عصبية لبوه

البارت الحادي عشر

السلام عليكم ورحمه الله وبركاته اشلونكم حبايبي

اسف على التاخير بالنشر بس كان عندي امتحانات وظروف وشكرا على كل من
دعمني وبس لا اطول عليكم هل نبدي

وقبل لا نبداء مثل ما تعودنه

(لا تنسوا صلِ على محمد وال محمد)

༺♡༻༺♡༻༺♡༻
زينب عضيت على شفايفي من كثر العصبيه من كلامه ردت اهجم اعليه لو ما هو اكبر من عندي ضليت ساكت ودنكت راسي وما حجيت طول الطريق وجنت امعصب ودمي يفور من كلام ذاك الشيخ بس اصبرلي يا شيخ هل نوصل للبيت اخليك اطلقني من اول يوم من كثر ما اخبلك انت الي جبته النفسك وتحمل بعد

وصلنه للبيت ونزلت من السياره وعيوني براسي وما اشوفلك غير بيت كدامي امبين اجبير و فخم معقول اني راح اعيش ابهذا البيت الصراحه تعجبت من البيت والمنطقه النظيفه ودخلنه للبيت وامه خواته والنسوان كامن يهلهلان ناقصهن بس رقاصه بالنص وبعده راح الشيخ الديوان وطببوني بالغرفه وكالولي اجهز حالي على ما يجي الشيخ ههه على اساس اني منتظر جيته ميدرون اليوم ليلته الاخيره اوياي اتشوف يا شيخ اشراح يصير بيك وردت انزع البدله وطبت هناء التفت واني مستغراب

زينب باستغراب/ خير اشعندج جايتني

هناء / لا ما عندي شيء بس جبتلج عصير برتقال اشوي ينشطج اخاف تتوترين او تعصبين من شيء العصير يهديج واذا محتاج شيء كليلي لا تترددين

زينب بنزعاج/ ما طلبت منج اجيبلي عصير برتقال بس بما انو جبتي حطي اهنا وطلعي لبرا ما اريد اشوف وجهج بهاي اليله بالذات

هناء / براحتج زينب اني طالع بس لا تنسين تشربي اوكه (وراحت)

زينب / هسى شنو الازم اسوي الازم افكر بهدوء امم اي لكيته بالاول ابدل ملابسي وبعدين انتظر يجي واعصبه حتى يطلقني واني اعرف شنو الراح يعصبه هههه خطه عبقري بس بالاول هل اغير ملابسي

رحت لجنطه فتحته وغيرت ملابسي ولبست بجامه وتشيرت بعده قعدت انتظر الشيخ وشفته اتاخر كلت هل اهدي حالي وشربلي شيء شغلا ما شفت غير العصير كدامي وشربته مره وحده من كثر العطش بعد اشوي حسيت ابدوخه او ونمت على الفراش وما اشوفلك غير الدنيا ضلمت بعيوني وما دريت اشصار بعده

༺♡༻༺♡༻༺♡༻
{نروح الشيخ احمد}

الشيخ احمد بعد ما دخلت زينب للبيت وي النسوان رحت يم الزلم بالديوان وضلينه نضحك ونشاقه لحد ما ابني قالي

جواد/ بويه ما تروح المرتك اشعندك قاعد يمنه تلكاه هسى تريد تتعارك اوياك

الشيخ احمد /ها شنو مليت مني جواد