Unicode
" သုတမောင်လေး အမတို့ ပြန်တော့မယ်
တစ်ယောက်ထဲ ကျန်ခဲ့လို့ ဖြစ်ရဲ့လား"ကန်သင်းရိုးပေါ်ကနေ သူရှိနေတဲ့ လယ်ကွယ်ဘက်လို့ အမအေးနိုင်က အသံကျယ်ကျယ်ဖြင့် အော်ပြောနေသည်။ ကောင်းကင်မှာ မည်းမှောင်နေပြီး လေပြင်းများလည်းတိုက်နေသည်။ အချိန်အခါမဟုတ် မိုးရွာတော့မည်။
" ဖြစ်တယ်အမ ကျွန်တော်ဒီနားလေးပြီးရင် လိုက်လာမယ်
အမတို့ အရင် ပြန်နှင့်လိုက်လေ "" အေးအေး အဲတာဆို အမတို့ပြန်ပြီနော်
မိုးရွာလာရင် မပြီးလည်း ပြန်ခဲ့နော်"" ဟုတ်ကဲ့ အမ "
နောက်လှည့် လှည့်ကြည့်ဖြင့် ပြန်သွားသော
အမနှစ်ယောက်ကို သုတအကြာကြီးမကြည့်နိုင်ပါ။
မိုးမရွာခင် လက်စသပ်စရာများကို အပြီးလုပ်ရမယ်။————————
" ရန်ကြီး ပြန်ရအောင် မိုးမှောင်ကျလာပြီ ရွာတော့မှာ
ဒိုးလုံးကို ဟိုဘက်တဲက ကိုဓာတ်ရှင်တို့လင်မယားနဲ့
အပ်ခဲ့မယ်လေ"" မင်းပြန်နှင့် ငါ ကိုတိုးမောင် လာတဲ့အထိ
စောင့်လိုက်အုံးမယ် အရီးကအိမ်မှာ တစ်ယောက်ထဲ
ပြန်တော့ "အိမ်မှာ တစ်ယောက်ထဲကျန်ခဲ့သော အမေကို စိတ်ပူသဖြင့်
သာဒင် တစ်ယောက်ထဲသာ ပြန်လာခဲ့သည်။ဒိုးလုံး အဖျားကြီးနေလို့ ကိုတိုးမောင်က
ဆေးဆရာသွားခေါ်သည်။ တောင်နှင့်မြောက် ဆန့်ကျင်ဘက်ဖြစ်နေတဲ့အတွက် ကိုတိုးမောင်က တော်တော်နှင့်ပြန်မလာ။
မိုးရွာလည်းမတတ်နိုင်ပါ။ ကိုတိုးမောင်က ဒိုးလုံးကို ကြည့်ပေးထားဖို့ မှာခဲ့သည်။ သူမျက်နှာလွဲ မလုပ်နိုင်ပါ။" ဆရာ ကြွပါ "
ဆေးဆရာကြီးသည် အိမ်ပေါ်အမြန်တက်လာပြီး
ဖြူရော့နေသော ဒိုးလုံးကို ကြည့်ပေးနေသည်။"ကလေးက အအေးပတ်တာကြောင့်ရယ် နဂိုထဲက
ကိုယ်ခန္ဓာအား နည်းတာကြောင့်ရယ် ပေါင်းဖြစ်သွားတာ
ငါ ၃ရက်စာ ဆေးစပ်ပေးခဲ့မယ် ၀င်အောင်တိုက် "ဆေးဆရာပြန်သွားမှ ရန်ဘုန်းအောင်လည်း အိမ်ပြန်လာခဲ့သည်။
လေပြင်းကြောင့် လမ်းပေါ်တွင် သစ်ကိုင်းအများအပြား။
ခြေလှမ်းတွေကို ၂ဆ မြန်လိုက်ရသည်။ မုန်တိုင်းပါ၀င်တော့မည်နှင့်တူတယ်။