهم ولحقه مؤيد
كان زي ماقال عقاب خلف وادهم يبون ينحاشون اطلق على كتف خلف وطاح على الأرض أدهم اخذ سلاحه واطلق على ساق عقاب وطاح دخل مؤيد
وادهم جاء بيطلق عليه لكن عقاب رغم إصابته اطلق عليه رصاصتين وحده بساقه و وحده بيده وطاح أدهم قام عقاب رغم وجعه كلبش أدهم.
أدهم:لاتحسب انك فزت علييي
عقاب:لا يا أدهم فوزي عليك وقت قص رقبتك .
طاح عقاب ماقدر يقوم من الألم
اتجه له مؤيد:عقاااابببببب
عقاب كان يطالع مبتسم وبداء يفقد الوعي تدريجي واخيرا اخيرااا شيهانه بترتاح من كوابيسهااا.
بعد يوم كامل صحى عقاب وهو كان منوم فالمستشفى تحت حماية العسكر.
دخل الدكتور على عقاب:بدأ يستعد وعيه
نايف اتجه لعقاب :عقابب تسمعنييي
عقاب كان يطالع بالي حوله ويحس كل جسمه متكسر
الدكتور:عقاب اذا تسمع غمض عينك مره
عقاب سوى نفس ماقال الدكتور.
الدكتور:خلوه يرتاح ياشباب لين مايستعيد قوته شوي.
بعد ساعه بدأ عقاب يقدر يتكلم
دخل الدكتور:عقاب اول شي حمدالله على السلامه خسرت دم واجد من سبب الاصابه حاب اقول لك عندي لك خبرين واحد زين وواحد شين
عقاب:الثاني
الدكتور:يعني ابدا بالشين اول شي عمليتك استمرت ١٤ ساعه الرصاصه كانت مخترقه عصب وللأسف العصب هاذا بتعاني لمدة شهور ويمكن سنين بالمشي وراح تتعطل اشياء كثيره بحياتك بسبب الاصابه. .
عقاب:الأول
الدكتور:الأول الحمدالله انك لحد الحين باقي حي لان اصابتك خطيره .
دخل نايف :حمدالله على السلامه
عقاب :الله يسلمك
نايف بعد وقت طويل تكلم:عقاب انا سويت شي بدون اذنك
عقاب:وش؟
نايف:يم المداهمه اتصل عمي سليمان علي لأنك ماكنت ترد عليه يقول ان اخت شيهانه جتها جلطه وانه يبيها تسافر لختها .
عقاب:وشيهانه راحت لاختهاا نايف شيخه طيبه صح؟
نايف:اسمعني بالأول
كمل نايف:انا قلت اني بتصل عليك من اللاسلكي بس انت وقتها كنت فالمداهمه فا ماجاوبتني
عقاب بقل صبر:الزبده يانايفف وش؟
نايف:اتصلت على عمي وقلت انك تقول لاتروح البنت .
بس اخت البنت ماتت ياعقاب.
عقاب بغضب:انتتت تعرفففف اني بوافقققق اصلن وانت ماكلمتنيي باللاسلكيييييي
نايف:بس ياعقاب وقتها انا شفت ان التصرف هاذا صح
عقاب:مينن انتتتتت اناا زوجها انااا الي اقررر مو انتتت يانايفففف
نايف:عقابببب انت تعرف ان زواجك عشان تحميها وانت الحين قبضت على الرجال وانت مهدد بالفصل بسبب تسرعك واطلاقك النار .
عقاب:مالكككك دخللل يانايففف لو احرق نفسيي مالكك دخلللل .
نايف:انتتتت متسرعع وقتها راح تفكر في مشاعرك حتى يمكن تترك المداهمه وتروح لهااا ياعقاب
عقاب ماتحمل ونسى وجعه وقام لنايف يضرب بكل غضبب ونايف ماقصر كان يرد الضرب لعقاب .
عقاب بصوت مخيف:انتتتت ماتدرييي وش جنيت علي بفعلتككك هاذييييييي
دخلو العساكر وكانو منصدمين فرقو بين عقاب ونايف وجلس عقاب على السرير يصارخ بوجع جو الممرضين والدكاترهه منصدمين.
عقاب رفض انه يجلس دقيقه زياده بالمستشفى وقع على ورقه إخلاء مسؤوليه من المستشفى واتجه علطول للديره يتطمن على محبوبتهه.).
تهد من تذكر دق جواله .
خالد:السلام عليكم
عقاب:هلا وعليكم السلام امر؟
خالد:انا عند بيتكم ابي صقر البنت مو من ضمن الأغراض؟
عقاب:انت عندنا؟؟
خالد:ايهه عندكم
عقاب:خلك جاي الحين .
............
في بيت الشيخ مساعد خالد كانت عنده رحلة طياران في حايل واتصل عليه لافي يذكره باغؤاض شيهانه .
وصل لبيت الشيخ مساعد وصادفه سليمان ولد مها
سليمان:يامرحبا بالضيف .
خالد ابتسم للكائن الصغير الي يرحب فيه وشاله:البقى مين انت؟
سليمان:سليمان بن سالم ال***
خالد:ونعم ياسليمان انا اسمي خالد بن محمد
خالد: ياسليمان تعرف بين عقاب بن سلميان؟
سليمان:ايه هاذا ابوي
خالد بصدمه:ابوك سالم كيف عقاب ابوك؟
سليمان ضحك ببرائه:انا ولد عمته بس هو ابوي بنفس الوقت امي تقوله .
خالد صدع راسه الولد مافهم شي:طيب رح ناده لي .
سليمان:مو هينا .
طلعت مها بخوفف لولدها والرجال الي شايله ومعطيها مقفاه.
مها:سالمممممممم كم مره قلت لاتقرب الولددد لك وجه تجييي؟؟؟؟
خالد لف وبصدمه ومها وقفت بصدمه يطالعون في بعض.
سليمان:ماما هاذا خالدد مو بابا
خالد صد وهو وجاء بيطلع وهو شايل سلميان
مها جت بترجع بخوف وتذكرت ولدها:ولدييي خلهه.
خالد نزل الولد الي انصدم انه نساه ومانزله وطلع .
سليمان :ياماما هاذا عم شيهانه يبي اغراضها.
مها بفشله:حسبي الله عليك ياسالم
راحت خذت اغراض شيهانه الي جمعها عقاب بالشنطه وطبعت حطتها عند الباب واتجه خالد يبي ياخذها.
خالد:العذر والسموحه منس
مها بكل رسميه:ماصار شي
اتجه لسيارته وتذكر الحر واتصل على عقاب .
وصل عقاب وفي يده الحر:يامرحبا بخالد .
خالد:تبقى ياولد سليمان
عقاب:بتمشيي؟؟؟
خالد:اي والله عندي طياره
عقاب:العشاء على الاقل ياولدد
خالد:المعذره منكك لكن عندي طياره لازم الحق عليها واسلم السياره ذي .
عقاب:جيت هاذي ماتحسب المره الثانيه والله مافكك
خالد ضحك:طيب ابشرر
وراح
مرت الايام والاسابيع والشهور و الوضع زي ماهو.
...........
بعد مرور شهرين تحديدا في أخر ايام شهر الخير
الجده ساره:يابنتيييي ماعاد باقي شي على الأذان وين شيهانههه؟؟؟
مها بقل حيله وهي عجزت في بنتها:عند شيخهه ياعمهه
سميه وهي تحط الفطاير:خليها ياعمهه على راحتها
دخل شاهين:ياولد
مها:تعال يمه تغطو البنات
شاهين:تقبل الله
الجده منيره:من ومنككك رح جيب اختككك انهبلتتت الناس صيام وهي عند شيخه .
شاهين ابتسم في وجع:ادعو لشيوخ بالرحمه
وطلع لاخته
........
عند شيهانه كانت فاتح ابواب المزرعه بعد ماسرجت شيخه(مهرة شيخه الي جابها عبدالعزيز) وانطلقت في خيلها.
كان يشوف اخته من بعيد وهو عارف كمية الوجع الي هي فيه :شيهانهههه
شيهانه وهي تدرب شيخه:لبيهه
شاهين:مايصير ياخوس تركبينها وانتي صايمه بتدوخينن.
شيهانه:وديت كراتين الماء؟
شاهين:ايه توني جاي
شيهانه:والعيال وينهم؟
شاهين:داخل ترا مافي الا انتي الي مو موجوده
شيهانه ابتسمت بوجع:وابوي وشيخه .
شاهين وقف قدام الفرس الي جفلت وشيهانه قدرت تتحكم فيها:شاهيييننن وجععع
شاهين:والله الي تغيرتيي بالله كيف صرتي ماعاد تخافين؟
شيهانه:الشمال تغير الواحد ياشاهين
نزلت من الفرس ودخلت للبادوك وطلعت
شاهين: ماكانت تعبانه؟
شيهانه:الا شيخه كانت تعبانه بس عطيتها الابره والحمدالله كنها اشوى.
إذن المغرب ودخلو يفطرون .
كان الكل في الحديقه الخلفيه مجتمعين يفطرون على سفره وحده.
.......
قبل وقت أذان العشاء بدقايق
مها:شيهانه وش تسوين؟
شيهانه:ولا شي يمه أمري ؟
مها:سميه تبيس فوق روحي لها
شيهانه:ابشري
طلعت شيهانه عند سميه
شيهانه:السلام عليكم
سميه ولافي:وعليكم السلام
شيهانه:اوههه شعندكممم تنادونييي
سميه:ايه تعالي اجلسي معنا بس
شيهانه:بدون ماتقولين الحلاء يخلي الواحد يجلس غصب
لافي:اي والله تسلم يدها
سميه:بالعافيهه
لافي:الله يعافيس
شيهانه:الحين تنادوني عشان كل واحد يستحي من الثاني؟
لافي ضحك:ليتس تلتزمين الصمت ولا تقطعين حديث الاحبه
شيهانه:طيب الأحبه البنات وينهم؟
سميه:بيجون
دخلت ريم ونور ورنا
شيهانه:يامرحباااااا بالغالياتتت
نور:اقول اسكتييي بعد مازرطتي الحلاء ترحبين ؟
شيهانه:إتهامات باطلههه
رنا:والصحن الي قدامك هاذا وش؟
شيهانه وهي تطالع في سهيل الي مفتوح مهاده يلعب بيده:سهيلل الي ماكله .
لافي:اقوللل اعلوم بنات سعود
البنات جلسو وسميه تقهويهن
ريم:ابد على ماتسر خاطرك
بعد صمت
رنا:اعلوم ابو سهيل
لافي بضحك:شكلها توها تصحصح
شيهانه:دامنا عبينا بطونا بالحلاء وشرايكم نطلع ناخذ فره بالسياره .
البنات بحماس:ايييهههه ياعميي نبييي
سميه:اي والله من زمانننن على مطلاع الليل
لافي يطالع بساعته:طيب الاذان مابقى شي عليه
شيهانه:بعد الصلاه نطلع عادي
لافي:خلاص ابشرن .
........
بعد صلاة العشاء والتراويح كانو الحريم توهم راجعين من المسجد .
الجده منيره:ياماشاءالله ياقراءة الشيخ اليوم
الجده ساره:اي والله بس انه طول بالقراءه ركبي توجعني.
مها:اي والله اتعبنييي وانا واقفه
نوره:تبون اجيب الفطور الثاني(الشربه والكريمه او الجلي).
الجده ساره:اي والله يابنيتيييي
اتصلت فاطمه على امها
الجده ساره:يامرحباااا والله بالغاليه
فاطمه:يمه وينك فيه؟
الجده ساره:ابد توني راجعه من المسجد وانوري تجيب الشربه وانتي اعلومس واعلوم بناتيي؟
دخلت حصه وساره لجدتهمم:بنايتسسس اشتاقن لسس
قامت الجده ساره ومنيره بصدمه:يامرحبااا والله
فاطمه اتجهت لامها تحضنها:العيد هاذا حنا معكم فيهه
الجده ساره:والله ان العيد عيدين دامكم فيهه الا العيال وين؟
فاطمه:شاهين برا مسكهمم
واتجهت لعمتها تسلم عليها ثم لمها ونوره .
...........
في سيارة لافي(سميه بحضنها سهيل بالخلف شيهانه وريم ونور ورنا.)
شيهانه:ياعمييي بالله البقاله ابي ايسكريم
لافي:ابشري بعزكككك
وقف عند البقاله:هاه يابنات تبون شي؟
البنات:ايه اكيد نبي ايسكريم مع شيهانه بس شكل لنا .
لافي:وسهيل؟
سميه:لا بس امه تبي
لافي:امه نعرف وش تبيي
واتجه للبقاله .
نزل للبقاله واخذ الأغراض وهو عند المحاسب اتصل عليه شخص عزيز على قلبه .
لافي:يامرحباااا بهالصوتتت
عقاب:البقى يابو سهيل
لافي:وينك غايب عنييي لاتصال ولا رساله؟
عقاب:والله اليومين هاذي كنت عند الحلال نايم ومافيه أبراج.
لافي اخذ اغراضه واتجه للسياره:ايه اعلومك
عقاب:ابد على حطت يدك
لافي ركب السياره وعطى سميه الاغراض:ياولد عندك صوت وشوشه وينك فيه؟
عقاب:بالسياره
شيهانه بصوت عالي:سميههه هاذا مو ايسكريمييي؟؟
سميه رمت الكيس عليهن:خذييه وطلعيه بس لاتصارخين راسي مصدع
عقاب فز قلبه على صوتها وسكت يتسمع لها ويبتسم.
لافي:عقاببب وين رحتت؟
شيهانه فز قلبها على طاري اسمه .
عقاب:معك معككك
لافي:صوتك مو عاجبنييي تعبان انت؟
عقاب:لا والله هاذا صوتي
لافي:اجل خاطرك فيه شيي؟
عقاب:شنوحككك انتتت مافيني شي والله
لافي:يوههه شنوحككك ياولد والله أني مشتاق لك بالحيللل
عقاب:أجل ننهج يم النفود؟ نغيب ٣ ايام عن الاهل
لافي:اي بالله عاد والله تبي الصدق الخاطر ضايق
عقاب:أجل تجهز الايام ذي تعال يمي
لافي:انت تعال يمنا
عقاب بحده:لافييي
لافي فهم عليه:الا رحت للدكتور وش قال؟
عقاب:نفس الموال مافي شي جديد اتكي على عصاء امشي.
لافي:معليهههه بترجع احسن من قبل بس انت اصبر
عقاب:يالله يالافي طولت عليك تامر على شي
لافي:ايهه لاتقطععع واتصلللل علييي بسس
عقاب ضحك:تامر امر يابو سهيل .
وسكر.
.............
وصلو للبيت ودخلو السياره كانت شيهانه مو يم الطريق ولا الي بسياره من بعد المكالمه تهيضت مشاعر كانت كابتتها بالقوه .
شاهين انتبه لخته الي تمشي ضايعه:شيهانه؟
شيهانه لفت عليه:هلا
شاهين:علامس؟
شيهانه:مافيني شي
محمد:تعالي معنا على الدكه
شيهانه جت جلست معهم:وشعندكمم
شاهين:ابد نسمع علوم احد الحبيبه
شيهانه لفت بصدمه على محمد:تحببببب؟؟؟
محمد بتصريفه:لاا مو انااا
شاهين:في احد بالجلسه غيرك يحب؟
محمد:ايه انت
شاهين:تعقبببب
محمد:والبنت اليي خلف**
كبت شاهين فمه
شيهانه:الي خلف شيهانه يوم العزاء
لفو عليها محمد وشاهين بصدمه:كيف تعرفين؟
شيهانه:تراني توأمك اذا ناسيي اكثر من يعرفك انااا
محمد تنهد براحه:حمدالله ماعندي توام
شيهانه:وانت انطقق اذا صامل
محمد:صامللل على الحراممم لكن ماقدررر
شيهانه:وش عذركك؟
محمد يطالع في يده:هاذي الي حتى وقفت جامعتي
شيهانه:اذا عن تخصصك لاتكذب ماكنت تبيه بس عشان عمي وافقت.
محمد:يهيب ذي مايخفى عنها شيي
شيهانه:البنت منهي؟
محمد:غزيل
شيهانه ابتسمت:من يوم البقاله؟
محمد ابتسم:من يومها
شيهانه:بسالها وان كانها تحبك من ماتحبها بتقدم؟
محمد:اي والله أني ابقدمم
شيهانه:وانت ياشاهين امرك
شاهين:ليشش؟؟؟
شيهانه: اول شي وأهم شي البنت اخت عقاب ثاني شي البنت اكبر منك .
شاهين:اذا عن العمر كم سنه
شيهانه:سنتين
شاهين:بسيطه واذا عن اخوها عقاب رجال
شيهانه قامت:لاتغرك المظاهر.
جاء عبدالله الي كان عمره 22 وتغطت شيهانه :يامرحبا ببنت الخال
شيهانه:تبقى ياولد العمه
عبدالله:كيف الحال عساك طيبه؟
شيهانه:ابد نحمدالله انتم متى وصلتو؟
عبدالله:قبل نص ساعه
شيهانه:اجل بقوم اسلم على عمتي
وراحت داخل البيت.
...............
في الشمال كان عناد يسوق وجنبه اخوه وبالخلف ورد
عناد:ايه وين تبون الوجهه
عقاب:ورد تبي كوفي
ورد:اي ابيي كوفيي من زمان ماطلعنا له
عناد:طيب ابشريي يعني الوجهه لحايل
عقاب كان يدور فالاغاني:عنادد اغنيتي وين؟
عناد قعد يدور مع اخوه:ايهه هاذي هيي
عقاب رفع الصوت وقعد يغني معه بصوته الثقيل(صوته عادي بس تعرفون الصوت الي فيه بحه وثقيل👍🏻).
...
ياخلى القلب قلبي لك وديع
امر امرك ياهوى البال يطاع
صورته وهو حاط يده على عصاته ومندمج بالاغنيه
..
حبنا يانور عيني لايضيع
احفظه حتى يلم بنا اجتماع
..
اشتري حبك ولكن ماتبيع
كيف تنهي عشرة العمر بضياع
..
ونزلت سناب
عناد:يوهه يالاغنيهه
عقاب ابتسم:اي بالله يوهه
ورد:عناد بالله افتح الدريشه خل يدخل هواء
فتح الشباك ودخل الهواء وسرى عقاب بهواجيسه .
............
في الحديقه كانت الجده ساره مسويه عشاء بين العايله على وصول بنتها.
الجد محمد:يابنتي رجلس وينه؟
فاطمه:الي جابني عبدالرحمن.
سعود:والله ان العيد عيدين دامس فيه
فاطمه:والله يالسعد ان العيد هو شوفت اهلي وهم حولي .
الكلمه وقعها في قلب الجد محمد كانت غير تكدر خاطره من تذكرفعلته مع بنته وهو السبب الاساسي في غيابها عن أهلها .
خالد:لافي النتفه وينه؟
لافي:نايم فوق
سامي:يوهه يافاطمه لو تشوفه بس حركه مثل ابوه
فاطمه:وهو توه ما حباء؟؟
خالد:اي والله هاذا وهو توه ما حباء
الجده منيره:حدكممم عن حفيدييي
الجده ساره طالعت في بنتها وقعدت تمسح في شعرها
فاطمه طالعت في امها الي كانت تكبت دمعتها ماقدرت تتحمل وبكت.
ريم لاحظت الجو كل ماله يضيق طالعت في شيهانه وفهمت عليها شيهانه:بنات شرايكم نروح فوق؟
ساره:يالله بس نبي شاهي من يدكك
محمد وهو قايم:اي والله نبي
شيهانه:قلت بنات اذا ماتسمع
شاهين وهو قد تعدى الدرج:بس السالفه فيها شاهي اذا نسيتي
الجد محمد:خلوو بناتي على راحتهممممم
حصه طالعت في ساره وابتسمت انتبهت لهم شيهانه وحضنتهم من وراء:بناتنا غاليات
ساره مسحت دمعتها اول مره تجرب شعور الاهل والجمعه هي واختها.
عبدالله:انا مدعو معكم؟
ريم:الشكوى لله دام حميد والثاني الي معه فوق تعال
شاهين:الدحميييي
عبدالرحمن:سمم
شاهين:تعال شفيك جالس؟
عبدالرحمن قام واتجه لهم:اخاف امي تحتاج شي
محمد:شف عماني كيف محاوطينها ماراح تحتاج شي.
.........
(البنات بالجلال والغطوه جالسات)
في السطح بعد ماشب شاهين النار والعيال ضبطوا الجلسه جت شيهانه وهي شايله الابريق:امسكه
شاهين:ترا في احد أصغر مني بالجلسه.
شيهانه:عبدالله توه واصل وتبي تكرفهه؟
شاهين قعد يصب للعيال وللبنات بأمر شيهانه.
محمد:شرايكم نلعب بلوت؟
عبدالرحمن طلعها من جيبه:ابد تم
تجمعو العيال وقعدو يلعبون بلوت والبنات كانو يسولفون.
الا رنا مافي احد بعمرها فاكانت على الجوال .
حصه:رغم اننا بداية الصيف لكن جو الديره بردد
ريم:ايه بالليل تهب علينا برادد
ساره:شيهانه تسلم يدكك على الشاهيي
عبدالرحمن:اي والله الشاهي حقس يعدل الراس
محمد:اقول لاتصرف وحط ورقتكك
عبدالرحمن:يعني مافد معكك
نور:ساره شوفي القلاده هاذي كيفف
ساره:الله خيالللل بس حراممم سعرهااا
نور:افف ليش دايم الأشياء الحلوه غاليهه
ريم:بدينا يابنات
حصه:كل وحده ولقت الي على جوها
اتصلت مها على شيهانه تقول انه وقت العشاء تعالو .
علمت البنات والعيال وقامو يتعشون تحت ومنها سحور لهم.
................
بعد العشاء راحت شيهانه لغرفتها وسكرت الباب تبي تنام
بعد ماصلت التهجد وقراءة القرآن(كانت تبي تختمه) ودعت لابوها واختها .
انسدحت على سريرها واخذت جوالها تشوف السنابات.
بدت تشوف السنابات لين استوقفتها سنابه كانت غير عن كل السنابات كانت رساله من عقاب على شكل اغنيه قعدت تعيد فيديو الي يغني فيه لين نامت وهي تتذكر شكله .
..............
اليوم الثاني تحديدا يعد صلاة الظهر .
الجد محمد:يوهه ياسرع الايام امس كنا داخلين رمضان والحين باقي 3ايام بس على العيد
محمد:يمكن مو مكتمل الشهر ياجدي
الجد محمد:الله اعلم
عبدالرحمن:الا ياجدي ماراح نزور خالي عبدالعزيز؟
الجد محمد:الا بنزوره كلنا اليوم مبطي ماجيته
عبدالله:واخيرا بشوف العز
شاهين:ماقد شفت ابوي؟
عبدالله:الا صور قديمه يم كان صغير يم جينا قبل شهرين تخبر مشينا علطول .
سعود:اجل قومو يالله نتجه للعز نتطمن عليه.
خالد:يالله انا بشغل السياره اجل
سامي:وانا بعد بشغل سيارتي.
طلع شاهين يبلغ أهل البيت انهم متجهين للمستشفى.
.............
فالمستشفى وصلو ودخلو للغرفه وكان عبدالعزيز على حاله في سبات عميق .
اتجهت له فاطمه وهي تبكي قبلة رأسه وحضنت اخوها .
اتجهو عيالها وبناتها مثلها .
عبدالله:ماشاءالله تبارك الله هاذا وهو نايم كله هيبه اجل وهو صاحي كيف؟؟
شاهين ابتسم:قائدنا مو بسيط.
شيهانه اتجهت لابوها سلمت عليه واتجه اخوها له بعد
ثم الأخوان والبنات والجده والجد .
بعد ماشافوا عبدالعزيز وتطمنو على حالته طلعو الا شيهانه وشاهين ومها جلسو عند عبدالعزيز.
مها وهي تسمح وجه زوجها بالماء .
شاهين:تخيلو يفتح عيونه الحين
شيهانه ابتسمت:الله يسمع منكك
قامت مها تغير المويه واتجهت للحمام وشاهين جاه اتصال وطلع يكلم .
شيهانه كانت تطالع في ابوها بكل حزن اتجهت له وحطت رأسها على صدره يده رفعتها لراسها وقعدت تبكي(كانت كل ماجت لابوها تسوي كذا ) .
فتح عيونه يحس بوجع مو طبيعي كان كل عظامه متكسره انتبه لراسها وشهقاته المرتفعه مسح على رأسها
عبدالعزيز صوت مهلوك تعب:شيهانه
شيهانه لفت على بصدمه مو مصدقه وببكى لانهائي:ابوييييييييي
عبدالعزيز ابتسم لها.
شيهانه بصراخ وبكى احضنته:ابويييييييي
دخل شاهين:صوتك طالت برا ابوي شفيه ؟؟
انتبه لأبوه الي يطالع في ومبتسم اتجه له وهو يدمع وحضنه:ابوووووويييي
مها طلعت من الحمام المويه في يدها:شفيه عبدالعزيز؟
شافته يطالع فيها ومبتسم رمت المويه بصدمه واتجهت له تبكييي وحضنته:عبدالعززيييييييززززز
ضحك عليهممم بتعبب:وين شيوخهه هي الي ناقصه المكان
بكت شيهانه وهي حاضنه ابوها اكثر واكثررر.
..............