عصبية لبوه

البارت الثاني

السلام عليكم ان شاء الله تكون باحسن حال طبعاً بهذا البارت راح نتعرف على اهواي شخصيات مهم وما اريد اطول عليكم اكثر الذالك هل نبدي 

༺༽✿༼༻༺༽✿༼༻
احمد / قعدت من النوم توضيت وصليت صلات الفجر وقريت سوره من القران الكريم بعده سبحت ولبست ملابسي وطلعت سلمت على الولده وتفطرت وياهم و طلعت رحت الشغل بسيارتي وما مرت دقايق اله وتعبر بنت بتجاه السياره دست على الهورن حتى تنتبه على السياره بس شفته وقعت والحمدالله دست فرامل او وقفت السياره نزلت من السياره بسرعه ولقيته واقع قدامي ومغمى عليه كمت جبت بطل ماي ومسكت راسه وكمت اشوي اجب ماي على وجه حتى تقعد وقلبي خايف لا يكون صارله شيء ابسببي

زينب / فتحت اعيوني ابطى ولقيت واحد اجبير امبين بالعمر يرش على وجهي ماي اول ما استوعبت كمت بعدته ودفعته عني

زينب بعصبيه/ انت منو وليش تلمسني كلي شتريد مني

احمد / بويه علكيفج ما اريد منج شيء بس خو ما تاذيتي الحمدالله ما صارلج شيء

(بعد ما قمت)

زينب بعصبيه/ شنو الي صار (فجاه حسيت بوجع براسي لزمت راسي بقوه)

احمد / شفته دايخه ردت اساعده واكمشه علمود ما توقع بس بعدني ما كامشه وخرت ايدي عنه

زينب بعصبيه/ وخر عني لا عبالك اذا اني دايخه ما اشوف شتسوي لا تحاول تلمسني ابداً

احمد / بويه اهدي مراح اسويلج شيء بس اريد اساعدج

زينب ابرود / ما محتاج مساعده من احد

بعده لاحظت ملابسي مالت المدرسه واذكرت انو اني طلعت من المدرسه بعد ما تعاركت وي المديره وركضت واخر شيء شفته كان ضوء ابيض وسمعت هورن سياره وكته باوعت السيارته كانت سوداء وفخمه وعرفت انو اني قطعت طريقه بدون ما انتبه

احمد / بويه صدكي ما اسويلج شيء انت فاهم الموضوع غلط

زينب ابرود/ امم اوك (ورحت عبرت من يمه امشي بطيء بسبب انو رجلي التوت)

احمد/ بويه خليني اوصلج انت وين بيتج لا تروحين وحدج

زينب (بنظره حاده) / ماكو داعي الك

احمد / براحتج بويه بس رجلج (قاطعته)

زينب / ما بيه شيء (وكملت مشي)

احمد / صعدت السياره واني بالي وي البنت اخاف يصيرله شيء وهي تمشي قمت اناظره من بعيد جانت تمشي على البطيء وباله امبين مشغول بعده ناظرت الساعه ولقيت نفسي متاخر عن الشغل ورحت للبيت واتصلت بيهم واعتذرت منهم وكتلهم ما اقدر اجي اليوم الشغل كالولي عادي لا تعتذر شيخنى وقفلت الاتصال