عصبية لبوه

البارت الاول

السلام عليكم طبعن قررت ابدي بكتابه القصه وان شاء الله تعجبكم

نور / زينب لج زينب اقعدي صار الصبح عندج دوام
زينب / روحي من يمي ما ناقصتج
نور / قومي يلا علمود تاكلين قبل لا تروحين الدوام
زينب / اوك بعد خمس دقايق عود اقعد
نور / ديما تكولين خمس دقايق وتنامين ساعه هفف اني اروح احسلي(وراحت)
زينب / روح بلا رجع ان شاء الله ما يخلون واحد ينام براحته

صحيت من النوم واني اتثاوب مثل العاده يوم عادي ما بيه اي شيء جديد نزلت من الدرج وغسلت وجهي وقعدت اكل وبدت الرزايل تشتغل

ام نوره / قعدتي صارلج ساعه فوك شتسوين فوكه امغسل بس وجه وجاي تاكل حتى اديه صارله شهر ما غاسلتهن

ابو زينب / ليش تاخرت حتى قعدتي اجنتي اتسوين صارلج ساعه لو هم ما تريدين تروحين للمدرسه

زينب ابنفسه / اش هل عائله منجد هم مزعجين حتى ما يخلون الواحد يزقنب براحته

زينب بعصبيه/ اي قعدت متاخر احد عنده مانع ثاني شيء الواحد لمن يصح يسمع صباح الخير مو اشوكت قعدتي واشلون قعدتي ليكون الازم اطيكم تفسير عن حياتي قبل لا اصحى ناس جهلى

ابو زينب بعصبيه / لج زينب طولان السانج انتبه على حجيج الي تحجي قبل لا (قاطعته زينب)

زينب بعصبيه/ قبل لا شنو يا شيخ حسن قول قبل لا تطردني لو تكتلني لو شنو بالضبط

قامت من على السفره وصعدت لفوك بدون ما تلتفت للي يصيح عليه

زينب بغرفته / اني صح ما حب الدوام بس افضل شيء انو اروح للمدرسه هسى ابدال ما ابقى يم اهلي الي استحي اسميهم اهلي بدلت ومشطت ورحت للمدرسه بدون ما اسمع كلام احد طلعت ورحت واني معصبه للمدرسه الي اداوم بيه

༺♡༻༺♡༻༺♡༻

ام نوره / بنتك هاي ما محترم نفسه شوف بنتي اشكد حلوه وحباب وتسمع الكلمه

ابو زينب / بسيط هل تجي للبيت اذا ما اورمه توريم

ام نوره / امبين ما يفيد وياه حتى لحزام مالتك

ابو زينب / روحي نضفي انتي وعوفي شغل زينب عليه

ام نوره / حاضر من عيوني يا بعد قلبي
(وراحت)
༺♡༻༺♡༻༺♡༻
ملاحظه / زينب عمره 15 سنه وهي بالصف الثالث متوسط حالياً

(زينب بالمدرسه)

طبعن مثل العاده متاخر عن الصف وحصلتلي رزاله ثاني من الاستاذه

طبعن اني اقعد اخير رحله بالصف لان ما احب اختلط بالبنات اهواي

زينب بنفسه / اني اكره المدرس منجد اكو اهواي بنات يحجن عن الزواج واشلون راح يخدمن ازواجهن بالمستقبل حتى اكو بنات متزوجات بالفصل يحجن عن حبهم الكبير الازواجهم وانو من دونهم ما يعيشون منجد هذا الشيء سخيف طبعن اني ما عندي غير صديق وحده اسمه فاطمه هي صديقتي الوحيد بالمدرسه غير انو جوه يشبه جوي وعده مشاكل عائلي مثلي الذالك نتشابه تقريبا

{بالفصحه}

༺♡༻༺♡༻༺♡༻
فاطمه / هلا زينب نور الصف بوجودج ليش اتاخرتي اليوم صاير شيء وهم ليش امبين عليج امعصبه

زينب بنفسه / يالهي اشكد مزعج واسالته ما تخلص
زينب / بنورج عيني ما صاير شيء بس اتاخرت بالنوم اشوي

فاطمه / انتي مثلي هه اني هم اتاخر بالنوم كلش
زينب / امم اوكه

ريما / هلا هو انتي اسمج زينب
زينب / اي اكو شيء
ريما / لا بس المدير ودتني عليج وتريدج هسى

فاطمه بخوف / زينب شتريد منج المدير معقول سويتي مصيبه
زينب / لا يمعود يا مصيبه انتي الثاني هسى اشوفه ورجعلج

فاطمه / لا تتاخرين
زينب / ان شاالله

༺♡༻༺♡༻༺♡༻
(عند المديره)

ريما / ست هاي زينب الي كتلي عليه

المديره / زينب تعالي اوكفي قدامي
زينب (بنزعاج)/ نعم ست
المديره / ليش غايب صارلج يومين
زينب / جنت مريض
المديره/ ليش ما طلبتي اجازه غياباتج كثراً عندي
زينب (بنزعاج)/ عود المره الجايه اطلب هسى ممكن اروح

المديره (بصراخ)/ احجي عدل اوياي وباجر جيبي ولي امرج واذا ما جبتي تنطردين من المدرسه مفهوم حجي

زينب بعصبيه / مراح اجيبه ولي تريدون تسوه سوا اصلن اني بعد ما يهمني اذا انطردت لو بقيت بهاي المدرسه الي ما منه فايده

المديره (بصراخ)/ انتي مطروده من المدرسه ومره ثاني ما طبين يا ما متربايه انطردي من يمي وما اريد اشوف وجهج مره ثاني

زينب راحت تركض وطلعت من المدرسه كامله وهي تركض وما تدري وين تروح هي بس تبتعد عن المدرسه من عصبيته وتقول بنفسه كلهم ضدي ما حدا يحبني وبقت تكرر هاي الكلمه بدون ما تنتبه الطريق وبعده ما شافت غير ضوء ابيض وصوت هورن سياره وهذا اخر شيء شافته قبل لا يغمى عليه

༺♡༻༺♡༻༺♡༻
وهاي نهايه البارت الاول للقصه شاركون اراكم ولا تنسون تدعموني حتى استمر وبس باي ❤😊